攝時間劇場：《5月22日，國安法後…要移民嗎？》 國安法一出，朋友A在whatsapp group立即send出《家有喜事》世界末日的截圖。 朋友B一向都是嘲諷派，一向高高在上，所以冷冷說一句：「香港真係好多先知，不過係到時先知。」 朋友C做開和事佬，因為不想一班由小識到大的好兄弟因為政見而反面，原本的大group已經因為黃藍及職業而變成死group。而在這群組的幾位是最最最要好的朋友，政見又相類似，所以C為了保住這份友誼，所以常常做和事佬，打完場說一句：「近呢幾個星期實在太癲啦…DSE歷史題目問題、立法會內會強行選主席、硬推國歌法、頭條新聞又會摺…依家又用基本法附件三繞過立會…」打完場嘅方法是嘗試說出A的想法，令B更明白A的處境。 B：「其實自中英聯合聲明開始，香港已經玩完。」B繼續冰冷的口吻，很討厭。 不過C自己也明白…C是典型相信一國兩制的人，以為會有自雙普選，以為上街的力量配合代議士可以和政府抗衡，但這一年發生的事，令他開始動搖…慢慢理解B常說「一國永遠大過兩制」的說法...究境35+重奪立法會是否可行？要從體制內抗衡體制真的可行？先不說DQ議員…更不說民主派出賣選民的先例…而是早前不斷修訂基本法第22條，現在一個附件三，說明所謂有險可守，其實只是一場空。Basic Law，中文是「被釋法」。釋家，當然是「矛」嚟，當然也是維尼。 可以點做？是C近來的迷思…和你活動比以往更危險，但亦是保住運動力度的方法…至於繼續支持黃店？黃色YouTube圈？參加聯署？未有成效但日日有更大的傷害…在想到新的方法之前…唯有繼續做…票繼續投…一個小市民可以做的只有這些…對吧… A又說：「唉…真係要諗移民…英國下議院下個月二讀BNO居英權…」 B：「一個大大聲話5大訴求缺一不可嘅人，話要堅持到底嘅人，依家搞唔掂就話移民，你呢班人就真係有險可走啦，同班高官有乜分別？」 A：「屌，你唔好下下都屌先得架！你咁撚叻講D方法出嚟囉，成日屌屌屌！」 B：「咪講撚咗5大無用囉，你都知問題係邊架。」 A：「都話兄弟爬山囉！」 B：「爬乜撚野山啫，大家行嘅山都唔同，你爬5大，我爬另一條路，根本唔撚同。嗰陣又話9我分化，我咪唔撚出聲囉。你第一日賣悲情我由9你，屌你賣撚咗至少一年啦，你悲撚完未啊？你好命走到，好多人走唔到架！你咁做係咪背棄佢地啊？」 B繼續連珠爆發：「5大唔得，唔試其他方法，就移民。我無話你錯，因為呢個係你嘅選擇，你好命走得到。」 整個群組寂靜良久… 和事佬C已無力還擊。B的意向堅定得無人可以動搖。而A…其實只是大部份香港人…97前怕共產黨…舉家移民…之後發現馬照跑舞照跳，整家就歸來…最神奇是…父母已經把先祖文革的慘況忘記得一乾二淨…常常參加國內旅行團，而回鄉探親時眼見內地親人因國家發展之利收了一大筆賣地費生活大大改善…國家真的那麼差嗎？好像不是…所有發展追近美國…加上常看不同的媒體，慢慢已經變色了。A只是想當個普通中產，但這一年所發生的事令他覺得生活並不如此簡單。可惜，A對時事政見的了解只是近年才留意，網上新聞/KOL太多太多，分晰不暇…自然亂share不同的post…什麼要立即裝VPN，因為很快你無得上網…而其實澳門不用VPN也可以上Facebook及YouTube，但最可悲的是掌管香港Facebook的是上海人，之前的改名、近日的delete post其實也沒用。但A不會知道。所以最常share新聞的是他，又慌張的亦是他。而面對B的狂轟…自然無力還擊… 至於C，一個生於斯長於斯的香港人，說不上最窮的，也說不上中產…有一間公屋也感滿足。分晰力比A好，衝得比A前，因為他沒有退的餘地…沒有BNO…也沒有能力移民…所以，只可以努力繼續對抗到底…但他也慢慢無力了… C望著whatsapp group，突然收到A的訊息：「 B係咪shot咗，佢爆9我都無用架，要爆要鬧應該搞到香港咁差嘅人。」 同時，B慣whatsapp 他：「A到依家都唔明？就係呢班左膠大中華膠阻住曬，佢要做中國人我唔阻佢，但唔好扮要做香港人。除非香港獨立，否則係無真香港人，只有中國香港人。」 C無言。再收到女朋友的msg：「我係外國嘅阿姨問…想唔想走…佢可以伸請我地過去幫佢地打工…」 如果你係C，會點應A、B及女朋友？ #攝時間劇場 #香港日常 #政治 #新 #三民主義 #移民 #順民 #難民 #繼續五大 #還是另謀出路 #大家會點揀