熱門Ptt文章

[爆卦]西貢甜品黃店是什麼？優點缺點精華區懶人包

雖然這篇西貢甜品黃店鄉民發文沒有被收入到精華區：在西貢甜品黃店這個話題中，我們另外找到其它相關的精選爆讚文章

在 西貢甜品黃店產品中有12篇Facebook貼文，粉絲數超過71的網紅MKbowfoodies，也在其Facebook貼文中提到， ▪️Mixed berry dutch pancakes $65 -black balsam brownie icecream (+$20) ▪️Black truffle crab dip w/ toasts $108 ▪️Latte $40 . Hidden gem in saikung 西...

　同時也有8部Youtube影片，追蹤數超過0的網紅Scarlett To 旅遊玩樂誌，也在其Youtube影片中提到，#香港好去處 #九龍灣 #香港Vlog #美食 #紫薯 #疏乎厘班戟 如果喜歡我的影片? 別忘了訂閱我這YouTube 頻道喔～ 還有 FB , IG & MeWe ～ ? Facebook Page：Scarlett To 旅遊玩樂誌 ▶️ https://www.facebook.c...

「西貢甜品黃店」的推薦目錄

西貢甜品黃店 在 imeatstock我係吃貨??地盤佬食量黑洞? Instagram 的精選貼文

2021-09-03 13:19:21

#黑洞5201314推介💛#黑洞西貢出沒 #1223 Hushush Ice Cream Coffee（👈🏻向左滑睇餐牌） 呢間良心小店喺西貢好出名🔥 主打手工制雪糕🍨 口味特別仲定期轉新款😍 舖頭位置唔多 大家預要等位😉 不過翻枱速度都算快✔️ - 🔸桂花洋槐蜂蜜（$52） 目測見到桂花粒👀 味道...

西貢甜品黃店 在 卡路仔 ℂ???? ??? ? Giveaway 進行中 Instagram 的最佳解答

2021-09-03 13:33:51

🌟平時下午最鍾意同好友去 嘆tea🍵同打卡📸， 要講近期食過味道同賣相最出色嘅， 就一定係帝苑酒店Le Soleil餐廳聯乘本地 優質茶藝品牌Salley’s Garden， 所推出嘅「越式夢幻茶香下午茶」🤗 🌿越式夢幻茶香下午茶($568/2位) 🔸柚子海鮮沙律 🔸香脆西貢春卷 🔸越南脆炸蝦餅 ...

  • MKbowfoodies

    西貢甜品黃店 在 MKbowfoodies Facebook 的最佳解答

    2021-06-28 09:31:43
    有 1 人按讚

    ▪️Mixed berry dutch pancakes $65
    -black balsam brownie icecream (+$20)
    ▪️Black truffle crab dip w/ toasts $108 ▪️Latte $40

    .
    Hidden gem in saikung 西貢日系黃店cafe!! 小編很喜歡吃pancake，呢度主打嘅dutch pancakes就啱哂我💕 佢係新鮮熱辣原pan上，好有牛油香，配上mixed berries令味道唔會單一地甜膩，酸酸甜甜咁，減輕一點邪惡感😳 雪糕本身猶豫咗好耐應唔應該加，點知原來真係昇華左成個甜品嘅層次，冰火交融，真係好彩加咗咋😍
    .
    黑松露蟹肉多士都好有驚喜，本身冇expect太多，估唔到黑松露同蟹肉嘅配搭咁match，而且sourdough toast bites真係好好食，外脆內煙韌，烘得恰到好處，唯一complain真係唔夠包點哂啲醬😅😅
    .
    Kachimushi
    📍西貢市場街35號
    .
    🔎 #mkbowfoodies黃店 #mkbowfoodiescoffee #mkbowfoodiescafe #mkbowfoodies西貢
    .
    .
    .
    #hkig #hkfoodie #hkcoffee #coffeegram #coffeeoftheday #coffeeshop #hkcoffeeshop #黃店推介 #hongkongfoodie #foodstagram #likeforlikes #西貢黃店 #西貢美食 #hkig #hkfood #food #hkigfood #eat #hkgirl #hkfoodblogger #香港美食 #食べ物記録 #dutchpancakes #sourdough

  • Vivian Tsang 曾子晴

    西貢甜品黃店 在 Vivian Tsang 曾子晴 Facebook 的精選貼文

    2021-05-01 08:40:39
    有 247 人按讚

    Good Morning Sunshine 西偲☀️☀️
    去咗呢間西貢嘅藍色小屋🛖
    平時經過都唔會有太多人留意得到
    一入到去先發現佢嘅裝修好靚
    啲餐具全部襯晒顏色 好有個性！
    佢最近推出左個$168嘅午市套餐 相當抵食！
    當中包括：前菜、主菜、甜品、雪糕
    仲有飲品 呢個咁抵嘅餐去邊度搵？
    分別有三文魚卷青瓜/藜麥蛋沙拉
    🟧三文魚卷青瓜感覺好清新
    煙三文魚包住青瓜 一啖咬落去
    三文魚鹹鹹地 夾住青瓜食夠爽脆
    🟧藜麥蛋沙拉超級健康 上面係沙律蛋
    配埋一半嘅Superfood藜麥 一齊撈埋去食
    藜麥味道比較寡 加埋沙律
    感覺就唔會難入口🤓

    主菜揀咗：
    🟧白雪公主雞意粉:
    冇諗過個雞扒煎得咁香咁大塊！😍
    仲有啲雞皮 煎得好香脆 雞皮連雞肉食
    Juicy大大啖 確實令人心心眼 回味無窮
    🟧紐西蘭牛牛煎蛋飯(另外加$13)
    賣相非常吸引！一隻荷包蛋伴兩塊漢堡扒
    空運到港嘅紐西蘭牛肉 熟度剛剛好
    煎到8成熟 切開漢堡扒 仍呈現粉嫩狀態
    不會太乾身 加上蛋黃醬及荷包蛋流心蛋黃
    味道好夾 啲白飯但啱啱好
    加埋新鮮生菜做伴碟 仲好新鮮

    🟧自選蛋糕🍰
    蛋糕種類花多眼亂出邊！
    有不同的款式自己可以挑選
    分別揀咗心形芒果熱情果慕絲
    鮮紅色的外表內裏令人着迷的粉紅色
    慕思內還有少許流心效果

    最欣賞佢杯Lime Tonic 店員千叮萬囑
    2分鐘內一定要完成影相打卡🤣🤣
    🟧咖啡湯力的做法是把濃稠的咖啡
    加在湯力水上 呈現分層效果
    但由於咖啡的密度比湯力水高
    所以會出現下沉情況
    建議把握黃金時間 把咖啡拍照留念☕️
    無諗過原來湯力水、青檸同咖啡
    可以有咁完美嘅配搭☺️☺️超滿足
    尤其喺炎炎夏日下 真的令人暑氣全消！
    #sunshine #girl #smile #positive #energy #happy #nice #weather #hiking #outdoor #change #food #coffee #tea #tonic #cake #saikung #hkig #color

  • 有心無默

    西貢甜品黃店 在 有心無默 Facebook 的最讚貼文

    2020-08-09 21:44:38
    有 558 人按讚

    《無異之局》荒村異聞（一）
    　　
    同好多香港人一樣，蘇子儀係一個非常鍾意行郊野公園嘅女仔。每逢放假得閒嘅時候，佢都總會約埋一班朋友周圍走，想喺香港嘅唔同位置留低自己嘅足跡。
    　
    而另一方面，佢亦都對香港行山界嘅都市傳說感到非常有興趣──例如Ocamp行山撞鬼、山魅、西貢結界之類嘅「故事」，佢都幾乎聽到識背。但即使係咁，佢都冇從冇諗過類似嘅事有一日會發生喺自己身上……
    　
    記得當日係十月八日（星期二）。因為正好係大學Day off，所以佢約咗兩位大學朋友即興行山──今次嘅目標係去睇黃竹山廢村。
    　
    「子儀，點解今次會揀呢度嘅？」坐小巴嘅時候，佢嘅其中一個朋友Lois一邊掃Instagram一邊問。
    　
    「係囉，廢村聽落咁得人驚。」坐喺旁邊嘅阿Yan接住講：「平時妳都唔會揀呢啲地方嘅。」
    　
    「吓？妳哋唔覺得好特別咩？一個大城市裡面有個荒廢咗成半個世紀嘅廢村。」子儀笑住回應：「何況妳哋兩個成日話想行短程嘅，呢個咪啱晒囉。」
    　
    「哈哈。」阿Yan聽完乾笑一聲。
    　
    對佢同Lois嚟講，行山最大嘅價值就係影一輯青春健康充滿陽光氣息嘅靚相然後擺上 instagram，本身景點背後有咩意義根本就唔在乎。
    　
    所以當佢哋見到其他人影落嘅相係名乎其實嘅「廢村」，多少係有啲失望……但既然口快快應承咗會嚟，留喺屋企又怕更無聊，結果最後都係選擇出嚟。
    　
    ＝＝＝＝＝＝＝＝＝
    《惡夢島》全集：
    https://www.facebook.com/pg/Echo.of.Heart/photos/?tab=album&album_id=1861298627335278
    　
    《極樂謊園》全集：
    https://www.facebook.com/pg/Echo.of.Heart/photos/?tab=album&album_id=1736011713197304
    　
    【廣告】《無異之初》、《無異之地》各大書局有售！
    ＝＝＝＝＝＝＝＝＝
    　　
    佢哋三個照住網上嘅行程教學，由馬鞍山郊遊徑嘅水泥路開始行，經過昂平然後接上麥理浩徑第四段，再走一段路就轉入茅坪古道。
    　
    「幾時到㗎？」Lois停低落嚟抖氣，平時少做運動嘅佢行到呢度已經上氣唔接下氣。
    　
    「差唔多喇。」子儀望住電話回應，對成日周圍走嘅佢黎講呢段路根本係小兒科，「上面話見到矮牆再行就會有條小橋，過埋條橋就差唔多到。」
    　
    一直行，終於見到教學所指嘅小橋，橋下面係一條清澈嘅小溪。當刻橋上面正好有個年邁嘅伯伯喺度休息緊，等到三個少女行到過去嘅時候，伯伯好奇咁開口問：
    　
    「妳哋係咪想上去黃竹山村呀？」
    　
    「係呀。」子儀禮貌咁點點頭，「伯伯，我想問係咪行呢條路就啱？」
    　
    「冇錯冇錯，」伯伯轉身指向左手邊，「妳哋過完橋轉左就會有條路上去廢村。但要小心啲……條路本來就多青苔，尋晚仲要落完雨，所以應該會幾滑。」
    　
    「嗯，一定會。」見阿Yan同Lois都喺陰涼嘅小溪旁邊休息緊，子儀決定同伯伯講多兩句：「伯伯上山都係嚟睇廢村？」
    　
    「呵呵，都睇咗好幾年囉，話晒係咁有歷史嘅地方。」伯伯笑住回應：「記得當年日本仔打到嚟嘅時候，成日都會嚟呢邊搞掃蕩……所以後生嗰班都搵機會逃走，結果慢慢就冇晒人住。」
    　
    「原來係咁。」雖然上網已經睇過類似嘅歷史，但子儀都盡量表現到學到嘢咁。
    　
    「小妹妹，如果妳對廢村有興趣嘅話，其實香港仲有另一個當年都幾出名嘅……」
    　
    「仲有另一個？」
    　
    「嗯……叫做白湖村。」
    　
    子儀皺起眉，來來想追問下，但阿Yan同Lois正好抖完行到過嚟。
    　
    「行得啦！」阿Yan捉住子儀隻手講。
    　
    「哈，咁伯伯都唔阻妳哋喇，拜拜。」伯伯揮揮手，然後就從佢哋嚟嘅方向離開。
    　
    「其實妳一早知點行啦，仲洗咩問人喎。」阿Yan細細聲咁講。
    　
    「咁難得見到有人，出於禮貌都應該講兩句嘅。」子儀回應。
    　
    穿過小橋後，佢哋一直沿住台階上，轉眼間就到達廢村範圍。映入眼簾嘅係一個仿如古代遺跡嘅景象──可以見到大部份嘅石屋都已經倒塌，剩低斷壁殘垣，而周圍都長滿綠草，感覺充滿生機……
    　
    「只要冇咗人類嘅干擾……大自然就會係咁樣發展。」子儀感嘆咁講：「呢刻感覺就好似睇緊未來地球嘅縮影咁。」
    　
    「做乜妳今日講嘢咁奇怪嘅。」Lois講，阿Yan聽完即刻偷笑一聲。
    　
    同子儀唔一樣，佢兩位朋友明顯對呢度冇太大感覺。當刻又正好天有厚雲，喺冇咗陽光嘅狀況下想搵個好位置影相都變得困難。而且成個廢村其實相當寧靜，假如唔係一直有人講嘢嘅話，大概真係會覺得陰森恐怖。
    　
    結果佢哋行咗一轉後，最後揀咗一個廢窗嘅位置影相。
    　
    「麻麻地……」阿Yan睇完啲相之後講：「不過執下可能都得嘅……子儀，一陣係咪睇完呢度就落山架啦？」
    　
    「嗯。」子儀回應嘅時候一直盯住平台下方，即係佢哋頭先上嚟嘅道路。
    　
    「咁一陣Lunch食乜嘢？係咪出返市區先？」
    　
    「更係出去先！」Lois率先讚成，「我記得觀塘新開咗間甜品店……」
    　
    「喂。」子儀打斷咗佢，「我好似見到下邊有人……」
    　
    「係咪頭先個阿伯？」阿Yan問。
    　
    「唔係，著嘅衫唔一樣……而且……」子儀講講下停咗，轉身望向阿Yan佢哋，壓低聲講：「佢上到嚟了。」
    　
    下一秒，有一位著住黑衫黑褲、戴住黑帽嘅男人嚟到廢村平台，本來一身都勉強算係標準嘅運動打扮。但最奇怪嘅係佢居然戴住黑色口罩。
    　
    好地地邊有人行山係會戴口罩？再加埋佢銳利嘅眼神，所以第一印象自然係偏向壞嗰方面……係賊上山打劫？抑或係遇上偷渡人士？
    　
    「不如走囉？」Lois神情不安咁提議，阿Yan即刻點頭同意，「子儀……係咪另一邊都有路走到？」
    　
    「有……」子儀都唔敢望返過去，「網上面話有兩條路，行右邊就可以出返去麥理浩徑……」
    　
    三名少女即刻動身，但只係行咗幾步，背後嘅黑衫男子突然開聲講：
    　
    「喂，妳哋三個。」
    　
    一聽完，佢哋即刻停低腳步。子儀感覺到旁邊嘅阿Yan全身震咗一下，而Lois差少少就會驚到尖叫出聲……當然佢哋可以選擇唔理拔腿就跑，但子儀卻鼓起勇氣轉身望過去。
    　
    「你……到底想點？」子儀盯住黑衫男子嘅雙手，見唔到有武器之類嘅危險物件，「如果係想打劫嘅話……」
    　
    「打劫？」男子聽完冷笑一聲，「我要打劫會唔會揀荒山野嶺？」
    　
    「嗚……」Lois聽完更加驚，「咁即係劫色……」
    　
    「假如係劫色嘅話，妳都可以放心，三個入面我都一定唔會揀妳。」明明已經講得好細聲，但男子依然聽得好清楚，「聽住……妳哋而家腦海裡面諗嘅嘢全部都係錯嘅，我只係想提醒妳哋。」
    　
    「提醒？」子儀皺起眉頭。
    　
    「妳哋揀錯日子上山喇。」男子接住講：「一陣落山嘅時候，記住無論發生咩事，遇到咩人都好，千祈唔好回應……要一直行、死命咁行、唔好停低、唔好回頭……直至翻出市區為止。」
    　
    「點解要咁做？」
    　
    「與其要我慢慢解釋，不如妳哋快啲行動。」男子轉身，「趁仲有機會離開呢度。」說罷，佢就沿住石階落返下面。
    　
    「喂！」子儀本來想追問，但阿Yan即刻拉住佢。
    　
    「條友明顯痴線㗎，妳仲理佢！我哋快啲走喇！」
    　
    見佢兩位朋友嚇到面都青晒，子儀當然都唔敢亂做決定，而係照原定嘅路徑離開廢村開始落山。
    　
    「我今日真係唔應該嚟……早知就留喺屋企追劇……」阿Yan邊行邊抱怨。
    　
    「對唔住。」子儀道歉。
    　
    照道理，穿過古徑之後走一段路應該就會去返麥里活徑。但意外嘅係，呢段幽深嘅小路居然行咗足足大半個鐘都未出得返去，間唔中仲會有陰風吹過雜草，感覺就好似有人隨時會喺草叢裡面突然彈出嚟咁……
    　
    「嗚……」Lois終於忍唔住喊出嚟，「到底仲要行幾耐……」
    　
    「子儀……妳係咪記錯方向呀？」阿Yan一直拖住Lois隻手行，但睇得出佢都就快去到崩潰邊緣，「會唔會行左邊先啱？」
    　
    「唔係，個教學明明係寫呢條……妳哋望下前面！穿過埋草叢應該就係！」
    　
    彷彿見到曙光一樣，三人即刻加快腳步，然而……穿過草叢之後，眼前並唔係一條明確嘅山路，反而係熟悉嘅石道，而且……
    　
    不遠處仲有道小橋。
    　
    「呢度我哋頭先咪嚟過囉？」阿Yan即刻意識到唔妥，「就係呢度遇到嗰位伯伯……吖！？」
    　
    啞、啞、啞、啞、啞……
    　
    頭頂嘅烏鴉叫聲嚇到阿Yan尖叫一聲。子儀起初仲猶豫緊係咪應該走回頭路，但又諗返起頭先嗰個黑衫男人叫佢哋要一直行……「唔好停低、唔好回頭」。
    　
    「各位……」諗到呢度，佢本來想為兩位朋友打氣，但Lois卻突然捉住佢隻手……
    　
    「下、下面……嗚……」當刻Lois已經喊到妝都化埋，佢合埋雙眼，指住石道下面嘅河溪……
    　
    子儀望過去，呢刻有兩個小朋友喺溪邊彎低身，背對住佢哋喺度玩水，嘻嘻哈哈咁笑得非常開心。但此時此刻見到咁嘅景象，當然係更覺得毛骨悚然……然而更令人心寒嘅，係Lois接住嘅下一句……
    　
    「我頭先……嗚……見到佢哋……係冇眼耳口鼻……」
    　
    阿Yan聽完即刻驚到同Lois攬埋一齊。而子儀就一直盯住下方，直到背後響起一把熟悉嘅聲音……
    　
    「咦，妳哋幾個點解返轉頭嘅？係咪蕩失路？」
    　
    係頭先遇到嘅嗰一位伯伯。
    　
    子儀想擰轉身去望，但身體偏偏冇辦法作出回應。
    　
    「明嘅……伯伯我呀……當年都係一樣……走咗入嚟，走唔返出去。」
    　
    郁唔到、亦都冇辦法開聲，只係維持住同一個動作。下一刻，開始注意到周圍有「人」從唔同方向走出嚟……橋嗰邊有、下方溪間有、前方嘅石道亦都有。當中有男有女，全部人臉上嘅五官都模糊到好似消失咗一樣。
    　
    「我哋其實都唔想傷害妳哋……但冇得揀……」
    　
    子儀感覺到背後嘅寒意越嚟越重，但佢依然冇辦法掙扎開……
    　
    「我哋只有咁做……先可以搵到離開呢度嘅路……」
    　
    四周嘅「人」開始慢慢行近過嚟，下面小溪嘅兩個小朋友亦都一樣。當刻，三位少女全部動彈不能，只可以企定定任由周圍嘅「人」宰割。
    　
    但就喺下一刻……
    　
    「我就知道發展會係咁。」黑衫男子突然喺草叢間走出嚟，「提咗妳哋發生咩事都唔好停落嚟。」
    　
    意外嘅係，男子嘅出現瞬間驅散咗周圍嘅寒氣。本來仲包圍緊少女們嘅「人」都即刻倉惶而逃……下一瞬間，子儀終於郁得返了。
    　
    「唔好擰轉頭望。」黑衫男子再次提醒，「由我身後呢條路走，一直走，就算跌低都要即刻起身走……」
    　
    　
    「……今次一定會搵到出口。」
    　
    （待續）
    　
    　
    《無異之局》正式開始連載。預計頭半本書進度應該會係幾快，希望各位可以睇得盡興啦。下集暫定星期二或三出。
    　
    《無異之地》實體版出咗啦！記住支持下呀～
    　
    p.s. 留言有人物關係表。

    －－－－－－－－－－－－－－－－
    　
    【地方的無默媽資助計劃】（試行中）
    　
    近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
    　
    Payme 連結：
    https://payme.hsbc/echoofheart
    　
    轉數快 FPS ID：6065460
    　
    計畫緣由及詳細內容：
    https://bit.ly/39b5Fuw
    　
    Patreon 都開咗啦，八月中正式開始！
    https://www.patreon.com/echoofheart?
    －－－－－－－－－－－－－－－－－
    　
    【廣告】《無異之初》、《無異之地》、《時間守衡者》、《絕命上映》、《絕望走廊》、《絕無轉機》各大書局有售！
    　
    －－－－－－－－－－－－－－－－－
    　
    IG：echoofheart

你可能也想看看

搜尋相關網站