想試好耐的深水埗蘇媽 · 蘇媽馬來西亞茶餐室，據聞其出品頗為地道，尤其肉骨茶更是出色，但每每都因要排大隊而放棄求其次，直至最近跟朋友來到旺角附近，發現原來已有其分店落戶於此，雖然仍然高朋滿座，但幸運地剛好有位，遂立即入內一償心願。

今次率先點來了一字骨和豬腳彎肉骨茶，一端上來用料十足，大大件的一字排放滿在瓦鍋內，入口鬆軟而較粗糙，啖啖肉滿有藥香，湯汁清澈帶著豐盈的藥材香氣，但沒有預期中的濃肉香，味道偏清甜飲落溫暖順喉，感覺十分療癒。而豬腳彎則偏軟嫩綿滑，份量偏少定價也相對較便宜。而值得一讚的是這裏的肉骨茶湯汁是可以無限refill的，有夠抵食！

另一款地道美食當然非Nasi Lemak(椰漿飯)配咖喱雞肉莫屬，餐牌還用上「辣死你媽」的地道攪鬼名字，以諧音幽了一默。椰漿飯是馬來西亞主要的飯食之一，無論早午晚宵夜都會見到其蹤影，用上椰漿煮米飯，搭配小魚乾、花生、青瓜、雞蛋和參巴醬，當然還有濃香的咖喱雞，微辣偏甜啖啖充滿椰香，不同的配料也添上爽脆口感，層次多樣豐富。

最後還有筆者滿有期待的馬來黑叉燒和椰香咖央多士。馬來黑叉燒可能是即叫即燒的關係，店員溫馨提示要等15分鐘左右，一上枱已傳來陣陣燒烤焦香，燶邊叉燒賣相吸引，肉質肥瘦相間相對偏油，入口帶黑醬油香氣，味道濃厚甜美，鬆化香口，跟傳統廣東燒有有著點點的分別，風味十足。椰香咖央多士則沒有期望中的道地，始終傳統馬拉茶檔是以炭燒烘麵包，基本因素在香港已經做不來，而這裏的麵包相對偏厚，咖央較少亦沒有預想的濃郁，雖沒有預期中的美味但亦算不錯。

整餐質素果然不俗，風味地道滿有馬來氣息，加上連店內裝修也仿照了馬拉式的餐廳打造，古典簡樸中配上少許中國風，帶點六七十年代的懷舊風格，在內用餐就仿似置身於馬拉在地茶室之中，享受著悠閒醉人的熱帶風情。

#蘇媽蘇媽
#肉骨茶
#藥香滿瀉
#NasiLemak
#辣死阿媽
#馬來黑叉燒
#咖央多士
#古家私房菜

#instagood #followme #follow #instalike #food #tagsforlikes #igers  #foodporn #yummy #lifestyle #instafood #followback #foodiesofinstagram #foodie #hkfoodblogger #lovefood #yummy #hkkol #hkblogger #hkinfluencer #hkig #foodphotography

又來到第二集嘅吃貨食評了，今次我去咗深水埗食一間幾出名嘅蘇媽蘇媽馬來西亞肉骨茶，佢最出名呢就係肉骨茶可無限任加，啱晒我呢啲大胃王呀！我自己就想試好耐架啦，今次終於試到！

至於好唔好食呢？大家請睇影片就知道了^^高清YOUTUBER版本在此，也請多多支持及幫忙分享呀！！唔該晒你們^3^！THX～～

https://youtu.be/CnFPU5V9cGU

#吃貨玩樂
#蘇媽蘇媽

<<期望過高累事的蘇媽蘇媽肉骨茶>>

之前一早已經想試呢間位於深水埗嘅肉骨茶，佢標榜地道正宗，而且可無限任加肉骨茶已令我非常之心動。但在香港我暫時都未食到一間好正的東南亞風味嘅肉骨茶，所以今次對想蘇媽蘇媽嘅期望較大。

先講佢店面，古色古香得來環境都算衛生，令我更加覺得佢嘅肉骨茶會係嗰種古早味嘅傳統風味。難得出嚟我哋梗係點晒佢嘅大雜錦肉骨茶（$108），網上d人話一定要食嘅皇帝骨（$48），辣死你嗎（即係椰漿飯）（$40），6串豬牛串燒（$75）和麥芽檸檬薏米水（$23/杯）。 一嚟到佢會比幾碗肉骨茶俾我哋飲下先，但好可惜佢肉骨茶味道偏淡完全都冇胡椒嘅味道，只係有好輕微嘅藥材味, 同我懷念嘅新加坡重口味真係有一大段距離，真係算幾清嘅肉骨茶， 可能呢個係馬拉口味，不過真係算淡，我和同事估計佢係咪就返香港人口味，連辣死你嗎椰漿飯嘅味道都係比較淡，真係完全辣我唔死，我之前響馬來西亞食椰漿飯辣好多同埋味道濃好多，都係果句啦，可能係就返香港人嘅口味掛🙄佢嘅大雜錦入面的豬肚，排骨等都係不過不失冇乜特別，反而豬手同埋雞腳嗰啲肥膩啲嘅都幾好味！但係個皇帝肉真有啲失望，＄48只有三小塊，肉質係冧身啲，但始終係瘦肉，都係有少少鞋，又真係冇乜咁特別，重點係都幾貴。

但佢d串燒就真係幾好味！無論豬肉同牛肉都入味同有咬口，我估啲豬係豬頸肉嚟㗎好爽，沙嗲醬做得唔錯有東南亞嘅風味👍不過整體呢間鋪頭嘅性價比唔高，價錢較貴但係食物就一般，唔係難食但唔會想一食再食。

店名：蘇媽蘇媽肉骨茶
環境：7/10
服務：8/10 （店員態度都好親切，會不斷嚟問使唔使加肉骨茶，不過我哋一致覺得啲肉骨茶冇乜令我想一飲再飲嘅意欲姐）
價錢：5/10 （我哋午餐食咗＄366四人，每人＄92，都唔係食咗好多野，CP值不高)
食物質素： 6/10（口味比較清淡，冇乜嘢特別回味）
整體：6.5/10
地址：深水埗基隆街251號地下

#吃貨玩樂
#蘇媽蘇媽

又來到第二集嘅吃貨食評了，今次我去咗深水埗食一間幾出名嘅蘇媽蘇媽馬來西亞肉骨茶，佢最出名呢就係肉骨茶可無限任加，啱晒我呢啲大胃王呀！我自己就想試好耐架啦，今次終於試到！

至於好唔好食呢？大家請睇影片就知道了^^

店名：蘇媽蘇媽肉骨茶

地址：深水埗基隆街251號地下

另外我都會去唔同嘅餐廳食肆，並會打返食評在Facebook， OpenRice同埋IG，如果大家想過去是一間餐廳不妨響在下面留言比我啊


---------------------------------------------------------------------------------------------
我設立這個CHANNEL主要和大家分享我的吃貨生活，同時以吃作為我人生的紀錄，第日老左可以回味返，哈哈～～作為吃貨當然大部分的影片會與食有關，內容大致包括：

1）訪尋不同美食，歡迎大家推薦美食，THX^^
2) 動手學煮美食(當然我也不是專業，因對煮食有興趣呀～而且身邊不乏廚藝高手，所以可以一起學習煮煮看，我可以煮到相信大家也可以的)
3）有不定期大胃王挑戰，因小弟比較大食XDXD
4) 其他吃喝玩樂的生活點滴和體驗等


如喜歡我影片的朋友請給我一個LIKE並SHARE，最重要是訂閱我的頻道，可以的話請follow 我的FACEBOOK和Instragram和我互動，謝謝你們！

Facebook: 請SEARCH［ 吃貨玩樂 Foodielok ］

https://www.facebook.com/foodielok


Instagram: 請SEARCH［ Foodie_siulok ］

https://www.instagram.com/foodie_siulok/

如大家有美食推介或想我挑戰的話，歡迎在下面留言給我^^我會繼續努力拍多點片上載這CHANNEL的，謝謝你們！

#吃貨玩樂