呢套戲我比一百分！！ 我未試過睇一套戲對眼會不停漏水！！ 係不停呀大佬😭！！ 呢套戲笑中有淚， 有喺香港做運動員嘅現實， 冇資助冇獎金冇醫療津貼乜都冇， 退役之後點算好？ 有親情嘅可貴， 屋企人永遠都會支持你到最後。 有演員嘅好演技， 完全帶到你入戲裏面。 蘇樺偉殘而不廢，香港之光， 係好多所謂健全人仕嘅榜樣👍🏻！！ 誠意推薦未睇真係要去睇！！ #媽媽的神奇小子 #蘇樺偉

［長文慎入］ 這是關於作為一個傷殘運動員的有感而發 可能因為最近奧運氣氛熱烈再加上睇完 《媽媽的神奇小子》所以有好多感受想記錄低 但我知道好多人都唔習慣睇咁多字 都係果句 有興趣了解我多啲就睇啦 好少會講到啲內心嘅陰暗面 文章原本寫離係放係八月Deluxe既網誌 但由於嗰邊都話會暫時停止運作 所以呢一篇將會係最後一篇 既然都寫左 咁唯有post係呢度啦 由於IG都唔俾我放一篇3680字嘅文章 所以唯有分開兩個post 辛苦你地要禁離禁去睇喇 《傷殘運動員也是運動員》 上篇🧷   奧運正式開幕，這個月以來奧運氣氛也非常熱切，整個香港也為運動員而喝采，熱血起來。 但除了奧運之外，最近受人關注的當然是《媽媽的神奇小子》這部電影，相信蘇樺偉的事蹟，香港人一點也不陌生。前殘奧金牌得主蘇樺偉。天生患上痙攣，從小由走路也有困難的他，卻一直跑到拿到奧運金牌。故事以真人真事改編，講述蘇樺偉作為香港殘奧運動員的辛酸史。可能自己也是一位傷殘運動員，看過電影後特別有感受，裏面多個情節和對白都使我非常感觸和共鳴，說出一個傷殘運動員的心聲。   當中的幾句對白到現在仍然歷歷在目，蘇樺偉在拿到奧運金牌後因家中經濟因素，選擇退役做速遞員並說道「我返去跑步嘅話，每個月政府津貼得三千蚊咋。」   回想起以往，每天忙着趕到球場訓練途中，經過樓下的餐廳，總會不經意地留意到門口貼着的招聘告示牌，全職洗碗工$10,000。不禁會有慨嘆，有時更會開始質疑自己為什麼這幾年每天努力去訓練，但收入也不及餐廳的洗碗工。亦會懷疑自己一直的努力是否正確。雖然現在已經不是蘇樺偉年代的$3000，但在2021年的今天，這個收入在香港要生活仍然是非常困難，但仍然一直未有改善。。   雖然我出生於平庸的家庭，但家人也從來沒有給予我壓力。當初放棄電影美術的工作選擇走到運動員，知道運動員沒有出路，沒有反對更非常支持我。小時候知道這是我和弟弟的興趣，每月節衣縮食也會預留一筆費用給我們去訓練。若然不是從18年前開始堅持「唔食都要打」的執着，其實不會有今天，至少還可以跟國際的選手有對抗的能力。想到這裏我會覺得很慚愧，供養了我多年學習羽毛球，也沒有什麼回報給他們。反而這個收入更會更令他們擔心自己。我會在想,自己是否太過任性、自私，為了自己的興趣和所謂的夢想，仍然要他們艱難地生活。其實我只想給他們一個安穩的家。   運動員在追求運動成就，或對運動的熱誠相信大家有目共睹。大家也知道在香港做運動員是非常艱難。每月的收入更不可能與他們付出的努力成正比。 運動員的生活就是跟著行程表去做。教練替你安排練習，分配休息的時間，營養師替你安排吃進肚的食物、治療師替你安排你需要的治療，總會替你安排可以從事的活動。基本上你的生活有一大部份都是交由其他人去決定。 比起一般的工作，運動員的自由度相對比較少一點。一般工作就算工時長，總會有假期。但運動員的假期都應該自律，把握時間做好恢復，為之後的訓練作好準備。所以訓練中的時間是工作時間，休息中的時間也是工作時間。亦是一份24小時嘅工作。沒有一定程度的熱情，也不會選擇每天過度地訓練。   但在追求運動成就之餘，仍有機會得到獎勵。例如平常的國際分站賽事中拿到獎牌仍然可以有獎金。在大賽的奧運會、亞運會獎金更是可觀。幸運的話可能還會受到運動品牌的賞識，每月有sponsor的收入和用品。還可能會有商業活動跟他們合作。這些都是他們可以維持生活的補貼和輔助。   相對上，傷殘運動員就連維持生活的輔助也沒有。我也明白，可能因為我們有肢體障礙的限制，賽事不及健全的可觀性高及刺激，自然不受大眾那樣關注，經濟收益不同，伴隨着的獎勵和資助就有分別。除了在全職的收入待遇不同之外，平常的國際賽事也沒有獎金的制度，只有四年一度的亞運會和奧運會才有一次「鼓勵式的獎勵」。就算幸運得到獎勵，獎勵也是不成正比地少。更沒有運動公司願意給我們每月的資助，即使是一些已經在世界排名數一數二的運動員，最多也只有得到運動用品的贊助。若然有商業活動。我們沒有任何決定權。每項運動都有該項運動的屬會來管理，但普遍負責管理殘疾運動員的屬會，一向都不鼓勵及批准運動員去從事任何商業活動，有的都是寥寥可數。健全運動員在練習以外的時間，會有較多的自由去做各式各樣嘅活動。殘疾運動員的自由度就相對地少，更加有限制。所以大眾都會發現他們的曝光率亦非常少。我們的底薪就真的只有底薪。   若果你不是出生於富裕的家庭，運動員靠着基本的底薪，的確不可能完成他們的夢想。是整個體制讓我們不可能當運動員來生活。在爭取成績的同時，健全運動員可以得到的獎勵亦遠遠高於殘疾嘅運動員。運動員已經很困難，但傷殘運動員更困難。我很想很想繼續打球，但現實間我真的沒有辦法可以繼續維持我的生計。     所以我亦明白為什麼蘇樺偉當刻下會作這樣的選擇。在電影中，蘇樺偉曾說「我現在不是運動員，是速遞員。」現實當下，我們都沒有辦法，也沒有選擇。   有時看到健全羽毛球運動員退役後都會發展做教練，開球會。但想到自己退役時，我腦裏一片空白。坦白說殘疾運動員比健全運動員水平一定有差，能力和限制也是一定存在。你可以選擇跟我學球，但老實說我不可以給你最完善的訓練，有些肢體平衡的動作連我自己都做不到，我不可能教你。比喻說輪椅運動員也不能教你走步法一樣。 「下篇請去另一post🧷」

#電影觀後感 #媽媽的神奇小子 電影以香港殘奧運動員 #蘇樺偉 嘅故事為題，講述佢由細細個唔識行到變成世界第一嘅成長過程。偉仔天生患有痙攣、唔識得行路，出入都要蘇媽抱著，但蘇媽無放棄一直鼓勵偉仔企起身學習行路，終於有一日偉仔竟然企咗起身，令蘇媽覺得以前嘅努力都好值得。 一次偶然嘅機會，13歲嘅偉仔喺跑道上展現佢驚人嘅爆發力，教練方Sir主動邀請偉仔加入訓練。雖然一開頭唔係咁順利，但係媽媽嘅鼓勵同陪伴之下，偉仔好努力練習，第一次參加殘奧就拎到接力金牌。 之後佢陸陸續續拎咗好多塊金牌，但偉仔發現雖然佢好鍾意跑步，但原來為咗成就自己做全職運動員，屋企人犧牲咗好多。於是佢放棄跑步成為速遞員，蘇媽為咗比佢繼續跑，幫佢接咗唔少廣告，臨近比賽時間緊迫，究竟點樣去工作同練習之間取得平衡，佢又點樣衝破迷失嘅人生階段？ 淨係睇預告都已經知道呢套戲一定好感動。母子情、偉仔嘅努力都令觀眾動容；尤其係年幼嘅偉仔第一次企起身、第一次拎金牌、京奧輸咗2場而蘇媽繼續鼓勵佢。 電影中除咗吳君如、張繼聰，其他好多都係新演員，包括飾演唔同時期偉仔嘅梁仲恆、馮皓揚、鍾雪、Locker，表現專業值得欣賞；尤其係梁仲恆扮演痙攣人士同運動員嘅演出令人印象深刻。 至於另一主角蘇媽吳君如，細細個睇佢都係喜劇多，對佢嘅印象大多停留喺周星馳嘅奶媽、金雞同埋電台節目嘅三姑，以上都同搞笑有關。 但睇完《媽媽的神奇小子》，你會發現吳君如真係一位好有愛嘅媽媽，無論係愁眉深鎖、擔心呀仔無人照顧；用好多時間陪佢練跑，甚至幫佢同心上人表白。或者仔女未必明白媽媽嘅母愛，或者媽媽有時真係做多咗，但其實佢無時無刻都係為仔女着想，為佢哋做最好嘅決定。 電影內容當然勵志，即使我哋輸係起跑線，但只要望住終點一直向前跑，我哋唔會一世都輸，甚至有可能超越其他人成為世界第一。即使香港只係一個小城市，但依然孕育出好多嘅精英運動員；好多人仲想大半生嘅時間，只要有一個機會，就算勝出嘅機率幾咁渺小，都全力以赴表現出最好嘅自己。 而最令人無奈嘅係，即使偉仔已經係世界第一嘅跑手，但都因為經濟困難被迫放棄跑步，為咗繼續運動生涯去拍一啲自己唔擅長嘅廣告，為咗生計深受巨大嘅壓力。希望今年開始，無論係當打定係退役嘅運動員，生活都可以得到保障，各大廣告商都可以多啲搵佢哋工作。 #吳君如 #梁仲恆 #張繼聰 #胡子彤 #馮皓揚 #林家熙 #鍾說 #柳應廷 #神奇之路 #神奇小子 #痙攣 #殘奧 #香港電影 #hkmovie #hkpop #cantopop #cantonese #廣東話 #廣東歌