【掛住出Trip的日子】一張我好鍾意嘅「風景相」，畫面好有愛，伯伯織漁網，貓咪好乖地坐喺隔離陪伴。其實我覺得自己每日都喺度「織漁網」，每日都建立一啲嘢，一啲好虛無嘅嘢，但係我相信只要堅持同埋俾啲耐性，最後可以用來撒網捕魚。我由細到大都唔相信一步登天，亦唔相信命運只會Run一條Formula。好記得會考放榜前一晚（暴露年齡🙈），已故偉人麥居士a.k.a我呀媽同我講：「你唔需要擔心成績，因為條條道路都可以通到去羅馬。」呢句說話佢應該係是但噏😹，不過我一直放喺心裏面。去唔去到、幾時去到羅馬我就唔知，不過我相信自己方向係正確嘅。 好多年前我由一張小吉嘅美男照開始，正式成為【寵物攝影師】，仲好記得開始時收費只係試業價$2,000（唔該當年已經咁有眼光嘅客人揮揮手🤣），做吓做吓開始有人問我：「你係唔係淨係影狗？你影唔影貓㗎？」其實，當初我咪就係因為影薯餅這一家開始鑽研影寵物，仲好幸運地得到相機贊助，真心多謝Sony，如果唔係我冇可能一心一意走呢條路。然後到早排有客人問我係唔係淨係影貓，會唔會影狗仔㗎？🤣唔怕話俾大家聽，工作需要，其實我影人反而佔工作嘅大部份，只係我覺得Post貓貓狗狗大家會鍾意睇多啲，所以專一啲以「寵物攝影師」自居。而我喺正式以Tamarart品牌接Job之前，都影咗好X多年 @photobyben 嘅Behind The Scene，Ben係一個好高要求、好嚴格嘅「師傅」，所以其實我都算係「紅褲子出身」。 講完廢話，我想順便公布下我早前喺貓季酒店 @catseasonshotel 慈善日義影貓貓，經大樹下點算後，總共籌到不多不少剛剛好$5,000。呢個數字中規中矩，希望下次可以做得更好。🧡 @bigtreeha 不如我哋下次試吓義影狗仔？🤓 -講完-