不只要做關鍵少數 經常聽到呼籲居英香港人多參與政治，呢一點非常贊成。但請勿將呢回事口號化，什麼「關鍵小數」或者「最終爭取乜乜物物」。恕我坦誠些少，所有華人响英國嘅人口，都多唔過蘇格蘭人，蘇格蘭民族黨係咪關鍵小數？唔只添㗎，係議會第三大黨。聽過威爾斯民族黨未？Cornwall英格蘭原居民之一（Cornish）嘅獨立運動呢？650個選區，東南西北嘅文化、種族、歷史、當地政局、選舉制度、勢力分布搞清楚未？（自問蠢，用咗四年幾都未搞清楚晒）。 小學生寫我的志願係志氣嘅表現，但點樣達成先係最重要，我份人就比較貪心，黎咗就係英國人，我唔希望香港人做什麼少數，要做就要做到完完整整咁融入社會，有能力令英國本地人支持，一代做唔到就兩代，兩代唔得就三代，有大志啲唔該，麻煩睇下當今外交大臣、內政大臣同財相係咩族裔。 不過咁，首先要有自知，明白自己係小學生，莫講話大學，距離中學畢業都仲有好遠。耐唔耐留意下英國嘅班政治人物嘅手段，講完志願請踏實啲學，唔好再得把口，嗌完爽。而我只係得一個腦一對手，可以分享嘅就盡做，唔敢話啱晒（有時可能錯，垃圾K乜OL咪盡信），大家參考下好喇。 Patreon原文： 下議院前議長加入工黨，英國政黨政治之複雜 https://bit.ly/3gTCFO4 #OrderOrderOoorder 報導： 《The Guardian》John Bercow defects to Labour with withering attack on Johnson https://www.theguardian.com/politics/2021/jun/19/john-bercow-defects-to-labour-with-withering-attack-on-johnson *********************************** 每日更新乞兒兜Patreon： https://www.patreon.com/goodbyehkhellouk MeWe：https://mewe.com/p/goodbyehkhellouk Twitter：@ByeHKHiUK IG：@goodbyehkhellouk 最近更新： 下議院前議長加入工黨，英國政黨政治之複雜 https://bit.ly/3gTCFO4 香港文學特輯 (1)：韓麗珠《半蝕》 https://bit.ly/35T3Tzn 講中了...又如何？ https://bit.ly/2UgwhIR 本來被已被遺忘嘅"Keep Calm and Carry On" https://bit.ly/35wKKCX ***********************************

好似好無聊嘅倫敦市長候選人 英國選舉當中，近幾十年响每次重要選區嘅議席上面，大家都可能發現一啲著住奇裝異服嘅候選人，佢地連報名參與嘅名都係以卡通或者科幻角色人物。當然會有人覺得佢地係無聊，或者只係玩嘢自娛。今次倫敦市長候選人之一，Count Binface（垃圾筒伯爵）就係其中一例子。 無論Lord Buckethead或者Count Binface也好，面對戴卓爾、John Major、Theresa May或者肥波呢啲重量級政治對手，當然連𠝹票嘅能力都唔會有，最叻嗰次都係得二百幾票，但係咪真係咁無聊呢？ 睇完Jonathan Harvey以Count Binface嘅身份接受嘅訪問，可以睇得出英國民主制度嘅量度同政治幽默感。 "I believe that there’s a place for humour in democratic politics, and nobody does this better than the United Kingdom. It’s weirdly wonderful that in 2021, while freedoms are being curtailed elsewhere in the world, in the UK it’s still possible for an idiot with a Ceefax fixation to stand for election." （我相信幽默感响民主政治裡面有一定嘅位置，而呢方面，世上無一個地方可以比英國可以做得更好。當自由响好多地方被削弱嘅時候，英國仍然可以容許一個對八九十年代電視字幕資訊執迷嘅白痴參選，所以去到2021年係都值得感恩。） Patreon原文： 倫敦市長候選人Count Binface（垃圾筒伯爵）嘅政治智慧 https://bit.ly/3uv3Wfd #呢個幽默感好貴 #九成攞唔返嘅一萬鎊按金 #有啲原則總要有人堅持 #哪怕好似好無聊 報導： 《Big Issue》Count Binface: ‘My joke mayor bid has power main parties could only wish for’ https://www.bigissue.com/opinion/count-binface-my-joke-mayor-bid-has-power-main-parties-could-only-wish-for/ *************************************** 每日更新乞兒兜Patreon： https://www.patreon.com/goodbyehkhellouk MeWe：https://mewe.com/p/goodbyehkhellouk Twitter：@ByeHKHiUK IG：@goodbyehkhellouk 最近更新： 倫敦市長候選人Count Binface（垃圾筒伯爵）嘅政治智慧 https://bit.ly/3uv3Wfd 英國派海軍「解決」法國漁業爭議 https://bit.ly/2PTp1kx 記者「被倫敦市長放飛機」個人睇法，講完就算 https://bit.ly/3nS14GO 哥倫比亞反政府示威，疫情下世界不穩嘅開端 https://bit.ly/3ehenxa 唯一一個下議院補選地區，「紅區」Hastlepool保衛戰 https://bit.ly/3gYJPCd ***************************************

2021年Local Election，咩黎㗎？ 睇到好多啱啱黎到英國嘅朋友响黎緊5月6號嘅Local Election選民登記，唔打算批評或者恥笑任何睇法，反而想認真咁講解下Local Election嘅性質，英國地區議會嘅組成、職責同權限。 英國嘅地方議會選舉（Local Election），顧名思義就係比選民挑選自己所住區域嘅地區議員。全個英國嘅地方議會因為結構、權力或者任期唔同，主要分為四大區域，英格蘭、蘇格蘭、威爾斯、北愛爾蘭。北愛爾蘭响1922就擁有自己嘅議會，而响1999年，英國議會下放部份權力比蘇格蘭同威爾斯，呢三個議會負責分配整個地區嘅教育、醫療衛生、民生等等事務，因為歷史同文化背景，呢三個議會當然會牽涉比較多權力以外嘅國內政治議題例如蘇格蘭獨立公投或者北愛同愛爾蘭邊界問題。 英格蘭本身有339地區議會，根據唔同地方同人口結構細分為25郡議會（County Council上級議會），部份郡再分配地區事務比188個分區（District Council下級議會）。36都會市議會（Metropolitan Borough），32個倫敦市議會（London Borough）同56個單一區議會（Unitary authority）。 上面所講嘅裡面超過20,000個上下級議員同24個直選市長，而大倫敦（Greater London，即係倫敦中心區域）就會有個叫London Assembly（25個成員）嘅民選機構負責制衡倫敦市長嘅權力同決策。 因為任期唔同嘅關系，所以今年嘅Local Election並唔係每個區嘅國民都有份參與，只係上年疫情將部份選舉推到今年，令今次Local Election嘅規模比平時大。當中包括蘇格蘭同威爾斯議會，英格蘭143個Council議會（大概4,600個議員），13個直選市長（包括倫敦市長同London Assembly）同埋39個警務專員（分配同審視地區警務資源）。因為Hartlepool選區下議院議員辭職，今次選舉仲包括呢區嘅補選。 Local Council嘅職責主要係以下呢啲：長者同殘疾人士嘅看護，學生交通，社區設施，區內垃圾處理，餐廳食店衛生，食品安全，地區建設批核，道路管理維修，推廣本地文化旅遊等等。每個區嘅財政來源有大概一半係來自英國政府，而另一半就係靠本地稅收，即係Council Tax同Rates... Patreon原文： 一程飛機即時擁有嘅民主，2021 Local Election係咩黎？ https://bit.ly/3s9uj8z #藍紅黃是政見 #選舉制度是常識 #帶著XX去YY 如有任何問題，可以睇下《BBC》嘅幾個Simple Guide： Local elections 2021: A really simple guide https://www.bbc.co.uk/news/uk-politics-56286643 Local elections 2021: A simple guide to English council elections https://www.bbc.co.uk/news/uk-politics-56562354 Scottish Parliament election 2021: A really simple guide https://www.bbc.co.uk/news/uk-scotland-scotland-politics-54825291 Wales elections 2021: A simple guide https://www.bbc.co.uk/news/uk-wales-politics-56414481 *************************************** 每日更新乞兒兜Patreon： https://www.patreon.com/goodbyehkhellouk MeWe：https://mewe.com/p/goodbyehkhellouk Twitter：@ByeHKHiUK IG：@goodbyehkhellouk 📣最近更新： 一程飛機即時擁有嘅民主，2021 Local Election係咩黎？ https://bit.ly/3s9uj8z 拗到永遠嘅English Tea落奶先後問題，可以同硬水有關 https://bit.ly/2PTJGVB 英式狠辣言論嘅代表，菲臘親王語錄 https://bit.ly/3mGSUjV 北愛暴力衝突再重現嘅原因 https://bit.ly/3dM1gTt ***************************************