每年嘅中秋節，都係家嫂廚房嘅生日！
做完庇護工場女工就總結下三歲生日嘅感想啦😂

今年家嫂廚房嘅目標，就係要開團整野俾大家食~搵咗新嘅共享廚房，地方大啲設備好啲，做嘢的確係爽手啲！超開心大家都鍾意食我嘅曲奇、芝士蛋糕、月餅、蘿蔔糕同埋糭，雖然開團比出食譜或者教班更加辛苦，但知道大部份嘅朋友仔都欣賞我嘅嘢，滿足感都係最多嘅😭❤️

好鐘意Turbo哥嘅金句: 每次開團會整唔同野，會遇到唔同嘅技術問題，但係一定會重複面對嘅，就係自己嘅缺點。

我真係一個超級冇記性、好唔細心嘅人，所以做admin嘢我係極差，要同大家講聲唔好意思，之前嘅團可能出現過入錯貨、漏單嘅情況，今次中秋團呢兩樣嘢都改善咗好多啦，要讚自己嘅 (雖然進步空間仲係好大好大) 希望我會經一事長一智，同埋要學仔細啲，唔使下下錯完先識改返啱啦😩

另外因為寄賣店始終唔係自己地方冇咁free，大家遲咗去攞貨真係要收返存放費㗎，我會再諗吓可以點樣改善，都希望大家早啲去拎嘢食，早拎早享受啊😚

第二就係發現自己嘅抗壓能力都幾低🙈
研究呢個生酮月餅嘅時候，遇到好多問題，
大豆渣版本嘅月餅要由零開始研發啦，個皮一開始好油好濕，起碼改咗10次先做到而家咁微脆乾身！ (要多謝 HM Gnap建議我可以點樣加快研究嘅速度! )
奶皇餡口味嘅配搭、用咩牌子嘅茶粉，又實驗咗一大輪。 (每粒月餅有多過10克茶粉㗎，試食譜嘅時候都用咗好多粉。。真係好揼本，多謝每一個試味嘅你❤️)
月餅印模，一開始嘅時候不停印爛，當我以為要用周街都係嘅兔仔模，超傷心嘅時候，turbo哥俾咗建議我，令我可以用返字模，但係追求完美嘅我，訂月餅模都訂咗三次先滿意😂
到finalise 咗食譜，試大量製作嘅時候，又再崩潰🤣流心好容易溶要不停開雪櫃拎啲流心出嚟包，包完印模可能印得唔靚，靚嗰啲拎去焗，焗又可能會焗爆咗或者啲字唔出，每整衰咗一個月餅都好心痛(有整過流心月餅嘅人就會明白🙃😂)

咁多問題同時出現，令到我個人超大壓力，覺都瞓唔到，勁想偷食carbs，加上次次整完失敗咗嘅月餅我都會自己食咗大半，所以呢幾個月肥咗勁多🥲🥲🥲

嚟緊呢幾個月我真係會好好休息吓，同努力改善自己嘅缺點，諗吓啲物流行政野點樣可以再smooth啲，咁個人應該就冇咁緊張㗎啦！！

年尾會有新project，會出我自己嘅低醣食譜書，希望可以幫到大家享受生酮🥰所以如無意外應該新年先會再開團，到時再整多啲又好味又健康嘅嘢俾大家食！
𝗕𝗲 𝘁𝗵𝗲 𝗯𝗲𝘀𝘁. 𝗡𝗼𝘁 𝗷𝘂𝘀𝘁 𝗮 𝘀𝘂𝗯𝘀𝘁𝗶𝘁𝘂𝘁𝗲.

#多謝睇哂全文嘅你❤️
#多謝支持家嫂嘅你❤️

有一種痛，
係當你有閒情逸緻，
摷自己心愛嘅杯出來，
沖double shot espresso，
準備望住個窗飲嘅時候，
發現杯邊崩咗小小。

就係嗰小小崩，呢隻杯唔要得。

儲咗好多年，
搬幾多次屋都保留住，
愛惜佢一雙一對，
有幻想過等男主人出現，
等佢變古董，
將來傳給下一代，
多麼淒美。。。

但係，呢隻杯唔要得，
無其他選擇，只可以掉入垃圾筒。
而隻影形單嘅另一隻，會變得脆弱，
我或迫不得己要用另一套杯。

好傷心。
有啲嘢，無得補償，
甚至乎你追究責任都無用。

雖然明知道是工人不小心洗爛，
我通常不哼一句。
每天對著碗碗碟碟，無論有幾小心都好，
洗1000次杯，總會崩一隻，
鬧得鬼哭神號，結果一樣，
倒不如留住怒氣，
做有建設性的事。

摷埋集蛋糕碟出來，
影相芝士餅product相，悼念埋隻杯。

好好味的一口芝士餅，
一盒六種口味，
雪藏可存放6個月，
放雪櫃可保存區3天。

屋企隨時有高質甜品，
遇上激心事都有點心理補償。

一口芝士餅 （一盒6個裝）HKD$68
https://www.maxihousehk.com/products/petite-cheese-cakes

#坦白講係傷心
#斷捨離唔係咁
#hermes古董espresso杯
#配唔

.
.
深水埗美食多蘿蘿，要慢慢去發掘下，今日經過北河街幫襯左呢間古早蛋糕店.....

💫囍源古早蛋糕💫

老闆介紹佢地嘅古早蛋糕，用傳統手法去做，真正嘅傳統水浴法，用長時間隔水焗起，做到綿滑黃金嘅效果。正宗黃金邊、黃金底既古早蛋糕，唔會燶邊同燶底。採用少油少糖既配方，夠哂健康🤩

口味全港最多，獨家過百款，仲可以自訂口味。蛋糕放係盒都散發陣陣蛋香，拎出黎見到外形光滑，仲好有彈性 ！
.
.
🍫朱古力口味
用上比利時朱古力粉去做，朱古力味夠香濃，中間有滑滑嘅朱古力醬，朱古力迷一定爭住食。食落朱古味濃郁，又唔會太甜！蛋糕質地放左1日依舊濕潤鬆軟。

🌿🍫斑蘭骯髒朱古力面口味

斑蘭咁鮮綠色，係因為用新鮮嘅斑蘭葉磨汁做的。真材實料，無添加，食到濃斑蘭嘅香味。骯髒朱古力面，面頭仲鋪滿彩色朱古力脆粒同埋朱古力粉，小朋友超鐘意 💕 一個蛋糕，2隻口味，好正啊！

鐘意骯髒朱古力嘅話，落訂時同老闆講，加錢叫佢地加就得架喇。
.
.
💗溫馨提示
蛋糕可以存放3日，食唔哂都可以放返入雪櫃，用飯煲焗番熱就得架喇～
.
.
囍源古早蛋糕
.
.
🏠 囍源古早蛋糕
地址: 深水埗北河街123號地舖
☎️ 26699888預訂
營業時間: 11:30-22:00

#古早味蛋糕 #囍源 #香港美食 #美食推薦 #heiyuen_bakery #囍源古早蛋糕 #正宗黃金邊黃金底 #healthycake #hkfoodie #hkinfluencer #hkkol #hkblogger #coolhkg #安琪拉的生活日誌

八十年代移民澳洲雪梨期間，常到兩個地區覓食以解鄉愁：唐人街及越南華人區Cabramatta。越南曾受法國統治，所以越南人在Cabramatta做的法國麵包及雪芳蛋糕也特別好吃，我那時候才第一次嘗到斑丹葉的味道。
斑丹葉（Pandan Leaf），又名斑蘭葉或香蘭葉，這種含有獨特香氣和味道的香葉，
在東南亞非常普遍，當地人喜歡在自己花園種植，方便隨時使用。斑丹葉最適合用來煮咖喱、煲湯，做甜品糕點，如千層拉椰糕。在香港，新鮮斑丹葉不難找，在椰子鋪或泰國雜貨店便買得到。用報紙包好後放雪櫃冷藏，可存放兩星期。


材料（12人用）：
1.新鮮斑丹葉 2條（剪成短條約2公分長）
2.鮮椰汁 1,200克
3.水 1½量杯
4.鹽 1/5茶匙（煮椰汁用）
5.Tedung Tapioca印尼木薯粉 600克
6.麵粉 3平湯匙
7.斑丹葉色素 1¼茶匙
8.砂糖 400克
9.油 1茶匙(抹糕盤用）

工具
1.8吋（20公分）四方糕盤 1個
2.量杯 2個

做法：
1.中火燒熱300毫升水及糖，糖溶後立刻熄火，待涼。
2.斑丹葉剪成小段。
3.中小火煮熱椰汁、鹽及斑丹葉，椰汁一滾即熄火，待涼。
4.待椰汁冷卻後才拿走斑丹葉。
5.木薯粉及麵粉放入不鏽鋼盤，倒入椰汁，攪勻粉漿後放入糖水，攪勻。
6.粉漿經一個密篩隔去雜質。此時粉漿分量，應該足夠分9杯（250毫升一杯），一杯就是一層糕所用分量。
7.將粉漿分成2份，1份5杯，另1份4杯。
8.斑丹色素放入5杯粉漿，攪至非常均勻。
9.用油搽糕盤。
10.一隻鑊燒熱一大鍋水，放入糕盤。糕盤一定要平放，不可以一邊高一邊低或斜向一邊。
11.糕盤內先倒入綠色粉漿蒸第一層，然後，梅花間竹，一層綠，一層白，共9層（底面兩層也是綠色）。
12.每蒸完一層糕，要看清楚糕是否已熟才倒入第二份粉漿。
13.第1、2 層：中小火蒸每層5分鐘。
14.第3、4及5層：中小火蒸每層6分鐘。
15.加滾水以防水乾。
16.第6、7及8層：中小火蒸每層7分鐘。
17.加滾水以防水乾。
18.第9層：中小火蒸7分鐘。
19.熄火，待15分鐘。拿出糕，放在當風地方讓糕盡快變涼，約三小時。

貼士
拉椰糕離盤方法：
用手指壓糕的四周令糕邊易於離開糕盆，小心將手指伸入糕的底部，把糕輕拉起約1/3，翻轉。整個糕應該會掉出來。切成3至4條長條，每條再切成12件。非即日食完，可用保鮮紙和保鮮袋包好，放入雪櫃保鮮。