【作為伴購童,呢個試身室真係可遇不可求】
.
.
我叫阿橙,係一名有十年工作經歷嘅「伴購童」。
顧名思義,平日職責就係陪伴女朋友周圍去購物。
為咗女朋友有一個絕佳嘅購物體驗,伴購童除咗陪伴左右,仲要幫手拎住堆戰利品,因為咁樣女朋友雙手空空,先會覺得自己仲未買夠,可以無後顧之憂繼續買嘢。
.
....
【作為伴購童,呢個試身室真係可遇不可求】
.
.
我叫阿橙,係一名有十年工作經歷嘅「伴購童」。
顧名思義,平日職責就係陪伴女朋友周圍去購物。
為咗女朋友有一個絕佳嘅購物體驗,伴購童除咗陪伴左右,仲要幫手拎住堆戰利品,因為咁樣女朋友雙手空空,先會覺得自己仲未買夠,可以無後顧之憂繼續買嘢。
.
.
每次由舖頭出返黎,女朋友拎住兩大袋戰利品,都會問我買得靚唔靚。
.
.「嘩好襯妳啊!件衫直頭好似刻咗妳個名咁!」伴購童仲要消除女朋友心裡面嘅罪疚感。
.
,「不過話時話,妳又話去完旅行返黎,唔洗買衫嘅…」
「你識咩吖!轉季減價啊!你企喺度等我,五分鐘後我出返黎!」 女朋友講完呢句,又鑽入去另一間舖頭。
.
.
以前成日聽人講「男人講嘢,女人收聲」。
但今時唔同往日,我伴購童阿橙就話「女人買嘢,男人識咩」。
.
.每當女朋友購物嘅時候,個時空都會扭曲…佢口中嘅「五分鐘」,其實即係半粒鐘…我望住女朋友就好似一隻勇猛嘅獅子咁,衝入一群爭緊獵物幾乎大打出手嘅獅子群中…
.
.
而伴購童喺呢個時候,就可以稍作休息。將貨物暫時停泊喺「女友等候區」。 每間舖頭都有設置女友等候區,亦即係舖頭門口…
.
.
我企埋一邊,同其他伴購童四目交投,我哋面無表情咁互相點一點頭。「I know that feel bro…」呢個點頭充滿住感同身受,同埋扶持勉勵。 「師兄,點解今日咁少伴購童?明明舖頭入面塞滿晒人…」我同企我隔離位同業講。
.
,
「唔知呢…我都係啱啱企喺度。」 正當我哋東張西望查明原因之際,就發現幾個伴購童表情充滿住喜悅咁走咗入一間試身室。
.
吓唔係嘛,傳說中嘅試身室四腳獸?! 但望多兩望,就發現好多男人都跟住走入去呢間試身室。於是我就決定同身邊位伴購童都行入去睇吓入面發生咩事。
事先我當然有請示過女朋友啦~
「走得未?」
「好快,四分鐘!」喔,原來咁耐先過咗一分鐘,咁即係仲有好多時間。
當我步入呢間試身室,眼前見到嘅唔係一班四腳獸!而係…天堂! 「我係咪發緊夢…」我見到有近期一直想試,但女朋友唔畀我買嘅VR虛擬體感遊戲機!仲有一張數碼版BEER PONG 遊戲枱。
最令我感動嘅係!呢間試身室竟然仲有按摩椅!我全日嘅辛勞終於可以解放啦!
我二話不說就陷入張按摩椅上面,就喺我感動到就黎流眼淚嘅時候…
有位美女走過黎問我…
「先生,要唔要啤酒~?」
.
,「Sorry!我已經有女朋友,唔可以接受妳。不過啤酒,我唔介意。」
.
.美女向我嫣然一笑再行去啤酒機,我望到虎軀一震,好彩我夠定力無飛撲過去。
我仲見到美女用部由杯底向上斟起的生啤機斟咗杯嘉士伯生啤畀我…
痴線!實在太夢幻,我到底係咪發緊夢?但係,一杯冰涼透心嘅啤酒話畀我知,眼前一切都係現實!坐喺我旁邊個伴購童同我敲一敲酒罇,呢一刻我真係好想大叫,做咗咁多年伴購童,我第一次唔想時間流動得咁快~
全靠嘉士伯,原來當女人買緊嘢,男人除咗收嗲,仲可以啤一啤!
.
.同樣作為伴購童嘅各位巴打,很想要吧?!
想去Carlsberg可能係世界上最好嘅試身室,就要呢啲日子去以下IZZUE分店
,感受吓咁夢幻嘅試身室。話唔定,你仲會見到我坐咗喺度玩緊、玩緊、玩緊…虛擬體感遊戲啊!
4月1-3日: 尖沙咀新港中心izzue
4月8-10日 : 九龍塘又一城izzue
4月15-17日: 觀塘APM izzue
#Carlsberg
#ifcarlsbergdid
──────
fb:BlueGodzi