//支持本Page請Click入內文比Clap，謝謝！//

後《反蒙面法》時代進入第三日，無論我親眼所見，定係網友報料／網上直播，抗爭都向緊三大趨勢發展：1. 勇武派數量愈來愈少（其實整體數量都減少緊，但勇武派比例減幅更大）；2. 現場抗爭者年齡急劇下降（感覺就好似去番71衝擊立法會）；3. 抗爭的激烈程度，包括了私了和裝修都比過往升級。

固然呢樣係同交通網絡被政府嚴厲打擊、有DSE學生中槍（呢個係激發起好多十幾歲學生衝上前線嘅原因）、因為《反蒙面法》同《緊急法》強行實施嘅即時反應；但好明顯，呢個同樣係運動進入泥沼戰，抗爭長期未能成功還是要遇上政府加強打壓，因而產生各種躁動、憤怒、絕望、軟弱等各種複雜情緒嘅結果。

所以呢幾日有人話抗爭累了想休息一下，有人話不如先休戰一排重整旗鼓再重新出發，我係完全明白──唔好講其他，先前幾個禮拜嘅抗爭頻密度經已由只限於星期六日擴張到連平日夜晚都有；然後10月4日《反蒙面法》開始，一直到10月5、10月6，抗爭者都一直同堅持「止暴制亂」嘅警察激烈纏鬥，結果原先諗住10月7可以休息一下，結果去到下晝旺角、太子、大埔、將軍澳、屯門、馬鞍山、太古、銅鑼灣、黃大仙打大交……點樣精力充沛都頂唔住啦。

睇番呢幾日，好明顯抗爭運動就係進入咗個泥沼戰：差佬晚晚都用盡最無理同殘暴嘅方式迫抗爭者屈服，而抗爭者就係藉住各式各樣嘅衝擊、堵路、裝修同私了，拖垮成個黨國鎮壓體制，以香港經濟命脈作為攬炒籌碼，迫使中共響所有強硬牌都打盡、又怕咗歐美唔敢出解放軍嘅情況下，最終屈服讓步。

簡單黎講，而家就係變成一場耐力戰，每一日大家都要花大量精力、冒住各種風險去纏鬥，大家都會好攰、好沮喪點解對方唔投降：好似今日太子旺角，雙方響呢兩區來回衝咗幾多次？係4次呀！作為一個廢中，前幾日已行到腳都跛，但落車經過現場，唔通就咁番屋企扮睇唔倒就算？

問題係好多人仲想堅持落去，一班冷氣軍師卻經已忍唔住想跪低鳥。呢班處於收割期、從來無響前線衝過、一生人機關算盡獲得各種成功嘅老屎忽，包括蕭若元、陶傑、吳志森、區家麟、劉細良、陶君行、鍾劍華、黎則奮、曾志豪……佢地都會企響道德高地，以自以為看破世情嘅「上帝之眼」，同響前線搏緊命嘅後生仔講：

1. 你無得同警方鬥武力升級架，收手啦；

2. 裝修同私了唔可以無止境升級架，會令民意逆轉同國際觀感變差架，收手啦；

3. 而家經已有好多臥底混入群眾進行破壞，收手啦；

4. 留力區議會選舉，等泛民贏過半數議席香港就有救，收手啦；

5. 唔值得為林鄭犧牲咗自己嘅前途，收手啦；

其實上面5點，我都經已響之前唔同文章反駁過，為免令呢篇文水蛇春咁長，所以暫時Skip咗去（真係唔明嘅可以來挑我機，我有時間的話就撚化你）；但有幾點我係即刻嬲到彈起：

一、你班廢老係咪完全唔記得哂咩叫「五大訴求，缺一不可」？你要後生仔收手好簡單之嘛，咪用你地啲所謂和理非策略，令政府接受哂五大訴求，咪皆大歡喜人人收手囉？
但你地究竟為場運動做過啲乜？係無。你班廢老只係識不停鬧政府點樣唔啱，要林鄭同警務署長辭職，但唔好話做過任何嘢、甚至乎連和理非可以達致成功嘅策略都講唔出口，然後只識開口埋口叫政府讓步，咁唔係叫評論，只係叫自瀆！

二、後生仔選擇衝唔係因為你地叻而佢地蠢，佢地只係無你地咁撚無恥。響過去幾十年每次你班廢老只係響安全嘅地方爭取民主，然後每次一見唔對路就想投降輸一半，永遠比獨裁政權食住。

無錯，你地嘅苟且偷安換黎今日嘅收成期，但而家班細佬卻係覺得只要一收手，佢地永遠面對唔倒經已犧牲、重傷、被拉、被虐打嘅手足──而我再問一次你班廢老，有無做過任何嘢係可以令佢地唔需要再受苦？係無。不停叫人「收手」，但卻無採取任何行動，其實同助紂為虐係毫無分別。

三、我從來唔認為呢場抗爭個民意會逆轉，因為政府同警察每日都盡全力與民為敵；所謂國際觀感更係多餘，因為歐美幫唔幫香港從來都係睇利益──咁多年黎香港一直係全世界最有秩序示威遊行嘅地方，但結果爭取倒啲乜嘢國際支持番黎？

但就算退一萬步講，裝修、私了可能真係會得失咗某啲民意、又或者影響到某啲國際觀感，你班廢老KOL最應該做嘅就係用盡自己嘅影響力進行各種興輿論主導同文宣工作，務求盡幫班後生嘅衝擊行為「洗白」，但你地有無咁做？唔單止無，仲要不停響利用自己嘅平台拖抗爭者後腿，死心不息想搵番班飯民舊電池重組大台騎劫番個抗爭主導權，總之唔會影響倒你個收成期、符唔符合你自己嘅道德潔癖美學，係重要過場運動成唔成功。

四、和理非係咪無嘢可以升級、取代勇武抗爭？當然唔係！最簡單有效嘅方法就係全城三罷，但呢班廢老有無身體力行三罷？某廢老KOL連自己間舖頭因為無地鐵搭要四五點早收經已牙痛咁聲啦！仲三罷？

結果佢地不約而同，就係將個希望擺哂響個區議會選舉入面。我都先唔講區議會根本就唔會動搖倒特區政府嘅獨裁權力基礎，但真正重點卻係中共隨時可以用DQ、種票、作弊甚至延後區議會選舉黎打爛你班飯民嘅如意算盤──你地響廿幾年前已諗住響鳥籠入面爭取民主，但結果呢？如果真係Work，又點會次撚次都要搞到要響體制外搞群眾運動先迫倒政府讓步？你班廢老究竟夢醒未？

冷靜計算，唔代表唔會計錯；冷靜同冷血根本只係一線之差。你班廢老，就係響香港抗爭呢盤數上面計錯哂數之餘，仲要用最偽善嘅語言掩飾自己嘅冷血同老土。

呢班先係民主罪人冚家鏟，大多已有外藉，－生—事無成，自私自大，人見人厭。
／／問題係好多人仲想堅持落去，一班冷氣軍師卻經已忍唔住想跪低鳥。呢班處於收割期、從來無響前線衝過、一生人機關算盡獲得各種成功嘅老屎忽，包括蕭若元、陶傑、吳志森、區家麟、劉細良、陶君行、鍾劍華、黎則奮、曾志豪……佢地都會企響道德高地，以自以為看破世情嘅「上帝之眼」，同響前線搏緊命嘅後生仔講：
1. 你無得同警方鬥武力升級架，收手啦；
2. 裝修同私了唔可以無止境升級架，會令民意逆轉同國際觀感變差架，收手啦；
3. 而家經已有好多臥底混入群眾進行破壞，收手啦；...
See More

加入會員最低月費$10即可睇晒全部視頻:
https://www.youtube.com/c/RaymondRegulus/join

因地區等問題加入不到Youtube會員可以去Patreon:
https://www.patreon.com/raymondregulus

一次性打賞Ray, 多少隨意謝謝您:
https://www.paypal.me/raymondregulus

VIC Website: https://www.vic1111.com

趙氏曾任教於美國Bryant University 、北京理工大學珠海學院、深圳大學、香港樹仁大學、臺灣中央研究院近史所等多間學府，歷任助理教授、副教授、研究員、客座教授、高級訪問學者；

2018年獲中國經濟思想史優秀（一等）著作獎，研究題目包括經濟思想、經濟史、政治經濟學，出版著作二十一部，論文三十餘篇。英國權威出版社 Routledge給予 "中國和西方頂尖學者（leading Chinese and Western scholar）" 的評價。

《趙氏讀書生活》，一個歷史學者的視頻，分享學術、社會、政治經濟觀察
收費平台可獲參考資料和專欄分享，請以每月5元或更多的美元支持：https://www.patreon.com/Chiusreading
或於YOUTUBE 上按加入成為會員，可獲影片的參考資料
https://www.youtube.com/channel/UCmi1257Mo7v4ors9-ekOq1w/join
https://www.facebook.com/drgavinchiu/
PayPal.me/chiusreading
工作洽談：higavinchiu@gmail.com
#養老金破產
#中國經濟
#BNO移英

趙氏曾任教於美國Bryant University 、北京理工大學珠海學院、深圳大學、香港樹仁大學、臺灣中央研究院近史所等多間學府，歷任助理教授、副教授、研究員、客座教授、高級訪問學者；

2018年獲中國經濟思想史優秀（一等）著作獎，研究題目包括經濟思想、經濟史、政治經濟學，出版著作二十一部，論文三十餘篇。英國權威出版社 Routledge給予 "中國和西方頂尖學者（leading Chinese and Western scholar）" 的評價。

《趙氏讀書生活》，一個歷史學者的視頻，分享學術、社會、政治經濟觀察
收費平台可獲參考資料和專欄分享，請以每月5元或更多的美元支持：https://www.patreon.com/Chiusreading
或於YOUTUBE 上按加入成為會員，可獲影片的參考資料
https://www.youtube.com/channel/UCmi1257Mo7v4ors9-ekOq1w/join
https://www.facebook.com/drgavinchiu/
PayPal.me/chiusreading
工作洽談：higavinchiu@gmail.com
#蕭若元
#陶傑
#難民問題