［今日寫呢啲］ 今日呢篇寫得長，但簡介短。

首先係跟進返理文化工746，同埋王維基檔1137。

理文化工嘅，早少少嘅Facebook Post都講過啦，前海，新能源，卒之炒起。的確個新廠係在珠海的，鋰電池電解液添加劑。星期一抽上，已經發現大成交！平時幾十萬股，星期一200萬股。星期二就千幾萬股，今日（星期三）都係。

但應該唔少人一早沽咗，我都有叫啲讀者沽啲，唉唉唉。但講到尾，都係睇你有幾信，而不方便的真相信，我都半信半疑。唔係覺得公司唔得，但始終週期嘢。咁點避免呢啲升少少又沽走？又或者升咗又唔沽跌返落嚟點算？就Patreon其實有講的

1137嘅嘢，入咗深圳嘅港股通啦，但好似唔多覺有北水買。星期一跌5%，但星期二又反彈。然後昨晚出咗8月啲數，我都有跟進下，整埋個Excel畀你玩。今日（星期三）就……成交大大地，但高開後收窄

但個戲肉，其實係啲又悶又婆仔又煩嘅嘢。

不過正如我本書有講，投資就應該係悶的。我有寫「阿煩投資法」，膽拖腳（尺so 投注站阿叔），或者叫 core satellite approach（用英文即時型晒）。你嘅膽，應該係啲最悶嘅ETF

N咁多研究話你知，大多數基金經理，根本都跑唔贏指數。然後你諗下，你啲網友平時又乜都講「大戶」，但「大戶」咁巴閉，原來都多數跑輸指數。咁，閣下嫌指數升得慢，覺得自己可以跑贏指數，咪即係好自大咯！今朝篇文講過，好多人以為自大就係講自己文寫得好。實情有好多自大嘅行為，表面上根本睇唔出，你要諗深一層先知。例如覺得自己可以跑贏大市，

又或者，都係我本書所講，have you seem IFC at 5am？有一日我發現，中環好早都有金融人返工的。咁嗰啲友，學歷好好嘅人，好叻仔嘅有，屋企有背景嘅都有，都仲要咁撚早走返嚟。我相信都唔係為咗過癮。然後你覺得你可以全職炒股，「我唔貪心諗住兩年賺三倍」「我唔貪心諗住一百萬本每個月膁到三萬蚊洗費，呢啲咪自大。真正嘅自大，係睇唔出嘅。

講返，知易行難。我本書都有講（本書真係抵買，拿，唔係自大），最好就梗係100%指數ETF。但做唔到的，即係叫你唔好打邊爐 唔好食薯片 唔好食甜品，鬼唔知健康，但根本做唔到。所以退而求其次，咪有膽拖腳。啲腳咪畀你自己考下眼光（多數證明到自己冇眼光），感受下市場（多數感受到市場嘅殘酷）。

咁但，真的，因為自己揀股，實在太太太太太過癮啦。你諗下年初個個都契媽股，我上蘋果節目講Facebook都畀主持人嫌我太保守啲嘢升得太慢（主持人冇惡意，都係讀者主導），你就知人人炒發夢股你個個月供ETF幾咁悶

所以呢，我自己都做唔到。港股好啲，「因為太廢」。但其他市場我都唔係太多指數基金。

結果而家就撥亂反正，諗返啲指數ETF咯。不過都有少少學問嘅，入面咪同你解

好多都係啲眼眉細眼嘢，其實照計以我性格應該唔care，我都出咗名買股票唔睇價，見價就掃，唔使擺盤。但同時買ETF又會睇 tracking error 睇 liquidity 睇 bid ask睇expense ratio

但，人就係矛盾架啦！差不多個個人都係咁。買股票就一格都排隊，驚死買貴一格。但買層幾百萬嘅樓，有人係睇都唔睇樓的（例如我老母）。正如有啲人叫佢打電話上信用卡度waive年費都話唔記得，叫佢抽ibond都話少錢，但叫佢訂Patreon又話冇錢的。係咁架喎！

咁文入面，咪同我講我最新月供嘅東西，點月供都仲有啲技巧嘅，「例如揀邊間行」「美金定港紙」「或者自己月供」「即係一出糧就自己去買兩手都得」。

冇錯，係濕星嘢，但都有用的。

畢竟，「多數聽日我又要講ASML創新高」「我使唔使整光刻機？」

實情，嚟嚟去去，都係嗰幾味。睇你想要邊個指數，個指數背後係乜，然後睇返跟得足唔足，再睇開支比率之類。至於咩成交幾多　bid ask 幾多嘅，刁，你買幾千萬咩。

冇話某一隻ETF完美，無敵海景咩，你個海景無敵，人地個海景唔使出嚟行啦？有一隻完美嘅，其他執晒笠啦。而家資訊發達，咁高透明度，最後都係取捨。靚女就梗係高竇（除非你係YC），有創意嘅勁人就多數麻啦煩 — 你可以做嘅，就只係踢走啲又廢又串嘅人。

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

［大理鄉中出環］（＊）I am serious．If eating 8蚊麥芽糖夾餅doesn't incentivize you to invest, nothing will.

TLDR：匯率制度似買胸圍，唔啱身夾硬嚟，表面好睇，遲早出事。

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 早排講葬禮，過我死鬼阿公，除咗鍾意睇不文集（畀我拎咗去睇），炸雞翼（畀我食），鋸西多（又係畀我食埋）（＊＊＊），仲有佢就係好鍾意食麥芽糖夾餅，當然亦係畀我食埋

2. 但我好肯定，當年8蚊食麥芽糖夾餅，可以食撚到阿公同我literally 飽死。而當年仲要係另外有個hemispherical 嘅容器裝住麥芽糖，用對筷子捲，雖然我到而家都唔知最後嗰啲點拎出嚟。（＊＊＊＊）．我細細個已經拎嚟裝水，研究係咪 4/3 X π X 半經三次方，唔做科學家真係埋沒咗我。「學校咁早有教？」「學校夠冇教你扑嘢啦，你又識？」（＊＊＊＊＊）

3. 有人話因為租貴。唔可以話錯，但啱唔晒。唔使涉及租嘅嘢，一樣係飛升，我唔撚信網上賣麥芽糖餅買2蚊塊。況且一般食肆最大成本係員工。而人工貴租貴係結果，唔係原因。

4. 冇錯，幾廿年前嘅事嘛，佢都死咗三十年。有通脹物價飛升。但有冇諗過點解物價升？視乎你係咩學派，但一般人都知，錢印得太多。

5. 但點解會印得多？聯儲局量化寬鬆後先開始？又錯。上次咪講過，尼克遜廢除金本位咯，自此法幣就任印（subject to certain conditions），貨幣供應脫離GDP，人工亦都追唔上人均GDP，都係金本位收皮後嘅事。五十年之嘛。歷史係咁讀的，你旨意啲濕鳩教授真係含得撚。

6. 但一樣，佢地根本don’t give a shit，佢份糧係咪基於教得好唔好？人人都知，呃funding 先係大茶飯嘛，阿富汗都係咁玩。

7. 我在經濟一週篇文，就用咗呢個有點不文但我覺得好貼切嘅比喻：

8. 匯率制度似買胸圍，唔啱身夾硬嚟，表面好睇，遲早出事。冇咁大個頭唔好戴咁大頂帽，33B就33B，唔好買大買細。

9. 唔信？英鎊被索羅斯狙擊，最後退出歐洲匯率機制（ERM），英鎊半年跌30%，英國納稅人輸咗10億美金（1992年嘅10億），索老一戰成名成為打爆英倫銀行的人，仲害到英國首相都下埋台。因乜？正係冇咁大個頭，唔好戴咁大個bra．對面岸嘅德國（當時已統一）就戴得起啦．ERM就係外判咗個揀胸圍嘅權利畀德國。

10. 舉一反衫反埋bra，亞洲金融風暴，仲有再老啲嘅墨西哥Tequila crisis，亞洲金融風暴泰國CEO賣三文治韓仔好愛國賣金救國（其實冇，只係政治宣傳），仲有阿根廷違約多過捧世界盃，全部都係因為夾硬嚟。

11. 咁你話，明知唔啱身都戴？自己唔知架咩？一般呢，係知嘅。但，點解唔舒服都戴？靚咯！邊個著高踭鞋貪舒服？女為悅己者容，政客就勾引選民，而男人就用下體思考，選民就冇腦嘅。呢啲就歷史啦。

12. 應該睇到一半，聰明嘅讀者應該已經問：咁香港聯擊匯率，咪即係外判咗個揀胸圍權畀美國咯。港女戴美國嘥屎，得唔得架？會唔會出事？

13. 會唔會出事？你咁問嘅，即係你未夠三十歲。索羅斯除咗有份招呼英鎊，亦都招呼埋港紙，親子丼（雖則個女改嫁咗），十分爽。亞洲金融暴風咪有份咯。咁但冇嘅，死唔到人。英國韓國泰國而家咪好地地。

14. 講遠咗，但，都係嗰句，見到8蚊嘅麥芽糖餅，你都仲唔信不投資往下流，我就真係幫你唔到。投資有風險？當然，但，唔投資一樣有風險，甚至更大，保證輸死

15. 係喎，其實我呢啲講法，某程度上都係販賣恐懼。現今最流行嘅生意，講真的，好多東西背後都係販賣恐懼。但，我有啲唔同，我唔係叫你份幾千萬保單，又唔係叫你個個月兩千蚊供基金嘛！我只係R你一舊水訂個Patreon．好快就食個麥芽糖夾餅都唔夠呀，大師冇點你。仲等？

（＊）有人提我打錯字。嗯，而家啲小朋友打麻雀應該唔會打花章。實情打花章呢啲基本功，如果大家都係普通素人唔係雀精物語（＊＊），咁你打得八圈，或者打得幾次八圈，識打花章嗰啲必然有edge．或者話唔打花章嘅一定蝕式，打得幾次，自然拉開晒。係咪又學到嘢呢？冇錯，正如你去賭場，長賭當然唔止冰茶，仲會必輸。但投資正好相反（可惜有啲人連呢樣都唔知），升日子嘅可能51%，跌嘅49%，但我拉到一年，五年，自然食硬你。你日日去估上落，當然搵唔到錢。況且，你仲要一定唔敢買得大。我拎幾球嘢買股票，你敢唔敢拎幾球嘢炒期指？

（＊＊）啲回憶返晒嚟。細細個辛苦到舖牌，睇住J幾耐呀！而家唔使錢乜都有。

（＊＊＊）多得阿公，打後四十年我都不能接受有餡嘅西多，而西多只能落糖漿，舊式茶餐廳有個壺嘅最好，但冇辦法之下只能接受一包包，殷海光話嘅。正如我都用咗三十年先勉強接受到有芝麻嘅雞蛋仔，但其他餡免問。呀同埋，打邊爐係不能放腸仔燒賣午餐肉，雖然埃汾太會放，我結婚前都知，但你係咪埃汾太丫？

（＊＊＊＊）諗起個故事，應該真人真事，外國有條友年青時打暑期工，家族Pizza 餐廳，咁佢落完啲茄膏就掉走個罐。大老細發現，拎返啲罐，然後用水沖，了埋入面啲剩低嘅茄膏出嚟，同佢講：you are washing away my profit margin

（＊＊＊＊＊）早排先講起，當年有個中學同學，真係埋到門唔識起腳，居然打電話問功課。我地就眾志成城電話幫佢指導。「喂埃汾你又話你大學先失身」。差矣，自己未做過唔等於唔識教人！我有睇書睇片嘛！都話冷氣軍師理論多，唔踢波都寫一大輪巴塞啦。

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［Buy now, pay later］BNPL，金融潮語。其實都潮咗大半年，不過香港咁上下啦。鬼媒講咗年幾兩年Content Creator，都未見香港有乜媒體專門整個beat

1. Buy now, pay later，「屌，咪即係花唄」「有幾撚有創意呀？我中華古已有之」「不過馬雲得罪人之嘛」。其實認真的，唔使括號，花唄都興咗N年，鬼佬而家先開心大現BNPL，完全係reinventing the wheel，不過記住講個英文縮寫就有人覺得好巴閉，Bullshit as a service，Baas．（話時話，Kyle Bass收咗皮未？港紙爆煲冇？）

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

2. OK，正經，「咪即係信用卡分期，有幾大發現呀？」。又唔係喎

3. 首先，香港人好撚有錢，同埋好有信用，香港人係好好嘅債仔，你見啲友真係斬人打劫呃同事呃老婆穿公司櫃桶底都會供樓的！

4. 當然，除咗香港人有錢，客觀亦因為香港丁屎咁細，你走得去邊？唔似美國或以前大陸（而家有晒監控另一回事），改個名換個車牌去第個城市又一條好漢。

5. 所以你見香港批信用卡成功率極高，私人貸款極易借，仲要供樓利息低。一個普通打工仔，一百幾十萬信用卡額絶對唔係難事。

6. 我想講嗰時我在英國讀書？出咗信用卡（開名啦，匯豐），500英鎊信用額。「喂你係學生冇收入點同，唔好偷換概念」。但你可以睇下普通一個香港大學生銀行批幾錢信用額畀佢？（＊）

7. 我知全世界都低息，係呀我唔知呀可？港息大約都跟美息，但，你見美國有冇可能一兩厘供樓？你有冇諗過，香港供樓銀行收你咁平息，賺乜？「cross selling」，「美國唔識cross selling呀？」（咁當然，再三留意返，香港人好撚有錢）。

8. 真相係，香港嘅delinquency rate （拋個英文好似專業啲）極低。即使咩亞洲金融風暴或沙士或乜，你睇報紙咩負資產又跳樓，但，個delinquency rate都係極低—come the 忽on，負資產不等於delinquent！死還死七孔流血還七孔流血！甚至跳樓都不等於delinquent！別傻了星矢，你還有老豆還有老婆！

9. 但認真，咁低嘅delinquency rate，銀行咪圍到數，所以點解香港銀行嘅net interest margin咁低都仲有錢賺。剛睇業績，中銀香港淨息差1.10%，你諗下仲要出糧仲要交租仲要預你啲友燒炭，但居然都仲係賺唔少錢，可見delinquency rate幾咁低。美國？你可以睇下2008嗰時，啲次按有幾多delinquent，求撚其掉低鎖匙就兩腳一伸走人foreclosure，而美國啲銀主盤邊有香港咁正，可以賣原價咁滯（大把銀行拍賣銀主盤有賺添）

10. 同樣原則，你可以應用落去信用卡，私人貸款。

11. 當然仲有，再講一次，香港人好撚有錢。我冇統計過有幾多巴仙嘅人有信用卡，你睇卡數目唔準，因為有啲好似我咁嘅仆街一條友十幾張卡（又如何？）。但，目測香港嘅信用卡滲透率極高，「我Patreon啲讀者好似全部有」（＊＊）

12. 講返，冇去過美國（係呀，我使唔使識整光刻機？ASML NVIDIA又新高啦屌你），但BNPL同信用卡，就真係唔係同一回事。可以係complement 亦可以係substitute （＊＊＊）

13. Patreon會寫，有啲人只用信用卡，有啲人只用BNPL，有啲兩樣一齊。但，咩人係傾向用BNPL？你估到了：非白人（Hispanic或黑人），低收入人士，同埋……年青人，

14. 拿，學嘢？呢啲就學嘢啦。

15. 不過，「不如講返冧把」，Affirm就升五成啦，一舊水咁滯。「但2月嗰時140蚊」，而家先返返年頭水平，你買隻垃圾中移動941跑贏佢一截。估值都係好重要的。

16. 最重要係，Amazon雖然同Affirm合作，但冇話exclusive 喎。Amazon嘅作風啦喎，就行內皆知了，你做過佢對家都知。

17. 至於其他Fintech嘢？韓國嘅KaKao Bank，一上市大過晒韓國所有銀行嘅市值添，亦令呀大股東變咗富豪，同啲財閥平起平坐。你諗下，韓國喎，幾不可思議？

18. 香港？有！「咪螞蟻金服」，嗰時上市成功嘅，肯定大過晒所有銀行，分分鐘係全世界最大嘅金融股（而全世界最大嘅銀融股唔係銀行啦下）。

（＊）話時話，我好想知道，到底唔同大學甚至唔同科嘅學生，信用額會唔會唔同？拿，醒你呀，拎去做final year project啦。理論上呢，「好似醫科生應該信用額高啲」「你點折墮點包尾做個醫管局非合約都五六七皮啦」。不過我估實際上銀行don’t care，同埋費事你話歧視。不過，「如果見到係唔同大學唔同信用額仲好玩」「我覺得教大應該高啲」。同埋，如果真係。拿，真係醒你呀，認真少少拎嚟做MSc dissertation都得（MPhil PhD就未咁求其），「至少認真過我嗰份」又，我份dissertation真係相當垃圾，但我都don’t care，因為我換得去倫敦結算所實習嘅機會，雖然真係坐嗰邊只係幾日。

（＊＊）呢度示範咩係survivorship bias．冇信用卡又點訂你Patreon呢大哥。「其實可以用Paypal」「但冇信用卡又點有Paypal呢老細」「其實係得的」

（＊＊＊）有啲人讀經濟就讀死書，以為A同B一係complement 一係substitute，或者兩者之間 0-1。錯，同樣兩樣嘢，唔同情況下，可以係complement亦可以係substitute．例如？你一拖二咪知！「你有本事可以搞到變complement的」「重口味啲嘅，老婆同外婆都得」

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

00:00 開始
00:17 亞洲四大邪術
00:32 水泉澳大媽裸泳新聞
00:50 半夜行中環境安環境
01:07 我拍影片的工作
01:31 攻略1
01:47 什麼時候來中環驚安最佳時機
02:03 銅鑼灣及中環驚安熟食減價時間
02:33 攻略2
03:18 Halloween party用品
03:55 夫妻生活情趣
04:23 化妝品護膚品區環境及推介
05:45 熟食區環境及推介
06:13 攻略3
06:22 如何選購、最短時間找到適合品牌化妝品
07:13 攻略4
07:23 如何在驚安購物不迷路
08:00 有什麼日本藥物售賣及推介
09:06 攻略5
09:15 怎樣在驚安買便宜貨品
09:55 攻略6, 震撼價專區有什麼買
10:41 攻略7
11:44 有什麼在中環驚安最值得買
12:25 驚安獨有高級便當價錢
12:42 日本料理食材
12:52 家品區推介
13:28 攻略9，中環驚安最不值得買的東西
10:41 店舖裏面甜品推介，酒品專櫃
14:35 是咁的環節

#中環驚安之殿堂 #中環 #驚安之殿堂 #日本家品 #香港好去處 #必買推介

Hello大家好我叫阿Tsar,

星期三 15號中環開了間全港第一間地舖的驚安之殿堂

這裏是我主場, 因為由我家行下來好近,

我凌晨下來，在驚安行了兩個小時， 夜行街驚不驚?

你們有否見識過亞洲四大邪術呀?

就是泰國的變性術、韓國整容術、日本化妝術

還有最後一個你知否? 坐穩呀，細路

就是中國的P圖術, 問你怕未? 我就不驚啦

最近香港有單新聞,水泉澳有個大媽在水澗裸泳

驚嚇指數爆燈，何方妖孽? 本來無一物, 水泉澳樹下被發掘

當眾洗鮑魚不知核突,行過溪澗阿叔被嚇窒,

回頭是岸呀,師9!半夜行驚安超好行，

我可以慢慢拍攝，今集資料相當豐富，

可以為你們慳錢之餘，亦可以慳好多時間，

因為我今集會講行中環驚安的十大攻略

當然片尾亦有你們最喜愛的是咁的環節

一向以來，我影片由拍攝、剪接、敘事編排、

旁白、配音、字幕，全部都是我自己一腳踢，

有時在外國的影片我還會配英文字幕

希望你們體諒我的努力和苦心，

看完影片留個表情符號以示支持

幫我用whatsapp facebook分享出去, 功德無量

事不宜遲，快來看看今日的十大攻略, are u ready?

攻略1 , 由於每間驚安都是開24小時,

入來這間店舖的時間，如果你好像我

不怕遇到亞洲四大邪術，你當然可以半夜來啦，

但中環區半夜入來都有橋妙的，星期五、六半夜三點之前

都會好多人, 因為附近有好多酒吧

星期一至五，中環人要返工，朝早10至12點之前

或下午三至六點，中環人還未收工，都會少些人

我星期二晚去了銅鑼灣那間驚安之殿堂

問了員工，熟食便當幾點開始減價，

他們說夜晚十一點左右 ，中環這間我又問過，

夜晚十點左右, 但好短時間就會被人搶購一空，

你太夜下來又不新鮮呀， U Lum U (你諗你)

Weekend就全日都那麼多人, 入舖時間你要知，

買平嘢要費心思，精明消費慳銀紙，啲錢多到鋤大D

攻略2 : 如果你想好短時間，用最少彈藥，

找到自己最合適的貨品，我就跟大家解析這個地圖

這個店舖有兩層，分別是地面和地庫,

當你一入門口，左手面有條長樓梯落去地庫,

正門右面就是這間店舖獨有的高級和牛便當,

我一陣再詳細講，由於收銀處只會是地面的一層，

所以建議大家立刻先落樓梯shopping

行完地庫, 才再行返上地面, 然後附錢離開

地庫樓梯的一面，有成人區，這個我不介紹啦

你們這方面都是專家，拿博士學位程度，

畢業於福建大學 Foking University,

你們自己翻譯吧，樓梯的正面，

有好大個section賣cosplay服飾、頭飾和頭套

店裏亦有好多開party用品，

中環區這類產品需求高，因為有好多party animal

化妝假狗黐執鬚， 搞party勁High Yo Yo Yo!!!

我多年來Halloween都會落去蘭桂坊兜個圈，

參觀別人服裝扮鬼扮馬，

我經常想叫我好朋友阿成扮一種東西

硬是買不到那麼大的size，

搵個Dum Dum套落自己的頭上

其實都不一定要Halloween才買這些服飾呢

夫妻感情好與壞； 知情識趣先至乖

情侶或夫妻, 其實都要經常互相氹大家開心

你買這些服飾, 間中給對方一個驚喜,

譬如話你做人家男朋友/老公，

可以帶這個姣吞吞的頭箍，跟住全身赤裸，

煮返個撚手小菜給你的另一半 ，世事無絕對，

只有真情趣, 男人扮蟹氹條女 ，晚晚興奮治不舉

妝藥區，就位於隔離，好大個section，

有護膚品、好多不同養分的面膜，

hand cream，這隻防水有Q10 ，我有用它，

好快吸收 ，潤唇膏，唇紋太乾會暴露年紀；

男士個咀爆曬拆，血淋淋 ，好難有人想錫下去喎，

除非那位女士真的好愛你啦；落妝用品、

這隻是薏仁保濕化妝水，保濕滲透力高

改善皮膚幼紋、暗啞膚色，夠曬大碌，好抵用

化妝品有些可以即場試用、三分鐘礦物泥，

磨砂膏，有些除了可以磨面之外 ，

更可以磨背脊的瘡瘡 ，女士們背脊的肌膚都不能忽略

否則就面珠滑捋捋，背脊手慘慘就弊啦；

最慘摸落去那位，你男朋友或老公，

他都不想好似摸到榴槤那樣啦， 執執它吧；

這個酵素洗顏粉超級好，我一星期用一次呢

還有些開店優惠限定福袋，

和驚安獨家專有發售護膚品；

肌研維他命面膜 ，精選自日本的豆乳精華，

蘊含維他命H，配合神經醯胺 (Ceramide)，

深層保濕，滋潤肌膚，並有效防止水分流失

4重透明質酸，強勁保濕，能夠滲透入皮膚肌底，

這些天氣一定要做多些面膜，

一路行到最盡頭，熟食是超級推介，不過一早就售罄

熟食旁邊就是壽司和海鮮，海鮮是日本直送，

未經雪藏就由日本送過冰，超級新鮮的

旁邊就有蔬菜水果，亦都有少量電器，

廚房用具、震撼價區，上層多數是零食、酒類、

飲品、甜品、收銀處旁都有熟食便當

影片一路看落去我會詳細介紹

攻略3:由於這裏的化妝品實在太多種類

除非你有用開一隻牌子，這裏買好方便

否則如果你不知揀什麼好，就認住一些標明No1銷量

日本的COSME大賞，完全由消費者評選出來的，

好物排行榜，稱得上是日本美妝界，公信力和影響力

NO.1的年度榜單，換句話講，

每一件上榜產品都是日本消費者真實使用後選出的心水好物

日本有句說話: 一旦發現你公司賣假貨，政府會罰到你破產

如果罰你坐監，要坐到你死；所以日本人不冒這些險

況且，驚安這麼大間公司，亦有其信譽，

別處我就不敢包了， 因為不知貨源呢

所以如果你想試新產品，就要選銷量No1的品牌，

可以放心在這裏買；

花多眼亂睇到你暈，識揀梗係要揀N0.1

鬼咁多人要睇時辰，阿Tsar教路你唔會發Ti騰

攻略4: 雖然我剛剛解釋過這裏的地圖 ，

但由於貨品實在太多 ，你都分分鐘會迷路

來驚安購物， 你會發覺它有一個好大特色

就是每一個貨品種類的貨架上，都有一個POP手繪海報，

POP是「Point Of Purchase」的簡稱 ,

POP廣告形式可讓消費者增加購買意欲，

除了會清楚標明價格、折扣外，

POP亦會加入一些卡通人物和Eye-catching的標語。

大家shopping時最好岳高頭，看完POP有否你想要的貨品

才慢慢細心逐格睇, 有否你想要的產品

好像單單牙膏已經有幾十款品牌，

但醫藥品種類十分少，有少量的眼藥水

這隻荔枝牌子在日本好暢銷，消除紅筋及多種功能

還有醫治痱滋的口内軟膏、胃藥、我去日本旅行時

經常會去食串燒, 由於我好怕食物攤凍

所以我食得好快, 成日因此而胃痛,

我要經常在日本買胃藥，非常有效,

好短時間之內就可以止痛, 這裹都有發燒感冒藥

如果你不看頭上的POP, 分分鐘行過就算,

不會知它們什麼葫蘆賣什麼藥，

香港某間大型超市我已經拍過影片,

他們最近都開了多間日本零售部門在自己超市內

亦有用到POP這種銷售手法在超市裏面

你們有興趣可以看看，我放條link在留言置頂

不過大家的企業文化、顧客購買體驗亦不一樣，

不是你想抄就抄得到的，又有可能會做得更好

‘唔練過唔知邊個好， 消費者兩邊去尋寶

過江龍定係本土 ，賣平啲嗰個I love you so !!!’

攻略5 : 不知是否因為我最近連續拍了幾集影片

都是賣好平的日本貨，所以我發覺這裹價錢都不算好平

但如果你想買平物，就要留意下黃色的價錢牌，

寫明是low price，這些貨品肯定平過其他同類

有些價錢牌寫了折扣呵 ，有些化妝品面膜半價

LITS白色植物幹細胞美白面膜套裝護膚品，49%折扣

必定會執到平貨，又幫你慳荷包啦

我見到有facebook留言，有人問用$20可買到什麼

當然得啦，有些烏冬賣$8.8, 有些零食$9.8,

‘豐儉由人睇黃牌，慳咗錢你就最high

得閒落嚟行下街，戶口多過零，你咪問我Why? ’

攻略6: ［震撼價專區］，最平$1，有$3、$5、$10、

$15、 $20、$50，當中超過30件廚房小物、收納用品等，

$10有交易，比$12店更平， 當中有一套三件的保鮮盒、

密封袋、不同顏色的紙飲管一包，這個超可愛的環保袋$5,

旁邊有些款式更美但會貴些

放入微波爐的膠杯、最適合放在office飲湯用的,

一套兩個殼，最適合我前排買的泰式茶葉，有份量呵

細的是5ml, 大的是15ml, 另外一個5-50ml 的量杯

切蛋器、冰粒格、還有些$20 、$50的

攻略7： 由於地庫那層, 面積應該大過上面三倍,

更多貨品選購，但這裏冇電梯㗎，

所以你在地庫買東西時，要衡量自己能否攞上上一層，

如果會好重好辛苦，好多人會來買餸 ，

地庫這層最入的地方你就找對了

一般家庭所需的蔬菜、蛋、凍肉，

或是火鍋用的烤肉、牛及豚肉

都可以買到。它們亦有「日本森林雞」,

含有豐富維他命E，能防止細胞老化，

食落口有濃沃雞味, 另外亦有海鮮從大海撈起後，

沒有經過冷藏便直接運送至香港，由於未經急凍，

所以吃起來較原汁原味，也相對新鮮。

價錢亦十歷相宜 ，所以好早被搶購一空

是店內非常受歡迎的產品

’豬牛羊蛋菜淥火鍋，海鮮直送要encore

嗌齊老豆媽子同阿哥 ，驚安買餸唔怕打10號波‘

攻略8 ：有什麼最值得買呢 ？

.......

攻略9：最不值得買的物件

我認為這裹的電器，一來選擇少

二來沒什麼用，三價錢不平，有些好細size的氣炸鍋

我自己都經常用氣炸鍋，煮給自己一個人食

你看那麼細的氣炸鍋可以煮到什麼

這裏都有好多日本家居用品，由於我之前拍過2集

深水埗電子特賣城, 裏面都有這些類似的商品

價錢起碼平幾倍, 你們如果第一次看我的影片,

我放條link在留言置頂，你慢慢重溫,

會發現我介紹的地方買平好多

攻略10 ：店裏的甜品和酒品都非常多選擇

............

如果你們一心想來掃貨 ，建議你帶個大些的環保袋

希望我今集的資訊，幫到你們慳錢慳時間

不要那麼快走人喎，又來到是咁的環節啦，

....................................


成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

30天升10000訂閱：http://goo.gl/zNT6Ck
日本有HATERS嗎？「日本高登」惡言更甚

我發現原來有人係唔明我上條片講乜㗎。
留言屌我嘅我諗有三種人：
一、盲撐曹星如嘅人

呢種人應該係連我條片都無睇就覺得我真係話場比賽做馬

二、盲反曹星如嘅人

喂而家我講緊D人人云亦云、盲反跟風，你打啲咁有策略性嘅分析我點會係話你呀，以「屌7佢」為總結絕對係斯文人嘅表現。因為有啲人係話要「打7我」㗎

三、睇我唔順眼嘅人
呢個Comment更加極具參考價值，盡顯Haters本色

講返正題先，
係呀，HATERS就係一堆個心變咗黑色嘅劣等人
(收皮啦！你老母)
係呀，就係咁。

如果睇完我上條片只能夠留下句咁嘅comment，人格係點相信大家都好清楚。
相反，有位觀眾雖然唔like我條片，但起碼係以以事論事嘅角度切入，令我明白我可以深入少少講下呢個我唔中意嘅網絡現象。咁我地入正題。

HATERS本是同根生，佢地除咗個心係黑色嘅之外，佢地對眼係咁睇嘢㗎！
(黑白)
屌你老母，落雨，收皮啦個天！
棵樹起喺個度做咩呀！阻撚住人行路！
(轉自拍)
其實亦都可以好簡單咁諗：
今日可以喺呢度體驗日本嘅生活真係好開心

其實每個地方都有HATERS，
當然有人都會問，咁日本人咁有禮貌，網上一定無HATERS啦。
我可以話你知呢個諗法係：錯呀！

HATE係一種病，而呢種病會因為唔同嘅地方文化、教育等等有唔同嘅呈現。例如日本人從小被教育要忍耐，要融入群體有禮貌等等，其實成個民族壓抑好大。日本有一個叫2channel嘅論壇，簡稱：2ch。而家改咗名叫5h。入面嘅日本HATERS我諗日常壓抑真係太大，佢地嘅言論已經超越一般嘅人身攻擊同憤世言論，例如討論喺電車增加無障礙空間，啲上班族會話：
「為什麼為了日本經濟貢獻的我們，要去體貼為了一時之爽而生下小孩的女人們！」

或者係

「啲老嘢係厚顏無恥㗎。既然佢地存在喺社會都無作用，與其喺度賴屎賴尿不如去死啦。」

有唔少嘅仇恨言論更加演變成訴訟事件，日本會用「炎上」形容呢種網絡惡言、網絡罵戰。因為嚴重到衍生成唔同嘅社會事件。日本AC Japan更加用桃太郎嘅故事出過一個廣告提醒大家呢啲惡言係會傷害到人。有興趣可以click入下面條link睇下：https://goo.gl/BYisMH

HATE呢種病雖然可以由社會衍生，亦唔可以將問題賴哂去社會度。
我地個世界係點，係由我地點諗呢個世界開始。張繼聰以前比狗仔隊寫臭到諗過自殺，佢承認過自己都有過憤世嘅心，但係佢改變心態上進努力，由一個無人識嘅人到拍住張家輝拍戲，做到電影二三線主角，做到一個好老公好爸爸，其實都只係一個對世界嘅觀點轉換。如果佢當日比人寫臭，佢選擇：「既然都無人尊重我，我點解要尊重人呀！」呢種態度嘅話，我諗佢都只會變成一個說話膚淺、剩係識惡言相向嘅人。

講真嘅，唔信嘅話聽日嘗試改變一下你以往習慣咗嘅負面嘅心，
一日咁多，你身邊發生嘅事都會改變。

今日有一班咁嘅人屌我，我會諗我自己有未做好嘅地方而「吸引」呢啲人出現，但我唔會選擇同佢地淪為同等人。Mingjai係我少數好中意嘅一個香港YouTuber，因為佢嘅影片無因為佢高訂閱而變成罐頭片，質素反而不斷提高，即使一開始佢有HATERS都無影響佢嘅進步。我同佢，而家當然無得比，但如果要回應呢啲唔認識我嘅HATERS，我會以mingjai為榜樣用更好嘅作品去令佢地消失。不過放心，我永遠都會集中喺一班支持我嘅crazy fds個到嘅。

日本相關影片：
日本超商這樣賣A書
https://youtu.be/ks52E2PNuKc

Ernest Docrazy相關影片：
HATERS心底話 非日本
https://youtu.be/aiKQ-RUlPgs
香港有人自殺？關我鬼事？日本香港自殺問題
https://youtu.be/c6TeX8hFpzI

想留意更多我的動態，記得緊貼Ernest Docrazy
Ernest Docrazy社交平台：

Ernest Docrazy channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/

Heyo - 屎忽鬼 lyrical MV
Recorded and Mixed by INK

Facebook page: www.facebook.com/Heyoliztic
Weibo: Heyoliztic
Instagram: Heyoliztic
Youtube: Heyoliztic

落筆私塾：
www.facebook.com/lokbatsisuk

Verse1:
屎忽鬼 屎得滯 睇你一世 似乜
鬼 知一位 癲得得 勢要柒先得
嗡O的乜 話變質 你變得 仲快
唔得掂 你一驗腦 入面有 腫塊

仲用埋 O的陰招 大家 都心照
不過 你個 敗家 可以奸 足每分秒
由心屌 條撚屌 由今朝 到深宵
咁撓 要屌 都唔少 一Q 又一Q

唔抵得 我得左 唔抵得 你得o個
丁丁多 又扮得 咪扮得 不 嘗失
你唔恨得 咁多我 唔恨得 咁多個
錯左 仲要一錯再錯 對你地恨之入骨

屈得就屈 入得就入 你班萬能插
一有得扮神 就扮 人人當你神化
一班人夾 埋但 唔敢話埋牙
我曬冷 你埋單 講野留返 拜山

Hook:
從來我都 唔停步 唔認老 唔清高
對我警告 冇聽到 唔識做 唔識撈
從來我都 唔停步 唔認老 唔清高
對我警告 冇聽到 唔識做 唔識撈

Verse2:
你地以為 我會買你 怕怕 下話
至敝 我只怕 你班 癲雞 發爛渣
下 未到家 你算鳩數罷
Mic 你唔好渣 你不如返返去 渣掃把

你仲話 出唱片 做打垃圾歌
你咋歌 我慣左掃落 桌面 垃圾囉
要撻朵 要插我 要靠惡 要嫁禍
要我怕左 你 你大可 拎把刀黎殺我

係你地 太過廢 教你地 太破費
我睇 你地 出黎 個個 跳錯制
做老臨 幾好咁 唔撚洗 動腦筋
個腦肯 定唔等洗 新到冇 用到咁

諗縮數 R窿路 你入晒每度空隙
你都冇 聽忠告 抵你處處碰壁
仲鬆毛鬆亦 仲自封 頭號公敵
請自重 你D功力 我攻擊 你聽仆直

Hook:
從來我都 唔停步 唔認老 唔清高
對我警告 冇聽到 唔識做 唔識撈
從來我都 唔停步 唔認老 唔清高
對我警告 冇聽到 唔識做 唔識撈

Verse3:
大牛龜 要帶頭威 咪帶頭盔
你 個頭 係細 過頭 就咪 扮大頭仔
創作左多時 D 歌詞 禍過我 細個o個時
sorry囉 D 兒歌 可以 播落波波池

係呃到班善信 之後賴有自信
仁至義盡 提醒下你扮葉準 盞自盡
未諮詢 過我地 難怪未 茅塞頓開
仲想辯論 勸你地 行開 啦盹胎

我記住 你幾狗 你記住 我記仇
你把口 係比首 頂多似 死氣喉
係氣候 未成熟 定你班友 未純熟
仲明目張膽 論程度 盞逼人凌辱

要再俾面 咪癲 我會比癲 更堅
要係死纏 爛打 睇下邊 個死先 係咁先
老古董 食古不化 我非 隨 波逐流既
忍辱負重 十年未晚 以後叫 我復仇者

從來我都 唔停步 唔認老 唔清高
對我警告 冇聽到 唔識做 唔識撈
從來我都 唔停步 唔認老 唔清高
對我警告 冇聽到 唔識做 唔識撈

從來我都 唔停步 唔認老 唔清高
對我警告 冇聽到 唔識做 唔識撈
從來我都 唔停步 唔認老 唔清高
技術擊倒 係 Heyo 仲係度 你班 small potato

Outro:
我單挑 讓三招 我加料 你吔焦
你發表 似賣笑 你發燒 燒壞了
要係講 Flow I got skill ya got kill
我就攞刀 蒞斬料 斬义燒