上次同Jasmine去 BusymamaBenny 余以辰同一班手作媽媽呈獻既 #親子藝術嘉年華🎪見佢玩得咁開心，所以早兩日既Storyland: Mask and Story Art Carnival 我哋又去咗玩喇❣️

可惜天公不作美，一直落雨🌧，所以好多攤位都移至室內，不過佢都一樣玩得好開心。入場先送Lusol 草石蠶梨🍐汁，可以保護氣管，預防感冒及促進腦部🧠發育；Manuka Magic Hong Kong 萬用魔術膏，可以幫助傷口癒合及減退痕癢。

好動寶寶第一時間去玩 Littleandme🐷三隻小豬高爾夫⛳️，唔知係唔係因為爺爺之前有教過佢打，所以佢可以兩桿入洞呀😂

之後玩埋 DreamingMama 親子店 七彩動物園版畫製作🖼，油出獨一無二既動物，估唔到Jasmine好專心咁油填色，仲唔俾我一齊油添！

之後雨愈落愈大🌧，我哋只好轉到室內，去到手作黏土workshop整冬甩鎖匙扣，多謝姐姐做咗一個Minnie Mouse 🐭 既鎖匙扣俾Jasmine 呀！

去埋玩創手作放題🛍，攞咗好多材料返屋企DIY做小手工。

UBabyBaby 攤位，有好多Ufixx silicone 產品，可以黏貼喺任何平滑既表面，我都入手咗個行事曆🗓打算貼喺門口，因為呢幾日爸爸👨🏻係咁問我聖誕呢幾日去邊，但佢因爲工作太忙成日都唔記得又再問，有咗行事曆佢，每日要做d咩都一目了然啦❣️

最後我哋睇埋哥哥姐姐既表演🏟就走喇，見到其他小朋友唱歌🎤Jasmine 睇得好專心，最後唱聖誕歌佢仲唱埋一份添！

由於Jasmine遲起身，我地食埋lunch🥣搞到好遲先到，所以只玩到幾個活動。期待下次再玩同埋希望下次會好天啦❣️

#Imbusymama #hkartcarnival #親子好去處