. ********* [Update] 台灣傳聞報道，Bright係道明寺，Win係西門，Dew係花澤類，Nani係美作。BrightWin唔使爭杉菜。 ********* . [泰劇][流星花園] GMMTV將BrightWin熱度再推上高峰嘅5集SP《(Still)2gether》上個星期五已經大結局，接檔嘅《I'm tee. Me too》雖然有GMMTV嘅3大CP同劇演出，但冇得睇BrightWin都係失落嘅…（我鍾意NewTay） 喺今日，GMMTV突然公布佢哋開拍嘅泰版《流星花園》演員名單。一直傳聞有份嘅BrightWin果然喺名單之內🎊 Bright @bbrightvc 演嘅角色叫做Thyme，Win @winmetawin 演嘅角色叫做Kavin。雖然喺角色名上面睇唔出佢哋係做F4嘅邊個角色，但睇Bright嘅一頭曲髮仲有佢個串樣，應該就係道明寺。Win應該係花澤類？又有人估佢係西門，因為西門有戴眼鏡！ 至於泰版杉菜就叫做Gorya，由Tu @tontawan 飾演。另外兩位F4成員由Dew @dew_jsu 、Nani @hirunkit_ 飾演。 2019年10月，GMMTV公布會開拍泰國版《流星花園》，一直到今日先公布演員名單。傳聞話泰國人普遍都覺得台灣男仔好浪漫，原因係受到2001年台灣版嘅《流星花園》所薰陶😂 神尾葉子創作嘅日本漫畫《花樣男子》，由1992年開始連載至2003年。2001年被台灣華視拍成電視劇，台版F4言承旭、周渝民、朱孝天、吳建豪，仲有「雜草般打不死」嘅杉菜大S，紅極一時。（but我鍾意楊丞琳多過杉菜） 2005年，TBS拍成嘅日本版《花樣男子》有松本潤、小栗旬、松田翔太、阿部力、井上真央。2009年KBS拍成嘅韓國版《花樣男子》有李敏鎬、金賢重、金汎、金俊、具惠善。兩套都有好成績，其中李敏鎬仲靠呢套劇彈起，至今繼續穩坐韓劇一線位置。 2018年，台灣版製作人「柴姐」柴智屏再次擔任製作人，開拍大陸版《流星花園》。由沈月、王鶴棣、官鴻、梁靖康、吳希澤主演，喺湖南衛視首播。 #GMMTV #F4Thailand #流星花園 #花樣男子 #BrightWin #方以文 #fem