《情陷夜中環 - 煮題》

留住你一晚是運氣，留住你一世是學問，談戀愛如是，開餐廳亦如是。

曾經有個朋友的餐廳快將開業，嚷著要我去幫襯。

餐廳開業前不久的一個晚上，跟這個朋友在另一家餐廳吃飯，飯後甜點是糯米糍。

「好食喎，」他說，「係咩味呢？」

是開玩笑還是說真的，如此明顯的菠蘿香味也嚐不出來？

「黃黃哋色，係咪芒果，」原來他真的嚐不出來。連芒果和鳳梨都分不出來的食癡 (白癡個癡) 開餐廳，有人願意開盤的話，一定賭佢一年內執笠。

好彩冇賭，結果十二個半月後才結業。

沒有人說「識食」是一位餐廳老闆必須擁有的條件，但 common sense 真是萬萬不能缺少。

雄心壯志是應該有的，卻不能被雄心壯志矇住了視線，餐飲戰場上滿佈的屍骸是對任何一位準餐廳老闆的警惕；扣埋人工唔使蝕已經好叻，有幾多人投資了七位數字做飲食，最後二十萬賣得番出去已經開心到笑淚縱橫。

有位居於香港的台灣富豪是一家高檔飲食集團的主要股東之一，他曾經說，餐廳要做得住，先要做對市場，而要做對市場，便要做對主題。

來自什麼什麼國家的米芝蓮級大廚或品牌是主題，拉麵牛腩麵車仔麵冰室茶餐廳珍珠奶茶等等等等又是主題。

做哪個主題才好？富豪說，「做自己人生的主題。」

受教了。

有些餐廳老闆的人生主題，叫「重生」。

瑪利曼中學出產過很多女神，廚神卻沒有幾個，這位叫 Tiffany 的女生可能是唯一一人。

灣仔的 Jean May 在疫情下誕生，賣的是講心多過講金的 casual dining，但端上餐枱的菜色是馬會 Derby Room 都被比下去的星級水準；想在 Jean May 訂枱食飯，最快要等到今年九月。

很多傳媒都報導過，主廚 Tiffany 曾經在投資銀行高薪厚職，但就是因為腦內生了一個血管瘤，所以醒覺到不能一生做不喜歡的事，於是毅然轉行做廚師。

坐在距離廚房最近的位置，可以一邊享受美食，一邊望著這位 Tiffany 全情投入工作。看著她笑著慢煮鴨胸的樣子，不由妒忌起來——上天給予一個人最大的禮物，或許就是一個令你醒又唔會令你死的血管瘤了。

又有些餐廳老闆的人生主題，叫「自虐」。

富二代搞餐廳應該怎樣搞的？應該像某家小姐那樣，在什麼地方代理一個牛肉麵回來，在銅鑼灣租個靚位，在朋友圈中碌盡人情卡叫人過來光顧拍照，然後便沒有然後，好好好得閒嗰陣先落去兜個圈浦下頭。

同樣是在銅鑼灣的一家餐廳，這位富二代擺出的是另一種姿態。

有次跟朋友求其在銅鑼灣選了一個叫 Moo Moo+ 的地方喝酒，坐底不久，「呯」的一聲，有客人不小心摔跌了玻璃杯，一地碎片。有個 waiter 拿起了掃把準備收拾之際，一位身穿白恤衫的男生對那位 waiter 說：「你去落單，等我執。」

高大靚仔不在話下，還要渾身書卷氣，掃起地來竟然技巧純熟。「嘩，」我的朋友覺得這位年輕人面熟，「條友做兼職做到嚟呢度？我喺觀塘個 food hall 食晏成日見到佢㗎。」

之後才發現，原來觀塘的 food hall 和銅鑼灣這家餐廳都是他開的店；再經查證，這位叫 Wilson 的，其家族是某位行家的大客，身家數以十億計。

係咪癲咗，富二代喺餐廳掃玻璃碎。

滿身銅臭的我，自然不會放過任何一個巴結富二代的機會。「你咁有米，攞間 franchise 返嚟做仲好玩啦。」

他笑得很迷人，語氣卻非常認真：「香港人應該做番香港人嘅 brand 嘛，有一日外國人問番香港人攞個 franchise 嚟做，你話幾威。」

還有些餐廳老闆的人生主題，叫「唯美」。

為同事慶生，餐廳我都選好了，壽星女卻問大家：「你哋介唔介意去旺角？」MK 是香港的一部份，當然願意到極點。

去到餐廳，打扮得一身仙氣的壽星女坐立不安似的；舉頭的時候左望右望，低頭的時候那濃濃的睫毛則在微微閃跳，明顯在等待什麼。

其實餐廳在太子，但看得出老闆還是竭力地希望擠出一些 MK 的味道，但 MK 得來又有點王家衛的 2046，牆上懸著的霓虹燈字體好像在某個失落的時空似曾相識；每一寸空間都有玩味，每一個細節都想吸睛，老闆應該是個唯美主義者。

餐廳的名字是張國榮的一首歌名——「芳華絕代」。

「喂，生日快樂。」突然有位長得像中田英壽的男生在壽星女的肩膊上拍了一下，她緊張的門牙幾乎把沙嗲的竹籤都要切斷了。

原來他就是芳華絕代的老闆，原來他就是那位唯美主義者，原來他就是她一直在等的人。

他叫 Norman。

還有更多「原來」。

原來 Norman 是港大畢業的 architect，原來餐廳由他負責設計。

原來同事與 Norman 在港大認識，原來同事一直暗戀他 (這個是我猜的)。

「係呀，我哋嗰陣好有緣，」Norman 回憶著，「大家唔同 faculty，但我成日都見到佢。」

「你成日見到佢，」我看透世事了，「咪即係佢成日吊住你尾囉。」

話音剛落，壽星女在枱底狠狠的踩了我一腳，眼神仍然帶著仙氣。

然後，有另一股仙氣突然飄了過來，有對白滑的玉手繞在 Norman 的肩膊上。同事看到這個女的，極度不自然的 hi 了一句；這一句 hi，像一壺滾水倒進冰桶內，響起了噼哩啪啦的碎裂之聲，應該是心碎的回音。

故事最後的「原來」，是原來 Norman 有女朋友。

自虐、重生、唯美，其實是人生一步一步的必經階段，希望最終可以做到芳華絕代。

所謂「芳華絕代」，就如黃偉文寫的歌詞一樣。

「顛倒眾生，吹灰不費，」人只要有自己的主題，就算再微不足道，都可以「艷與天齊」。

今次與另一位部落客朋友YFL，擔任D100電台節目「來自星星美食」的嘉賓，當晚大家都沒事做，不如一起吃晚飯，節目主持人陳兄，提議去小店，尤其是黃店。

在數碼港乘搭970巴士，去到太子下車，左轉界限街，一見到「芳華絕代」四個字，我就想起這間餐廳的老闆，是否梅艷芳的歌迷？

傍晚六時一刻，我們膽粗粗walk-in，幸好有位，平時晚上經過，見到有不少人在等候，始終這間是黃店，光顧的應該大部份是同路人；擺在門口的光復香港，時代革命的模型，藍絲見狀可能會掉頭走。

Fong Waa Parlour 芳華絕代

.
其實唔止食咗咁少野，不過嗰日太攰同唔太方便搬嚟搬去，所以得幾張相🤣請見諒💛同埋呢個post想分享下近排foodie界既所見所聞，所以可能長少少🤏🏻

呢間 #黃店 夜晚9點都勁多人排🤯好受歡迎！不過都可能因為佢有酒飲又收得夜，好多人收咗工都約啲friends嚟飲野。

佢夜晚有個二人套餐，有湯、有餸、有主菜、有小食、有野飲😨全部都好好食不在話下，知唔知重點係咩？係埋單只係300幾🤯😱真係好抵食！最驚喜係佢碟雞，起初以為只會係啲雞既散件，點知嚟到係例牌嚟架大佬🤯🤯老細你點賺錢架🥺

呢度有上下兩層，座位之間都算寬闊架👍🏻店員好有禮貌同好熱心，但又唔會煩住你好似想你快啲走咁，屬「可以大大力懲罰」系列。

====================
以下係我近排喺foodie界既所見所聞(勿對號入座)。

相信好多foodie同我一樣，近排都unfol甚至report咗好多自稱「黃」既foodie。有咩觸發我寫篇野呢？都係託前日有位foodie喺story話我侮辱佢既福。事源係一位我follow開既「黃」foodie（久唔久post文宣、tag下黃色經濟圈），接咗喜茶既試食（我都唔怕講啦，其實通常接呢啲飲品類既試食，個budget都係好少，認真有時搭車出去都佔咗一半試食budget😂），然後夜晚去黃店食野，喺story度tag黃色經濟圈，跟住我同其他foodie去佢個喜茶post到留言話藍店不了、食哂兩家茶禮不了，點知佢轉過頭半個鐘都冇就delete咗我同另一個foodie既comment，仲話我侮辱佢。簡單啲講令我最嬲既就係：朝早喜茶，夜晚黃店，仲話我侮辱佢。

我知我無權管人食乜，但作為一個都叫做對個社群有少許影響力既foodie，一個自稱黃既人，食哂兩家茶禮真係好咩？如果我話我黃，然後朝早食富臨、去元朗摘士多啤梨，夜晚喺story係咁二tag返黃色經濟圈，咁我算唔算黃呢？我對唔對得住過去八個月死咗同被捕既手足？我對唔對得住由盛夏走到寒冬，再走到ChineseVirus既香港人？我對唔對得住要通宵達旦出街排隊同上網24小時捕住口罩開賣既香港人？

定我係利用緊「黃」呢個身分象徵去引人注目呢？呢個現像其實唔只出現喺一個foodie身上，好多好多我以前follow開、我曾經欣賞過、傾過計既foodie都變哂節，佢地好多變咗KOL之後（得罪講句：唔知憑咩⋯），乜Job都接，不分藍紅黃，只要係一個少少既賺錢機會，可以免費食免費攞product，佢地都接。最可笑係仲有好多人like同comment佢地啲post，我唔知嗰啲人係搏曝光率定咩啦，我唔下定論。但你地，身為自稱「黃」既版主，走去食紅店，仲要連少少批評都接受唔到，走去delete人地comment，話人侮辱你，我想問你個良心同良知去咗邊？

你地知唔知好多黃店喺出面掙扎緊？知唔知前幾日有黃店老闆跳樓死咗？知唔知好多香港人仍然喺背後默默付出緊自己既時間、心血、金錢喺呢場運動上？大佬呀，唔係tag一tag黃色經濟圈，然後轉過頭又背道而馳就叫黃架，我寧願你唔好tag，唔好侮辱黃色經濟圈呢個term。唔係有大件事發生、有手足俾人打到骨折、爆哂缸，然後上story post返一兩句「好嬲呀🤬」、「有冇人性架😭」就係黃架。正因為你地有影響力，你地更應該企定，更應該為其他新既foodie同你地既followers做個榜樣，唔係食完兩家茶禮仲話人侮辱你，講到自己好似受害者咁，要講慘？你拍馬都追唔上。

當然都好感恩一個food page令我分清咗邊啲係同路人💛大家要繼續一齊努力推多啲黃店俾香港人知，同時要防止偽黃foodie利用黃色經濟圈。

我的follower🙏🏼就請你地花少少時間unfol啲偽黃foodie（例如睇下佢出黃店既頻率、黃story既活躍度、有冇大眾點評/ 小紅書account、有冇接藍紅店試食等等），至於report與否，就睇大家做化了💛🇭🇰。

•••~•••~•••~•••~•••~•••
💸~$370
🔅8 out of 10
📍芳華絕代
旺角界限街36號1-2樓
.
.
.
#jcfnfyellow_旺角 #jcfnf_旺角 #jcfnf_香港

#黃色經濟圈 #chicken #tumyum #thaifood #foodie #foodblogger #spicy #mongkok #drinks #dinner @ Fong Waa Parlour 芳華絕代

我終於剪好新片啦！唔好意思又深夜放毒~~~上星期到了中環Holly Brown食lunch!好正呀！?

其實呢間Holly Brown最近有個朵好響叫做「國泰專門店」，又有好多人叫佢做「空姐Cafe」，因為之前國泰遣散左大批嘅空勤，Holly Brown 嘅老闆預咗蝕錢都堅持請咗好多國泰嘅前空勤，呢啲咁有良心嘅餐廳?超級值得我哋去支持?

其實講真我本以為佢哋係咖啡好飲，但估唔到佢嘅食物質素咁高質！當然佢哋嘅服務態度都係相當殷勤親切嘅，可能好多都係國泰前空勤訓練有素☺️我知道佢哋除咗中環之外，響荔枝角D2 Place都有分店，一間咁有良心同埋高質嘅餐廳絕對值得我哋去支持下佢哋吖呀！??

Holly Brown
地址：
- 中環士丹利街22號地下
- 荔枝角長順街15號D2 Place二期地下1號舖

__________________________________________
■其他良心餐廳推介■：
⊿私心推介旺角超正宵夜!!招牌燒烤車仔麵小食全部都好正｜旺角88
https://youtu.be/xOaQtTVlBU0
⊿試食大渣哥茶記-好很藍食系列｜同正貨有什麼分別?
https://youtu.be/c2FI2kNU1uI
⊿生日懲罰黃店｜旺角高質型格泰國餐廳｜芳華絕代｜性價比高CHILL住打咭勝地
https://youtu.be/zfGlaAun3Yw
⊿燒山開的堅石燒究竟堅唔堅?生日懲罸黃店｜食肉獸至愛
https://youtu.be/ZUJKsGfeB3c
⊿今次吃貨要食100粒魚蛋燒賣｜渣哥一九九六｜良心食店｜懲罰黃店系列
https://youtu.be/5P93ZuqcUbo
⊿生日特別企劃～大胃吃貨為自己慶祝生日!一次過懲罸幾間黃店｜HAPPY BIRTHDAY TO ME！｜利口福快餐店｜合發茶餐廳｜開心餅店
https://youtu.be/qULyBxpplkk
⊿元朗超高質西餐和美味章魚小丸子｜一次懲罸2間黃店｜1523釗級廚房｜麴町
https://youtu.be/LZknKubbaS8
⊿一次過懲罰了2間尖沙咀黃店｜嘉寶漢堡｜光榮冰室｜食了超級正雞堡和巨型奄列
https://youtu.be/WWlMbfSfGz8
⊿吃貨去了懲罰一間良心地道台式餐廳，之後去食埋良心糖水～太滿足太飽了｜六両三｜糖水雄
https://youtu.be/UMY_5vQij9U
⊿吃貨去了元朗一次過懲罰三間良心小店｜水門泰式海南雞飯｜清玉台式飲品｜其奧花生糖
https://youtu.be/5qOXSvNuxQs
⊿吃貨要挑戰食車仔麵全餐｜石門良心車仔麵｜上車車仔麵｜懲罸黃店系列
https://youtu.be/jnWRngDUF6k

_________________________________________________
◎Facebook: 為食小樂foodielok
https://www.facebook.com/foodielok
◎IG: Foodie_siulok
https://www.instagram.com/foodie_siulok/