人無夢想，會變成咸魚；人無飯食，會變成死魚（下）
.
到我（覺得自己）有啲名氣，我學人喺網上眾籌出碟，
結果，只係眾籌到兩日嘅飯錢。
.
唔止咁，仲有人鬧我「貪錢」、「我個個post都有like你，你仲想要錢？」，
.
原來，一個創作人要食飯，真係咁難理解。
.
我開始喺街頭唱歌，總算有錢食飯，阿媽...
人無夢想，會變成咸魚；人無飯食，會變成死魚（下）
.
到我（覺得自己）有啲名氣，我學人喺網上眾籌出碟，
結果，只係眾籌到兩日嘅飯錢。
.
唔止咁，仲有人鬧我「貪錢」、「我個個post都有like你，你仲想要錢？」，
.
原來，一個創作人要食飯，真係咁難理解。
.
我開始喺街頭唱歌，總算有錢食飯，阿媽話係「乞食」，
.
我唔同意，我亦都享受唱歌，
但望住來來往往嘅人羣，我承認......的確唔係我想像中嘅「歌手」。
.
有一次，有個路人擺低咗一百蚊，我好感動，想多謝佢，
.
一抬頭，係我表弟，
佢眼神中有一種......憐憫？我好肯定，唔係欣賞我嘅歌喉。
.
我無咁易被擊倒！我好有禮貌咁對佢笑一笑，繼續唱我嘅歌。
. ，
我嘅心理承受能力好強大，但我個胃唔係。
.
到我銀行戶口剩番兩位數字，我終於死死氣氣去搵工，
搵到工之前，我番咗阿媽度食飯。
.
「對唔住......」我唔覺得我追求夢想有錯，不過，
「阿媽，您呢次喺親戚朋友面前，一定無晒面。」
.
「唔係啊，親戚朋友都好感激你，三姨媽同四姑姐仲話要請你飲茶，封大利是畀你。」
.
感激？咩意思？
.
「你表弟啊，本來話要做歌手，佢見到你咁，就老老實實去搵工；
仲有四姑姐個囡，成日話要做作家，聽到你追夢追到面包都無得食，依加無諗埋啲無謂野。」
.
我忍唔住反駁：「真係有人成功......」
.
「成日講追夢成功嘅例子，搞到後生個個都想追夢，點解無人講失敗例子？
你就提供咗完美示範。聽日我約咗舊同學食飯，你一齊去，幫手勸下佢個仔腳踏實地。」
.
「阿媽，我真係唔識勸人。」
.
「唔使架，你鼓勵佢追求夢想，俾佢望下你個頹樣，
佢就明白，人無夢想，會變成一條咸魚；人無飯食，就會變成一條死魚。」
. ，
阿媽畀咗個啟示我，一年後，我出咗本書叫《追求夢想的Loser》，
.
新書大賣，買嘅主要都係家長，買畀仔女睇。
.
仲有學校請我去講talk：「Loser是怎樣煉成的？」
.
每次我都講：「大家都睇過追夢成功嘅新聞，但係如果個個都成功，又點會上新聞？好明顯就更多人失敗啦......」
.
我就繼續寫《追求夢想的Loser》，收集各行各業追夢人嘅失敗故事，出到第十三集，
.
仲改編成電影《無飯食有幾多種死法》、電視劇《死魚十八式》。
.
我無成為歌手，反而變咗個作家，
名成利就之後，出版社唯一要求係：我要Keep住個頹樣。
. ，
每一段成功背後，
都有無數人失敗咗......不過佢地無機會話你知。
.
－完－
.
#短故 #短篇 #小說 #陳美濤 #廣東話 #粵語 #夢想 #追求夢想 #tomatochan
表弟個仔叫咩 在 孔明 Facebook 的最佳貼文
讀書時侯，有個同學本身摺摺地無咩朋友，但過咗一排突然之間好受歡迎，我都好好奇究竟佢做咗咩嚟特別咁多人圍住佢傾計。
後來得知個同學仔話自己有陰陽眼，成日話呢度有鬼，個度有鬼，攪到班女仔又要驚又要聽，當正佢神咁拜，成日都走去問佢：「點呀？呢度有冇鬼呀？」、「可唔可以幫我睇下屋企有冇鬼呀？」
你問我，我梗係唔信呢啲嘢，我只係覺得佢吹水話自己有陰陽而拎光環受歡迎，其實只係一個9up嘅人。
有次屋企嚟咗個親戚探我地，佢個仔……姐係表弟就好特別，經常死氣沉沉，又唔係點出聲，但阿媽成日叫我陪佢玩，話唔好留喺屋企打機而同佢落街周圍行下玩下……雖然我唔係太想，但話哂表弟，唯有帶佢出去喇。
其實細細過真係無咩嘢玩，就去公園hea下。點知坐坐下，表弟話指住前面棟樓，話見到個女人跳樓。
我嚇到仆街，睇下邊棟有人跳樓，點知又無事，旁邊又無人叫。我就問表弟又話有人跳樓，表弟就話係，不過係鬼嚟，似乎個女仔係跳樓自殺而輪迴緊。
我聽到心都寒埋，但表弟已經睇到慣了，佢唔想睇都無用，天生。於是我帶佢周圍行下，叫佢講下邊到有鬼……佢個樣本身都死氣沉沉，講鬼時特別有說服力，於是我話：「你係咪想封眼唔想睇？我班上面有個同學可以幫到你。」
（點圖看全文）
表弟個仔叫咩 在 姐死姐還在 Facebook 的最佳貼文
《年年有餘 之 其實我最想年年有餘嘅唔係錢，係時間》
(以下係所有生肖，所有星座，所有年紀嘅香港打工仔都話準架...)
以前教局有個廣告，叫啲家長「每日暫停十分鐘，聽聽少年心底夢」， 希望家長仔女多啲溝通。過咗個農曆新年，拜完年，你發唔發覺，唔單只你唔係好知成年無見嘅表兄弟姊妹做緊啲咩，其實佢老豆老母都唔係好知。呢幾日拜年，就係一班大家同大家都唔係好熟嘅親戚食餐飯，再來就好似speed dating 咁，介紹返自己返緊個份係咩工，今年幾大，就好似我呀媽今日同我講「原來表弟細過我」，好似從新識過新朋友一樣，上年講過亦都唔緊要，因為無人會記掛喺心入面，於是今年又從新自介一次。
聽日就返工，新嘅一年，不如我哋做下教局最近好推崇嘅生涯規劃，計下各位打工仔雞年以及往後幾十年嘅運程呀.....
個日同朋友計過，作為一個打工仔，一日究竟有幾多時間剩，實踐「人生嘅夢想」，尋找人生嘅意義.....條數係咁計嘅...
一日有24 小時
(減) 返工9 小時(連lunch)
(減) 來回公司搭車2 小時
(減) 早餐加晚餐1小時
(減) 去廁所刷牙洗瞼化妝卸妝搽cream 沖涼吹頭敷mask 1 小時
(減) 訓覺7 小時
= 4 小時
每日慳到四粒鐘，努力實踐你的夢...
● 「呢個計法好趕喎，去廁所刷牙洗瞼化妝卸妝搽cream 沖涼吹頭敷mask 1 小時，便祕個日咪無時間敷mask？」... 所以去做facial ，姐姐唔應該話我懶唔敷mask，我唔係lazy，而係very busy
● 「返工點會9 小時，OT 有時都O 到4小時啦」... 所以OT 係幾咁浪費一個人嘅生命，幾咁剝削打工仔追尋自己夢想嘅時間，香港係幾應該有標準工時
● 「搭車2 小時，住大西北嘅朋友，最少要3小時來回啦」... 所以住大西北嘅朋友，得罪講句，你基本上唔算得上香港「居」民，飛台灣其實都只係個半鐘，台灣人來返工分分鐘都快過你
● 「你呢個計法，係完全無預放工進修，行街食飯娛樂約friend ，拍拖生仔湊仔幫仔做功課，返屋企做家務，過時過節應酬親戚朋友架喎」... 所以星期六日當你做返哂呢啲 野嘅時候，就無時間實踐夢想架啦。一星期要返6 日工嘅朋友，例如我，又少24 小時架啦...
作為香港嘅打工仔，有數得計，如果你份工唔係你嘅夢想，你雞年以及來緊幾十年，就要好好諗下點樣每日最少慳出幾粒鐘，去令你嘅人生，除咗返工食飯排泄訓覺外，更加多添色彩啦。
個啲今年話要大展鴻圖嘅朋友仔，諗下點樣可以慳返啲時間來發展你個鴻圖啦。個啲今年話想個仔學業進步嘅朋友仔，想「每日暫停十分鐘，聽聽少年心底夢」嘅家長，諗下點樣可以慳返啲時間陪個仔溫書做功課，同仔女吹水啦。個啲今年話想「過得有意義，有突破，唔想再不停返工放工」嘅朋友仔，諗下點樣可以慳返啲時間思考人生啦....
人大咗發現原來年年有餘，我最想有餘嘅係時間，如果可以將hea 咗嘅時間，好似強積金咁儲住滾存，臨終個時用，就好啦。聽日就返工架啦，聽日就要開始學識慳時間架啦，慳得一日，就多一日嘅時間實現夢想....各位，共勉之