💁🏻‍♀️近來有朋友新居入伙搬左去沙田區 佢就帶左我去沙田中心嘅🗾北海道食堂食晚餐😍係坊間少有🍢鐵板燒放題🇯🇵 價錢仲只要二百幾蚊咋😍✨ 餐廳有三個不同價錢的選擇 今次我地選擇左極盛放題$268 食物款式都好多!! 大約有八十款左右 包括壽司刺身🍣炸物🍤串燒🍢鐵板燒、鍋物🥘等等… 最特色當然係鐵板燒啦！😍 竟然鵝肝、蝦🦐、帶子都可以任吃😝 🍢串燒有牛舌必食😝雞翼、雞軟骨、海蝦，都非常惹味😋 廣島蠔幾出色👍配上特制醬汁，鮮味十足✨ 🍣 刺身選擇多亦非常新鮮，有油甘魚、三文魚、北寄貝、甜蝦、帶子、蠑螺、鮑片，每款都好鮮甜無雪味😍 🍤炸物質素都不錯，有唐揚炸雞、多春魚，天婦羅🍤等，夠脆口而且不太油膩。 🍨甜品同飲品🥤都任飲任食嫁✨ 價錢親民值得再嚟🥰 北海道食堂 📍沙田橫壆街2-16號沙田中心商場3樓50及57號舖 ☎️ 26251708 #北海道食堂 #鐵板燒 #放題 #刺身 #燒物 #炸物 #鐵板燒放題

🇭🇰旺角區 _______________________________________________________ 呢間日式放題相信MK搵開食嘅都一定識， 平日5:30-7:30入座只需要$198一位， 個人會建議選擇2小時自由價$228 咁就無局限嘆到過百款任攞任食日泰中韓款式。 全層二樓行來行去出去攞野飲野食😆 座位空間感闊落，疫情期間二人坐四人座位， 手機掃二維碼落單就唔驚成日漏單。 講野食之前，講d 笑話你聽先， 隔離果檯有個叔叔嬸嬸，叔叔點完野食行開左， 野食到個嬸嬸起勢話無叫過d 野食🤦🏻‍♂️ 店員O左咀都算啦， 佢用最平價錢食7點前離座時段， 店員禮貌地講時間夠啦， 叔叔大大聲回覆：咁走唔到點算呀？ 真係唔止O咀咁簡單，隔離幾檯都望住佢... 但最重要係店員仍好有禮貌解釋比佢聽放題程序， 其EQ強度值得一讚。 一座落位應該同大家一樣， 落好哂刺身壽司後就去食物自助區八一八先， 🍶飲品有唔少選擇，竟然有埋清酒、梅酒、提子燒酒! (連小朋友都裝到黎飲🤭🤣🙈) 🧃各款果汁任飲任裝，熱茶咖啡奶茶任裝， 當然少不了罐裝飲品雪櫃多達數十款。 🥗沙律吧款式相當齊全，十數款任選配搭， 西瓜哈蜜瓜火龍果任食，重有埋Candy Corner岩哂小朋友。 🦐凍海鮮有凍蝦，青口，螺肉， 炸物有小丸子同春卷咖哩角， 熱食有幾款，當中最吸睛係新加款蒸倉魚， 鐘意食嘅的確值回票價。 🐟最期待嘅刺身任食出場， 特大牡丹蝦、甜蝦、赤貝、帶子、三文魚、 鯛魚、希靈魚、象拔蚌、蠑螺、北寄具等 新鮮美觀，叫左兩Round已經夠哂滿足。 🍣超過廿款壽司款司包括特式壽司、 火炙壽司、軍艦、卷物。 手卷三款：海膽手卷、三文魚親子手卷、蟹膏蟹肉手卷。 串燒羊架牛舌燒菠蘿必食， 其他必食還有芝麻雞翅、汁燒牛柳粒、 西京燒銀雪魚、蒜蓉粉絲扇貝及蒲燒鰻魚。 呢d 已經食到小編好滿足， 如果都係唔夠飽還有牛肉鍋、烏冬拉麵比你飽硬咁走。 甜品有雪糕、雪條、豆腐花，木糠蛋糕、奶凍，蛋糕、布甸， 最後梗係嘆埋個每人一客嘅movenpick 同Haagendazs 雪糕， 滿足飽肚完餐，網頁睇返哂點過嘅order,有無漏單一目了然👏 ______________________________________________________ 👅美味: 8/10 😮驚喜: 8/10 ✨環境: 8/10 💆‍♂️服務: 7/10 💡性價: 9/10 🐽飽肚: 9/10 💫回頭: 8/10 👍推薦: 8/10 🔍餐廳: #樂天大喜屋 🏠地區: #sharefood2you_旺角 🍽菜式: #sharefood2you_放題 💸價錢: $228 each 2 小時任食(未加一) 📍地址: 旺角彌敦道593-601號創興廣場2樓 ⏰時間: 12:00 - 15:00、17:30 - 20:15、20:30 - 23:15 MON-SUN _______________________________________________________ #sharefood2you #食評 #旺角美食 #香港美食 #日式放題 Disclaimer: ALL opinions are 100% Honest 相片經燈光處理攝影， 與現場光線可能有所偏差。

JK BROTHER'S GOLD日韓刺身海鮮涮涮鍋放題 . 呢間係銅鑼灣新開嘅黃店火鍋，之前係觀塘同埋尖沙咀都有開過店，而家就好似剩底尖沙咀仲有，銅鑼灣呢間新開做緊優惠9折，港隊攞咗金牌嗰陣有8折(唔知而家仲有無😂)，限時食120mins，呢個舖位前身都係火鍋店，間中有幫襯，而家轉咗做黃店就真係正💛，所有嘢都係任點任食任飲，主要係自助形式，自己出去攞，有部分即整嘅就要用電話落單的，主打係由自己即刻撈上嚟嘅新鮮海鮮，第一次見😂，另外仲有d冰鎮海鮮、熱盤、前菜、天婦羅、串燒……等等，真係好多嘢食選擇🤤 . ・湯底: 日式壽喜鍋 (鴛鴦+$20) 湯底有11個款式可以揀，個人認為食日式火鍋，壽喜燒一定係皇道😈，呢度嘅壽喜燒味道唔差，仲有好多疏菜配料係入面! . ・肉類(豬、牛、羊) 牛肉有5款: 一口牛、牛頸脊、Prime牛板腱、封門柳、牛舌，比較推介牛頸脊同牛板腱，入口會好d，封門柳就較重牛味，但口感會韌d，羊卷肉都推介要試，超重羊羶味🤤，入口又唔嚡，不錯! . ・刺身 日式刺身有6款: 三文魚、赤貝、蠑螺、八爪魚、泰式生蝦、墨魚片，另外仲有兩款韓式嘅醬油鮑魚/醬油蝦，各款日式刺身都正正常常，同平時食放題嘅都差唔多，推介下醬油鮑魚，韓式風味有d甜甜地辣辣地，味道唔錯的👍🏻 . ・即撈生猛海鮮 全部都係生猛係魚虹養住任你撈，總共有5款: 花甲、牛奶貝、沙白蜆、蟶子、大頭蝦，花甲同蟶子都偏細隻，牛奶貝就好大粒，但入面嚿肉唔會好大，比較推介沙白蜆，較鮮味d，大頭蝦一定要食，揀咗d比較大隻，不過好生猛佢會跳走/彈水，要好小心，大頭蝦超多膏，咬落肉質好爽口，平時不太食蝦嘅我都忍唔住食咗4隻，呢個係好食但真係適可而止🙈，膽固醇應該好高😂，食完打唔到4兄之選😂 . ・即叫即整日韓熱食 有4個款式揀: 卡邦尼年糕、拉絲芝士爆炒牛舌、蒲燒鰻魚、韓式五花腩包菜，我哋就試咗其中兩款，蒲燒鰻魚超大嚿😂，韓式五花腩包菜都係😂，呢個好好食，五花腩好香口! . 因為太多嘢食，d相都post唔哂😂，仲有d其他嘢食簡單講下! . 👉🏻冰鎮海鮮: 翡翠螺、青口、扇貝 👉🏻熱盤: 煮蜆、茶碗蒸、天婦羅炸蝦、牛角包 👉🏻串燒: 燒菠蘿、燒牛肉、燒蝦 👉🏻火鍋配料超多款式，不能盡錄😂 . 整體嚟講其實我自己都幾滿意，坐得幾舒服，衛生環境都ok，撈海鮮嘅位置都唔會話好腥味，仲有洗手盤可以洗手，店員嘅服務態度都非常好👍🏻，性價比都幾高，會再有下次的❤ . 💰價錢: $298(7點前離座/9點後入座) / $328(正價時段) . ⚠️溫馨提示: 加一服務費 . ⏰營業時間: 17:00-22:00 (另有午市套餐，只有日韓定食提供，供應時間: 11:30-15:00) . 📍地址: 銅鑼灣霎東街33號智選假日酒店3樓 . #肥豬覓食在銅鑼灣 #肥豬黃店指南 . #hk #hkig #hkgirl #hkdraw #hkeat #hkfood #hkfoodie #foodie #90s #draw #插畫 #香港插畫 #原創插畫 #香港原創 #香港人 #吃貨 #美食 #香港美食 #食評 #黃色經濟圈 #黃店 #火鍋 #放題 #火鍋放題