［咩國家先會踢波叻？其實中國已經比預期好］都打咗好耐，畀個面，睇晒佢。真好睇的。

好，認真講，咩大行報告貼邊隊冠軍，一來唔準，二來其實學唔到乜。反正大行唔係足球專家。真係好睇就睇呢篇，Economist講，「咩國家先會踼波叻」。佢其實唔係貼冠軍，不過另一篇都有好強烈咁講，會係德國，之後再貼。

其實個題寫得又簡單又好，就話你知，有一半係因為財富，人口同埋對足球嘅熱情，呢一半好難短期改變。但另一半就有搞嘅。

對，其實問你身邊啲專家朋友，咩國家踼波會叻，都未必有人答到你。最多可能答你「傳統」。你講有錢，啲友會反駁你「唔見沙地阿拉伯捧盃」（背後嘅邏輯其實同「鄧小平係煙鏟一樣咁長命」差不多），你話人口，佢會話你唔見中國印度捧盃？然後又返到去十幾億人都搵唔到十一個踼法（你肯定中國有「十幾億人」畀你揀？），甚至講到去咩中國人冇團隊精神之類的廢話（女足呢？排球呢？籃球呢？印度人又冇？印尼呢？）

但的確，經過十幾廿年嘅研究，好大部份就係三個因素：財富，人口同埋對足球嘅熱情。

文中先用烏拉圭做例子（其實麻麻地，好多年冇捧過盃，比我會用意大利荷蘭，雖然荷蘭都冇捧盃）。烏拉圭人口少過柏林，但都（咸豐年代）捧過兩次盃。

然後就帶到點解富有國家或多人嘅（例如中國）國家都唔掂。中國，以及中東堆油國，都好肯洗錢。

Economist整咗個model （其實都好多人用類似嘅方法，包括寫Soccernomics嘅Simon Kuper），比較下啲國家嘅「潛力」，同埋真實表現，睇下邊啲係「未如預期」。（亦都係當年Soccernomics嘅副題問嘅問題：點解英格蘭輸？其實英格蘭表現一啲都唔差，但先天就係不足，唔夠多人，以咁嘅條件，英格蘭球員其實有發揮到佢地應有嘅水平）

先講有錢，就梗係講人均，反正你都係出廿三個人之嘛。計總量冇意思。窮國贏富國固然令人振奮，但正係因為呢啲情況唔多見。都話，捧得盃嘅，冇乜真係好窮嘅國家。最窮嘅巴西都貼近全球平均，其他咩德國法國不用講。冇錢慢慢不能，地都爛嘅點踼？唔好迷信啲咩惡劣環境出好球員。咩年代呀而家？真係惡劣環境出好球員嘅，富國都可以整啲咁嘅環境出黎。而家講緊窮國啲球員飯都得食，點踼？呢個亦解釋到點解北歐啲小國幾百萬人都咁勁，因為富貴。冰島三十萬人添。但人地好多教練，好多球場，呢啲之前有人講過了。不過就解釋唔到點解中東油國咁雞，或者點解香港咁雞。

之後，就係人口，同埋對足球有幾大興趣。中國印度印尼之類，人多冇用的。一來窮（中國未算好窮啦下，但都係窮）。況且，你有幾多人踼波？有數據計返足球人口（任你計，可以只計職業球員，或計業餘玩嘅都計）。用足球員數目除返總人口，睇到參與率。用呢個做標準，就同表現關係好大了。（）。你見德國全世界最多註冊足球員，意大利荷蘭嗰啲都入十大的

Economist仲加埋對足球運動嘅興趣，唔一定係踼，包埋睇。呢度我有少少保留。但無論如何，佢哋用Google search，睇下有幾多人search Football （但，soccer呢？美國佬點算？又，唔係英文有冇計？唔知），對比其他運動。結論係大約知嘅，非洲人熱愛足球，但美國佬得兩成（有四大運動嘛），南亞就得一成（全部睇cricket）。咁但，照計中國同香港熱情都幾高嘅，嘻。另外，佢計埋整體對體育嘅熱情同投資之類，用奧運獎牌per person計（咁中國印度印尼就死得）。

計晒出嚟，有個幾靚嘅圖。預期同實際表現。以上堆嘢，解釋到大約40%表現（係呀，一係你整個咯）。當然有啲國家，例如德國，又富貴又多球員人民又鍾意足球，就一定會強。但真實係咪有「預期」咁勁？在條斜線上嘅就係表現超乎預期，或超出潛質，下面嘅就係未如預期，仍需努力。

咁就過癮啦。右上角就係潛力勁，實際都勁嘅大國。但，其實德國先天因素極好，理應該捧更多盃，真實表現其實令人失望（所以可以盡情鬧領隊路維同足總）。巴西唔同，表現唔止勁，仲係超乎佢哋潛力。另外烏拉圭阿根廷西班牙葡萄牙克羅地亞等等，都係實際好過潛力好多。英格蘭呢？正如Soccernomics講，中規中舉，發揮就正如潛力，係咁上下，你以為佢會成日捧盃係你一箱情願（主要因為人口）．大國中，除咗德國外，美國都係做得差嘅，唔應該咁差。

好啦，有趣嘅係。其實中國表現係遠勝預期嘅，所以鬧國足鬧領隊嗰啲，唔公道。以中國咁窮咁少人踼波又唔鍾意運動，係咁上下水平。同樣地，沙地阿拉伯卡塔爾之類，係已經發揮得比潛力好。即係冇乜空間改進。大鑊。中國就得2%人踼波（我懷疑邊有咁多），歐美國家係7%。中東就人人上google 搵cricket（明顯因為啲南亞外勞）

以上呢啲因素，係好難短期改變。索馬里唔會忽然有錢（雖然我有個網友話香港慘過索馬里），南亞人唔會忽然鍾意踼法。中國開始多人關注足球，但中東相反。
咁但，都話以上因素只佔四成。仲有六成係乜？除咗運氣，仲有其他嘢可以做好啲嘅。Economist提咗四樣東西：鼓勵小朋友多啲創意用腦踼波（而唔係操體能），街頭足球喎。第二，撈返啲漏網之魚。第三，多同外國交流，唔好封閉。第四，好好準備。

先講小朋友，文章話只係靠日練夜練唔得，仲要有方法。舉例話東德訓練比西德艱苦好多，但東德足球成就不及西德（喂，東德窮好多喎大佬）。講話踼五人室內足球（Futsal），街頭足球練技巧呀之類，好多人都知。但我係懷疑嘅—你見近年主要靠足球學院嘅歐洲隊贏晒，而唔係咩街頭踢波嘅南美隊。

漏網之魚就講德國隊做例子，往往有啲球員係比正規制度忽略咗，球探冇睇到。就再搵方法撈返佢入嚟。例子…….well…..係舒爾利，上屆世界盃決賽助攻嗰位，今屆在屋企睇電視。唔止，入波嗰位都在屋企睇電視。另外亦都講美國MLS嘅問題，在高中就冇乜正規訓練，然後你冇畀MLS選秀選中嗰啲，就可能從此消失於雷達。

然後講錢要用得其法（鬼唔知）。講返冰島雖則人少，足球員更少，但教練好多，設備極好。非洲呢？有潛質嘅球員大把，但好多都撈唔到（按：亦有啲去咗代表其他國家），啲錢就畀啲足總官員去上下其手咁。塞內加爾個世界盃團有成三百個足總官員。

第三就係講全球化，同外國交流。呢個就係非洲同巴西成功嘅方法（巴西而家都有幾強幾多人睇嘅本土聯賽了）。啲友去晒西歐踢一流球會咁咯。亦都有講話有啲球員代表咗歐洲國家，例如法國嘅韋拉。你話球員自己唔想代表非洲就冇計—但好多時係，根本冇人搵佢。韋拉就話塞內加爾根本冇搵過佢。同樣情況亦都有好多可以代表波蘭或土耳其嘅球員去咗代表德國—而家波蘭同土耳其就撥亂反正了。

同時間文章就批評有時「本土」就害咗球員。呢個可能拎去中國同俄羅斯（甚至英格蘭）都適用。但文章講嘅係墨西哥。墨西哥球員在青年賽往往砌低巴西阿根廷，但去到大國腳就無以為繼。因為本土入座率好，又肯洗錢，結果球員在國內搵錢容易，就冇心機出國啦。在屋企做山寨王唔好？墨西哥就係極少數表現差過潛力嘅拉丁美洲國家。

外國教練又如何？文章話，係冇乜用嘅。係幫唔到乜滯嘅。直指中國搵納比去教係嘥錢。
最後就老生常談：要準備充足，唔好自膠。當然係講啲非洲隊，成日都講唔掂數，出唔足獎金，有時去到先話罷踢，有時畀人抽起—咁嘅情況，落場士氣可想而知。如果係大國，仲有不同球會之間嘅派系之類，同埋有啲麻煩友（波歷克？伊巴謙莫域？利萊桑尼？）要比人飛走先得。

※ 2015.10.30 體壇 ※
塞普‧布拉特承認 2018 世界盃早「內定」，英格蘭要追討浪費的公帑

英格蘭參與 2018 年足總世界盃主辦權角逐，根本沒希望，因為足球總會（Fifa）早就內定俄羅斯。

塞普‧布拉特（Sepp Blatter）說，早在大衛‧卡梅隆、威廉王子在 2010 年 12 月到蘇黎世拉票之前，他們已經決定要把主辦權授予俄羅斯。

英國國會議員要求英格蘭足球總會（The Football Association, FA）跟 Fifa 討債，追回當時花費的兩千一百萬鎊公帑。FA表示，正在請律師評估 Fifa 是否早就內定的問題。

79 歲的布拉特，擔任 Fifa 主席 17 年，在瑞士、美國檢方調查 Fifa 貪污醜聞後，已經辭職，但表示要明年二月才會下台，目前因為輸送可疑的款項給米歇爾·普拉蒂尼（Michel Platini），而遭停職九十天。

俄國塔斯通訊社發表的一篇訪問中，布拉特被記者問道，Fifa 同時決定 2018、2022 年主辦權，是否犯了錯誤。

他回答：「2010 年，我們對世界盃進行了討論，然後我們作了兩個決定。我們同意，世界盃要先給俄國辦，因為俄國、東歐從來沒有辦過，然後 2022 年要給美國辦。這樣世界盃就會在兩大世界強權輪流舉行。」

他又說，美國的主辦權後來沒有成局，因為歐洲足球總會（Uefa）支持卡達。他又說，當時法國總統薩科奇介入，影響了事件的發展，所以 2022 就決定給卡達主辦。

當時，英格蘭為了爭取主辦權，派出首相、劍橋公爵以及大衛‧貝克漢到場拉票。英格蘭當時的對手還有西班牙葡萄牙、比利時荷蘭。Fifa 選舉委員的二十二票之中，英格蘭只爭取到兩票，當時投票的選舉委員中，後來有多人遭到貪污的指控。

英格蘭足總當時為了參與角逐，花費了一千五百萬英鎊，其中贊助商出資四百五十萬英鎊，而英格蘭各地希望當主辦城市的地方政府，總共出資了兩百萬英鎊。出最多錢的是桑德蘭市議會，拿出了 421,584 英榜；布里斯托拿出了 362,000 英鎊，伯明罕出了 352,048 英鎊。

英格蘭足總主席戴克（Greg Dyke）在國會的文化、媒體與運動委員會上表示，FA 將會審視布拉特先生的評語，並且考慮是否對 Fifa 提出訴訟，以討回當時的錢。他說：「如果能把納稅人的錢討回來，我同意是一件很好的事。」

當時領導英格蘭競逐主辦權的江森（Simon Johnson）表示，FA 有權跟 Fifa 討錢。他告訴 BBC：「假如他們一開始就講清楚，我們根本不會參選。」

保守黨的國會議員賓漢（Andrew Bingham）表示：「如果布拉特先生說的無誤，英格蘭當初參與競標的錢應該還給我們，這是很清楚的事情，這就好比花錢買樂透彩，卻發現獎金得主早就被抽好一樣。」

布拉特在跟塔斯通訊社的訪談裡面，還嘲笑英國「輸得很慘」。他表示：「英格蘭只得到一票，第一輪投票就被刷下來了。沒有人要投給英格蘭。」

Fifa 的風紀部以及瑞士檢調當局正在調查 2011 年布拉特付給米歇爾·普拉蒂尼（Michel Platini）的一百三十五萬英鎊的款項。兩個人都否認違法。

http://www.thetimes.co.uk/…/spo…/football/article4599249.ece

?2018狂歡世界盃，同何Wayne一齊為世界盃喝彩⚽⚽，一齊挑戰FIFA電競台主贏大獎?
一個人睇波？太無聊了。不如約啲老友過黎同何Wayne一齊為世界盃喝彩啦！???
現場評述?同你度過精彩的時刻，更有精彩的FIFA電競挑戰賽，用足球激發你的小宇宙啦！

網上報名表
https://bit.ly/2rz8rpI

?以下日期：

(1)6月16日星期六
(法國VS澳洲) 18:00
(阿根廷VS冰島) 21:00

(2)6月20日星期三
(葡萄牙vs摩洛哥) 20:00
(烏拉圭vs沙特阿拉伯) 23:00

(3)6月21日星期三
(丹麥vs澳大利亞) 20:00
(法國vs秘魯） 23:00

(4)6月22日星期五
(巴西VS哥斯達黎加) 20:00

(5)6月24日星期日
(英格蘭VS巴拿馬) 20:00
(日本VS塞內加爾) 23:00

(6)6月26日星期二
(丹麥vs法國) 22:00

(7)6月27日星期三
(韓國vs德國) 22:00

(8)6月 30日星期六
第49場 A組首名 VS B組次名 22:00

地點: 觀塘海濱道135號宏基資本大廈18樓 NeighborFarm 毗鄰共享商務中心(牛頭角地鐵站B6出口)

?電競活動：

每场世界盃賽事直播都會舉辦FIFA電競挑戰賽，參加人數在10-12人，通過早鳥優惠的玩家可有機會直接進入8強，其餘玩家通過12強比賽進入8強，每場比赛會勝出一位玩家成為台主，可免費參加下次的活動??，成功連任3屆台主，更有機會獲得1,000元獎金。

評述員：何Wayne，香港網上足球評論員，Youtube頻道人數超過一萬，以理論一針見血見稱。

何Wayne YouTube頻道：
何Wayne 足球評論
youtube.com/user/waynehk07

活動提供晚餐包酒水、大抽奬，有機會奪得$200運動現金券?

費用：按每日計，$250/位, 早鳥優惠$200/位，4人同行$750
(早鳥優惠:必須根據當日賽事時間3天前報名並交費可享受優惠及優先參與FIFA 電競挑戰賽)

報名及查詢：
電話：陳小姐 39552900 / 許生 81086688
WhatsApp: 61350742
Email: info@neighborfarm.com
Website: www.neighborfarm.com
*Facebook: https://www.facebook.com/neighborfarm
地點: 觀塘海濱道135號宏基資本大廈18樓 NeighborFarm 毗鄰共享商務中心(牛頭角地鐵站B6出口)
報名方法：
1.填寫網上報名表 https://bit.ly/2rz8rpI
2.成功報名後費轉帳到至恒生銀行戶口 363-683152-883 (NeighborFarm Coworking Business Centre Limited)
3.於入數紙上寫上姓名及聯絡電話並將入數紙whatsapp至電話 61350742確認
4.⭐請務必保留入數紙到現場報到之用⭐/ 使用Pay Me 付款?發送付款連結至whatsapp 61350742，4人同行，一個入數電話即可。

有興趣的朋友可以系群組裡面回復及報名。??