【#從森出發】在雨多瓢潑的時節拜訪慈山寺，只見空山靈雨，整座佛寺及那淨白觀音像，都被氤氳雲霧籠罩着。慈山寺在今夏，推出以現代森林療癒體系為藍本的佛法修持活動「慈森．山林療癒」──引導學員以山林為師，藉探索五感連結自然，促使身心遠離塵囂，找回生命的真意。 「慈森．山林療癒」的概念，來自日本「森林浴」，慈山寺副秘書長（社會服務）及輔導中心主管嚴穗華博士表示，人類本生於自然，城市的形成使人與之疏離。高壓工作和生活，亦致多種都市疾病。「不少研究指出，植物釋出的『芬多精』，有益於免疫系統，能增加自然殺傷細胞的數量，抵抗腫瘤、病毒感染等入侵人體。」 淅瀝雨聲裏似乎還帶着陽光的味道，我們尾隨森林療癒陪伴員陳嘉偉，放慢腳步，穿過青翠滴答的桃花林進「正念徑」，繞觀音聖像背後走一圈。起步點石碑題有「行深般若」四字，由國學大師饒宗頤所題。「般若（音讀波野）」在梵語意謂智慧，寺方願參加者走畢全程，能回歸自然、拋開雜念，領悟人生百態與生命哲理。 佛學有「一花一世界，一葉一菩提」的說法，即宇宙奧秘，不過在一朵尋常花中。萬物皆具佛性，大自然更是本蘊釀思智的佛經。森林療癒陪伴員邀請我們，打開形、聲、聞、味、觸五感，靜心止語，享受與大自然互動的各個瞬息。「我們充當帶領與陪伴的角色，真正療癒人身心的，是包羅萬象的大自然。」 陪伴員主要為參加者創造自在空間，並透過各種森林邀請，引領參加者放慢速度，把自身完全交托盎然綠意。簡單的森林邀請，如試聽蟲語、撫摸草地、嗅聞花香，甚至擁抱大樹⋯⋯都會使身體不同部位的感受，逐漸鮮明起來。每位參加者的體驗，俱發生在個人與叢林間，獨一無二；所有感受，沒有對錯、好壞之別。 最後大伙停在「亦非臺」，把各人拾掇的葉子堆成圈，象徵修行圓滿。每片葉，顏色、紋路、觸感不一，但都表現了生生不息的精妙。而「萬般帶不走」，眾人須把落葉歸根，期盼它們化作春泥，再待成長。同時，無論樹葉是榮是枯，體驗是美是醜，萬緣皆須放下。解脫了雜染，回到城市後，才能學懂調整生活節奏，知曉幸福實源自內心。 慈山寺秘書長倪偲瀚居士補充指，佛法無常，世上事物無不經歷衍生、維持及消失的過程：「在這後疫情時代，不妨順應環境的如實，坦然活在當下。」 | 慈山寺 | 地址︰香港新界大埔普門路88號 開放時間︰早上9時半至下午5時 備註︰參觀須網上預約 | 「慈森‧山林療癒」體驗（150分鐘） | 日期：9月5日、9月11日、9月12日、9月18日、9月19日、9月 25日 時間：早上8時半至11時／下午2時半至5時 備註：8月16日開始接受報名 #慈山寺 #森林浴 #山林療癒 #森林療癒 #免費體驗 #大自然 #芬多精 #潔淨身心 #正念 #觀音像 #佛學 #佛教 #五感 #抱樹 #一花一世界 #回歸自然 #放下 #雜念 #都市病 #化作春泥更護花 #生生不息 #放慢腳步 #活在當下 #人生哲理 #禪修 #禪行 #無常 #大埔 #李嘉誠 @tszshanmonastery

阿公講鬼《自己一個人返屋企時見到球場有…》 . .上回提到，我買咗部二手電話，搞到畀隻女鬼纏身，因為衰心軟，幫隻女鬼搞到一身蟻，幸得女朋友嘅阿公出手相助，我先至可以化險為夷。 . .但阿公話我被鬼上過身，個人嘅頻率好「陰」，遊魂野鬼見到咁一定會趁機會搞我，叫我定期去搵佢。 . .阿公講得好啱，呢排我半夜趕緊稿，成日都聽到樓下籃球場有人運球咁嘅拍籃球聲。奇怪，咁夜仲有人打籃球？！ . .「卜、卜、卜...」完全無射籃同跑步聲，只係一個人企喺原地拍籃球，但我望出窗，下面又無人... . .如是者過咗排，有晚我放工一個人行返屋企，經過籃球場，當時差不多十一點幾，又聽到「卜、卜、卜…」 . .今次亦都係一個，完全無人聲同腳步聲，只係發出「卜、卜、卜…」好單調嘅聲響。 . .球場外面除咗鐵欄，仲種咗好多樹同植物遮擋住視線，一定要從入口先望到入去。 . .喺好奇心驅使之下，我就行過去入口望吓發生咩事。當我一望入去，就見到一個六尺高，著住黑色古裝衫嘅人，喺度不停跳… . .原來我一直聽到嘅唔係拍籃球，而係個人一直跳嘅聲，因為呢個古裝人真係好高，佢每一下跳起幾乎去到籃框，而佢跳嘅方向好唔穩定，就好似搵緊路咁，一時跳左一時跳右。 . .我望咗一陣，佢停咗無再繼續跳，原地企咗喺度.. . .正當我奇怪有咩事，佢突然擰向我！向住我高速咁跳埋嚟，「卜，卜，卜！ . ,唔使幾秒已經跳到嚟我面前，但我始終望唔清佢個樣，因為佢額頭前面貼咗一道黃符，我嚇到即刻掉頭跑，入到大廈大堂再望轉頭就消失咗。 . .我將呢件事話咗畀阿公聽，佢話：「好彩你識得走，畀佢追到你就難搞。」 .「究竟佢係咩嚟？」 .「殭屍，佢應該蕩失路唔識返屋企，所以不停喺同一個位跳來跳去。」 . .「蕩失路？你以前唔係趕過殭屍咩？不如你幫佢啦。」 .「我都唔知佢住邊，點幫啊？仲有啊，你估好似電視咁啲殭屍就識得自動跳吓跳吓咁咩。」 . .於是，阿公就講咗個佢以前趕殭屍嘅故事畀我聽。 . .佢以前喺鄉下係做道士，點解做？好簡單…因為窮。以前嗰個年代，大家讀得書少，所以好迷信，有咩事都會搵道士幫忙。但有幾多成真幾多成假？志在搵錢嘅道士，梗係唔會講你知啦。 . .阿公細個時讀書都唔多，勝在夠大膽，對呢方面又有興趣，佢師傅覺得佢條命好適合做道士，就收咗佢為徒，每晚都跟住佢一齊趕殭屍。 . .趕殭屍－－其實唔係咩法術，只係民間智慧同迷信結合而成嘅一樣工作。 . .當年，住喺山上面嘅人，因為山上又無工作，好多男丁就會落山嘅大城市搵工。雖然話有機會賺到錢拎返屋企，但好多人為咗錢，做一啲危險性嘅工作，捱到周身病痛，又食唔飽著唔暖，所以好多人都捱到死。 . .喺城鎮，阿公就識咗個朋友叫炳昆。 . .「喂！你做咗道士，有咩事嘅話，記得送返我上去。講明先，我身上無乜錢，有嘅你拎晒去做路費啦。」炳昆。 . .「得啦，一世人兩兄弟，唔同你計錢。」阿公。 .「至少要畀阿梅知道我死咗，佢份人好硬頸，肯定要見到屍，佢先肯死心。」 . .炳昆雖然笑住咁講，但阿公話佢其實都幾慘。因為窮，一直唔敢同阿梅組織家庭，炳昆於是決定落山搵工，賺夠錢就同阿梅結婚。 . .以前無電話，就算有書信都好多人唔識字，正所謂落葉歸根，萬一喺城鎮死咗，道士就會將佢哋屍體送返上山。 . .幾個月後，炳昆真係死咗。原來佢一直有病在身，但畀唔起醫藥費，只好繼續捱，一心只係想賺夠錢返去同阿梅結婚。 . .而我阿公就遵守承諾，免費將炳昆條屍送返上山頂，同阿梅團聚，亦令阿梅死心，可以搵個真正畀到幸福佢嘅人。 . .到底真實嘅趕殭屍係點？負責趕殭屍嘅道士，通稱「趕屍匠」。 .佢哋會先集中一堆要送上山嘅屍體，因為山路崎嶇，連馬車都行唔到，兩個人抬一條屍體又唔化算，於是就諗咗一個辦法。用兩個人，就可以運到五至六具屍體。 . .就係用兩支竹，架住所有屍體嘅手臂，左手一支、右手一支…然後趕屍匠就一前一後，托住中間嘅屍體運送上山。 . .所以大家喺電視睇到嘅殭屍，兩隻手都係直直咁伸前。亦因為長竹有彈性，所以一邊行，啲殭屍就好似跳吓跳吓咁跟住個趕屍匠。 . .至於佢哋額前點解要貼符呢？其實除咗聲稱可以鎖住個靈魂，等佢唔好走散嘅符咒之外，張黃符背面，仲寫住佢哋屍體個姓名同時辰八字，方便上到山頂畀家人認領屍體。 . .至於響鈴嘅原因，係提醒周圍有養狗嘅人家，可以鎖返自己隻狗咁屋，等啲狗唔好衝出嚟咬屍體。 . .有時屍體全身亦會畫滿符咒，對外聲稱就係唔想佢哋化成厲鬼咬人，其實係一種草藥磨製而成，阻止屍體腐爛。 . .當日，阿公就帶住炳昆連同其他屍體一共五具屍，跟住佢師傅上山。去到中途站，會有一啲專門畀趕屍匠休息嘅旅店，呢類旅店其實係間房係馬殿改建而成，除咗畀趕屍匠訓覺，仲有竹架將一排屍體暫時懸空架起，第日再搬過。 . .當阿公訓到半夜，聽到外面傳嚟好嘈嘅狗吠聲，於是阿公同佢師傅就睇吓外面發生咩事。原來係一班山上面嘅野狗，可能爭地盤打交打到嚟呢度，師傅叫佢若果有野狗走近就要立即趕走佢，唔好畀佢掂到屍體。 . .呢個時候怪事就發生。當阿公返入房，見到排屍體由個竹架度跌咗落嚟，成排屍訓晒喺地，支竹仲斷開咗幾截。阿公話，佢肯定當時無風，又無人郁過佢，根本無可能跌晒落嚟，更無可能整斷支竹。. . .唯一可能性，就係屍體太怕狗，所以自己跳咗落嚟… . （待續） fb：BlueGodZi