［Something is wrong］韓國係第十大經濟體，三星共和國亦出晒名，但，韓國首先200億美金身家？同Dyson整風筒整吸塵機差不多？有啲嘢喎

TLDR：比韓國更細嘅經濟體系，西班牙墨西哥之類，首富都有錢過韓國首富。關鍵係，李健熙只係拎住4%三星股權。亦唔係一早畀晒個仔（否則就佢個仔係首富啦！）。但點解會咁？就要講韓國國情了。好大可能係隔住幾十重渣住，或者搵人頭渣住。

1. 星期一，重陽節快樂（！）。香港放假，但韓國應該係冇假放嘅。所以睇下三星股價如何。

2. 因為，韓國首富死咗！正係三星嘅會長李健煕。股價可能冇乜反應，又可能有，點知？但我估冇乜反應多。上次樂天嘅辛格浩一釘蓋，股價就勁升。留意辛先生已經成百歲，一早已經冇參與業務。但三星嘛，應該更加早交咗棒。

3. 上次有講（https://fbook.cc/3Hap），樂天辛格浩，係韓國五大財閥中最遲死嘅。第一代嗰班，已經死晒。樂天嘅辛格浩（Lotte，嚟自……德文！少年維特的煩惱，Charlotte夏綠蒂。同日本嘅Rakuten冇任何關係，但韓國樂天本身係在日本成立的），現代汽車（現代集團鄭周永，留意好多其他現代公司已經冇直接闗係），SK（崔鍾建，SK一名嚟自鮮京織物，朝鮮東京），LG（具仁會，L for 樂喜Lucky，G for GoldStar金星，所以LG就係樂金），仲有三星嘅李秉喆。

4. 今次死嘅韓國首富李健煕，已經係第二代。理論上交咗捧畀第三代嘅李在鎔，應該唔會爭產…..掛。

5. 不過有少少阻滯嘅就係，遺產稅。遺產稅呢味嘢，表面上非常屈機，做乜我畀錢我個仔要政府斬一筆？但細心諗就知，稅務嘅嘢，核心價值係收入再分配。所以市場塔利班可以話全世界都係左膠，因為一有收稅就係收入再分配，根本政府嘅功能就係收入再分配。遺產稅，係用嚟拉近貧富懸殊嘅，至少本意如此。亦都係斬有錢人一筆，等佢地冇咁易可以千秋萬代（實際作用冇乜，等佢啲仔女自爆好過），亦都拎啲錢嚟貼下其他窮人

6. 韓國嘅遺產，出晒名重，抽你50-60%不等。差不多全世界最高。所以好多韓國富豪，一早就將啲股票分畀仔女，在生時分，唔使抽一大舊。有啲係幾歲已經分—you never know．外國其實興用信託（Trust），但一來在韓國冇特別稅務優惠，二來，韓國人信唔過外人。

7. 睇返報導（https://bityl.co/48ds），就話「三星繼承人或將面臨76億美元遺產稅」「支付巨額遺產稅可能使得李氏家族對三星集團的控制變得複雜化。」

8. 我就見到好eye catching，所以有呢篇文。你睇到問題未？睇你對數字同金錢敏唔敏感，同埋有冇常識有冇世界觀（嘩，吹到咁大）。

9. 問題係乜？韓國首富，抽一半身家，先得嗰76億美金？！？！？！？！Something is wrong, doesn’t add up

10. 用你嘅常識諗下。韓國係世界第10大經濟體系（巧勁的說）。而再冇常識都知，三星共和國，韓國人由出世（三星醫院）到死（三星保險，殯儀館係啲友作的）都係三星。正所謂韓國人不能避逃嘅三件事：死亡，交稅，三星。
11. 問題嚟啦喎，韓國係第10大經濟體系，三星在韓國咁大，而佢嘅話事人，先得76億美金X 2 （遺產稅抽一半嘛？）= 150億美金身家？你真唔覺有問題？！

12. 為咗有可比性，我地用返Bloomberg Billionaire Index（有一排我成日貼，有讀者問關佢乜事，有乜用。而家你咪見到，埃汾寫文台上一分鐘台下十年功）（https://bityl.co/48dv）。韓國首富嘅資產，200億美金。全世界排65

13. 200億，都係好少！排到65，更加少。特別係韓國係第10大經濟體系（再重覆），三星在韓國咁惡（再重覆），又係半家族生意咁滯。點會排到65？

14. 可以比較下，幾個比韓國細嘅經濟體系，西班牙，墨西哥，俄羅斯，愛爾蘭，新加坡，香港。佢地嘅首富，都有錢過三星嘅李健熙。200億美金身家講緊咩水平？講緊係James Dyson咁嘅水平。All due respect，搞間吸塵機定風扇公司，有錢過三星？！

15. 其中一個好大嘅原因係，李健熙，在三星嘅股份唔多。但亦唔係一早畀晒個仔，「否則佢個仔先係首富啦」。李健熙在三星嘅股權，就只係2-3%（有啲講法話5%）

16. 呢樣嘢亦好重要。Elon Musk點解有錢過Steve Jobs或者添曲？唔係Tesla大過蘋果（暫時未係），而係佢渣住多股份，添曲只係高級打工仔。Steve Jobs係創辦人，但渣嘅股份好少。

17. 到底點解咁少？係咪真係咁少？就唔知了。因為種種原因，韓國好多呢啲情況。之前講嘅樂天，創辦人個仔，好似渣唔夠1%—但佢地唔係Steve Jobs式，係相反，間公司好似仲係家族企業咁。

18. 但你話，唔會畀人趕走咩？呢度就重要了：亦係日本常見嘅兩招（都話韓國樣樣抄日本），首先係交叉持股，另外係鐵索連舟，極權複雜，俄羅斯套娃咁嘅企業架構。仲有就係，「人頭」。有唔少高層甚至街外人，係代客泊車嘅。但唔怕條友唔認數？咁呢個又要講韓國嘅倫理社會，同埋法制了。發唔發現韓國好多啲藝人都係咩老豆借錢唔還要上身，甚至阿哥阿妹？外國嘅睬你有味。你咪斬撚死佢。要唔要佢地址？

19. 所以，李健熙副身家，應該係大幅低估。枱面渣住2-3%啫，枱底呢？況且，又係韓國（日本都係）特色文化，渣咁少一樣可以話事嘅。你估你可以在街邊忽然掃5%然後換董事會？香港就可能得嘅。

20. 關於韓國財閥云云，有個網幾好睇，有英文版（https://bityl.co/48bn），但唔知up唔update

21. 關於李健熙，仲可以講些少。講過佢老豆係創辦人，但佢排第七，計男丁就第三（嗰個年代嘅韓國人極少會傳祖業畀個女啦，重男輕女）。佢二哥就死咗，自殺的（李健熙個女都係自殺的，韓國特色）。

22. 反而值得一講佢大哥李孟熙。大哥都死咗，但自然死。生前係run CJ 集團嘅。去過韓國應該知道CJ，有拍戲（上流寄生族就係佢地發行），有戲院（CGV，香港都有，越南都有）。有咖啡嘅Twosome Coffee，有麵包店Tous Les Jours。

23. 但CJ邊度爆出嚟？頭先講韓國傳統五大財閥都冇佢地份。CJ唔係後起之秀，你估到了，原本係三星嘅一部份。第一製糖，CJ個名就係咁嚟（C咪第一，J咪製糖，韓文呀）。

24. 當年李孟熙同細佬（剛剛死咗嘅首富李健熙）仲爭產，成件事好有三國演義袁紹嘅feel，一個字講完就係，廢長立幼。原本老李生屬意大仔接班，但佢令人失望，成日爆鑊，於是想立三子接班。大仔見到失勢，索性攬炒，爆埋老豆啲醜聞。最後被踢出家門，老豆話「唔畀佢返嚟韓國」。當然最後老豆香埋，細佬接班，就開始爭產了。最後都係爭唔到，只係得間CJ

———————————————————
Ivan Patreon：螞蟻全攻略（https://bityl.co/48eM）
———————————————————
instagram @ivanliresearch．七成金融（短打）兩成嘢食一成其他嘢。
——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010

內容:
*軟件股IPO狂潮
*買平台股好過
*人民幣強勢買咩好?

本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

📍台北大安區-港式飲茶- 唐點小聚
https://claire7943.pixnet.net/blog/post/222485448

對於花俏的點心我並沒有期待太多，但這家來自香港的店是我很多好朋友的口袋名單。
進門左邊是一個桌球桌造型的餐桌，人數約12人才能坐，牆壁上2隻漫畫熊貓掛滿球拍好可愛。
餐廳座位滿多的，舒服的色系，裝潢很新也很別緻，很適合聚餐。
造型小點心真的很可愛，玫瑰花、梨子、黑金流沙包...盤子上栩栩如生的螞蟻一開始還嚇我一跳。
唐點小聚的餐點都滿好吃的，創新的口味設計的很好，用料也及格，每道菜吃之前都充滿期待。
我們每個人都吃到自己很喜歡的食物，列入口袋名單，下次帶家人來點滿一整桌。😋
#餐點描述在每張照片中
環境服務⭐️⭐️⭐️✨
食物美味⭐️⭐️⭐️✨
人均$500
回訪 YES

FB 唐點小聚 SocialPlace
地址：台北市大安區市民大道四段102號
電話：02-2771-5808
營業時間：11:00-22:00
#克萊兒的食尚生活日記台北中式料理

去台灣旅行，次次都像螞蟻搬家一樣，入手大盒細盒台灣鳳梨酥。雖然本地已有商店引入不少鳳梨酥品牌，但猜不到平日經營速遞的順豐，竟也引入七款台灣鳳梨酥品牌。當中更有大人氣伴手禮之選的微熱山丘、麵包大王吳寶春麥方店的無嫌鳳梨酥及阿默典藏蛋糕金磚鳳梨酥三大人氣伴手禮之選！

微熱山丘以微酸的土鳳梨餡料口感贏盡歡心，吳寶春無嫌鳳梨酥則加入鹹香到不得了的鴨蛋黃焗製，翻熱後享用，好吃到停不了口。香港暫時不多地方有得賣這幾款鳳梨酥，還不快快入貨。

微熱山丘鳳梨酥 $218/15個
吳寶春無嫌鳳梨酥 $196/12個
阿默典藏蛋糕金磚鳳梨酥 $173/12個

訂購方法︰可親臨各順豐站拿取訂購表格，付款後約四至五個工作天便能安排送貨。貨品價錢已包括運費，有關個別非工商或偏遠地區附加費，可於訂購時查詢。亦可選擇到順豐站門市自取。

順豐站
客戶服務熱線︰2730 0273
網址︰www.sf-express.com/hk/tc/contact_us/svcloc/SF_Store.html (順豐站地址及營業時間可瀏覽網址)


想看更多精彩飲食影片，請即下載《飲食男女》最識食App！

iPhone下載：
http://goo.gl/jYHhdH
Android下載：
http://goo.gl/m8yPuf