【一帶一賂：點解中國港灣可速奪1.9億起檢疫設施?】

其實林鄭直接批標1.9億做竹篙灣檢疫中心嘅「好朋友」承建商－－中國港灣 China Harbour Engineering Company (CHEC) —— 偷工減料草菅人命都唔係第一次，我地進行全球各地新聞大搜查，發現該公司有份參與既豆腐渣工程根本一地都係：

🇮🇩印尼 － 蘇臘馬都大橋 興建期間倒塌 建築工人1死9傷
🇨🇳中國 － 哈爾濱陽明灘大橋 倒塌 造成3死6傷
🇧🇩孟加拉 － 300米長的Sirajganj堤壩暴雨過後崩塌
🇵🇬新畿內亞 － 新萊城港口(New Lae Port)工程出現缺陷令港口癱瘓，需要當地政府額外付出5百萬美元修復
🇱🇷利比里亞 － 羅拔國際機場 5千萬美金的翻新工程中 扶手電梯嚴重斷裂
🇬🇾圭亞那 － 喬治敦國際機場擴建工程被發現水泥不合格
🇭🇰香港 － 港珠澳大橋人工島多次飄移多達10米
🇭🇰香港 － 港珠澳大橋多條地底樁柱需重建 合共損失逾千萬港元
（來源見註）

根據傳媒報導，單計港珠澳大橋工程146宗職安定罪個案中，中國港灣就佔左三成，當中不乏致命個案（註一、二）。一帶一路國家既機場、大橋、港口、堤壩等大型基建延期、超支、死人、偷工、倒塌樣樣齊，年報隱惡揚善一隻字都冇提過。其實特區政府係唔識上網background check定視而不見，點解重直接批份檢疫中心工程合約批劣跡屢屢既中國港灣?

就以上問題，我地再進一步追蹤每個中國港灣的大型工程項目，發現中國港灣十年來，年覆一年在一帶一路國家不斷捲入欠薪貪污等醜聞：

🇵🇭菲律賓 － 公路工程文件造假 被世界銀行列入黑名單8年
🇧🇩孟加拉 － 賄賂前總理兒子 Arafat Rahman 以取得港口工程
🇧🇩孟加拉 － 於道路基建工程行賄，被孟加拉列入黑名單
🇰🇾開曼群島 － 港口工程被質疑與當地總理利益輸送，被英國政府阻止
🇭🇰香港 － 一名高級管工向代理人提供利益以縱容供應不合標準物料
🇭🇰香港 － 港珠澳大橋混凝土測試報告造假 有關混凝土由中國港灣提供
🇱🇰斯里蘭卡 － 涉嫌賄賂當地總理以取得涉及14億美金的工程
🇸🇦沙地阿拉伯 － 一名前高管多次於工程期間侵吞公款6500萬
🇯🇲牙買加 － 工人一直被欠薪 入稟法院控告中國港灣（牙買加）破產
🇵🇦巴拿馬 － 懷疑於當地工程中行賄或利益輸送，正接受調查
（來源見註）

睇住以上一個接一個既案例，可以睇得出中國港灣點樣「走出去」，以行賄的方式「架空」招標程序取得大工程，似乎已是中國港灣的國際慣技。而今次竹篙灣檢疫中心打著情況緊急的旗號，政府連公開招標這個步驟也省卻了，會否是慣犯的同一犯案手段？

又或者，中國港灣根本連賂金都可以慳返，因為單純「讓中資救港」整個概念就可能係維穩策略一部分。另一邊廂中國建築承建鯉魚門隔離屋，駱惠寧即刻大讚中建「急市民所急」，又話「體現駐港中資嘅使命擔當」（註三）。而1.93億送比中國港灣起嘅竹篙灣檢疫中心，預計於5月底落成。比較之下，其實中國港灣其他工程都幾十億咁計，點解要為左1.9億兩日內簽約「臨危受命」（註四）？

食住武漢肺炎個勢，一邊億億聲送比國企工程公司逆市發大財，一邊比中聯辦駱惠寧刷刷存在感做show強化東江水式恩主論述，其實中資用貪污舞弊奪得工程合約就預左，但揀間狂起豆腐渣工作既中資公司起醫療設施，唔單只係潛在利益輸送，根本係拎香港市民性命較飛!

#中資
#隔離營
#豆腐渣
#一帶一路
#武漢肺炎
#有疑的友誼

--
中國港灣一帶一路豆腐渣及貪污醜聞來源列表：
http://bit.ly/2vg3FDF
註一：蘋果日報，【大橋職安定罪　中國港灣45次最多】
http://bit.ly/3cSZ9f6
註二：立場新聞：港珠澳橋起重機工人被夾死　中國港灣工程等六公司　各被罰2萬至8.2萬元
http://bit.ly/2TZ8kC7
註三：明報，鯉魚門隔離中心早4天完工 駱惠寧視察
http://bit.ly/2xqL4W0
註四：眾新聞，【政府沒招標】$1.9億竹篙灣檢疫中心　直接委託中國港灣興建
http://bit.ly/2Q8RjnZ
--
🌎 支持中港研究工作
https://liber-research.com/support-us-2/