【職業顏色區分｜#藍領白領】 「喂，點啊呢排返緊咩？」 「唉，咪都係藍領一個」 藍領白領成日都聽得多，到底平時有冇用錯？又有冇其他顏色嘅領呢？ - 美國社會學家Charles Mills喺1956年出版嘅《權力精英》入面，將工人分為兩個階級，白領同藍領。 而後來亦再出現其他階級，令整個劃分更加清晰。大致上可以分做： - 白領：指唔需要用大量體力，主要用腦力工作嘅人，一般指喺辦公室工作，返工會著西裝白裇衫而得名 - 藍領：指以體力勞動工作為主嘅人，多數要輪更，工作時都係要著制服，而制服大多數都係藍色而得名 - 金領：顧名思義就係最賺錢嘅人，係富有嘅象徵，例如CEO、老闆 - 銀領：係比白領高級嘅人，會透過白領工作再加以分析，決策，例如經理，主管 - 灰領：係未分類為藍領同白領嘅人，佢嘅工作會包含咗藍領同白領嘅元素，一般都會有特定領域嘅執照。例如警察、保險經紀 - 粉領：係指護理導向嘅職業，一般係以女性為主要勞動力，例如護理、秘書、兒童教育 - 其實職業真係好難完全用顏色嚟區分，都係用嚟參考下好啦。唔知大家又係咩領呢？ ------------------------ -📖冷知識手冊《吾港唔知》各大書局有售 ------------------------ ◆ 每日分享知識、每月提供課程 ◆ Beginneros網站: https://www.beginneros.com/ ◆ Youtube：https://goo.gl/OEJrGt ◆ Instagram：@beginneros ◆ Facebook：Beginneros （書面語版本） ------------------------ #Beginneros #冷知識 #hk #hkig #返工 #藍領 #白領 #辛苦命 #work