免費廣告系列：去旅行嘅味道！鰹烏冬

今日要處理生活雜務，例如去運輸署搞下行車證，出城買生活補給品，冇得耕田，個心囉囉攣。去咗兩間黃店都要等 1.5小時以上，雖然內心覺得非常感恩，因為呢個時期要排隊嘅基本上都只係黃店，但係血糖越嚟越低，見到一間舖頭，冇乜表過態，姑且稱之為綠店，入去食，食完，完全冇feel。食物質素冇心機，價錢又唔平，一肚氣。

之後揸電單車走，漫無目的由深水埗站去長沙灣，平時永遠唔會行果條路，點知行行吓奇蹟就出現，竟然見到一間舖頭外面有天婦羅嘅相，立刻響呔停車，開個app查一查，OMG，黃店！那管30分鐘之前先食飽飯，決定再食一餐！彌補心靈嘅創傷！

偉大嘅天父就係將我帶咗嚟，鰹烏冬!!!!!

我去日本最鍾意食一樣野，天婦羅。平嘅貴嘅都食過，暫時我喺香港冇食過似樣嘅，今晚竟然比我食到！

記得果次喺沖繩食咗一間好精彩嘅天婦羅小店，基本上係超級地道，老闆英文都唔識，好彩而家有科技，用手機努力溝通之下，老闆話俾我聽天婦羅其實係蒸嘅料理。外面脆脆嘅將包住食材，然後喺裏面用水蒸氣將食材蒸熟，所以外脆內Juicy，而且唔可以有油膩感。更加重要嘅係，一定要即炸即食，係日本，基本上係炸一舊，食一舊。鰹烏冬，雖然天賦樂唔係主角，但係絕不馬虎，我入到呢間餐廳第一樣送上嘅天婦羅已經令我喜出望外！簡單啲來講就係我覺得食過全香港最好食嘅天婦羅。喺心裏面大叫，不枉我停車食多餐！

講返主角烏冬。我坐嗰個吧枱位，對正部壓麵機，原來呢間店嘅烏冬係每日手工製作！未食已知唔講得笑。烏冬有冷有熱，我和朋友叫了一冷一熱，務求一網打盡。

熱烏冬，嗰個鰹魚清湯，廚師話每日朝頭早7:00用新鮮食材淆製完全冇加味精，就連豉油都係自家製作!!!!!完全係日本學師，正宗日本嘅稻庭烏冬做法。熱烏冬加埋呢個清湯加埋生雞蛋，真係好好食！

之後凍烏冬。完全感覺到乜嘢叫做自家製嘅烏冬，因為嗰種煙韌，又帶有小麥嘅清香，我呢一刻夜麻麻寫到黎呢一度，都非常之有生理反應，已經好掛住！

完全想像唔到長沙灣會有一間專家級數，味道咁精緻，而且手藝超高嘅烏冬小店。

仲要係良心店。

其實香港有好多好用心嘅良心小店，等緊你去發掘。嘗試吓改變自己貪方便，費事諗食乜就食連鎖店嘅習慣，而良心店亦都唔好等到告急先至去。一齊好好守護呢個黃色經濟圈。

多謝鰹烏冬。喺疫情之下，好似飛咗一轉日本,開心，滿足。

https://www.facebook.com/%E9%B0%B9%E7%83%8F%E5%86%AC-Katsuo-Udon-%E8%AE%83%E5%B2%90%E7%83%8F%E9%BE%8D%E8%A3%BD%E9%BA%BA%E6%89%80-2144717439149887/

#免費廣告系列
#鰹烏冬
#天婦羅
#烏冬
#黃色經濟圈
#良心餐廳
#五大訴求缺一不可
@ 鰹烏冬 Katsuo Udon　讃岐烏龍製麺所

華園甜品專家主力賣中式糖水，門口寫住米豬蓮乜乜2016/17推介街頭小食，不過獎就好似浮雲，大把食店拎唔到獎唔代表唔好食，拎左獎亦都唔等如一定正，因為車呔人嘅口味係比較獨特😔

週日未夠8點已經滿哂人，搭枱是常識。糖水款式唔少，燉鮮奶、杏仁糊、腐竹雞蛋等，價錢相宜，大部分都係廿零蚊。另外有少量西米露、涼粉、綿綿冰、布甸。

👉補腎合桃糊 $18
合桃糊雖然都夠滑，但質地比較稀身，唔似其他糖水鋪咁杰撻撻。
食落有少少失望…合桃味淡，又唔香，連海記都好食過佢…😐

👉金牌芝麻糊 $19
芝麻糊夠滑，比合桃糊稠身少少，但芝麻味一樣唔夠香濃…
嗯…我諗我地同車呔人口味有別。

見餐牌有個腰果糊，只限星期六、日供應，對面一家三口都點呢款，唔知係咪好好食？我地就覺得合桃糊、芝麻糊價錢就唔貴，但都係普普通通，冇乜需要專登去食…😪
-
華園甜品專家
地址：新蒲崗祟齡街38號地下

Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com

.
.
.
.
#hkdessert #hkig #hkfood #hkfoodpic #foodporn #foodiehk #hkfoodgram #hkfoodblog #foodblogger #foodaholic #weekendhk #instadaily #instafood #foodoftheday #hkfoodie #hkgirl #食評 #吃貨 #好西 #相機食先 #手機食先 #全力食 #一路食一路post #華園 #華園甜品專家 #新蒲崗

見客

很多時候我們會帶經濟師或者交易員一起去見客戶。原因很簡單，客人看着我們這一班死Sales已經不開胃，因為我們的角色永遠也是醜人/吸血鬼/來攞着數。經濟師或交易員在形象上比較中立和客觀。

我相信有很多人都已經說過這一點，基本上你做任何工作的任何職位每一秒你也在為自己的形象或者成績去推銷。不論經濟師或是交易員，甚至集團CEO，你我他也在營銷，只不過對象和產品不一樣，KPI因人而異罷了。

話說回來，今天要見一個非常重要的外資基金客。我跟working level的對口已經熟過打band (暴露年齡非常不潮的用語) ，但今次見對方partner level，我一隻無名小卒當然不能夠單人匹馬。Call馬當然要叫一些名夠大又打得又睇得的大佬級人馬: APAC Macro Strats Head和Global Head of FXO trading。

嘩，未見樣已經比個Title大到。
"Global"喎，"APAC"喎，"Head"喎。

這些高層次的會議，商討的當然是一些方向性的合作，如果用人話的兩個字去解釋這些異常複雜的合作方案應該是：「廢話」。但是再廢，這一個小時的生命是必須虛耗的。畢竟生意就是這樣虛耗出來的。

這些big swinging d大枝野當然貴人事忙，那個trading「膠布head」就在見客當天最後一秒他的PA說他有其他engagement，一句「sor9ly黎唔到」就算。嚇到尿都標的我當然使出人情牌，叫一個FXO Trader在交易時段騰出幾千萬上落的30分鐘給我，臨時補上。救人一命勝造七級浮屠。-- 當然，及後這一個月的Starbucks由小弟提供。

APAC Macro Strats Head身穿淺灰色的貼身意大利設計西裝，配上極淡粉紅的恤衫和粉紅白色重複動物圖案的Hermes呔和恰到好處的pocket square-- 真的只有他這個高高瘦瘦的金捲髮歐洲藉男仕加上鬍子才配得起。他一拉衫袖，整理一下金色的cuff link，拿出他每個星期的publications。清一清喉嚨就指手畫腳開始講解他七彩繽紛的Bloomberg charts：他對耶倫今年三次的加息預期，特朗普的新(將會失敗)措施，荷蘭和法國大選選情，油產品供求將會短缺等等非常切題的內容。

一切都有紋有路，直至到客人臉色一沉問道：「特朗普只是當權了幾個星期你現在一口咬定將來的政策注定失敗，是不是有一點武斷呢？」

即刻轉身射個3三波。那strats立即淆底，「巧妙地」改口說當年他跟別人打賭特朗普會贏得總統寶座並認同市場現在過分priced in特朗普的失敗，風險就是如果他突然瘋政成功，市場就會很快反轉操作什麼什麼的。

那同一件粉紅色恤衫為什麼好像看起來變得有一點娘娘腔？

可惜我坐在這邊的枱，我真的想坐在strats的對面看看他的臉。所有什麼經濟理論，資料蒐集，全部因為客人一個冷笑掉出窗外。道理其實跟我之前說別相信財演類似。大家都係打份工，不難想像經濟師比我們死sales更滑頭-- 問題是很明顯客人只是不爽你說得滔滔不絕，想試一試你，大概他也沒想到你這什麼大粒野這麼沒骨氣。一地玻璃。

相反交易員每一天真的押上了自己的工作和前途去跟市場博弈，就算現在理論上沒有prop desk只做marker making也好，要賺錢也不是易事。加上交易員生涯本身就有極強survival bias，活得越長的交易員理當有一點本事。所以我非常喜歡帶交易員去見客，當然有些口才比Sales還出眾，搶盡風頭。但大多也是腦比口走得快，他們往往要很努力嘗試把一些複雜的概念(如greeks) 嘗試用人話解釋給比我們sales還笨的客戶，看着他們說到七竅生煙，也是一個值回票價的娛樂。

這一次當然不太一樣，因為對家也是機構投資者，他們終於可以用自己火星的語言互相溝通。有時候我也沒聽準他重鼻音的北京腔英語，其中一個axe例如說：「15日長yen gamma的no touch交易價錢低水4.5pips，payoff一比五」意思是if I were you就有買趁手，地球人們要明白的話可以搵NASA。

我極之懷疑這位臨時拉夫的trader穿着的就是當年在MIT PhD畢業那同一套不合身的現成黑色西裝，恤衫有一點發黃，連呔也沒有時間打。他平時沒太多話，我聽得最多也是流利的國語粗口和口音有一點怪的廣東話粗口在電話閙broker，但今天在沒有準備的情況下用第三語言跟這個美國fund佬談政論勢，有板有眼；大概這就叫是如魚得水。客戶非常滿意這一個會議，不是因為得到一些什麼trade idea，但是有實質真誠的討論及交流其實已經得來不易。

離開顧客的辦公室，那Strats拉一拉現在看來有一點皺紋的西裝，說他要趕去下一個會議。在回公司的路上，那個trader沒多話看了看blackberry後，開始玩PokémonGo。

「咦乜有新野捉咩？」沒半點興趣的我嘗試在攀談。

他瞄了我一眼，目無表情的說：「No whip skinny double shot mocha, extra hot。」

知道。冇乜嘢我出返去做嘢先。

［網上圖片］