尖沙咀既銀座38有唔同菜式既特色餐廳進駐，包括有以下幾間。 —————————— 吞POT 雞煲火鍋.住家菜當然招牌都係雞煲同火鍋，湯底用鮮雞熬一日，配上花膠同螺片，除左肉類之外，配料既十全大寶丸同埋爆芝響鈴都係配搭之選。 📍吞POT 雞煲火鍋.住家菜 尖沙咀山林道38號銀座38 12樓 —————————— 呢間酒吧以懷舊火車頭做主題，供應既佐酒小食當中，包括有炸雞、雞翼、炸蝦片、牛柳粒同雞腎，酒類選擇當然有啤酒、紅酒、白酒、雞尾酒等，亦有得掟飛鏢。 📍火車頭 尖沙咀山林道38號銀座38 1樓 —————————— 籽樂廚房係一間社企餐廳，主打簡約西餐，聘請同培訓傷健人士做店員，宣揚傷健共融既訊息。 📍籽樂廚房 Sowergift Kitchen 尖沙咀山林道38號銀座38 3樓 —————————— 籽田會館主打傳統淮揚菜，文思豆腐、揚州古法獅子頭、揚州鳳鵝、無錫排骨等都係店內人氣菜式。 📍籽田會館 Seed Field Guild Hall 尖沙咀山林道38號銀座38 9樓 —————————— 呢間餐廳有唔少女仔光顧，原因係因為餐廳內裝修高貴典雅，除左英式下午茶之外，最近亦推出一系列牛油果菜式，包括虎蝦牛油果醬意粉同埋波士頓龍蝦牛油果沙律等食物選擇。 📍Victorian Rose Tea Room 尖沙咀山林道38號銀座38 17樓 —————————— 地鋪既Nathanhouse 有四季酒店助理總廚主理菜式，招牌除左日本栗米忌廉濃湯之外仲有慢煮36小時牛小排。而afternoon tea時段亦有採用日本季節性生果既精緻下午茶。 📍Nathanhouse 尖沙咀山林道38號銀座38地舖 —————————— 位於頂層22樓既HYC Bar & Lounge，除左有酒飲有桌球玩之外，仲可以比客人shisha，而戶外位置係幾chill既，可以望住開揚城市景色。 📍HYC Bar & Lounge 尖沙咀山林道38號銀座38 22樓

［火箭再創歷史］#今朝sport到你 @am730hk 你認同英式桌球運動員，是最「執正」的嗎？白恤衫西褲皮鞋，還有馬甲和煲呔，比上班族更formal。其實「篤波」這類cue sports，原本是15世紀的貴族玩意，除了英式桌球之外，還有其他玩法和規則的cue sports，以前有沒有秋官的「倚天cue」無從稽考，然而可以肯定的是，至今仍然流傳的其中一項規矩，就是衣著方面保持一貫「去飲」的作風。

最近「火箭」奧蘇利雲就成為正式比賽裡，因腳部傷患而獲容許穿運動鞋落場的選手，賽會強調這是絕無僅有的單一事件，並不是要開甚麼先例，放寬桌球手的衣著要求。打波都「執得咁正」的代價，就是桌球手永遠也沒有機會看到球迷或者粉絲穿上印有自己名字的球衣，可代言的周邊運動商品也較少。

自從十幾歲開始第一次去篤波，就愛上咗呢項運動。 唔篤開波嘅人，好多時都會以為波樓品流複雜， 超…冇錯波樓係品流複雜， 但你以為酒樓唔品流複雜咩？ 唐樓唔品流複雜咩？ 律師樓唔品流複雜咩？ 根本乜樓都係乜人都有，乜樓都品流複雜。 我只係知道，波樓裡頭，有黑社會混混、有過日晨阿叔、有賭仔、有高手， 亦都有一班莫論背景，打得幾屎波都好，都日夜練習，只求點滴進步嘅桌球愛好者。 你知嘛，英式桌球真係好蝦人打，你以為擔住飛煙hehe heahea會打得好，其實姿勢、Cue棍、檯面快慢、檯面順逆毛、力水大細、白波走位，樣樣都好緊要。 當中最正嘅，就係訓練你要有一個好嘅心態：要有超凡耐性、心無雜念，否則……唔會走火入魔嘅，但會走雞入唔到波，入到波都較唔到下一隻波，較到下一隻波都甩下一隻波。 講咁耐，你梗係以為我得把口喇… 冇錯，我確係得把口，打咗廿年波都仲係好屎，又冇耐性又剩，但無阻我依然喜愛呢項運動。真係好有挑戰性，好好玩。 咁細個香港都出到傅家俊同吳安儀世界頂級球手，社會實在應該要再大力d推廣桌球畀d細路至係。