【Patreon延伸文章：68歲Michael Keaton或演全新版本蝙蝠俠，但俾閃電俠整死？】

又有蝙蝠俠嘅新聞，睇嚟DC同華納依然好想拍謝蝙蝠俠。話說Robert Pattinson拍緊新一套《蝙蝠俠》，同時華納又想繼續擴展DC Universe，將會喺《閃電俠》獨立電影加入蝙蝠俠一角，延伸嘅係「Dark Knight」故事，但就同Robert Pattinson版冇關係。呢單嘢最爆都係搵返「原祖版蝙蝠俠」，喺《蝙蝠俠》同《蝙蝠俠再戰風雲》嘅Michael Keaton再演呢個角色。

Michael Keaton近年嘅英雄角色都鍾意飛飛下，例如《飛鳥俠》又例如《蜘蛛俠：強勢回歸》（應該仲有《魔比煞》同打後作品）嘅反派Vulture，不過咁，佢近年真係叫做咸魚翻生，年過半百仲演蝙蝠俠，得唔得架喂？

至於《閃電俠》個故事就講咗好耐都冇消息，當《正義聯盟》入面嘅《神奇女俠》同《水行俠》都有獨立電影（鋼骨就講明唔拍），《閃電俠》喺DC Extended Universe就遲遲都拍唔到，暫定會喺2022年6月上映。

《閃電俠》故事就仲未正式落實，但網傳有好多個version，有啲仲玩到好大，包括漫畫其中一個版本係，閃電俠間接整死咗蝙蝠俠？ 更花生網民分析請看Patreon版。現試讀價每月只需US$5：https://www.patreon.com/posts/38522461

【‼️留意‼️】
「晞。觀影記事」Patreon加強版已經開幕，更多精選深度獨家電影文章，請即訂閱：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【《蝙蝠俠》又有新反派加入】

Matt Reeves版《蝙蝠俠》不斷有新角色加入，繼早前落實嘅貓女同謎面人後，企鵝一角搞極都搵唔到人。之前曾有話搵Jonah Hill演出，但因為片酬天價傾唔掂數，估唔到最後搵咗Colin Farrell。呢個角色，喺《蝙蝠俠再戰風雲》就由Danny Devito演出，當時都有貓女出現，唔知storyline係咪一樣。

對於Colin Farrell演英雄電影，我最記得佢喺《夜魔俠》演得有少少「跳掣」嘅暴煞。

唔知呢套《蝙蝠俠》搞成點，但見搵演員搞嚟搞去都搞唔掂，而反派角色又愈搞愈多，睇嚟遲早變「群揪大亂戰」，驚嘅唔係變《正義聯盟》，而係《蝙蝠俠與羅賓》。

🌟第6屆「晞。觀影記事」讀者電影投選現已接受投票，請即參加：http://bit.ly/2SXmUva

‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA

【IG請follow】www.instagram.com/travelerwithmovie

《小飛象》、《假面酒店》不驚不喜、不過不失。

假期可以連續看戲，上面兩部電影分別看了，只能形容合格但無驚喜。去年底看到《小飛象》預告片時，其實相當興奮，導演有添布頓，主要演員有哥連費路，同導演合作過《柏鳥小姐》的Eva Green，自從1992年《蝙蝠俠再戰風雲後》再度合作的米高基頓和丹尼德維托(企鵝人)，這個組合本身夠吸引，奈何他們在整套戲的表現，相當樣板戲好似交差咁。唔單止演員係咁，整個故事都係有齊所有元素，但卻處理得平平無奇，有齊熱鬧畫面，卻又不能令你興奮。小飛象母子被迫分離，兩位已經喪母負責訓練小飛象的姊弟，大家同病相憐，這主線可以造出感人情節，但為了合家歡唔想太傷感，又變成戲味不足。可看點還是有的，小飛象初次成功飛一幕可以，牠被化妝成白面小丑，樣子表面搞笑但實際上有點悲涼，也有惹人同情的效果。向舊作致敬的跳舞大象氣泡一幕視覺上很好，而電影中米高基頓的《Dreamland》擺明諷剌迪士尼樂園，其中講到霸道無情的劇情，真係諷刺得幾到位。當懷舊回憶去看無問題，別期望太高。

《假面酒店》在日本票房不俗，香港表現也算ok，始終東野圭吾原著，偵探推理題材，主要演員有木村拓哉、長澤正美加松隆子這組合亦相當吸引，加上仲有自己喜歡的老戲骨小日向文世，其實很吸引我，只是之前忙抽不到時間，幸好在落畫前看到，演員、案情同推理部分都喜歡，但中段花了太多時間去描述木村如何學做酒店大堂經理，他和長澤的關係，和酒店侍客精神等地方，睇到我以為木村會為了長澤，破完案後會辭職唔做差人，轉行做酒店。中段太長拉散了劇情和劇力了，相比之下，去年木村和二宮和也合作的《檢察狂人》，故事集中，推理細緻有劇力，好睇過呢部好多。