昨天在某個FB社團裡頭，發現有人把「明目張膽」講成「明張目膽」，而且他不是手誤，是真的這樣覺得。​
​
​
我當下思考了幾秒，我在想我要尖酸刻薄的嗆爆他，還是貼給他正確資訊就好。​
​
我選了後者，貼了教育部國語字典的截圖，告訴他他可能是記錯了。​
​
​
我貼上正確資訊後，雖然後續留言有很多網友嘲諷或調侃，什麼國文老師時常請假、什麼國小沒畢業不要講成語，但原PO並沒有理會。​
​
隔天早上，我發現原PO私訊我，他說「謝謝糾正，我知道是明目張膽了」。​
​
我當下非常慶幸，慶幸自己沒有選擇當酸民。​
​
​
今年的新年目標，是第一時間不選擇惡言相向。​
​
除非對方是個機掰人。

今天是世界母語日，來分享我為蔡雅菁臺語版《小王子》所寫的推薦序，應該很應景。
--

教「小王子」講臺語

彼工收著雅菁寄來的冊稿，予我真歡喜。世界有名聲的故事《小王子》，雅菁共伊翻譯做臺語文矣！

其實佇臺文界，無人聽過雅菁的名號。理由真簡單，因為伊佇翻譯《小王子》進前，根本毋捌寫過臺文作品。這完全是伊家己骨力、綿爛學習的成果。

欲教小王子講臺語進前，雅菁家己愛先學臺語。伊無蹛臺灣，佇伊彼搭無人會當佮伊講臺語，伊就用細漢使用母語的記持，共家己的話若揫索仔咧揫轉來：先讀《小王子》原文，才用伊家己的母語講一擺，閣用教育部的臺灣閩南語常用詞辭典揣出正字，按呢一字一字、一句一句，教小王子講臺語。

教小王子講臺語的過程，其實就是教家己講臺語，小王子佮翻譯者的形影敢若敆做伙矣。敢講毋是？《小王子》的故事，就是一直探險佮成長的旅途，佮已經予華語洗腦甲蓋徹底的咱這代，這陣才想欲共臺語抾轉來，又閣揣無「先的」通教，只好佇各種臺語字典和網路資源那做那學，實在足成的。

雅菁共冊稿寄予我的時，其實伊已經共小王子（嘛是伊家己）教臺語教甲真透機矣，毋過伊猶閣無放心，央我鬥審定用字。我嘛是不止仔家婆，對頭到尾斟酌共稿巡一擺。因為伊本來就逐字去查過，用字袂去重耽，我修改的攏是一寡語詞佮語法，若有淡薄仔「阿啄仔款」抑是「華語形」，就共伊建議修做較正港的講法。譬論「伊惦惦踮佇一山坪空的佮一山坪猶袂開的酒矸仔頭前」，這種遮爾長的語句，可能是對外國原文直接翻過來的，毋過咱臺語通常會共切做兩句講；有的詞我嘛刁工共伊替換一下，展出語言的多元佮活潑，本土味嘛較厚，「喘一口氣」我就改「歇喘」，「裝巧」（假影家己真聰明）我就改「假博」，「真細」我有的就共改做「細粒子」按呢。

雖然講九成以上，猶原是雅菁寫的，我干焦淡薄仔調整咧爾爾，毋過規本冊讀過巡過，嘛了真濟時間。就可比小王子共狐狸「教乖」，我了精神、下工夫佮「小王子」鬥陣、盤撋，去讀有伊的意思，才查字典去揀一个我感覺上適合的語詞去共鬥峇。到尾仔，《小王子》的文字有我的氣口，我嘛佇審定的過程中，查著誠濟媠氣的古早話，互相影響。莫怪講小王子教狐狸教到最後，兩个人攏需要對方，對方攏是獨一無二的。

臺語的復興，就是按呢的過程。這本《小王子》可能對你來講無好讀，有的字會予你頓蹬一下，有的詞可能從到今都毋捌聽過。毋過無要緊，沓沓仔你會感受著語言的媠，下愈濟工夫去讀、去聽，就愈會當體會語言的重要性——「你為著你的玫瑰所消磨的時間，才予你的玫瑰變甲遐爾重要。」

我向望各位朋友咧讀這本《小王子》的時，毋但欣賞故事的新奇趣味，嘛因為這本冊，予家己的臺文旅程開始起行，就親像咱可愛的小王子仝款。

#第52屆廣播金鐘奬流行音樂節目主持人奬入圍
感謝評審的肯定！
今年，是我踏入廣播業界的第十四年，接觸台語廣播的第九年，因為廣播，我才有機會重新歌手的夢想，因此，我認定廣播電台，是我一切的本，我的根，佇接受朋友恭喜的當下，記憶中一幕幕的畫面，嘛浮佇腦海，包括一開始祙曉講台語鬧出真濟笑話，著親像嘸多久的代誌。
(第一次入圍心得很多，文超長請小心服用😎)

2003年踏入廣播界，在ETFM主持兒童廣播節目，後來因為要作兵啊來離開，退伍後的第一份工作在PA公司上班，對藝工隊到PA公司，因長期扛大型音響，累積了五十肩的職業傷害⋯某天接到一起在迪士尼工作的同事來電，說電台有缺，問我欲去應徵看嘜嘸，擱會記咧彼時是冬天，我因為五十肩的痛苦思考轉行，考試了後順利進入台語電台-寶島新聲；當時的我台語一點仔都不輪轉，對節目企製開始做起，電台聘請教育部的台語老師為所有同事每週三天台語課，對台語八音學起，每天翻台語字典練俗語，想破頭殼去企劃一個單元，毋論台語俗語到24節氣攏要求用台語介紹，加上介紹英文歌…等，下班回家要求爸媽每天跟我用台語對話⋯那樣的日子持續了快四年，後來台語稍稍輪轉了，才開始主持節目，現在想起來，那真是一段辛苦卻充實的過渡期⋯

進台語電台九年後的今天，我已經從當時祙曉講台語的少年人，晟作會當用全台語來主持，訪問的中年人了。

感謝栽培我，打開我台語主持路的寶島聯播網！
感謝佇天頂賴茂洲董事長以及現此時的頭家，賴靜嫻總經理，周韋杰台長，感謝恁多年來，予我上大的空間去發揮。感謝我的台語老師，陳憲國老師一字一音的指導，就像老爸教子，因為你，我祙放祙記，無論是上電視節目或是創作，攏愛為台文盡一份心力，吳國禎老師，是我結拜的大哥，你對台文的深度跟對歌謠的熱情，是我永遠學習的目標，還有陳豐惠阿惠老師、創意天才林麥可、成音大師林嘉哲，以及感謝帶我入行的許慧盈mo姐、許明傑恩師。

更加感謝所有來過我節目的歌手甲來賓，是恁的音樂甲分享，成就了「寶島真無閒」！
嘛感謝聽眾的支持愛護，才有大輪仔～

今仔日，會當甲我所尊敬並且崇拜的偶像前輩同齊入圍最佳流行音樂節目主持人奬，真正有夠歡喜！
丹尼哥是資深的音樂前輩，袁永興老師和馬世芳老師兩大廣播男神，更是我師大流音所的老師，黃子佼佼哥從第一張專輯就很照顧我，甚至到我上一張專輯，還主動邀請我去上伊的節目的推薦舞台甲大家介紹我的三聲再無奈⋯

入圍的意義，除了予我看到甲己多年的努力打拚有人咧注意，嘛証明我總算有淡薄仔能力，予台語廣播嘛有機會接近所謂的＂流行＂。

台語的廣播，甲台語歌相像，有真深的土地情感，但是隨著時間，會當理解體會這份情感的人，嘛愈來愈少。
現在有外濟少年人，會當講一段完整的台語哩？我甲自己當作一顆小小的螺絲，佇建構台語的工程之中，將甲己鎖卡緊咧，若是因為我的節目趣味，所以吸引一些少年仔對台語廣播有興趣，毋知有多好。我知影這條路真長，真歹走，毋過，沿途的風景會真水，所以，我會快樂甲走落去，包括今仔日，我有看著美麗的花蕊！

期待9/23的到來，我將帶阮後生作伙享受這廣播界的大party～
最後⋯感謝我上辛苦的賢妻水某啦啦，永遠積極正面樂觀不停咧為我加油！予我鼓勵支持並且應援我所有的一切❤️！

#第一件事減肥
#第二件事幫兒子做西裝
#感謝榜單圖授權袁永興老師❤️