【有苦自己知︱#歇後語】 「啞子吃黃蓮」呢句歇後語相信唔少人都聽過，不過日常生活卻少咗好多人講歇後語，又或者人地講完你都聽唔明，今日就考下大家唔同類型嘅歇後語，唔知你又有冇聽過呢？ . 歇後語，意思同名字一樣，即係歇去後半段嘅話語。以幽默的方式講上半段，唔講後半段真正意思，等人自己估出關聯性，喺修辭學中又叫「藏詞」。下面就舉一啲例子，睇下你又識幾多啦！ . [ 邏輯類：推理出後半段意思 ] 1. 啞巴吃黃蓮 —— 有苦自己知 2. 胖子觸電 —— 肉麻 3. 家有十五口 —— 七嘴八舌 4. 船頭尺 —— 度水 . [ 諧音類：透過諧音帶出意思 ] 1. 和尚打傘 —— 無法 (髮) 無天 2. 老公搧風 —— 淒涼 (妻涼) 3. 孔夫子搬家 —— 盡是輸 (書) 4. 廁所裡撐竿跳 —— 過 (糞) . [ 歷史類：借歷史人物或故事帶出意思 ] 1. 劉備借荊州 —— 一借無回頭 2. 關公面前耍大刀 —— 不自量力 3. 豬八戒擦胭脂 —— 遮不了醜 4. 武大郎放風箏 —— 出手不高 . [ 神仙類：與神仙有關的歇後語 ] 1. 閻羅王嫁女 —— 鬼才要 2. 龍王爺放屁 —— 神氣 3. 壽星公吊頸 —— 嫌命長 4. 天堂尿壺 —— 全神貫注 . [動物類：與動物有關的歇後語 ] 1. 神臺貓屎 —— 神憎鬼厭 2. 狗捉老鼠 —— 多管閑事 3. 老虎頭上拍蒼蠅 —— 不想活 4. 螃蟹過街 —— 橫行霸道 . [ 近代類：涉及較近代的作品或用語 ] 1. 無線吉他 —— 無得彈 2. 番鬼佬月餅 —— 悶極 (Moon Cake) 3. 伏爾泰細佬 —— 伏已中 4. 佛地魔手下 —— 食死人 . 其實歇後語又點至咁少，而且背後都有唔少故事架。得閒睇下歇後語，就好似「丈母娘看女婿」咁，愈睇愈有趣啊！ . #Beginneros #冷知識 #歇後語 ------------------ ◆ 每日分享知識、每月提供課程 ◆ Beginneros網站：https://www.beginneros.com/ ◆ Youtube：https://goo.gl/OEJrGt ◆ 冷知識投稿：http://goo.gl/zEYS3q