一，蘋果日報論壇編輯吩咐，寫篇關於口罩同市場恐慌等嘅分析。呢個題目，其實就算從市場角度去思考，其實都唔淨係得一個角度。我又試下 think out loud，之後先正正經經交稿畀篇輯大哥。

二，最基本就係之前嘅講法，口罩本來係利錢好薄嘅商品；吾友 君子馬蘭頭 - Ivan Li 李聲揚 睇過上市口罩公司嘅財務報告，結論係呢個行業平時真係冇乜肉食。

廷伸閱讀：https://www.facebook.com/ivanliresearch/posts/2533143646899813

三，其實，呢幾日，除咗口罩價格暴升暴跌，股票市場何嘗唔係如是？

四，當然，其實金融市場每日都唔少 #恐慌性買入 同 #恐慌性拋售，大家唔單止唔會覺得有問題，甚至乎會認為，個市唔郁先有問題：「嘩個市好悶呀！」

五，「咁，生活日用必須品同金融產品，又點可以雙提並論？」我知，一定會有人咁諗。「生活日用必須品，冇咗會死人，死人，社會就會亂，係咪？所以，生活必須品都係穩定啲好，市場唔穩定，炒家興風作浪，所以政府去分配就最好。」

六，好似我哋啲市場原教旨，好多都會話，農產品、能源咪一樣係必須品，都有期貨市場，有乜問題？然後，社會棟樑就會話：「嘿，你哋仲好意思講能源市場？唔通你哋唔記得 Enron？Enron 仲導致加州能源危機。本來唔開放市場，好好哋。」

七，首先，市場原教旨都唔可以否則：「市場並非萬能。」事實上，呢個世界除咗上帝，唔存在「無所不能」呢回事；除咗天堂，亦都唔會有「人人無憂無慮日日無所事事」嘅生活。聖經《創世紀》上帝要夏娃「生產兒女必多受苦楚．你必戀慕你丈夫、你丈夫必管轄你。」阿當仲慘：「地必為你的緣故受咒詛．你必終身勞苦、纔能從地裡得喫的⋯⋯地必給你長出荊棘和蒺藜來、你也要喫田間的菜蔬。你必汗流滿面纔得糊口、直到你歸了土、因為你是從土而出的．你本是塵土、仍要歸於塵土。」

八，你可以冇宗教信仰，亦可以當聖經係古人對生活嘅睇法；但實情係到咗2020年，我哋仍然離唔開呢個人生嘅規律。

九，所以，你想要任何嘢，食嘅好，用嘅好，一係自己整，再唔係就交易。假如諗住乜都唔做等政府派，咁呢個想法就有違規律。

十，寫到呢度，我諗都有人會問：「咁，炒炒賣賣嘅人，又對社會有乜貢獻？點解佢哋可以賺咁多錢？公平咩？」

十一，炒炒賣賣嘅人，輸嘅唔通周圍同人講咩。舉個例，Jesse Livermore 呢個名大家聽過未？佢寫過本書，How to Trade in Stocks；Time 曾經封佢做美國金融市場最活躍嘅炒家。佢嘅下場係，輸晒身家，吞槍自殺。

十二，其實所有賭仔都覺得自己眼光好過其他人；又有啲人以為自己嘅運氣特別好。我呢就信，其實好多事都係 random ，包括投機回報。即係好似老生常談話齋，有幾十億隻馬騮亂咁打字，總有一兩隻會打出過篇文。

十三，所以，投機者雖然對社會真係冇乜直接貢獻，但亦都冇乜成本。戴晒口罩咁講，大前提係，佢嘅贏嘅係其他賭徒嘅錢，輸嘅係自己嘅錢。

十四，當然，我話戴晒口罩咁講，因為有好多時，投機者輸嘅係人家嘅錢，但同人哋嘅錢，贏咗自己分一大份。Enron 又好、Worldcom 又好，其實係呢兩間公司嘅管理層，用股東嘅錢去賭，輸咗就收埋入子公司，然後用假帳掩飾；可能佢哋本來諗，只要贏一鋪大，翻身，就清晒啲舊數，咁就可以暪天過海。馬多夫都係咁。

十五，可以有人話：「喂，你離題呀，金融市場都話由得你班賭徒去發夢，我哋講緊嘅係口罩呢類生活品呀！」

十六，話說，今次疫症我聽到好多人話：「沙士都冇話買唔到口罩。」唔通係曼德拉效應？2003年沙士，初期都發生過唔夠口罩，市面藥房都加晒價，甚至醫管局都出現過唔夠口罩；最終大概用咗十幾日，市面先至叫做有充足穩定嘅供應。

十七，早幾日都見到有線新聞講一個貿易商人，點樣去到杜拜意大利買口罩，用現金，見貨不問價追。亦聽說，話我哋同緊十四億人搶貨，係環球供應都好緊張。

十八，假如市場係有效反映資訊嘅話，之前 #李聲揚 跟個幾隻口罩概念股反映，市場預期口罩供求嘅新平衡點，唔會同以前差好遠。換句話說，就算好辛苦去撲口罩返香港賣嘅商人，分分鐘白做，甚至倒蝕。

十九，唔緊要，市場有賺有蝕乃正常不過嘅事；有賺冇蝕，又唔見你去做？係咪？王維基都係用廿萬美金就買到機，呢個數字，真係眾籌一個上晝都有啦。

二十，呢個過程反映市場經常被人忽略嘅另一面：如何閱讀價格反映嘅情報。

廿一，癲價，大多數情況都係反映令人瘋癲嘅情報；只有一個全部人都掌握完全情報嘅宇宙，先至唔會出現價格波動。即係話，金融市場又好，現實世界嘅商品又好，價格嘅變動同差異，唔可能完全消除。

廿二，「咁，可唔可以減少啲波動同差異？啲公公婆婆好慘。」明白嘅，但就算係人為咁將價錢壓低，公公婆婆一樣慘；佢哋可能唔駛買得貴，但變咗要排隊；限購，佢哋又要排多幾次。

廿三，正如之前所講，價格變動同差異，係結果；係供應不足先係真正嘅原因。有啲人會慘啲，通常佢哋都係較缺乏情報嘅一群人。情報多嘅人，會上網買，會去外國網站訂，會有外國親友代購⋯⋯呢個先至反映社會財富同收入不均嘅真正原因：掌握同應用情報嘅能力。

廿四，政府可唔可以做啲嘢？直接將口罩派畀啲情報最少嘅人，咪得囉？有冇諗過，佢哋會係情報少到連有口罩派都唔識去攞？又或者，有啲叫做 #政工作者 嘅人，就係公公婆婆嘅最重要情報來源？

廿五，我唔係否定 #政工作者 嘅存在意義；某程度上，以上描述嘅社會，都反映咗大家都做緊一啲事。正如之前所講，世界係唔完美嘅；我哋可以做得更好，但唔需要完全否定目前所見到嘅現象。

廿六，又正如之前所講，當情報相對地流通，市場都會比較穩定，少啲恐慌。恐慌嘅出現，只有一個原因，就係忽然之間好多人意識到自己一直都係錯；大家一齊去改變行為，就梗係有啲動盪。社會需要時間調節，但往往比想像中來得敏捷。

廿七，另一個令情報變得更稀缺嘅原因，就係太多假嘅情報；恐慌嘅時候，通常又係大家「唔怕一萬，至怕萬一」嘅時候。

廿八，咩人咁得閒去製造假情報？有時，情報就有如病毒，自然突變出來。有人行過藥房，咁啱見人開箱買廁紙，諗住反正都係，買兩條都好；有人見到又排，結果又真係賣晒。有人問，藥房可能話賣晒，呢個買唔到廁紙嘅人就上 WhatsApp⋯⋯總之，有好多可能性，未必有人惡意要製造混亂。

廿九，亦有人分析當消息，段估冇辛苦；乜嘢缺貨之類嘅情報就社區爆發。

三十，所以，呢個時候，如果個政府都知道自己係無乜人信嘅話，收埋自己會好少少。

三十一，不過，話說仍然有政工作者想政府限制口罩買賣，另外亦都有政工作者話要限制賣口罩嘅利錢。

三十二，令世界更得美好之前，任何人最基本嘅義務，就係諗下自己做嘅每件事，會唔會令個世界變得更差。

三十三，假如諗唔清楚嘅話，至少都要思考下，件事有咩代價？代價又係由邊個去負責？如果自己責任自己負，咁好似王維基咁，試一試，又真係無妨嘅。

第一次見百香果開花，搜尋看到不同國家，對百香果的花各自表述蠻有趣的。花朵盛開時就像時鐘表面，而三根朝不同方向分岔的柱頭，恰似時針、分針與秒針，因此日本人稱之為「時鐘果」。
百香果產於美洲的熱帶及亞熱帶地區。原產於巴西，巴拉圭，1610年間傳入歐洲，當時西班牙傳教士發現其花部的形狀極似基督之十字架刑具，柱頭上3個分裂，極似3根釘，花瓣紅斑、恰似耶穌頭部被荊棘刺出血形象，5個花藥，恰似受傷傷痕，西班牙人以Passioflos名之，直譯之為「受難花」。
文字部分擷取：網路文章及維基百科
#邁向果農之路

百香果 Passiflora edulis

第一次見百香果開花，搜尋看到不同國家，對百香果的花各自表述蠻有趣的。花朵盛開時就像時鐘表面，而三根朝不同方向分岔的柱頭，恰似時針、分針與秒針，因此日本人稱之為「時鐘果」。
百香果產於美洲的熱帶及亞熱帶地區。原產於巴西，巴拉圭，1610年間傳入歐洲，當時西班牙傳教士發現其花部的形狀極似基督之十字架刑具，柱頭上3個分裂，極似3根釘，花瓣紅斑、恰似耶穌頭部被荊棘刺出血形象，5個花藥，恰似受傷傷痕，西班牙人以Passioflos名之，直譯之為「受難花」。
文字部分擷取：網路文章及維基百科
#邁向果農之路

百香果 Passiflora edulis