#double👧🏽👧🏻吃在沙田 #double_酒店餐廳 . . 【自助餐系列🍴| ᴀʟᴠᴀ ʜᴏᴛᴇʟ ʙʏ ʀᴏʏᴀʟ】 . . #🥭👧🏻 今次揀咗帝逸酒店嘅自助餐 分別試過lunch同dinner🤣依家就一次過講下啦~自助午餐嘅主題係香港情懷👀而晚餐就以蟹作為主題 呢度嘅食物種類算多 晚餐比午餐豐富👅 餐廳嘅環境都幾大 服務都好好~ - ▫️Lunch Buffet▫️ 生蠔同沙律都算新鮮 沙律菜有羽衣甘藍 幾特別~壽司嘅size好的骰😆(係平時食嗰啲嘅一半) 上面加咗啲蟹籽同魚籽 感覺高貴好多🤣🤣 不過洗蠔嘅速度就有待改善 而且負責嘅員工好似太大力 就快擦爛曬啲蠔😖😂 中式區有燒味 即煮粉麵檔嗰啲 即燒串燒都幾好食 仲有即炸天婦羅🍤 唔怕放耐咗會凍👍🏼 甜品嚟講 款式幾多但唔係特別好食🙈 雪糕係Movenpick🍨有6款口味 不過👧🏻就冇食到 ▪️Dinner Buffet▪️ 海鮮：同午餐一樣有生蠔 另外有龍蝦🦞長腳蟹 麵包蟹 花蟹 凍蝦 螺同蜆 龍蝦一般 唔夠爽口☹️反而長腳蟹幾鮮幾好食 而且龍蝦同長腳蟹有啲鬼鼠 係用布遮住 要問職員攞先有🤔 凍盤：刺身有三文魚 吞拿魚 希靈魚 仲有個叫𩶘魚 壽司同樣地好迷你😆 沙律吧有羽衣甘藍 比較少見👀 另外有芝士拼盤🧀巴馬火腿 煙三文魚 同莎樂美腸嗰啲 熱盤：蟹膏蟹肉意粉🦀用左筒形通粉 幾creamy 仲有蟹肉意大利飯 蟹粉小籠包同埋明太子蟹肉炒飯 小籠包就一定唔夠出面好食㗎啦 志在過下口癮😌 花雕蟹蒸蛋都幾滑👍🏻 西式區嘅鴨肝多士幾脆 幾好食😋斧頭扒肉味香濃 羊仔脾就偏熟☹️ 亞洲菜就有日本端爐燒🔥(eg雞串 牛肋條 燒菠蘿同秋葵)仲有馬來西亞沙嗲 肉骨茶 印度薄餅同咖喱🍛 pizza都有幾款🍕中菜就係即煮麵檔 燒味 海南雞同片皮鴨 湯都有兩款(蟹肉南瓜湯/是日中湯) 甜品：有榴連主題🤩 👧🏻比較推薦榴連千層酥 榴連雪糕同榴連布甸 呢三款榴連味較重😋其他就無咩特別 另外有個牛奶燉桃膠 好重煉奶味🤧入面加咗好多雪耳 桃膠就幾乎見唔到... －－－－－－－－－ 🍴食物：7/10 🏝環境：7/10 🛋服務：7.5/10 💲價錢：8.5/10 💥翻兜指數：8/10 ✨CP值：7.5/10 - 🍴餐廳名稱：Alva House 📍地址：沙田源康街1號帝逸酒店1樓 - 🔎餐廳選擇👉🏼#double_酒店餐廳#double_自助餐 🔎菜式選擇👉🏼#double_西式 【回味香港情懷自助午餐🥢】 🕙時間：(星期一至五) 12:00-2:30pm 💲收費：成人$328 小童$228 【尋味蟹饌自助晚餐🦀】 🕙時間：6:00-9:30pm 💲收費：成人及長者： (星期日至四)$508 (星期五六及公眾假期) $559 小童(星期日至四)$338 (星期五六及公眾假期) $372 💡以上價錢已包加一服務費 💡滙豐信用卡可享有額外折扣優惠(適用於5/10-13/12)