笑咗😁 ［ON.cc東網專訊］傅又宣呻老公連$12婚姻註冊費都唔肯還😆 唱作才女 #傅又宣 （Maggie，前名 #傅珮嘉 ）日前到 #茜利妹 及（全港最姣）上市公司主席 #王利民 主持的#D100 節目 #利緣茜街 受訪，談到最近再闖台灣樂壇，跟老公及囝囝分開了足足四個月，期間老公只到過台灣一次探望她，Maggie憶述：「同佢Whatsapp又愛理不理，好懶回我，諗諗吓嬲嬲地，咁啱同溫昇豪（台灣偶像劇《犀利人妻》男主角）拍緊我新歌嘅MV，有親熱鏡頭，咁咪把心一橫send啲相激吓佢囉！點知佢隔咗好耐先淡淡然回一句：『不錯喔』...... 哼！」陪Maggie到電台的老公（周思甫）隔著直播室玻璃格格大笑，令她怒火燒得更盛：「有一件事仲嬲！我從來未對外講過！當年我地結婚，雖然有共識，但佢（老公）連基本求婚動作都冇做，仲要果50蚊（台幣）婚姻註冊費係我俾嘅！一路都冇俾番我呀！」男主持王利民拍檯道：「嘩！周生！我係男人都幫你唔落囉！」於「群眾壓力」下，周思甫答應會連本帶利還老婆：「50蚊港幣。」哄堂大笑😹 雖然口口聲聲話嬲老公，其實心存感激，剛開了新店的Maggie話：「『日系美白牙齒Spa』呢盤生意，都係佢（老公）觀察咗一段日子覺得做得過，本錢上精神上支持我去做，做生意始終佢先係專家。」茜利妹嘆喟：「識咗你15年，簡直如見奇蹟，目睹你由一個灰底少女變成幸福少婦！台灣媒體報導你首新歌《愛，這件事情》上KKBox榜冠軍，打低咗天后蔡依林呢！好威呀！」Maggie謙虛回應：「其實Jolin首歌都上咗榜好一段時間，只係timing問題啫，我早啲打歌都未必上到冠軍呢。」🙆🏻 節目中茜利妹又爆：「早幾日我執屋，發現一本你前男友嘅日記！」嚇得Maggie即時目定口呆：「吓...... 有啲咁嘅事？！」完全沒有印象。茜利妹續道：「應該係04、05年嘅事，當時你叫我幫你保管住。重點係，成本日記只得一版字，就係佢（前男友）對你嘅『愛的宣言』......」說到這裏，Maggie仿然大悟：「啊！果本！」此時其老公有反應，隔著直播室玻璃彈起來，Maggie淡定曰：「呢件事我都有話俾我老公知，你威脅唔到我嘅！哈哈哈！」茜利妹：「話時話，你同啲叫Steven嘅男性好有緣嘅噃，現時老公又叫Steven，前唱片公司老闆又叫Steven（羅傑承），前『緋聞男友』又叫Steven（張致恆）囉呵呵~~」似有弦外之音呢，Maggie也認同：「係啦呵.......」😋