「唉屌～又係政治嘢…」Lunch時，隔籬枱OL咬住飲管，一臉嫌惡狂掃Facebook。 . .「係啦～Gary要離開Running Man喇～超唔捨得囉～」OL二號說。 .「係啊係啊～」 . .梁、遊兩人宣誓事件，再一次成為星期三洗版焦點。點解總有一班人討厭政治，或不想理政治嘢呢？ . .先唔討論「政治同生活息息相關、政治好重要、唔理政治正港豬」乜乜乜… 因為就算更深入討論，大家都無興趣睇。 . .好多人生理心理都唔想理，其實同點解鍾意買書，但買完返屋企唔睇，有時間反而狂掃FB、IG有關。 . .再講個親身例子，我寫一個故事，所花嘅心血同時間一定比起大家睇故嘅時間多。 但當乖乖讀者幫手share，或Tag朋友入嚟睇嘅時候，有時只會換嚟一句「TLDR」（太長唔睇）每次見到，我都覺得好hurt。 . .有好多人都以「唔睇字」「唔理政治最緊要開心」呢種無知為樂。 .點解呢？就係因為呢班人個腦太正常！ . .人嘅大腦有種特性，會幫你自動選擇一啲比較輕鬆、比較開心嘅事情去做。 . .例如玩Facebook、接收娛樂資訊、睇好多即食圖or片… .以上各種資訊，大腦只需要處於放鬆狀態就能夠解決，開心笑吓又一日。 . .但係睇字同關心政治，大腦一定要經過花時間思考、判斷、資訊過濾先得。 .以上兩者作比較，大腦自然會選擇較輕鬆嘅一方去做。 .所以大家鍾意睇面書多過鍾意睇書。 .直覺認為多Like就係正嘢，少Like就可以唔理。 .因為大家可以唔使用腦去判斷嘛。 . .可能你會話：「但係睇書學到多啲嘢喎～」 . 呢個亦關乎到「認知易用性」嘅問題，喺現代咁多種選擇嘅情況下，大家判斷一樣嘢有冇用。 .會先睇吓佢易唔易用。 . .例如Facebook同Tumblr，即使Tumblr功能比較多，每個page首頁又個人化。但因為Facebook比較易用，大家又更易睇到，於是大家就選擇Facebook。而Tumblr淪為睇咸嘢嘅平台。 . .又例如，環保大家都知係正確、應該做嘅事… 但因為嫌麻煩，大家都唔願意去做。 . .睇書亦一樣，即使睇書得著比較多，但因為太耗時費勁，我睇一幅圖只需幾秒就引到我笑。睇愛情金句已經勾起我共鳴，做乜要花幾粒鐘睇一本書呢？ . .最後再跳返返嚟政治，政治需要用力思考、好多判決力、少少哲學、又觸及到歷史、法律等等… .嘩咁多嘢，我做隻快樂港豬唔係開心得多咩？ . ,講返好耐好耐以前，有個哲學家提出「相對主義」（唔記得英文）呢個理論，佢認為呢個世界無所謂真理，因為唔同人、唔同情況下就會出現唔同結果或觀點。 . .聽落好似幾有道理，於是好多議員、政黨都好鍾意用呢套理論吸引人民支持，大家都覺得好溫和，又唔太需要思考對與錯，唔錯唔錯。 . .不過，因為大家都無一個確實嘅定論，漸漸好多嘢就變得「無所謂啦～多人認同就啱嫁啦～」「無所謂啦，每個人觀點唔同嘛，大愛啲啦。」「無所謂啦，唔好煩到我就得。」… 就好似現時嘅香港一樣。 . .成個社會都陷入一個無所謂啦嘅狀態，直至一個痴線佬出現，佢叫蘇格拉底。 .佢為咗證明呢個世界上有真理存在，佢不斷搵好多政治家挑機，同佢哋進行辯論，甚至最後因「不虔誠和腐蝕雅典青年思想」被判死刑。 . .蘇格拉底係個痴線佬，佢到臨死一刻都無搬過龍門，就算佢班學生安排佢逃亡，到死前一刻都仲周圍搵人辯論，因為佢認為作為公民係必須遵守法律，如果因為怕死而臨陣退縮，咁同班相對主義嘅契弟有咩分別呢？於是…蘇格拉底堅持到最後飲毒汁死咗。 . .跟得阿公多，個人都變得長氣… 咁多字大家應該無咩心機睇。

蘇格拉底賜毒酒之死 真好，死前還有酒可以喝。