#165 【lovestoryhk景點推介】 無論你係單身想約人出街 定係r爆頭諗唔到同男朋友/女朋友去邊度都好 我就比少少提議大家啦 其實要決定去邊度行唔係一件難事 你要留意對方同埋自己平時中意做乜野 就會知道應該去邊度架喇 例如你中意運動 佢中意刺激💣 你地可以去玩水上運動 或者申請op/迪迪尼年飛 咁就可以滿足你地兩個既願望 但如果你地中意既野好極端既 例如你中意出街成大班人一齊玩🏀⚽ 佢就中意係屋企hea🎨 咁你地就要交替咁遷就大家 姐係今日佢陪你同朋友出街 下次你要陪返佢係屋企hea . ❶南丫島 長洲 梅窩 大澳🏃🏻👒 你地可以入去食同玩足半日先 夜晚可以選擇露營睇星星🌃🌌🌠 或者揀一間度假屋住 其實都幾有出左外國旅行既feel架 呢排大澳仲好多野食添！ 好似琴日同今日就搞左美食節喇😍 不過大家注意要搽防曬呀 . ❷天空之鏡📷✨ 唔好以為外國先有呀 香港其實都一樣有 金鐘既添馬公園有一個天空之鏡可以比人影夜景 係尖沙咀金巴利街食完韓國野可以去行下 消化下 如果唔中意咁夜出街 可以係黃昏去Instagrampier西環碼頭影相 不過可能太多人去喇搞到積唔到水😞 有興趣既人可以係屈地街電車總站行過去 . ❸3D館💏 怕曬既朋友就可以去尖沙咀既香港3D奇妙世界 或者淺水灣超視覺藝術館度影相 . ❹AIA嘉年華🌈🎡 黎緊12月17號又搞嘉年華喇！ 未玩夠既記得聖誕節mark實對方同你一齊去 今年照舊會有攤位遊戲同機動遊戲 包括全港最高既跳樓機 同360度旋轉既洗衣機 每日仲有唔同表演(棟篤笑/音樂會) 最特別係！！啲公仔唔再係奇奇怪怪💩 因為AIA加左好多迪士尼公仔✨✨✨ 依家未開就去住隔離嗰個摩天輪先啦🎡 其實對比世界咁多個摩天輪 香港算中價位既 所以都值得去 ↘↘↘依家12月5同6日限時〘半價〙優惠 香港人有身份證先可以搭架！ . ❺海灘/石灘🎆 大嶼山貝澳沙灘可以掘硯架 我細細個就會去掘 掘滿一桶好滿足 或者可以去大尾督 係大埔搭小巴入去 堤壩旁邊同佢一齊踩成日單車🚲 海風吹住個頭好舒服 踩完仲可以選擇bbq或者去隔離食店 個度有意大利菜食！十級推介！超級好食 . ❻野餐同睇紅葉🍁🍄🍂🌰 佐敦谷公園：彩虹搭的士唔洗跳錶 成大個草地仲有遙控模型賽車場 男朋友實開心死喇 西九海濱長廊：可以租用單車仲歡迎寵物入去添 九龍灣megabox旁邊草地 青衣公園 政總旁既添馬公園 西營盤中山紀念公園 山頂公園 如果唔想坐真草地 都可以去沙田新城市天台既假草地 不過好似唔比食野的 坐下hea下都冇問題 成日去到會見到情侶係度攬攬錫錫 . ❼行誠品 去cafe📖 喜愛室內既朋友又可以行銅鑼灣間誠品 唔單止可以比你睇足成個晏晝 下層仲有美食廣場包含多國野食 全日都可以係hysan廣場拍拖 另外銅鑼灣都有好多cafe係值得去食🍰☕ 例如阿貓地攤/cafe yawn/hesheat 呢啲cafe都食到我lam lam脷 . ❽葵涌廣場掃街🍱🍣 個度啲野食又平又好食 完全好似台灣既夜市咁 有激平三文魚手卷 超抵多口味雪糕 鹽水雞等等 我完全諗唔到有咩理由唔去 如果你另一半都中意食野 你就一定要帶佢去喇 . ❾一齊跑步做運動🏻🏊 其實我周不時都會同男朋友約埋一個地方跑步 兩個人一齊做運動唔單止sweet 仲有恆心可以keep fit 一舉兩得 或者好似外國情侶咁約埋做gym☺☺ 男朋友睇實女仔有冇做錯姿勢 或者女朋友整定沙律等出完汗食 . ❿澳門兩日一夜/一天游🃏🎲🃏 依家新濠天地賣行曬廣告話開左影城 一個人唔洗一千蚊就包曬所有野 包括來回船飛 酒店錢 游泳池 早餐 摩天輪 4D蝙蝠俠 個摩天輪仲要有三大賣點： 八字型+玻璃車廂+全球最高🎆 唔洗問喇我一定會去！ 我仲可以入賭場玩返兩轉先返香港 . ❶❶鹿頸谷埔蘆葦田🍀🌿🌾🌾🌾🌾🌾🌾 因為踏入秋天 所以蘆葦係呢個時候都開得好靚 係情侶打卡既好地方 但因為位置比較遠 記得睇地圖喇 想去可以先到粉嶺火車站旁邊有小巴直到鹿頸 再沿沙頭角海岸線步行到鳳坑紅樹林 (全程要行兩個鐘 冇興趣行既人就唔好勉強) 黃昏個陣仲可以幫女朋友影多幾輯靚相添 . ❶❷天水圍釣蝦🐟 係濕地公園旁邊開左新既釣蝦場同bbq場 220蚊就可以任食BBQ 3粒鐘同埋全日釣魚 加錢就可以即釣 即燒🌊 啲蝦鬼死咁大隻 咪話我唔益你 間野叫做幸福山莊吖 . ❶❸銅鑼灣H&M🎉 呢個最大旗艦店點都要去朝朝聖既 因為佢有加設左家品部 想幫新居添置裝飾既可以去睇睇 不過我覺得最值得去係啲野唔貴 部分貨品都低於50蚊！👀👀 唔講喇我星期二就去掃貨喇💨 #hklovestory#love#hkboy#hkgirl#hkig#hkiger#hkigers#852#hk#hongkong#instafollow#暗戀#分手#鬧交#拍拖#表白#愛情#眼淚#心痛#心理學#lovestory拍拖約會好去處