JuJu's Chinese New Year Interview
-Monkey Style Kung Fu Demonstration!

JuJu 迎猴專訪報導：

東方日報： 2月6日 娛樂版 C1
[ 陳鈺芸耍拳揮棍靈猴上身 ]

http://orientaldaily.on.cc/…/entert…/20160206/00282_006.html
武打女星陳鈺芸（JuJu）為迎接猴年，日前專程拜武術大師周強師傅速學猴拳，她僅在逾半日內已打出一套似模似樣的猴拳，除要模仿猴子的動態外，還要單腳企、在地上打滾及運勁揮棒等，她接受《好報》訪問時說：「猴拳最難係是要耍出柔中有剛嘅功架，又要顧及猴子嘅神髓。」
JuJu除單腳企外又要模仿猴子的動態，坦言練習過程相當辛苦。
集武多年的JuJu在重複練功中辛苦到「伸脷」，她之前雖然學過不同種類的功夫，如詠春及洪拳，但接觸具形態的國術如猴拳、虎爪拳、螳螂拳還是首次：「又要耍由鐵通鑄成、斤両十足嘅猴棍，每次揮棍必須使勁出力，仲要小心提防中『頭獎』，又要喺地下度翻滾同做突襲動作。」不過當她可耍出「有七位功力」的猴拳時，即覺得很有成功感，打算繼續深造猴拳，希望有朝一日可以打出整套拳法。
JuJu跟隨武術大師周強師傅速學猴拳，並打算繼續深造。

有份演出電影《臥虎藏龍2》的JuJu將在農曆新年後飛抵美國出席首映，她表示很享受忙碌的工作：「我由細到大都畀媽咪話我猴子托世，可能因為我性格比較好動，令我選擇走武打呢條路啦。」JuJu又透過本報向讀者拜個早年，祝各位如猴子一樣精靈。

場地：中國傳統國技總會

好報、Oncc 和 東網電視：
陳鈺芸耍猴拳賀猴年
http://hk.on.cc/…/20160206/bkn-20160206010525400-0206_00862…

【on.cc東網專訊】武打女星陳鈺芸（JuJu）為迎接猴年，日前專程拜武術大師周強師傅速學猴拳，在師傅細心指導下，JuJu僅在半日內已學曉竅門，打出一套似模似樣的猴拳，她除要模仿猴子的動態外，還要單腳企、在地上打滾及運勁揮棒等，而最難的是要耍出柔中有剛的功架之餘，重點要顧及猴子的神髓及眼神；本有武功底的JuJu，在重覆練功中辛苦到「伸脷」，可是在嚴師出高徒下，加上JuJu自認猴精托世，天賦加毅力，猴拳初練成，可越級挑戰跟師傅雙猴對決，JuJu邊耍功夫邊祝各位：「猴年好似猴子咁精靈精靈」。

JuJu今次應《好報》邀請耍猴拳迎接新年，本精於跆拳道、雙節棍等武術的她是首次接觸猴拳，她說：「其實之前玩開唔同嘅功夫，喺國術方面玩過詠春同洪拳，但接觸形態啲嘅國術如猴拳、虎爪拳、螳螂拳就未試過，今次跟周強師傅學咗幾招猴拳，我覺得猴拳最難係神態要揣摩得好，因為猴子係好精靈、活潑，好靈敏，對好多嘢都好有觸覺，耍拳時就要做到猴子逗、怯、驚嘅神韻，仲要喺眼神中表現出猴子嘅喜、怒、哀、樂、俯、仰、窺、探等。」她又謂加上要耍由鐵通鑄成，具十足斤両的猴棍，每次揮棍必須出力渾勁，還有大量高難度動作，且又要在地下翻滾及突襲動作，所以她覺得相當有難度。

見JuJu要不停屈曲身體學猴子單腳企，一時又要在地上變滾地葫蘆，最驚險是她稍一不留神，就會自吃手上的「金剛棒」，隨時有中「頭獎」之險，不過見她愈學愈投入，她亦不諱言上了猴拳癮，她謂：「我係有興趣繼續去鍛煉，其實學真係唔易，精就更加難精，好似師傅成70歲咁，但佢打到入形入格，真係需要啲時間囉。」JuJu謙說因僅學了幾個鐘，多得師傅教路才可「打到小小畀大家睇」。問她整套拳最難的部份？她表示：「我有玩開體操，翻滾動作對我嚟講比較容易，反而係猴子嘅動靜，一啲國術嘅步法，我覺得係需要時間浸出嚟，唔係一朝一夕嘅事，我會畀啲時間去學，希望有朝一日，終可以打出一整套猴拳。」

成為周強師傅首位猴拳女弟子，JuJu感激師傅傾囊相授，讓她見識猴拳真功夫，她稱：「師傅之前都畀我睇過啲猴拳套路，嘩！有啲真係好犀利，兩隻手綁住，全程係度碌地，做好多跳躍動作，翻滾呀。」

有份演出電影《臥虎藏龍2》的JuJu稍後將忙宣傳新片的工作，農曆新年後還要飛抵美國出席首映，並在當地逗留一至兩月。問她為工作經常做「空中飛人」可感辛苦？她竟表示享受忙碌：「我由細到大都畀媽咪話我猴子托世，我細細個已經周圍走，女仔都成日擒樹，我好鍾意擒嚟擒去，所以走去玩攀山、攀石，可能因為我性格比較好動，令我選擇走武打呢條路啦。」

場地提供：中國傳統國技總會

Today's news clipping: ［東方］http://orientaldaily.on.cc/…/entert…/20160207/00282_041.html

節目推介：陳鈺芸耍猴拳賀猴年
武打女星陳鈺芸（JuJu）為迎接猴年，專程拜師學猴拳。自認猴精託世的JuJu，加上在嚴師出高徒下，猴拳初練成，JuJu更邊耍功夫邊祝各位：「猴年好似猴子咁精靈精靈」。