【龔成問答信箱】（Q22361-Q22380）

Q22361：

龔sir你好呀呢排上緊你進階班，有幾條問題想問

1. 記得你講過話如果非控股權益條數太大，就直接用盈利條數去計純利率，咁大概幾多為之大呀? 如果非控股權益佔盈利10%算唔算大?

2. 如果一間公司旗下淨係有聯營或者合營公司，冇任何附屬公司，咁係咪盈利=股東應佔溢利? 冇非控股權益呢條數?

3. 假設旗下有聯營公司，如果用盈利-聯營公司應佔溢利去計純利率，理論上純利率數字係咪會更加準確?

4. 最近試下分析2138，近年逐漸以醫療業務為核心，係全港最大非醫院醫療機構，亦都不斷有收購動作，以擴展專科範疇。本身醫療行業係有前景嘅，

市民消費力越黎越大，營業額有平穩上升，本質應該唔差嘅。但睇佢財務數據唔算太理想，近年純利率有下跌趨勢，我留意到註冊醫生同僱員開支比例不斷上升，佔成本好重。

但係轉個角度睇，近年香港環境係幾差，目前企業仍然以香港業務為核心，始終會影響業績。而管理層對前景有信心，就算面對大環境影響仍保持擴展動作，醫生團隊不斷擴大，

所以拉低左純利率。長遠將營運模式複製到內地，大環境利好情況下，都有唔錯增長力

我分析成點呀，有冇其他我未睇到嘅因素? 呢度都幾大段野非常感激

龔成老師︰

1) 我地要估這個調整，主要係因為當集團對附屬公司持股，較接近50%時，即附屬公司盈利中，有不少比重非有集團所有，令計算出來的純利率出現偏差。

所以，我地有時係會唔扣"非控股權益"，直接用盈利(而非股東應佔溢利)去除營業額，去計算純利率。

但我地唔需要一見到"非控股權益"有數字，就去做這個調整。因為有時個數字好細，當你調整後，發現純利率其實無明顯變化。

所以，你預"非控股權益"大於"盈利"10%，我地才會對純利率進行調整，令佢數字更能反映真實情況。

2) 係，因為聯/營公司只會將所佔利潤入帳，而非好似附屬公司咁，就算持股<100%，都會100%先入帳。

因此，若企業只係有聯/營公司，非控股權益係會零。

3) 係，因為你"營業額"中並無計入這些聯營公司收入數字，若不扣除的話，純利率會被高估。

4) 香港醫思醫療集團（2138）主要以ＤＲ　ＲＥＢＯＲＮ品牌提供醫學美容服務。企業都有質素的。

（１）醫療服務：包括整形外科手術、微整形療程及由集團醫生操作的能量儀器療程及一般診症服務，以及牙科（ＯＮＥ　ＤＥＮＴＡＬ及ＯＮＥ　ＤＥＮＴＡＬ　ＰＬＵＳ品牌）、中醫及眼科服務。

（２）準醫療服務：包括由已接受培訓的治療師操作的能量儀器療程，該等治療師已完成集團醫生主導的內部
強制性培訓。

（３）傳統美容服務：包括面部護理、按摩以及其他無創療程。

（４）護膚及美容產品：主要為集團的自家品牌寶特曼娜及瑞研雅。

你分析中都說到一些重點，佢員工成本係有上漲，而該部份佔成本比重都唔細。由於集團近年加快內地發展，係員工和醫生方面開支增加，都係正常。

但係數據中，你會睇到佢賺錢能力，因成本增加而出現倒退。但由於集團加大發展，成本增加係正常。

重點係這些成本，長線能否轉化成更高收益效率，就要再觀察。暫時睇佢業務發展不差，長遠有增長力，不過業務中短期會有少少波動。

現價算略貴，由於都有不確定性，故投資時要控制注碼。

------------------------------------------------

Q22362：

龔成 你好。我30歲嫁啦。但都係儲得10萬。點先可以令到啲錢滾大啲。但我完全無投資經驗。我連MPF都係揀最保守嗰啲

可以幫幫我嘛，thanks

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你30歲，應以增值為主，建議你用「平穏增長股」 + 「潛力股」作組合，去創造一個增值平台。

你現時無投資知識和經驗，對企業估值，點去定平貴未必會太了解。所以，我建議你先利用月供模式，去做增值，可以減低買貴貨風險，對你而言會較理想。

現在你每月先用5成儲蓄做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股。

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

現時大市只是合理區，你現有10萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

至於MPF，配置其實唔複雜，你只要按你的年齡階段，去進行分配就得，年輕時較進取，中年平穩，退休前就保守。基本上你按年齡，慢慢跟這樣比調整就得。

強積金是一個超長線投資，中短期當然會有上落，但就唔需要轉來轉去。

只要按你的年齡，長線配置就得。我自踏入社會工作後，一直都是100%恆指，無變過，根本唔需要理會。

------------------------------------------------

Q22363：

你好呀 請問可以指點一下嗎?
1919 平均價$17.9 入咗
1022 平均價$0.91 入咗
833 $10 入咗
請問未來應該點部署??
麻煩晒 感激不盡

龔成老師：

飛魚科技（1022）較弱，華訊（0833）就一般，中遠海控（1919）算是有質素。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

現價略貴，回1、2成會合理翻d。

飛魚科技（1022）質素不太好。業務不穩，持續虧損，投資價值不高。

之前得到騰訊（0700）入股，往後會提高企業價值，潛力度高左，但由於仍有未知數，業務不能推算一定成功。

華訊（0833）主要從事生產及銷售電子產品、塑料模具、塑料及其他電子產品元件、買賣生物柴油產品及提供煤氣爐頭、以及提供節能業務解決方案。

業務不過不先，生意都有增長，但盈利有點波動，之前有虧損。整體的企業質素算是中等。

現時股價合理，但由於規模細，加上企業優質並不是很強，投資價值唔算高。如投資，小注好了。

------------------------------------------------

Q22364：

我有睇呀老師
但我手上的股票都從高位下跌了不少，不知應該怎做

270、364、388、700、823、1316、1833、2013、2800、3690、9988

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

區塊鏈集團（0364）停牌，暫時只有等，但睇翻佢過往財務數據，年年虧損，不宜投資。

微盟集團（2013）風險會高少少，不能持有太多

而美團（3690）則較波動，要注意風險。

至於其他，問題不大，但就較集中在科網類股，成為你最大核心風險。

------------------------------------------------

Q22365：

龔Sir你好！多謝你的意見！最近我終於入了維他奶($25.1)和騰訊($534)，重基礎分析我覺得這兩間是有質素的公司，我認為襲警事件和監管事件長遠都不會影響 企業的核心賺錢能力，所以決定入貨！

學你話齋長揸有質素的企業享受長時間覆式成長的威力！ 另外想請教你石藥集團(1093) 和福壽園(1448)是否石藥集團較優質一點？

龔成老師：

對，騰訊（0700）、維他奶（0345）都可長線的，最重要是睇翻企業長遠的發展。

石藥（1093）有質素的股票，佢係國內主要醫藥製造商之一。成藥產主要在中國出售，包括抗生素、心腦血管用藥、糠尿病用藥、精神病用藥、抗腫瘤用藥及中醫用藥。

原料藥包括粉狀抗生素、維生素Ｃ及咖啡因，大部分於海外市場銷售。

佢的財務數據不差，有增長力，不過，行業本質有風險，加上近年的政策風險，都令佢股價甚為波動。

這股可投資，長線持有，現價合理區中上位，唔好太心急去一次過投資，宜慢慢投資，長線持有。

福壽園（1448）有質素有發展力。

佢係中國最大的殯儀企業，有一定的規模，而針對的是高端市場，服務有一定的質素，擁品牌及知名度，有相當的賺錢能力，財務穩健負債少，因此企業本質不錯。
由於行業處增長的市場，而新競爭者要入行不易，因此對原有企業有利，故福壽園是優質的企業。

佢憑著本身的優勢，能取得比同業更好的回報，而福壽園管理層表明會持續擴展，策略上會透過併購同業及買墓園去擴充。

由於福壽園的模式成功，因此只要投入資金去發展，複製過往的成功，已經能取得理想的再投資回報率，長期來說此股有一定的增長潛力。

不過，由於此股業務好獨特，因此業務情況在年報上或資料上，未必能完全反映，雖然數據及資料上都顯示此股有質素，但往往要時間證實。

至於企當估值方面，太約$7.5是合理區頂的水平。但不能太一次過投資太多太進取，以分注小注投資是一個策略。

管理層的野心大，投資後不要升少少就賣，要耐心持有，等長期更大的收成。

其實兩隻都有質素，可能福壽園略好。

------------------------------------------------

Q22366：

阿sir，我預計下月會再跌市，請問想撈貨，應幾時入市？

龔成老師：

無得預計的，巴菲特等投資大市都不會預期股市走勢，不要認為自己勁過佢地。我地只知股市會波動，因此當有些股在合理區，已經可以分注買入，當然同時要留現金。

------------------------------------------------

Q22367：

你好老師，老師 想請教下

有關3067 17.231入跌左19％應該點處理呢？
有關6862 34.6入跌左30％應該點處理呢？

龔成老師：

安碩恒生科技（3067），有長線投資價值，你耐心持有就得，你買入價在合理區頂至略貴。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

這基金上落較大，現價大約在合理區中上部，你可持有，如果佔組合比例少，可慢慢分注投資。

至於海底撈（6862），這股就要小心股價上落大，如果持貨多可能減。

從業務長遠本質分析，佢又是不差的，長遠仍會正面，不過中短期會弱。

第一，管理層有講過，之前市場對佢地公司過度樂觀，估值偏高。第二，管理層話公司面對中國的市道，其實業務不是一直都好的。

加上這股之前貴，相信中短期股價仍一般。

不過以長遠來說，這股仍有質素的，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。

在中國有好多分店，以及外國都有。

有規模，有品牌，整體正面。相信長遠仍有發展的。

不過，這股市場之前比佢好高估值，就算近期回落，最多只能稱為合理區頂，一定未平。如果有貨可長線，但太多貨要減，股價始終波動。

------------------------------------------------

Q22368：

老師你好 我睇左你個page好耐下 想請教你買股票嘅問題 28歲 我係2019年開始買股票嘅 係隨便買 一出糧錢就好似shopping咁買股票

感受平平地就買 我覺得我好似有啲問題同好危險 因為我唔知幾錢叫平 總之平過我上次買我就覺得平 買股票又無plan 你可唔可以幫我睇下我啲組合有無問題，我蝕緊錢：

700 2手 $629
9988 4手 $232
175 3手 $22
1810 4手 $26
7226 6手 $6
66 1手 $37
17 0.5手 $34

我無儲開錢 啲錢係曬股票度算唔算儲錢？

龔成老師︰

我地做財富增值，其實就係將只會貶值現金，換成長線有增長力的優質資產的一個動作。優質資產可以係物業，可以係優質股、生意等。所以，你買的股票只要有質素，就等同儲緊錢。

但我地唔係完全唔留現金，因為我地要進行日常交易、同時要留有部份，以備不時之需，和當有大跌市時去入貨。

而我地去決定是否投資一隻股票時，你要知道佢到底係做乜、點賺錢、有無質素、行業發展前景係點、財務有無問題等等，才決定值不值得投資。

之後，我地再去用上述資訊，去估算出佢平貴程度，才去制定入市策略。

今天買入價，比上次買入為低，唔一定係"平"，可以係2次都係買貴左。而且佢股價下跌，你一定了解翻，會唔會係一些長線因素影響，令佢投資價值有變。

以你28歲年紀，應以增值為主。你現時持有股票，都有質素，可持有。而且都好好彩，大體上買入價都合理。

但有一隻要留意，ＸＬ二南方恒科（7226）產品之投資目標為追踪恒生科技指數每日表現兩倍（２ｘ）的投資業績。

雖然我長遠認為，恆生科技指數正面，但中短期可以較波動，由於這基金有槓杆，就會令價格更加波動，其實有風險。

我會較建議投資無槓杆的恆生科指ETF（3067），始終較好。

以你現時狀況，你投資經驗唔算多，你可以每月用一半儲蓄去做月供，另一半儲起等大跌市這個模式，去慢慢儲貨，相信會較穏當。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

------------------------------------------------

Q22369：

你好，有啲問題想請教你下的。我有50萬儲蓄 想問有咩比較 穩陣嘅投資？

定係買啲派息基金 個個月收3千幾蚊息 用簡單啲呢？thanks

龔成老師︰

以你每月派$3000計，派息基金的派息率(7.2%)都算吸引，但你要確認到底派息金額是否保證，而且產品本身，有無"賺息蝕價"的可能性。

如果你想投資一些較穏陣股票，可以用以下優質股。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，如果你係較年青，我會建議用平穏增長股，去做增值。若你較退休之年，穏定現金流對你相對重要，你資金就應集中在收息股類。

你可以因應自己人生階段，去進行選擇。

平穩增值股，例如指數基金、金沙（1928）、長建（1038）、中銀（2388）、港鐵（0066）、恆基（0012）、平安(2318)、粵海(0270)、領展(0823)。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

現時大市只係合理水平，入市要分注，同時要留有3-5成現金，去等大跌市出現，才用來加大力度掃貨。

------------------------------------------------

Q22370：

龔成老師，你好。認識了你一個月，第一次發問。本人32歲，已婚有兩名子女。沒有股票投資知識。

有一層已供完的自住樓，另有一層放租，租金12k，貸款400萬，供30年。現金200萬，沒有持有股票。

本身有個目標就係希望50歲退休，到時每個月可有50K被動收入。可能受屋企人熏陶，一直諗住用買樓收租方式去實現目標。即系退休時要擁有4個已經供完，月租12k-13k的單位就可以了。

但睇咗老師嘅專頁後，發覺有啲師兄都係訂咗呢個被動收入50K為財務自由目標。而老師分析只要有1000萬流動資金，做到每年6%回報，其實已經可以做到我個目標。

對比之下好似簡單過買多3層樓收租，所以如果好似我咁樣嘅個案，應該點樣部署投資組合。

P.S題外話，長遠來講自己覺得退休有四層樓收租另一個好處，係當中兩層更可以等子女成家立室時送贈。

謝謝解答

龔成老師︰

若你希望50歲退休時，每月有5萬蚊現金流，以股息率6%計，的確係需要1000萬本金。但只係一個參考數值，總點唔係放係1000萬，而係如何創造出每月5萬現金流。

其實我地退休後，獲得現金流係有好多方法，物業(收租)、收息股、優質債券、年金，定息產品等等。(除了物業，其他都係退休後，唔係而家就買)

無話邊一種係特別好，因為我地重點係要創造一個平衡組合，希望萬一個別投資項目出問題，都唔會嚴重影響到我地全個退休計劃，所以資金會平衡分配係這些項目上。

所以，收租物業都應該成為你財富組合，其中的一員。只要唔係全個組合，大部份比例都被物業佔據，咁就可以。

你現時已持有2間物業，餘下資金和每月儲蓄，應先投資在有增長力優質股，去累積退休所需資金。

你32歲，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

但由於潛力股有一定風險，你可以先集中投資平穏增長股，到你有一定投資經驗，才慢慢加入潛力股類。

現時大市只是合理區，你現有200萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你現投資$200萬，18年後大約會增值至1100萬，再加上你本身收租物業現金流，相信這樣安排，很大機會達至你的財務目標。

------------------------------------------------

Q22371：

龔成老師你好。本人34歲，穩定收入，月入4萬7千。有100萬現金，每月可蓄1萬多。請問如買邊隻股票較合適？偏向想長線高回報個種。

謝謝老師。

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時34歲去計，可以投資「平穏增長股」和「潛力股」。你每月5成儲蓄，即是用$5000做月供。其餘先儲起，用一邊月供一邊儲蓄的策略。

潛力股係增長力上，會相對較大，但風險同樣地，都係會較高。如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成。你可以視乎你投資經驗多寡、了解這些股票程度和風險取態去決定。

大市現處於合理水平，那100萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

------------------------------------------------

Q22372：

你好丫龔成，我睇左你個page一年，想問問你，本人28歲，儲蓄300萬現金，50萬股票，但股票全部都蝕錢，因早期聽人講買落走唔到，

現有額外流動300萬現金，共600萬，想同時買2個單位，你覺得可以嗎？有咩地區可買？月收入十萬，現租11000單位

龔成老師︰

我先講物業部份，如果係自住樓，地區主要係適合你長線生活需要，咁就可以。

如果係投資樓，除左鄰近商區地段，好似中環、東九、北大嶼(或有變數)外。你都可以留意一些潛力較高地區，好似堅尼地城、大圍、黃竹坑等。

現時整體樓市唔算平，租金回報率唔算太高，用物業做投資增值，值博率不及股市。

但從平衡配置角度，你現時買1個單位投資，我覺得都可以。但2個的話，就會太偏重係物業類，唔係咁理想。

而股票方面，我地投資股票，其實就即係投資一間企業。你一定要知道佢業務、質素、行業發展、財務狀況等，唔好只係聽日講，就走去買。

你要睇翻這些股票有無長線投資價值，如果有，中短期波動唔洗太在意，照持有係無問題。但若無質素，就算現時是賺是蝕，都應該要減持，甚至完全沽出。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你28歲，應以增值為主，建議你用「平穏增長股」 + 「潛力股」作組合，去創造一個增值平台。

除了現有資金，你可以用每月5成儲蓄做月供。其餘先儲起，用一邊月供一邊儲蓄的策略。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有300萬資金可投入多50-100萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q22373：

本人34歲。供強積金後，月入$27000。每月儲$16000。預計出年儲蓄有100萬。想問獲100萬後投資溫哥華大概港元300萬樓宇好嗎？

另外，現在持有20萬投資建行，港交所，龍源電力，匯豐股票組合。另外想加30萬儲蓄投資股票，以藥明生物，招商銀行，騰訊股票組合， 好嗎？

龔成老師︰

我對溫哥華物業市場，無特別研究。你可以睇翻佢租金回報率，同物業本身升值潛力作決定。

大前題，你必需係認識這項目，「不認識就不投資」。如果你真的已了解當地的物業市場、租務市場、法例、經濟發展，就可以考慮。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你34歲年紀，應先做好增值部份。建行(0939)和匯控(0005)只係收息股，增長力好弱，不宜持有太多。

而且，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。你現時組合有3隻銀行股，好大機會會超標，要注意。

其餘股票，都係適合你。但藥明生物(2269)不確定性較大，投資時要控制注碼。

我見你不少股票，都係潛力股類，佢地增長潛力大，但風險都唔細。建議你未來投資時，加入以下平穏增長股，去令成個股票組合更平衡。

另外，除了用現有資金投資外，你可以用每月一半儲蓄，去進行月供股票，去提升組合增長力。餘下一半儲蓄就留起，去等大跌市機會。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。

------------------------------------------------

Q22374：

可唔可以分析下美股 Faraday Future

龔成老師︰

Faraday Future Intelligent Electric Inc. (FFIE)是一間智能電動汽車發展的美國初創科技公司。

我自已無研究過此股，見集團剛與特殊目的收購公司(SPAC) Property Solutions Acquisition Corp.合併。

市場預期會獲得一筆資金，用於未來發展，都算係一個正面訊號。而且集團聲稱2022年第一季，就可以交付首款電動車。比起還只在研發階段的企業，會好少少。

但始終佢業務都算係好初期階段，不確定性會好高，就算你投資， 也不建議太大注。

------------------------------------------------

Q22375：

我高位，$3.32入左1769

星期五出左政策，我现在，应该点做。。。。谢谢你

龔成老師︰

思考樂教育（1769）面對政策風險，賺錢能力減，你宜減持。

本質上，不是劣質，佢主要透過結構性合約於中國提供課後教育服務，包括以「升學」品牌提供學業備考課程，及以「樂學」品牌提供初階小學素質教育課程。

學業備考課程主要針對提高學生的學業表現，以及備考初中入學考試、中考和高考，面向一年級至十二年級的學生。

學業備考課程囊括小學、初中和高中的多門學科，並以小班制形式開展，每班通常不超過２０名學生，一般每周開課一次或兩次，每節課時長介乎１﹒５小時至３小時。每節課由檢查作業、講課時間、課堂考核、練習及小測討論組成。

過往業務有增長，長遠仍有發展力，不過由於規模不大，獨特性未算好強，因此未算好高質。

近期中央政策出台，主要係針對性禁止一些課後教育。集團正正就是從是這類企業，故影響較大。由於成個行業不確定性大，故不建議持有太多。

如果你現時持貨，只係佔你組合一個好細比重，你可以守住先，再觀察。但佔較多重，必需要沽出部份，去平衡風險。

------------------------------------------------

Q22376：

成哥，最近覺得副業生意難做，正職又就嚟完約會失業，股票又輸錢，覺得好難受，點算好

龔成老師：

你要從長遠角度去想，如果你本身有儲蓄，無太大生活壓力，可試下加大力度投入副業，當然這是有危有機。

如果你生活壓力大，就盡快找翻正職先，最好是長工，等你安心翻，至於副業的生意，你其實預左做生意是不易的，最後成功者，是一些有強大心理質素的人。

至於股票，集中睇長遠企業價值，不要睇短期股價，成功投資者心理質素都好強的。

------------------------------------------------

Q22377：

老師你好！我想問。我有216萬股票、21萬基金、53萬現金、83萬mpf

41歲想買樓，但新工只係做左3個月，計埋bonus 3萬/月

我可以點做會較好？自己一個供 用幾多錢做首期較好？係咪要選樓齡少過20年較好 但好多我可負擔的樓齡都過30年？是否等做夠1年先買？

以我可負擔價錢，那一區較適合我？
謝謝

龔成老師︰

你有半年的穩定入息證明，已經可以去做按揭，如果你擔心工作有不確定，就做夠一年先去買樓。其實你現時有一定的流動資產，首期方面應該處理到，最緊要你計好供款佔入息比率，來推算能買多少金額樓價的樓。建議你睇睇《5年買樓4部曲》。

我地投資物業，最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

你要再要審視其升值潛力，未來地區上、交通上、生活等等的配套發展，才去下一個結論，咁會較好。

其實樓齡，都係其中一個要考慮的因素。樓齡當然越少越好，但唔代表30年以上的樓，就全無價值。由其一些藍籌屋苑，30年都仲好值錢。

但你要留意，30年以上樓宇有機會被要求做樓宇大維修，這是一個唔細的潛在成本，你買物業時，都要加入這個考慮因素。

由於這間係你自住樓，除了以上因素外，更重要係佢能否配合你長線生活所需，講緊係4,5年，係未來10-20年。如果可以，而你又有信心長線"供得起"，就可以考慮入市。

現時借貸息口低，我建議你盡量提高按揭成數，令自己有較多資金可以空出來，作投資之用。

當然，如果你做高按揭成數，會令你月供太吃力，你比多少少首期，都係可以，你要自己去做個平衡。

------------------------------------------------

Q22378：

龔sir,希望長編不騷擾你。我老公已搵到補習工作，現做緊剛開的暑期班，只1～3人一班，一星期有三/四堂。希望九月有新的中四以上的數學班，

佢會容易點，因為一直教中四至六班，現教低年級現多點預備及了解課程。

佢自己已向保險公司借了16.5萬，一年要$12000利息，問他的嫂借了5萬，我在股票攞出5萬，剛好還晒咭數。但現屋企已經無流動錢，要放緊點股票來給他5萬及屋企什使用錢。

股票與利息總共只有約90萬，但是包括我爸放在的幾萬。總90萬減去還錢的5萬，三個月供樓錢，爸放下錢及屋企使用錢。我想就放了1211(現只有一手)及小量其他細股好嗎？

如全部平均放怕剩下是太散、細的股票，這想法好嗎？

現股票有，有提議我先放那種類？

27 1000/入價43.5
66 558 公司送
388 300/入245
700 300/入333
1177 2000/入6.9

1211 500/入183.25
1810 1400/入14.82
2382 300/入140.6
2800 2000/入27.2

2845 50/入121.8
3088 2800/入11.6
3690 300/入110.6
9988 500/入195.6

現在他part-time可能對屋企洗用有幫助，我仍找緊part-time，希望我也有工作會好點。我想申請工時 “不” 提曾做腦腫瘤手術，找工作機會會好點。

希望sir 比點提示。

龔成老師︰

這些股票都有長線投資價值，如果你放，我會優先選擇一些比重較多的股票，建議你盡可能每隻都留有最少1手。

另外，就是一些潛力股，因為佢地雖然增長潛力高，但同時間波動性都較大。以你年紀，不宜持有太多。

所以，我會建議優先沽出"部份"港交所(0388)、舜宇光學（2382）、阿里（9988）、騰訊（0700）、小米(1810)、美團(3690)會較好。

至於你向保險公司借貸(相信你是指，借取儲蓄保單內價值)，這部份息率都算高，其實對你都係不利。你可以睇下銀行，有無其他貸款方法，個息率會少D，咁會較好。

雖然你從儲蓄保單借取現金價值，就算還唔到，最多只會係斷單。但從資產運用角度，這些都是利息支出，都是在蠶食緊你財富。所以長線計，都係找較低利息率的貸款會較好。

至於工作，其實以我所知，很多工作都唔會特別問你這些問題，故相信對你找工作，影響唔算話好大。

但你都要因應自己身體狀況，找工作時不要勉強，任何情況都好，都以自身健康行先。

------------------------------------------------

Q22379：

龔老師，早安！本人持有以下股票一段頗長日子，但股價一直積弱：

511 電視廣播 7000 @$8.60
3918 金界 8000 @$9.50
270 粵海 8000 @ $14.00

應否止損？還請抽空賜教！

特別是金界，是否企業質素轉壞？感謝老師抽空指導

龔成老師︰

電視廣播(0511)已經過了全盛時期，投資價值好一般，長線換至其他優質股較好。

粵海(0270)有投資價值，中短期波動唔洗太在意，暫時睇唔倒佢企業質素，有明顯較壞，你照持有就可以了。

金界控股（3918）都有質素的，但始終新興市場，因此點都有風險。

佢會因全球的疫情，而影響左生意，但這只是中短期。

長遠計，佢仍然正面，佢之前有項目獲當地政府批准發展5幢建築面積共逾580萬平方呎的物業，包括提供共4700個房間的酒店群、娛樂場所及公寓等。我相信長遠對佢仍正面。

此股長線本質，無變差，依然有長線投資價值。但由於佢身處市場新興，股價會較為波動，而你又係退休人士，這類潛力股，其實都唔係太適合你，因為風險太高。

你可以當佢有明顯反彈，就換碼至一些收息股，去為自己創造現金流，支援退休生活開支，這樣會較適合。

------------------------------------------------

Q22380：

本想將一百萬股票值如何滾訣，可惜事與願違

今日再看到恆大被凍結資產這些負面消息，忍痛放曬136，三十萬埋單，第一次蝕六位數字股票，真是一個好好的教訓，不應該重注和要止蝕！

再次感謝龔成老師一直以來的回覆

龔成老師︰

恒騰網絡（0136）始終係有危有機類別，很多價值建構在"未來"2個字。當大環境變差，大市波動，或者係好似現時咁母企出問題。

好容易就會出現較大回調，因此這類企業，投資係可以，但緊記要控制好注碼，來平衡這些風險。

其實你本身係好集中恒騰網絡（0136），現時沽出，再將資金平衡分配一些合適的優質股，反而長線係好事，係百利而無一害。

雖然短期你會見到虧損，但只要你認真去配置這筆資金，長線一定可以賺回來。

若你係年青至中年人士，以下優質股都適合你，你可以參考下。緊記做好組合平衡性，同一行業不能高於組合30%，同一股不能高於組合15%。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q22301-Q22320）

Q22301：

Hello 龔 Sir, 幾個月前開始接觸你，另外，我先生買咗幾本你嘅書，我睇咗你其中一本書，其實我二十多年對投資都有少少心得，只係較少接觸新經濟股….

Anyway, 依排個市跌，股票跌了 10%，咁多年股市上上落落我都無乜所謂….

其實我想講返重點，因為做全職媽咪，我十幾年無返工，但我睇了你嘅書後，決定跳出 comfort zone, 揾咗一份我很愛的 part-time, 返咗幾個月，

我真係覺得好有意義又表現幾好….但係，我今日竟然唔知醒，今日公司叫咗第二個人頂上一日，我真係喊足成日….衝動下買了 #700 發洩…

今日的故事講完，想同你分享，希望下星期我繼續有工返

龔成老師︰

如果你有上過我股票班，就會明白，我地的同學好小心投資的。課堂會派一份6頁紙的「企業評估表」，我會逼佢地填好6頁紙，先可以進行投資，所以佢地的投資都好穩健。

人生路上，我地難免會遇到一些令人氣餒的意外。最重要，係我地有無方法，令自己收拾好心情，重新上路。

發洩，其實係無問題，因為係一個情緒抒發，可以幫自己調整好心情。

每個人抒發的方法都不同，有人會做運動、有人會去唱K狂叫、有人會去沙灘對住個海沉思...。只要唔好傷害到自己和其他人，咁就無問題。

當你情緒，開始可以慢慢回復平靜，我地就要客觀分析，點去解決當前問題。(記住情緒未控制好，唔好做重大決定。)

其實遲到，我相信好多打工仔都試過，除非你本身係遲到常客，或者本身比人印象係唔盡責。否則一次半次，你誠心道歉，相信問題不大。

由於你缺席，公司要找人頂一日，都係正常，因為人地都要運作。

希望你可以明白，人生總會遇上不如意的事，重點係你面對的態度，而唔係件事本身。

其實，我好欣賞你走出comfort zone的勇氣。特別你係一個無做野1X年的全職媽媽，就更加難得，你要加油!!!

另外，你好衝動咁買左架騰訊（0700），現價算合理區中部。雖然近期中央政策，對相關大型企業，有不利影響。

但騰訊（0700）係有質素和規模的公司，相信會慢慢適應如何在這些新法規下營運，因此長線投資價值依然存在。

不過，你預佢中短期一定會較波動，但長線持有的話，就無問題。

------------------------------------------------

Q22302：

1) 龔sir你好，最近我學習了SOTP估值方法，我用此方法評估了最近金山軟件的估值，你可以給我一點意見嗎？

金山內在價值：
網遊+辦公軟件=70億人民幣
金山雲= 108億人民幣
淨現金= 140億人民幣
獵豹移動= 10人民幣
但參考aastock 496.93憶市值
我計漏咗啲咩？

網遊和辦公軟件以33%增長，金山雲以一倍增長。獵豹移動大約股價$2美金，大概18億人民幣，現金就參考披露易最近的2020年全年業績

如果計算之後就變成價值$28.46一股，這樣就高了30%

2) 另外，信達生物最近研發出pemigatinib藥物針對治療癌症,並已經在台灣日本美國批准使用,並對信達生物業績增長一倍以上,如果股價跟隨大市回落至$60，即是到250天線附近。有見及此，值得買入嗎？

不好意思一次過問你這麼多問題

有機會出現MACD背馳嗎？恕我班門弄斧

1801信達生物(六個月圖)

龔成老師︰

1) 雖然有參考價值，但你都要明白背後原理，由於唔知你具體每一部分怎樣計算，有可能你這個估值方法，只簡單將企業子公司市值加起(持股部份)，再計入集團本身資產和負債，去做出一個市值作估算。

現時財經網站提供的市值，純粹係現價，再乘以發行股數。

而你這個方法，係要對不同分部，因應其特性和發展階段，用相應估值方法，去作出評估，所以唔一樣係正常。

其實，市值計算本身係好主觀，特別係一些估值方法，如果你唔係非常有經驗，只要數字有些微偏差，個結果可以差好遠。不同估值方法，會適合不同性質企業，唔可以亂用。

而且附屬公司、聯/合營公司計算比較複雜，如果直接閱讀財經網數據，係會有偏差。

所以係估值前，我地要按實際情況，對數字作出相應調整。這部份較難，我都係在自己的進階班，才會教授同學。

因此，我唔建議你單用市值，作為分析基礎。你可以用佢參考，但最重要都係了解企業本質，佢做什麼業務、行業發展狀況、財務數據、競爭情況等，去做核心會較穏當。

金山軟件（3888）主要從事遊戲研發及提供網絡遊戲、手機遊戲及休閒遊戲服務；提供雲存儲及雲計算服務；設計、研發及銷售推廣辦公軟件產品及服務。

業務有質素，長遠發展力不差，不過擔心股價較為大上大落，現價合理區，唔建議大注投資。這股前景正面的。

2) 你要記住，我地投資股票，就等同投資一間企業。你最重要係知道佢本質、行業等基本因素。

過去股價未必能反映其未來情況，因此唔好再睇圖的趨勢，這是好錯的投資方法！巴菲特已經講到明，技術分析沒有作用的。我地只會分析企業的質素，以及企業的價值。

我20年前，都會用移動平均線、RSI、圖表等分析方法，但當我輸完又輸時，我決定放棄這些技術分析，從此我就不斷贏錢。

信達生物（1801）係一家中國生物製藥公司，開發了集研究、發現、開發、製造及商業化於一體的生物醫藥平台。

睇翻佢資料，佢亦係腫瘤、眼科、自身免疫和代謝疾病領域建立了一個包括單克隆抗體和其他生物藥物的產品管線。

你所講的，是一個利好因素。

但由於仍處於燒銀紙的狀態，所以有危有機，潛力度是有的，但估值好難，現時市值都唔細，只能完全「估」佢將來的價值，不確定性好大。

只可以話，這刻投資值博率中等，你投資係可以，但唔建議大注。

------------------------------------------------

Q22303：

Hello 龔成你好，想請教下你關於現況應該點樣投資

我地二個人(30歲頭), 每月固定收入66000(已扣MPF)，係外地有個物業價值600萬左右係按揭每月交17000左右

現在手頭上有大約150萬現金，30萬股票，20萬黃金 (結婚收到的)

現在需要搬屋, 正係度煩惱緊買定租好 (如果租大約13000-15000左右)，銀行就話我地可以最盡係香港置業借到6百萬 (有說明外地物業同按揭情況)

不過我地就怕太risky/未係合宜嘅時間(定係等多1-2年再升人工先), 不過又好似好浪費現金,定係可以做一點其他投資? (唔係買物業)

希望你可以指點下我地. 不過如果你Post出黎我驚比人估到係我地, 好多朋友都有follow 你

萬分感謝!

龔成老師︰

香港物業，我唔知中短期會點走，但長線我預期都會維持上升。如果你2人係計劃，長線都會留係香港生活，我建議你要為自住屋，做定準備。

現時樓市雖然唔算平，但若果有配合到你長線生活所需，價格合理，足以你們長線"供得起"的物業，其實已經可以出手。

若果你都係想穏陣D，等人工高D先再算。現時資金，可以先投資在優質股，去進行增值。

你們可以選擇一些「平穩增值股」+「潛力股」作投資目標。若每月有一定儲蓄，建議進行月供股票，去提升增值能力。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

大市現處於合理水平，那150萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

而黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。

不過，黃金沒有現金流，持有無法創造出經濟價值，其主要作用是對沖黑天鵝事件。

所以，你可以投資黃金，但不用佔財富比例太多(<3%)，而且持有的應該為實金。

當然，如果這些黃金若有紀念價值，你係可以自行衡量是否保留，不必跟足<3%的標準。

------------------------------------------------

Q22304：

Hello 龔成老師，上次聽左你意見開始抽部分資金去月供2318，現在組合配置更佳。另外有幾隻股票想問下你意見。

1. 3309
2. 1368
想了解你對呢2隻股票睇法

3. 1830
由2.x 見你講必瘦站但一直無入貨，見而加升到差不多10蚊
想問下合理區同便宜區位置係邊呢

謝謝你！

龔成老師︰

希瑪眼科（3309）有質素的，佢主要於香港及中國內地提供眼科服務，及銷售視力輔助產品及醫藥產品。

另外，睇翻佢，都尋找加大在中國擴展業務，係2019年透過收購眼科醫院於昆明及上海拓展服務網絡及在惠州設立一間新眼科醫院。

除了一線城市，佢亦係昆明及惠州等二線城市拓展服務網絡。

這股在業務上，的確有吸引力的，相信生意將會不斷擴大。不過過現時估值都唔平，現時估值略貴，基本上已反映了企業的增長力。長線投資不是不可，但就唔建議太大注。

特步國際（1368）不差的，生意與盈利都有增長，本身都算有品牌，不過盈利就較為波動，部分年份盈利出現下跌。但長遠仍是正面。

個別年份有生意上升但盈利下跌，反映成本增加，同時未能轉嫁消費者，又或者佢要用減價策略才能吸客，反映賺錢能力未必好強，質素有，但不能定義為最高之列。

整體都有長線投資價值，現價偏貴。等佢最少回2,3成，才好開始小注。

完美醫療（1830）長遠有發展，本身有一定的質素。而價唔平，$6/7算係合理區頂部。若你到平宜區，需要出現好大幅回調，才可以。

------------------------------------------------

Q22305：

講完投資，保險個part都想請教下老師

以3X歲女士有家庭，1個3歲小朋友為例，其實要投保（危疾）既保額大概係幾多先叫合理？（另有買醫療）

每個經紀講既都唔同，都唔知幾多先叫足夠

龔成老師︰

危疾，佢賠償係已一個指定金額計算，同醫療保不同。這筆賠償，無指定用途。

因此，危疾除了可用作抵銷部份醫療開支外(超出醫療保保障部份)，最重要係填補你因長期不能工作，所失去的收入。

由於危疾係一些大病，一般治療至休養，可能講緊係2-3年。所以，你可以用你2年年薪，作為基礎標準。

再按你現時和預期將來家庭開支狀況、保單條款等，再進行調整，咁就可以。

------------------------------------------------

Q22306：

龔sir你好，我現在持有 主要是收息股。正為退休作準備，還有少量其它股 等合適時機沽出換馬

現在有點舉棋不定，因為以下4隻收息股都是我比較喜歡的 但只能4選2:

1098 路勁
3383 雅居樂集團
604 深圳控股
1883 中信國際

有勞龔sir幫幫眼 打擾了 謝謝！

龔成老師︰

中信國際電訊（1883）業務穩定，整體質素算是不差，作為收息股係可以。

深圳控股(0604)和雅居樂集團(3383)都適合做收息股，但佢地負債較高，風險會高少少。

而路勁(1098)都有質素，但派息較受盈利所影響，作為收息股，就未必咁合適。

這些股票，現價都在理想，已經可以分注入貨，並長線持有。

------------------------------------------------

Q22307：

想请问Geely Auto 您又怎么看呢？

Xiaomi 现在的价钱算贵吗？


龔成老師︰

吉利(0175)本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。

另外，佢早前杭州灣新工廠正式發布純電動新品牌新車「極氪（ＺＥＥＫＲ）００１」，宣布吉利進軍高端電動車。

這些動作不單有利佢有中國發展，同時長遠，可能加快了海外發展速度。因此，這股長遠仍是正面的。

現時價位在合理區頂，至略貴。你預佢股價會波動，有貨可長線。如果現價入貨，小注都可以。

小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價略貴，回多1,2成，才開始小注會較好。

------------------------------------------------

Q22308：

龔成你好呀, 我一直有睇你既page同專欄, 好讚成你所講, 股票係應該要睇長遠, 加上近期短炒蝕過錢, 更加同意你的觀點。

因為都踏入中年, 加上疫情期間工作大受影響, 所以都好希望可以盡快學識投資,

近期自己心目中都mark定左兩隻, 希望可以請教一下你的意見 (唔知可唔可以咁樣PM你問, 如果唔得都唔緊要的。)

唔知可否請教以下幾隻股, 可長揸嗎?

- 中遠海控 (見佢升咁多一直冇買, 但前景幾好咁)
- 國泰航空 (一直在7蚊左右持有左好耐, 希望等到疫情完後)
- 醫思健康 (有新世界入股, 加上是醫美行業, 自己比較熟悉, 覺得前景不俗, 但之前又係升左好多, 一直未敢入)

多謝指教

龔成老師︰

我想你先明白一些投資概念，我地做財富增值，就係尋找優質企業，用一個合理，甚至平宜的價錢，去買入，並長線持有。讓其自然增值，以達至財富增值目的。

成件事，重點係「優質」之餘，買入價格都要係「合理」。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

這股係有投資價值，但現價略貴，未係投資時機，要等佢回2、3成會合理翻d，我地才可以考慮。

而國泰（0293），坦白講質素只是一般。

其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

就算佢重組，得到新資金，只是比佢「捱過這一關」，並不是賺錢能力方面有改善。

若你持貨較多，建議等疫情過去，經濟好轉時，佢反彈就減持部份，去平衡風險。如果只係小注，你照長線持有都可以。

香港醫思醫療集團（2138）主要以ＤＲ　ＲＥＢＯＲＮ品牌提供醫學美容服務。企業都有質素的。

（１）醫療服務：包括整形外科手術、微整形療程及由集團醫生操作的能量儀器療程及一般診症服務，以及牙科（ＯＮＥ　ＤＥＮＴＡＬ及ＯＮＥ　ＤＥＮＴＡＬ　ＰＬＵＳ品牌）、中醫及眼科服務。

（２）準醫療服務：包括由已接受培訓的治療師操作的能量儀器療程，該等治療師已完成集團醫生主導的內部
強制性培訓。

（３）傳統美容服務：包括面部護理、按摩以及其他無創療程。

（４）護膚及美容產品：主要為集團的自家品牌寶特曼娜及瑞研雅。

業務發展不差，長遠有增長力，不過業務中短期會有少少波動。現價合理區頂至略貴。如果你資金較為充裕，現階段先入一小注，係可以。

否則等佢回多1成才入貨，值博率會較高。

------------------------------------------------

Q22309：

你好, 龔成老師。最近開始睇左你d 文章, 想試下投資股票, 本人沒有投資經驗, 最多只買過ibond, 我對小米, 騰訊, 港鐵, 領展等都有興趣, 但最近個價位好似唔係好夠平, 唔知入唔入市好,

除左上述股票外, 有沒有些係最近較平同值得入手的? 還是等待時機入手上述股票好呢?

本人33歲, 有價值港元$55萬的英鎊, 港元$20萬在銀行高息戶口(2.5 厘息), 如果投資股票的話, 我應該動用英鎊還是高息戶口中嘅港元呢?

動用英鎊的話, 現在係好價位嗎?(其實我一直都想等好價位時把英鎊轉返港元再放入高息戶口) 謝謝!

龔成老師︰

任何貨幣都可以無限發行，因此長遠只會貶值，唔係有一個財富增值的好方法。若你的英鎊無實際用途，建議你將英鎊換回港紙去投資。

如果你擔心匯價問題，你可以分注咁，慢慢換翻做港元就可以。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你33歲，應以增值為主，建議你用「平穏增長股」 + 「潛力股」作組合，去創造一個增值平台。除了用你現有資金，我都建議你用每月空出來的儲蓄，去做月供股票，去加大你財富增值速度。

現在你每月先用5成儲蓄做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

大市現處於合理水平，那75萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

現價計，平穏增長股都在合理區，可開始分注入市。

而潛力股，暫只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22310：

龔sir, 好感恩幾年前有緣睇到你專頁，一向有買股票，都是輸多贏少，直至睇你分享先開始改變投資概念，1177,1211,285,到1810我都獲利不少，已賣出部份，

再加部份儲蓄，買到一個小單位收租，雖然不算很好的物業，但是真的好開心，剛看到你分享別人的喜悅，我也要向你説多謝，感恩你無私分享

龔成老師︰

唔洗客氣，我都係希望透過這個平台，去分享一些正確投資觀念。

希望可以幫到投資者(特別係一些初階投資者)，知道一些較重要概念，從而令佢地更大機會，找住正確方向。

雖然，你現時已有一定成績。但緊記要保持學習，長線投資才會做得好。

而且，你所講的股票，都係有質素。如果你係較保守投資者，而獲利又較多，可以"升一倍，沽一半"。

但緊記大部份貨，應該保持持有。因為長線持有優質股，增值效果才會係最好。加油!

------------------------------------------------

Q22311：

你好呀, 我脫你有介紹ETF #2800 隻股, 我想問咩價位入好呀? 我本身流動資金唔多, 又還緊債, 但我又希望可以增加資金, 想睇下買邊一隻好?

本身知道ETF 股都係收息多, 好似比較啱我咁

龔成老師︰

首先，盈富(2800)是包括58間質素不錯上市公司股票的組合，這些股票有升有跌，但長期計，都有不錯的回報。

買入盈富主要有兩個回報(分別是股價升幅，加上股息回報)，股息不多，大約只有3%，而股價升幅，其實有升有跌，每年都會波動，但長期平均計，都有5%-10%，當然，這是不一定的。

現價計，算係合理區，已經可以分注入貨。佢係平穏增長股，有一定增長力，但股息唔算多。

若你目標係收息，可以選擇X恒生高股息率（3110），是一個投資收息股的基金，追蹤恆生高股息率指數之表現。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合，但增長力不強。

至於投資邊個，你就睇翻你自己投資目標。一般情況，如果你係年青至中年，我會建議你投資盈富(2800)，因為你應先做好財富增值部份。

若你年紀較大，接近退休之年，穏定現金流去支援生活，才是你投資重點，故X恒生高股息率（3110）會較合適。

你可以因應自己人生階段，去進行配置。

另外，你要審視翻自己現有貸款，若息口較高，我優先清還貸款，以免影響長線回報。

------------------------------------------------

Q22312：

想請教1302 6988 及 9666。

龔成老師︰

先健科技（1302）為心血管及周邊血管疾病及紊亂所用先進微創介入醫療器械的研發、製造及營銷商，主要提供先天性心臟缺損封堵器（包括ＨｅａｒｔＲ、Ｃｅｒａ及ＣｅｒａＦｌｅｘ等三代系列）。

雖然近年生意都有增長，都有潛力，但始終規模細，不確定性較高，業務可能有潛力，但現時的市盈率處高水平，值博率較一般。

現價偏貴，要有好大幅回調，才好開始小注入貨。而且此股盈利都好波動，只宜小注投資。

樂享互動（6988）是中國的效果類自媒體營銷服務提供商，利用商業智能技術為行業客戶及自媒體發佈者提供服務。

睇翻近年的財務數據，佢增長力是有的，但上市前的數據參考價值較低。

相信佢長遠，業務都有增長力的，公司話佢自己能盈利高增長。但就唔平，小注持有可以。

金科智慧（9666）有質素。

佢係中國西南第一的綜合智慧物業服務商，如果按佢綜合實力計，集團自2016年至2020年連續五年被中指研究院評為中國物業服務百強企業十強之一，自2015年至2020年，連續六年西南地區排名第一。

收益主要來源於四條業務線：物業管理服務；非業主增值服務；社區增值服務；及智慧科技服務。

包括各類住宅及非住宅物業，包括但不限於中高端住宅、商業樓宇、產業園、政府公建、高校醫院等其他物業。

生意與盈利都增長理想，暫時睇佢都有投資價值，但負債高會係一個扣分地方。此股投資係可以，只要唔好太大注，咁就無問題。相信長遠有發展的。

------------------------------------------------

Q22313：

老師你好，本人和太太各36歲，上年剛剛買樓尚有430萬貸款供29年，月入大概10萬，每月有4萬流動資金作投資，再加現金90萬，

想在3年後儲夠3百萬買多一層樓收租，本人唔識投資，想問下有咩投資組合可以加快達成目標，謝謝

龔成老師︰

我假設投資上進取少少，令你可以做到有回報有12%（連股息再投資）。你每月投資$40000 + 90萬現金，3年後大約會增值至300萬。

但你要明白，3年只算得上係一個中短期時間。最終實際回報，可能會較為波動，風險會較高。

從資產配置角度，你現時已經有一個物業，如果你咁短時間，又在增持有一個新物業。

除左成個組合會好偏重物業之餘，太短期內買2個物業，都會受較高價格波動性風險。(一般2個物業，買入時間最好相隔一個週期，大約8年左右。)

我建議你按部就班，透過月供和買入優質股，去為自已資產作增值。到你累積到一定金額，足夠你買入第二個物業之餘，都可以留下若干優質股增值才出手，會較理想。

財富增值方面，以你36歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

若你投資知識不高，可先較集中在平穩增長類股，至於潛力股，只宜小小注。到你提高投資知識後，才慢慢增加翻潛力股比例。

大市現處於合理水平，那90萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

------------------------------------------------

Q22314：

1) 我又如何得知此公司的每股盈利有冇加上物業重估呢？

2) 我想計比亞迪電子的合理股值，唔知我計得啱唔啱？

比亞迪電子現價$46.35

市盈率 水牛網沒有提供2021年市盈率所以我用9年
2020年 7.483 2016年 7.871
2012年 9.333 2013年 10.04
2018年 10.24 2014年 12.02
2017年 12.50 2019年 14.13
2015年 16.46

市盈率合理區域是 9.333 ～ 12.5

每股盈利 資料來自Aastocks
2016年 0.6112 2017年 1.3787
2018年 1.1044 2019年 0.7935
2020年 2.8725

5年平均值係1.35206，估計公司盈利還會持續增長，所以保守估計每年增長10%

1.35206 x 1.1 = 1.487266

股值合理區域是13.88 ～ 18.59

不知有沒有計錯，因為現價才$46.35相差太大。

3) 我最近留意緊國藥控股（1099）和中智藥業（3737）。我用阿sir你初階班比的企業評級表頭兩頁查過這兩間公司，機本上兩間公司都過關雖然唔係全部100分。

我睇兩間公司的官網都寫得自己點樣勁，但兩間公司的市盈率都低過10倍。流動資產-流動負債係正數。

初步睇價錢也在合理區之下。

想知道為何這兩間公司的市盈率會咁低？值唔值得投資？

謝謝！

龔成老師︰

1) 你可以睇年報中的損益表，就會知道佢有無物業重估成份。

2) 你現時這個計法，概念上係無錯。但做好初步估值之後，我地要再考量，到底這個估值，係唔係足以反映企業現時價值。

比亞迪電子(0285)近年賺錢能力有所提升，我地用過去5年平均數字，就可以能出現過於保守的情況。

因此，我地會以佢最新一年每股盈利作為指標，即係用HKD2.8725。

由於集團始終係代工企業(雖然有一定技術)，市盈率唔會太進取，我地會用佢過去10年中間4年數字，大約為10-12倍。

之後，再加多10%緩衝區。合理價大約為︰HKD26-38。

3) 其實就算係相同行業，只要業務性質、潛力、風險等不同，個市盈率都可以差好遠。

國藥控股（1099） 質素都可以，但增長力已經不算好強。

睇翻佢資料，佢係中國最大及具實力的醫藥分銷和零售企業，集團在中國主要城市以直接經營和特許經營方式管理零售連鎖藥店網絡，向終端消費者銷售藥品及大健康產品。

此股有質素，但賺錢能力唔算高，而增長力唔算太強，是平穏增長型。佢有個比較大問題就係負債比較高，而度會扣左D分，整體而言此股有質素，可投資，現價合理的。

由於佢已經係平穏增長型企業，增值潛力不及中生(1177)這類潛力股高，故市場給予市盈率，都會較低。

而中智藥業（3737）則相反，由於企業規模和品牌不大。雖然佢近年盈利增長係唔錯，但市場會較擔心，佢這個優勢，能否長線維持。

因此，會給予中智藥業一個較保守的市盈率，以反映當中的潛在風險和不確定性。

此股現價合理，但由於存在一定確定性，故只宜小注。

------------------------------------------------

Q22315：

我個人睇法認為。新世界，長期一定會好番，因為佢再俾人爆大鑊就可以執笠，但問題係驚短期甚至中期都有機會發現更多問題，始終起樓唔係一時三刻，

而今次事件反映QC部門同埋管理層有啲得過且過，其他項目都有一定機會有類似問題，只係未俾人爆或者佢地禁住咗，令中期不確定性同埋風險增加

另外留意到美國嘅經濟數據，FRB話經濟雖然開始復甦，但基層勞工市場仍然麻麻地，而高通漲相信係暫時性，仍未係時候改變貨幣政策。

咁樣會唔會令成個市場失衡，為市場復甦帶黎壓力？

龔成老師︰

中短期，新世界(0017)股價難免會弱。

但我地睇翻佢過去咁多年，其實都無出現過重大問題。所以，我會偏向覺得，個營運和監工上風險，未到話十分高的狀況。

長線投資價值，依然存在，但你預佢短期會較波動。

疫情雖然未算清零，但大部份已發展國家，已經開始穏定。相信經濟會慢慢向好，但這個唔會係一時三刻就出現，可能要幾年時間。

而中短期，依然會有好多不確定因素。例如不少發展中國家疫情未受控，對不少消費市場，或者不少企業的產業鏈，都造成不同程度的影響。

但相信這都是中短期，我都分析最好都係集中翻，係企業本質。外圍經濟因素，各國貨幣政策，係有參考價值，但佔比重不應太多，重點都係放係企業本身較好。

------------------------------------------------

Q22316：

Sir,水桶2 有咩好選擇啊？日清和雅生活算嗎？還有甚麼好選擇的？我今年34歲每月可儲2萬，現在儲一萬現金和一萬每月買d 股票的

暫時如下：

1. 科指 ETF 3032 15000股 $8.37
2. 小米 1810 1000股 $27.48
3. 阿里 9988 300股 $235
4. 京東 9618 100股 $309.5
5. 平安好醫生 1833 100股 $87.8

6. 日清 1475 3000股 $6.87
7. 京東物流 2618 100股 $40.36
8. 雅生活 3319 250股 $36.7
9. 福壽園 1448 2000股 $7.5
10. 鐵塔 788 10000股 $1.545

現金：35萬

龔成老師︰

日清(1475)和雅生活(3319)都係唔錯的水桶2股票，你現有持股，都係適合你。

以你34歲，可以投資「平穏增長股」和「潛力股」。你每月5成儲蓄，即是用$10000做月供。其餘先儲起，用一邊月供一邊儲蓄的策略。

選股上，你可以投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

潛力股可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，你現有35萬資金可以再投入多10-15萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q22317：

首次置業 按揭多好定係少好？

依家開始有個好習慣就係先儲蓄投資 再消費，一個月儲＄5000 另外$5000攞嚟投資 係3-4年之後有＄100萬 有冇問題？

龔成老師︰

其實多與少，跟你首置無關，我地主要係睇佢現行息率。現時貸款息率低，我地應該盡借，令我地可以空多更多資金，作其他投資增值。

你現時養成這個先儲蓄和投資，之後才消費，係一個非常好的習慣，你保持。

以你2X歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

假設投資回報有10%（連股息再投資），你每月投資$10000，4年後大約會增值至55萬。若你要達至100萬，就需要將金額升至$14000和供5年，才可以做到。

------------------------------------------------

Q22318：

師父1212 利福下至合理價低部5.95 ， 值得加注？

近曰消費股如六福，周生生， 莎莎都上番不少，何解1212返而向下？

啟德項目應該有利佢發展對嗎？

另外完美醫療已升至over $8 , 稍貴， 應否放一半？

3069 ETF 你有什麼意見？

龔成老師︰

我地投資，唔好太在意中短期走勢。我地要睇翻個重點，就企業自己本身狀況。

利福國際（1212）主要從事經營生活時尚百貨店及其他零售業務，以及物業發展及物業投資業務。佢透過崇光在香港專門經營百貨店。

中短期一定弱，但長遠仍會正面，不過回勇就要時間。同埋要留意，佢負債較高，因此唔建議投資太大注，現價合理區中下部至底部。

啟德項目，對佢長線發展係有利。但股價唔會一時三刻反映出來，要需要時間。

完美醫療（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。

之前公佈業績理想，但業績後股價升左好多，雖然我在業績後調高左佢企業估值，加上管理層加大了企業發展的力度，前景正面，但現價點都都有少少貴。

如果本身有貨，就長線持有。若你持貨較多，現價沽少少獲利，都係可以。

華夏恒生生科（3069）主要係追蹤恒生香港上市生物科技指數之表現。

指數包含51隻成份股，當中有「藥品」、「⽣物技術」等公司。較為人熟識的，有藥明生物（2269）、京東健康（6618）、中生（1177）等等。

隨著人口老化和人均收入增加，對優質醫藥的需求只會有增無減。此股都有質素，可作長線投資。但你預佢會較波動，最好用月供模式儲貨，並長線持有會較好。

------------------------------------------------

Q22319：

龔老師你好，我今日34歲，未婚，冇乜經濟壓力，現時未有結婚及生育打算，月入二萬，月儲大約七千，現時擁有資產大約二十萬，其中八萬現金，十二萬股票。

經過你前三個月的教導，我購入多左水桶二的股票，現在股票組合比例大致平衡，現時持有的股票如下：

水桶1
1177 中生製藥 2000x$7.27 11.7%
3718 北控城市 8000x$0.99 6.4%
3067 安碩恒生 100x$16.06 1.3%
1448 福壽園 2000x$7.46 12.1%
3319 雅生活 250x$32.85 6.6%
2057 中通快遞 50x$230.4 9.3%

水桶2
823 領展 100x$74.55 6.0%
2800盈富 1000x$28.38 22.9%
2388 中銀香港 500x$25.1 10.1%

水桶3
778 置富 2000x$8.34 13.5%

快速增值：平穩發展：收息資產=47:39:13

1）請問現時股票組合比例平衡嗎？我打算長期持有無問題嗎？

2）現在我目標先儲現金，等儲到現金佔50%，才加水桶一股票合適嗎？

3）請問3718北控城市資源質素無問題嗎？現價（$0.96）是合理價還是平？我$1.92同$1.28都入左一手，現價可以再分注入嗎？值博率大嗎？等可以再等下？

還有等$15買3067，或等$80買平安好醫生，或等$23買小米，哪個值博率大些？謝謝指導！

龔成老師︰

1) 現時配置係可以，你長線持有，係無問題。但留意中通快遞(2057)始終唔係上市太耐，要再過一些時間，才可以見真章，所以暫時唔好再加注。

2) 現時大市在合理區，現金應佔3-5成左右。目的係等大跌市出現時，我地可以有資金入市買平貨。

而目標唔係集中係水桶1，因為水桶1雖然增長潛力大，但風險都高。建議你視乎當時平貴，再去慢慢平均分配在水桶1和2，咁會較穏當。

3) 北控城市資源（3718）有質素的。

佢主要在中國從事環境衛生服務；危險廢物處理業務；以及廢棄電器及電子產品處理業務。

環境衛生服務方面，佢的服務涵蓋綜合道路清潔、垃圾分類、垃圾收運、垃圾轉運站管理、公廁管理、糞便收運、綠道養護、河道保潔服務。

同時自2019年起開始，佢有係北京的若干商住區域提供物業管理服務。

過往財務數據不差，有一定的增長力，有長線投資價值。之前股價貴，現價落翻D，大約合理區中下部。現價加小小注，都可以。

至於平安好醫生（1833），無貨現價小注都可以，但由於佢不確定性都高，要控制注碼。

而安碩恒生(3067)和小米(1810)都有質素，但前者係一籃子科技股，較有分散風險能力。

3067現價中合理區上部，而小米就要回多1,2成，就算合理區頂，才可開始分注入市。以現價計，安碩恒生(3067)值博率會係3隻當中較高。

------------------------------------------------

Q22320：

龔成老師，我44，現在有以下股票，共35萬，另有15萬現金，月入2萬+佣金。

170萬按揭，供25年，每月供樓$7700，因為依家巳44歲，好希望可以10年內供完，請問我應該點做可以達到這個目標?

煤氣 18手
港鐵 3手，正在月供1000
中國鐵塔 5手

領展 1手，正在月供1000
盈富 2手，正在月供1000
阿里巴巴，上月開始月供1000

我有諗過每年年尾將花紅約2萬還按揭去減年期，希望可以加快完成供款，做法正確嗎？

龔成老師︰

以你44歲年紀，你持股和月供組合，都係合適的。你現時可以用這些增長股，去累積財富。

由於現時按息不高，我較建議資金先用作增值，而唔係去還款。這樣做，成個財富增值效率，才會較高。

現時大市只在合理區，每月儲蓄唔好盡用。最好留有部份，連同現時的15萬現金，一齊等大跌市出現時，可以用來掃貨。

我假設投資回報有10%（連股息再投資），你每月投資$4000 + 50萬資產(股票和現金)，10年後大約會增值至200萬。

到時你可以因應情況，再決定先還款(若到時息率好高，係可以先還)，還是保持增值。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

供應商因為封城終於有空整理倉庫，發現還有一箱花青素精華液‼️
‼️優惠持續中～買一盒再送一瓶‼️
#上次沒買到的不要錯過了
越吃氣色越好～不易曬黑、不易長斑，還能讓肌膚更通透明亮‼️真心推薦給想白成一道光的美女😂
之前介紹～ #靠他快速吃回好臉色‼️
#小幫手放假回覆慢喔
這款因為高單價，但一直不懂為什麼市面上這類產品那麼多，這款為什麼就哪麼貴～以往也都是客人來詢問購買，但自己就沒多加研究～
這次我好好認真研究查找了一下，才知道這款厲害的地方，也難怪客人們貴也是一直回購～～😆😆 #我自己也馬上收入一組 #我也想試試～～～～
這款 ＃月光寶盒 是經過三次萃取，含有純度更高、效果更好的 ＃低聚花青素，相當於一瓶抵市面上常見的三瓶 ，吸收更好，營養效用更高‼️
＃給養顏美容達人 #超強抗氧 #膠原蛋白 #改善靜脈曲張 #保護眼睛
買一盒全都包了啊‼️
#天然無副作用 #飯前吃效果更好
而且這款藥局都鎖在玻璃櫥窗裡，還不容易買的到！
特別適合想抗老養顏，整形過的美女，適合新媽媽輕熟女，適合視力不好的3C族，糖尿病人群也適合使用的日常美容保健品，提高免疫力所需好用保健品～美白必吃！
強力推薦！！！
#現買一盒再送低聚花青素精華露
#讓妳內外兼修 ❤️❤️
Anthogenol 月光寶盒 抗氧化花青素葡萄籽精華 100粒 *1
送 ‼️Anthogenol月光寶盒面部精華露10ml *1
🔶這款不同於市面上看到的葡萄籽精華，它是一款低聚原花青素膠囊的產品，✔️純度高達95% （遠高於普通葡萄籽產品）同時，月光寶盒通過植物營養學認證機構（CPA）驗證，✔️經過測試Anthegenol的抗氧化功效得分最高。
🔷Anthogenol 高濃度花青素葡萄籽精華膠囊 100粒 （月光寶盒）#一盒3個月
Anthogenol 美容高抗氧化祛紋抗衰老膠囊屬於全食營養草本膳食補充劑，富含專利濃縮技術萃取的葡萄籽精華；
✔️激發身體天生的運動細胞
✔️提高活力及耐力
✔️有助於肌膚的抗氧化性
✔️能防止膠原和彈性蛋白的分解，刺激膠原蛋白的合成
✔️支持健康的頭髮和指甲。
✔️能減退老年斑，減少腿部沈重感症狀，腫脹
✔️還能保護眼睛的視網膜，為眼睛健康提供營養支持。
1、防止膠原和彈性蛋白的分解；
2、刺激膠原蛋白的合成，並支持健康的頭髮和指甲；
3、減退老年斑；
4、 ＃減少腿部疼痛，沈重感症狀，＃腫脹諸如靜脈曲張；
5、提高耐力（能源與健身）針對業餘運動員；
6、＃保持眼睛的健康的循環，在保護眼睛的視網膜提供健康營養支持。
隨著年齡的增長，你的皮膚出現皺紋，失去彈性，可能開始出現老年斑。自然交聯的蛋白質的損壞導致皺紋，如彈性蛋白和膠原蛋白。
抗氧化劑主要是提供保護，防止高活性分子被稱為自由基的破壞性影響。自由基反應的能力與在體內的許多結構和損壞。
抗氧化劑是來自於多種食物源，也可在膳食補充劑的形式。在健康，積極的生活方式相結合，他們可以發揮重要的作用，強化您的整體健康和彈性。
Anthogenol是一個自然衍生的健康專有隔離的OPCs（原花青素低聚體）的基礎上補充。它具有強大的抗氧化作用（維生素C和50倍，比維生素E的15倍以上）。在細胞水平上工作，它提供了保護自由基肆虐。
主要成份：
葡萄籽精華12000mg
花青素800mg
維生素C 40mg
二氧化硅 20mg
#濃縮精華
高濃度花青素葡萄籽精華膠囊屬於草本膳食營養補充劑，富含濃縮技術萃取的葡萄籽精華，激發身體並有助於提高精力及耐力。
#精純提煉
膠囊中所含的花青素都是經過三次提取，含有純度更高、效果更好的低聚花青素，增加血管彈性，減少皺紋生成。
#提供營養支持
膠囊能幫助減退老年斑，減少腿部痛感、沈重感等症狀；還能保護眼睛的視網膜，為眼睛健康提供營養支持。
#美容養顏
膠囊中富含的葡萄籽精華原花青素是可以幫助清理自由基，其抗氧化能力是VC的20倍、ve的50倍。
#原料可靠
膠囊為植物原材料製作而成，無任何人工色素、香精、防腐劑。
#防止膠原蛋白變性
產品有助於肌膚的抗氧化性，能防止膠原和彈性蛋白的變性，幫助膠原蛋白的合成，支持健康的頭髮和指甲。
使用說明
每天1粒 。
在某些情況下， ＃如提高耐力和舒緩下肢靜脈曲張，則每天需要服用兩到三個膠囊。如果症狀持續，請尋求您的醫療保健專業人士的意見。
‼️孕婦和哺乳期產婦禁用。
🔷Anthogenol月光寶盒細胞修護精華露10ml
月光寶盒細胞修護精華以馬斯魁勒原初原花青素低聚物為核心成份，具有保濕、修復、均勻膚色、減少黑色素的作用；可以隔離紫外線、空氣污染等外界損傷，淡化細紋，提升肌膚緊致度，增強皮膚水份，滋養提亮。
返老還童不是夢！#對抗時光和引力，帶你重現緊致臉部輪廓！
具有～提拉、美白、抗皺、抗氧化四重功效於一體的反重力精華液，——澳洲第一款醫療級別美容產品！擁有強大抗氧化功效的馬斯魁勒原花青素，修復受損肌膚，使肌膚重現年輕彈性活力！
質地輕盈、易於吸收、不會給肌膚造成任何負擔，各種膚質均可使用。
主要成份：
Aqua,肉豆蔻酸異丙酯,丙二醇,甘油,聚山梨醇酯20,Simmondsia Chinensis種子油(荷荷巴油) ,辛酸/癸酸甘油三酯,棕櫚酰葡萄籽提取物,尿素, Macadamia Integrifolia種子油,苯氧乙醇, Acacia Senegal Gum,黃原膠,生育酚(Vit E) )
乙基己基甘油,透明質酸鈉, Backhousia Citriodora葉油(檸檬桃金娘) ,檸檬醛,枳實苑花油(苦橙)
適用人群：
適合於所有類型肌膚的人群。
使用方法：
早晚在面霜之前，塗抹於面部，頸部和肩部。
#紐澳代購批發 #疫情導致物流速度大幅度下降 #可接受再下單

本次主要著重在臉部 #自體脂肪填補 ，自體脂肪填補，就是將大腿或肚子等地方的脂肪，利用抽脂技術抽出，#離心 處理過後，再補到需要填補的部位，包括#頰凹、#夫妻宮、#蘋果肌、#額頭、#鼻子或 #下巴等，當然，也可以拿來 #隆乳 (想多瞭解的朋友請留言告訴我吧!)。
自體脂肪填補，因為是自己身上的東西，不是外物，因此相對更加安全，再者，自體脂肪的顆粒相對於 #微晶瓷、#玻尿酸 而言顆粒較大，不易跑到血管內，自然就不太會有造成失明的危險。
後續傷口照顧上，傷口會有兩個，一個是臉上的傷口，臉上只會有打針的針孔，一周後就會癒合，#不會留疤，第二個是抽脂的傷口，可能是大腿或肚子,大概會開0.5cm左右的傷口半年到一年會有些微疤痕,那隨著時間就會漸漸不明顯。
自體脂肪填補在打入後會有部分脂肪被吸收，大約存活率會在六成左右，因此，在施打的時候會稍微施打多一點點讓它吸收，剛打完的時候除了會腫脹外，再加上預備吸收的多餘施打量，所以看起來會腫一點是正常的，通常三周可以見人，三個月後才是穩定的樣子。
八成以上的人都可以透過自體脂肪填充變成 #鵝蛋臉，包括 #安潔莉娜裘莉 都不見得要削骨喔!!
但術前的溝通很重要，尤其術後不能夠#減肥 呀!!!!!!!會把打進去的脂肪一起減掉喔~~~
另外，由於每個地方的血液、養分供給量都有一定的量，過度自體脂肪填補容易造成樣份供給不足而壞死，甚至變成硬塊，因此，醫生的專業度很重要，並且透過「#脂肪槍」的協助，醫師更能精準控制注射量，避免以前都要靠醫師手感的問題。

關於自體脂肪填補還沒結束喔還有下集！
我們講話可能比較溫順一點喜歡快速瀏覽的朋友
可以參考下列章節

00:00 本集看點
00:18 進入正片內容
00:37 Q1介紹自體脂肪填補
01:28 Q2實際手術操作
03:02 Q3傷口大小與傷痕
04:07 Q4改善臉型成為鵝蛋臉
04:20 醫師教你認識三庭五眼與鵝蛋臉
07:05 東西方審美差異
07:45 Q5安潔莉娜裘莉可以成為鵝蛋臉嗎?
08:00 Q6術後需要注意事項
09:33 Q7淺談手術風險
10:12 Q8自體脂肪填充會讓眼睛失明嗎?
11:40 下集預告

隆鼻+自體脂肪臉雕實際案例~小安:https://youtu.be/pord8j7pkUk

本影片內容僅提供醫美知識分享
任何手術與療程均有其風險，並依體質存在不同輕重的副作用，實際須醫師與您當面評估溝通而定。

邱大睿整形外科醫師FB：https://www.facebook.com/drchiuchiu
邱大睿YT個人頻道：https://www.youtube.com/channel/UCUwKQCQTjQ3GI86aKQLnIpA

新手買車推薦懶人包 主動安全被動安全是啥鬼？2021上半年75-99萬有哪些車值得買？| 小白買車 | 2021車訊分享
https://www.youtube.com/watch?v=LUbEmnXTIQc

#LOOK鹿克 #自體脂肪 #邱大睿 #邱醫師 #邱神手 #整形外科 #熱愛生活釋放多面向的自己 #醫美
———————————————————————
【LOOK鹿克影像工作室製作】
歡迎各式工作來信邀約
EMAIL：she5296110@gmail.com
IG：https://www.instagram.com/lulook1028
FB：https://www.facebook.com/lulook1028
———————————————————————
免責聲明：本片內所有音效/配樂均屬該音效/配樂作者所有，如有侵權，請告知刪除，謝謝！

#切痣 #化驗 #良性 #腫瘤 #血管瘤 #黑色素瘤

★歡迎加入 Telegram 頻道★
https://t.me/alvinist
為避免 Facebook 粉絲專頁、Instagram 或 YouTube 等社群平台的被動推播及演算法讓艾草錯過重要訊息及公告，我們已經成立官方 Telegram 頻道。
未來我們將在這推播影片更新通知及重要公告，如直播預告、抽獎訊息等。
歡迎加入艾爾文的 Telegram 官方頻道，重要訊息公告不漏接！

* 目前為測試階段，艾爾文還在熟悉軟體中。
歡迎行動力超強的艾草搶先加入，我們之後再正式公告給所有艾草們。

▉步驟如下：

❶ 下載 Telegram Messenger
到 App Store 或 Google Play 下載 Telegram Messenger 這款 APP。
進入 APP，使用電話註冊。

❷ 建議進行隱私設定。
打開 APP ➝ Setting ➝ Privacy and Security
建議把 Privacy 的 Phone Number 設定為 Nobody。

❸ 加入官方頻道
在 Chats（聊天室）分頁，搜尋「Alvinist」，接著點下方的 Join。
* 艾爾文保證不隨意推送訊息，拜託請勿將通知關閉。

❹ 若想將 APP 的介面更換為中文版，可以在我們的頻道當中的置頂訊息，最下面的按鈕「將此軟體介面更換為繁體中文」即可。

❺ 推送內容
- 頻道重要通知及公告。
- 新影片通知、連結專門送。
- 直播、行動派艾草專屬直播通知。
- 抽獎訊息、得獎公告。
- 偶爾放送未公開的內容。

★★★★★★★★★★★★★★★★

▶行動派艾草▶ 會員持續募集中

▉「行動派艾草」是什麼？
這是 YouTube 推出的「定期型群眾募資」。
俗氣的說，就是：用錢支持喜歡的創作者。
可依照自己的能力，選擇支持方案。
行動派艾草 / 每個月 75 元（新台幣）；
銀級行動派艾草 / 每個月 450 元（新台幣）；
金級行動派艾草 / 每個月 900 元（新台幣）；
尊爵行動派艾草 / 每個月 1,600 元（新台幣）。

YouTube 將抽取三成費用。
其餘的將提供給創作者，（希望可以）無憂無慮的創作、添購設備器材等。

▉ 如何加入？❤❤❤
點選以下網址，綁定信用卡即可：
https://www.youtube.com/alvinist/join

▉ 行動派艾草有什麼福利？
☑ 解鎖 YouTube 會員專屬討論專區，獲得專屬貼文。
☑ 提供 VLOG 好聽的音樂下載網址。（VLOG 發佈以後，於專屬貼文公佈）
☑ 獲得勳章，在貼文或直播中留言，用戶名稱旁會出現勳章。
☑ 每月或隔月會員專屬直播。
☑ 偶爾會有會員限定抽獎。

★★★★★★★★★★★★★★★★

►艾爾文的社群 / 歡迎追蹤►
▎所有社群平台連結：https://linktr.ee/Alvinist
▎Telegram 官方公告頻道: https://t.me/alvinist
▎YouTube 子頻道：http://youtube.com/coopaler
▎Instagram 很精彩: http://www.instagram.com/alvinist
▎Facebook 粉絲專頁: http://www.facebook.com/alvinistvlog
▎Twitter 偶爾更新: http://www.twitter.com/alvinist
▎Weibo 偶爾更新: http://www.weibo.com/alvinist
▎Bilibili 同步上傳: https://goo.gl/CxC4ZX

►艾耳聞 Podcast 博客收聽平台►
▎Apple Podcasts: https://apple.co/2RVWA36
▎Spotify Podcasts: https://spoti.fi/3eDkytP
▎Google Podcasts: https://bit.ly/3bxKkgS
▎SoundOn 請搜尋「艾爾文」

►我的器材 / My Gear►
https://kit.co/Alvinist

►合作請洽►
alviniststudio@gmail.com

►親愛的艾爾文時間► 信件及包裹寄送地址
【中文】23599 中和宜安郵局第 171 號信箱
【英文】P.O.BOX 171 Zhonghe Yi-an, New Taipei City, 23599 Taiwan (R.O.C)

#醫美 #微整 #肉毒小臉 #染料雷射
你也跟我一樣很介意在照片裡面臉大嗎？
臉部微血管還有消不掉的紅痘疤讓你總是看起來臉花花嗎？
這一次我到中山站的晶緻美學找林恒生院長打了
肉毒小臉和染料雷射，這次的咀嚼肌施打真的是我覺得
最驚豔的一次體驗。如果想要拯救花花大餅臉
真的可以趕快到診所諮詢唷~

【 診所資訊 】
--------------------------------------------------------------------------------
晶緻美學官網：https://reurl.cc/9XZOka
晶緻美學FB ：https://www.facebook.com/crystalbeaute

【 Pressplay 訂閱方案 】
---------------------------------------------------------------------------------
打造戀愛好體質 ：https://www.pressplay.cc/MaggieH235

什麼是曖昧？我跟他的關係算是在曖昧了嗎？
男人住火星女人住金星？想要跟妳的他好好溝通怎麼那麼難？
為什麼他要劈腿？渣男心態到底在想些甚麼？
這個專案就是為妳量身訂製的戀愛處方，輕鬆打造無往不利的戀愛好體質！
我將從 ✅ 星座 ✅ 兩性 ✅ 溝通技巧 多重觀點來全面提升妳的自信魅力，讓妳有效戒斷曖昧、遠離渣男，讓我們一起練出情場上趨吉避凶的戀愛心法。

【 更多戀愛文章在這裡 】
Facebook:https://www.facebook.com/mischeer
IG搜尋 @mischeer
Popdaily:https://www.popdaily.com.tw/user/214256

【 其他星座男偷心攻略系列】

追求牡羊男你應該知道的事：
https://www.youtube.com/watch?v=ay6Co...
追求金牛男你應該知道的事：
https://www.youtube.com/watch?v=P97EC...
追求雙子男你應該知道的事：
https://www.youtube.com/watch?v=h3aQZ...
追求獅子男你應該知道的事：
https://www.youtube.com/watch?v=cWDmj...
追求天蠍男你應該知道的事：
https://www.youtube.com/watch?v=A39tG...
追求處女男你應該知道的事：
https://www.youtube.com/watch?v=rhf1i...
追求雙魚男你應該知道的事：
https://www.youtube.com/watch?v=e26VP...
追求水瓶男你應該知道的事：
https://www.youtube.com/watch?v=5eIvr...
追求天秤男你應該知道的事：
https://www.youtube.com/watch?v=NMnJU...