#研究咁講｜#如果接納需要一個期限 #你嗰個會係幾耐﹖ 上兩星期見到 編輯阿E 篇《#大叔的愛》，發現留言完全一面倒，大部分留言的父母都話「完全接納」孩子同性戀。同阿E傾開都覺得有點始料不及。 當中，仲要有不少留言都一針見血。 「唔接納又可以點？咪只係會無咗個仔！接納可能仲多咗個仔添！」 作為子女，遇上咁開明嘅父母，一「出櫃」就已經得到父母的接納，當然係福氣。不過，一個美國喬治華盛頓嘅研究，訪問咗差不多一千個10-25歲的年青同性戀者的父母，發現大部份父母由知道自己子女係同性戀嗰刻，直到用上約兩年嘅時間，佢哋嘅接受程度無乜改變。 即係父母一係一早就接納孩子嘅性取向，但如果接受唔到嘅，兩年內都未必有大改變。研究發現父母嘅接受程度通常在2年後先開始上升，而經歷5年時間，父母嘅接受度才有較顯著的提升。 研究的作者喬治華盛頓大學米爾肯研究所公共衛生學院的副教授David Huebner博士指出，父母初時不想接受子女是同性戀者，有可能是出於擔心孩子將來會面對更艱難的生活，包括受到朋輩欺凌或騷擾，也有可能父母只是需要一些時間來適應，因為他們早就為孩子預設想好了一個傳統的異性戀未來，組織一男一女的家庭，接著就是生兒育女。 不過，好多時，我們人生中最缺乏嘅就係時間。如果要用上2年、5年先接納到自己孩子的同性戀傾向，父母同孩子嘅關係、或孩子自己嘅情緒感受又頂唔頂得住呢段咁長嘅時間呢？ 同一個研究團隊，喺之前的研究已發現，在知道孩子的同性戀傾向後，如果父母拒絕接受或做出一些消極的反應，即使只是幾年時間，都會對親子關係造成影響。而這些父母不接納孩子的反應，與孩子將來出現抑鬱、自殺、藥物濫用的風險有一個正比的關聯。 「都甚麼時代了？」記得小時候的自己不時都怪父母唔夠開明。但做咗父母先親身體驗，父母其中一個最大的課題是學會放下自己的固有想法，讓自己走進子女的「時代」。 帶一條生命來到這個世界，又能認清這個生命並不是屬於自己的——這種悟性，也許是這新生命能發光發亮的基礎。 協作： @scientificpapa 資料來源 1️⃣ David M. Huebner, Kathleen M. Roche, Kendrick A. Rith. Effects of Family Demographics and the Passage of Time on Parents’ Difficulty with Their Lesbian, Gay, or Bisexual Youth’s Sexual Orientation. Archives of Sexual Behavior, 2019; DOI: 10.1007/s10508-019-1430-9 2️⃣ George Washington University. (2019, June 18). Many parents struggle for years to adjust after learning a child's sexual orientation: Study calls for solutions that would help support parents and keep gay, bisexual and lesbian youth healthy and safe. ScienceDaily. Retrieved August 8, 2021