#bfmurmur1534
我地之間係同事,因為工作樓層唔同,入職成半年都一直無咩交流。直到因為我地兩個都係成日遲到,重要個時間都差唔多時間返到去做野。一個星期會撞到一兩次同一班車返工/放工。初時都只係當佢係一個普通同事看待,電話都無諗過攞。大家時不時撞到就講下最大粒果位又做左咩弱智野出黎增加我地工...
#bfmurmur1534
我地之間係同事,因為工作樓層唔同,入職成半年都一直無咩交流。直到因為我地兩個都係成日遲到,重要個時間都差唔多時間返到去做野。一個星期會撞到一兩次同一班車返工/放工。初時都只係當佢係一個普通同事看待,電話都無諗過攞。大家時不時撞到就講下最大粒果位又做左咩弱智野出黎增加我地工作量,再唔係聽下佢吐苦水。我都只係單純覺得有人陪伴坐下車返工/放工吹下水幾好。所以返工放工時我都會周圍望下見唔見到佢。
某日公司突然間搞個大食會出黎,話要切燒豬還神。大家都係曬同一層食野飲野,我另一個同事諗住問佢攞電話順便睇下會唔會組到個行山團之類。我就係隔離食緊野,突然間比佢叫左聲你都抄埋我電話。因為呢單野我攞到佢電話啦!
之後先係惡夢既開始,次次whatsapp佢開完個話題後回完幾句就會已讀不回。而我係果種你已讀不回我,就唔會再搵果個人,你都唔當我係咩,我又做咩要主動搵你呢?但都總係會一齊返工/放工時見到。之後了解到佢有病唔可以食太多甜野果啲,同埋佢話同男友分左手。我又開始同情佢,上網搵左好多資料食咩可以幫到佢。
有時放工後唔太攰時會出去街市行下搵下粟米鬚呢啲唔洗煮唔洗煲就甘沖水飲得既野比佢。(靜雞雞同d藥材舖中醫吹下水,問下有咩佢食得同唔食得)買左包蟲草花比佢後,佢好多謝我之後都有send返幾句信息,然後再次被已讀不回🌚 其中一個信息係佢想飲蟲草花湯。
佢係我個封鎖名單到彈出彈入既次數真係多到,我成日問自己點解唔del左佢。之後我又心血來潮去買餸煲個所謂唔洗肉都可以煲出好飲菜湯既食譜,然後我伏左🌚重切到手,煲野唔係湯水係類似竹蔗茅根嘅存在。自己煲既失敗品(湯水)含淚都要飲埋佢,而我決定帶一大樽去比另一個同事飲(搵人陪葬),下次成功後先比佢飲。
一段時間都無再撞到佢,好奇咩事順便落去吹下水偷懶,見到佢忙緊面色又唔幾好。叫阿媽煲個靚湯順便帶返多少比佢飲下。第二日神早起身隔渣再煲滾啲湯裝好,返到公司話比阿媽逼帶左壺湯水叫佢幫我飲左壺湯。我唔知幾時開始對佢有意思,想好好地照顧佢。
但我次次比佢已讀不回到開始怕,開始唔敢搵佢,有時禁個whatsapp擺係到見佢上線落線但完全冇再回我。開始思考我到底係佢眼中算咩,我試過無視佢一段日子,但佢一搵我,又心軟。
之後我開始覺得個關係變成好似搵ptgf甘 ,每次我付出完換黎一兩日whatsapp吹水/收工一齊走甘。期間思考同掙扎左好耐應唔應該一次過講清楚,但當面講又怕控制唔到自己。都係就甘打段野比佢一百字左右,我成晚無瞓過關曬手機上網。等部手機過左12小時後自動連上網時我都得到左答覆,😬無錯換黎既係我當你朋友。我起身梳洗完返工。平時喜歡周圍同人吹水返工成日行黎行去既人,因為呢單野我係靜到坐左係個位到做野自閉,其他同事係甘黎關心我,但我真係變唔返之前甘。(我無同任何人講過咩事)。去洗手間時見到佢上左黎,我真係有少少想哭出黎,我無視左佢就甘入左去廁所平靜下心情,點解我甘弱智阿!8月佢要調去第二度返工,最後都重有一個月左右時間之後都應該唔會再見到面。
我到底重要唔要煲埋呢一個佢想飲既蟲草花湯比佢,定大家就算係街度見到面都唔好打招呼。
我已經唔知道要點做啦。有無人指點下我。
———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫———
♡投稿請按 @couple.murmur IG主頁鏈結!
#hongkong #couple #lovestory #hkig
蟲草花煲湯幾時落 在 絲房菜 Facebook 的最佳解答
終於整起7日湯水俾大家喇。米媽訓得喇😊超有心機整理既湯相!幫米媽share出去等多啲人知!🙏🏻🙏🏻💕
一張相睇曬!材料放大睇!唔駛下下要搵post!我要大家都好好飲湯,身體健康!💪🏻
潮濕天黎喇,米媽準備左一連7日既超強怯濕,清熱解毒,潤肺,增強抵抗力既湯水清單俾大家。 大家平時食飯無得揀,但湯一定要飲,要飲就要飲得岩!
呢7日既湯水針對D咩?
✅增強抵抗力,👉🏻對抗病菌,。
✅超強祛濕,一身輕,👉🏻對付身體濕重,身體疲勞身重重。
✅清熱解毒->👉🏻身體困身,皮膚濕疹,痕癢,捱夜唔夠訓口臭痱滋
✅潤肺滋潤身體健脾-> 幾時都要潤肺!特別而家流感,及疫症嚴重之時,更加要補底,潤肺潤肺!
好喇,米媽一星期7天湯水黎喇,大家照單執啦!
1.【提升抗病能力】
💕姬松茸蟲草花雪耳金羅漢果栗子湯💕
材料:
1. 蟲草花
2. 姫松茸
3. 金蘿漢果
4. 百合
5. 雪耳
6.龍眼肉
7. 紅蘿蔔
8. 粟米
9.蜜棗
10.果皮
11.桂林錐
2.【滋陰潤肺湯(增強免疫力,存津液,預防肺炎)】
💕[沙參玉竹麥冬無花果海馬螺頭湯]💕
材料:
1. 沙參
2. 海玉竹
3.麥冬
4. 海馬 (無就唔駛落)
5. 百合
6. 無花果
7. 佛手瓜
8. 紅蘿蔔
9. 瘦肉
10. 果皮
(喜歡可加南北杏)
#感冒多痰者不宜
3.【四季健脾利水祛濕湯】
💕粉葛鯪魚赤小豆扁豆湯💕
材料:
粉葛
鯪魚
赤小豆
扁豆
無花果/蜜棗
薑
油(煎魚)
煲兩小時加鹽調味。
4.【特強祛濕解毒補腰補腎舒筋骨湯】
💕[牛大力土伏苓粉葛素湯]💕
材料:
牛大力
土伏苓
粉葛
鬆筋藤
赤小豆
炒扁豆
竹蔗
粟米
紅蘿蔔
桂林錐(栗子)
煲兩小時加鹽調味
5.【清熱怯濕,化痰止咳潤肺消炎】
💕南北杏青欖石黃皮龍脷葉魚腥草瘦肉湯💕
材料:
南北杏
青欖
石黃皮
龍脷葉
魚腥草(最後30分鐘才下)
瘦肉
6.【增強抵抗力,潤肺滋陰,抗炎】
💕沙參玉竹石斛麥冬淮山冬菇豬展螺頭湯💕
材料:
沙參
玉竹
石斛
麥冬
淮山
冬菇
豬展
螺頭
南北杏
果皮
蜜棗
7.【超強解毒祛濕湯】(皮膚濕疹痕癢非常岩飲!)
💕牛大力鑽地老鼠土伏苓五指毛桃素湯💕
材料:
牛大力
鑽地老鼠
土伏苓
五指毛桃
竹蔗
赤小豆
扁豆
粟米
紅蘿蔔
栗子
以上湯水,可以去藥房執,有D山草藥就去街市既山草藥店執,每次同佢地講你煲幾多人份,佢地就要執俾你。每個湯水大約煲2-2.5小時,喜歡可加鹽調味。
米媽整理呢7款湯水,係大包圍,✅平常保健又有,✅增強抵抗力又有,✅潤肺健脾,✅增強身體體力,✅清熱解毒祛濕,✅皮膚問題,✅濕疹等等,係米媽呢7天湯水入面都包括曬喇。大家輪住煲啦=)
下週繼續7天湯水要嗎🙋🏻♀️
#米媽超強7天湯水
#一張相睇曬大家快啲下載啦
#米媽靚湯
每次用心影相用心分享無錢收架,為既只係想分享開去,food is love 💕, 為愛既人做多一步,用食物去承載愛。亦希望透過米媽少少既分享影響到你嘅。😊💕
大家like左未!留言同share出去啦!齊齊飲湯打底!
詳細版:https://www.facebook.com/430493420343469/posts/2798028673589920/
蟲草花煲湯幾時落 在 關於那80後煮婦的廚事。 Facebook 的最佳解答
『#溫馨晚餐系列』
✔️紅棗雲耳蟲草花蒸雞
✔️瑤柱蒸水蛋
✔️皮蛋芫茜豆腐魚肉湯
d消費卷令到全城物價翻倍,街市係咪都用得消費卷?我買左舊3蚊ge豆腐,定係幾時開始變到甘貴?🤢
煲魚湯前必須準備滾水,魚要煎到金黃,當煎好魚後馬上倒熱水落鍋,個一下除左令鍋keep住滾ge狀態令魚湯變奶白色之外,仲可以滾走d魚腥,滾魚湯我係用大火滾起,中大火快速煲到尾,甘樣係特別奶白好味!😆
本來雞係林住做白切雞,但由於時間ge關係,都係快速略醃蒸左佢算,醃料我係用左蠔油、鮑汁、糖、胡椒粉、鹽、花雕酒同生粉,求其醃下就係,隊入蒸爐100度蒸20分鐘就食得,同場仲有蒸水蛋,無影相,有錄底佢震騰騰ge樣!😆😆😆
miele蒸爐用左2年,大愛呀!雞蒸到最尾8分鐘先放水蛋入去,夠鐘同時出爐,掂啦!平時仲會用黎消毒玻璃樽,蒸ge時候部爐好靜,而且機身唔會好熱,係廚房煮其他野唔怕蒸埋個人,夏天最能體會!有買貴無買錯ge廚具!😆
蟲草花煲湯幾時落 在 Foodiejacqueline Facebook 的最佳貼文
向來都鍾意飲湯水,但係煲湯真係心機之作,又要買料,又要洗洗切切,重要時間睇火,真係一年先煲得嗰一兩次。
平時想飲湯都會買湯包,夠曬方便,唔同連鎖店嘅湯包都試過。
最近俾我發現葵涌開咗間新嘅湯水店,款式好多,真材實料。但係葵涌對我嚟講太遠,好彩佢哋有送貨服務,今日就送咗兩包湯包嚟屋企。
今日試咗蟲草花螺頭豬展湯,同粉葛赤小豆生扁豆鯪魚湯。豬展湯入口好清甜,飲得出係真材實料,佢有抗衰老,滋陰補腎嘅功效。
鯪魚湯飲落清清哋,唔會過鹹,佢有清熱下火,去濕嘅功效,好啱而家嘅天氣。
兩個湯包都係急凍嘅,所以我將佢放落煲度,熱水加熱六分鐘就飲得,好方便,平時放喺冰格仲可以放多一兩個月,幾時想飲都得。
盧太太上奶湯水:
葵涌葵德街16-26號金德工業大廈1座11樓22號舖
#soup #healthy #住家湯 #hkiger #hkfoodie #hkkol #influencer #mum #hkblogger #food #coollovehk