［1000蚊美金個雪糕，梗係好味，但點解？］朋友兼舊同事LinkedIn睇返嚟嘅故事，作者唔係佢，係另一印度人Rajan Singh（https://bityl.co/3nP0）（＊）。

TLDR：1000蚊個雪糕，梗係好食啦，因為你自製浪漫。但，更高境界，應該係食垃圾都可以當米芝蓮咁食。

1. 作者講返，拿，紐約Serendipity 3呢（＊＊），可以叫個1000蚊美金的雪糕。呢度就收藏住快樂嘅秘密啦！點解？睇落去

2. 食1000蚊美金個雪糕，是好快樂的。但點解咁快樂？1000蚊美金嘅雪糕係咪好食過牛奶公司？咁肯定，但絶對唔會好食幾百倍。固然用料靚啲，你坐在餐廳裝修又靚啲，侍應又靚啲，加埋你仲可以打卡晒命。但，作者話呢度都唔係重點。重點係，好大程度個快樂嚟自你自己，你嘅心靈，你嘅腦袋，自製出嚟的。Mindfulness 呀（＊＊＊），佛教嘢呀。

3. Up乜？做乜1000蚊美金雪糕都關佛教事？佛祖都會食雪糕咩（答案係會嘅，但應該唔係1000蚊美金一個）

4. 你諗下你食平嘢，牛奶公司雪糕（我食緊），點食架呢？咪上住網食，寫住文食，一路玩住電話食，然後諗聽日要返工。買嗰時？去七十一買返10個8個（呢排特價喎），質落個袋度（唔係YUU會員，唔使問）。「真係唔係幾尊重隻牛」。食嗰陣？大大力咁筆，甚至飛埋落枱都有。

5. 但你去食個1000蚊嘅雪糕係點架？嘩，唔同喎。事先已經心中J咗一輪，睇咗一輪歷史。去到正襟危坐，抹乾淨個電話（影相嘛）。食嗰時？嘩，影完相，仲要睇下個色澤，聞兩聞，細細啖先放入口，吞落去時感受下個溫度，感受下佢點在你口中喉嚨中融化（＊＊＊＊），然後奶埋隻羹（一千蚊美金唔係唔奶下話？）。真係每一啖都係工匠精神，黃子華話頭，人地開法拉利，最鍾意塞車，每分鐘都晒緊條命呀。

6. 作者話，拿，呢啲就Mindfulness Eating啦！生活中嘅小確幸呀！（你個小確幸都好貴）。去唔到澳洲咪去澳門再唔係去大澳門，入鹽田梓打卡都等於去瀨戶內海藝術祭呀！

7. 苦樂嘅嘢，在主觀的心呀！不在客觀的事！樓下飲冰室主人都係咁講！

8. 作者亦話，真係架，呢啲只係業障（佢冇用呢個字，我講嘅）。平價十蚊紅酒，倒落支一千蚊嘅靚酒酒樽，飲起上嚟都好high架！（我諗起李兆波，不如拎個星巴克紙盃去裝公司啲即溶咖啡，「然後落樓下星巴克望女」）

9. 真的，如此類推，攬住李嘉誠都當係李嘉欣，攬住鄭欣宜都當係鄭希怡！手痺？it’ nothing！用你嘅意志克服佢。

10. 好似係，除非唔係。

11. 其實背後嘅理念，我係同意兼且明嘅。就係講集中，心無旁騖。真的，食平嘢你真係唔多尊重，一路食一落諗其他嘢。但食貴嘢喎，幾大都只係專注當下啦。每一啖都係錢，每滴水都係道呀。

12. 不過，有冇諗過，「正係因為平價嘢難食，我先要一路諗住其他嘢！」。邊個係因邊個係果？雖然，照計貴嘢，唔會好食到你即時忘記晒所有煩惱—但我估我攬住周迅而唔係他信，應該都十分忘我，唔會諗甚麼其他嘢。

13. 我自己想發表嘅係：over咗了。其實咁玩法先係業障！肯定釋迦牟尼聽到都激到返生呀！

14. 都話本來無一物，何處惹塵埃。要1000蚊美金食個雪糕先mindfulness，就肯定披上袈裟事更多。點解係要裝落個La Fite樽先覺得好飲？

15. 記得睇過《酒佬日記》，成套戲不停Pinot Noir。但我最記得係，最後呀男主角撞到前妻同前妻新老公，仲知道佢大咗肚。男主角大受打擊，開咗佢支珍藏，一支1961嘅 Château Cheval Blanc—但點飲？佢在路邊搵間快餐店，拎個發泡膠杯飲咗佢！唔記得有冇拎嚟送薯條。

16. 嗯，其實我屋企都有支在意大利，摩德納（Modena）酒醋莊買嘅Balsamic vinegar。百年嘢，紅藥水咁細支，千幾兩千銀！香港買就一個開。但我而家都冇用過—照計應該搵次拎嚟點麥當勞薯條。

17. 真的，呢啲咁嘅嘢，適可而止，太多咪係負累。特別係買咗唔捨得食嘅窮撚（即係我），就自尋煩惱啦。埃汾太（八周年！！！）話頭，佢啲名校女生中學冋學，著對Timberland去打波，一個月唔夠著爛就換一對！個Prada袋打波隨手掉落場邊花槽架咋！

18. GS Elevator 話齋，” I don't have an iPhone case. I'm not irresponsible or poor.”， 「有冇聽過洗Chanel衫嘅故事呀？」（https://bityl.co/3rIv）

19. 所以呢，「唔好成日去啲你要睇價錢嘅地方食飯」。要睇價錢，咪即係食唔起咯—當然好多人都Afford到買張頭等機票，但你懂的，唔同嘛。正如亦係GS Elevator 講：No first class selfies.

20. 不過其實，又真係沒有最低，只有更低。我以前以為坐長途商務影相嘅人（例如本人）已經夠low—「但而家啲人係拍片甚至開直播的」
　
最尾先廣告時間，其實我Patreon都有分享呢啲有趣小故事，趁月頭訂抵呀（https://bit.ly/31QmYj7）

（＊）我並不認識Rajan Singh，not even on LinkedIn，但由公開資料睇到，佢在賓洲Wharton讀MBA，做過McKinsey，做過私募基金。而家自己搞咗幾檔嘢，其中一檔教下你淨化心靈呀mindfulness呀Zen呀之類（https://bityl.co/3nPF）。寫啲文都不錯（https://bityl.co/3nPI），可以睇下。另外佢仲有搞啲線上嘅不同活動，好多都免費，「例如齊齊讀書一小時」，反正免費，你冇乜損失。又，都話我唔識佢，梗係冇任何利益。至於我舊同事，返咗孟買年幾，咁我總冇理由叫你「去開孟買搵佢」，所以唔開名。「但如果我去開孟買就會搵佢」，去開的話

（＊＊）明顯我冇去過美國，又冇乜睇美劇。但講開好貴嘅雪糕同漢堡包就有印象。又，原來在東京原宿有分店！嗚，可惜之前唔知。

（＊＊＊）Mindfulness中文叫「正念/靜觀/覺察」，雖然講英文有型好多，而我唔明做乜釋迦牟尼講英文。Mindfulness呢味嘢，近十幾年極商品化，十分搵錢，嗰班友搵到你錢就肯定搵到Mindfulness

（＊＊＊＊）你應該知我諗緊乜

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7

——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010

內容:
*軟件股IPO狂潮
*買平台股好過
*人民幣強勢買咩好?

本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

記者前線紀錄

【今天凌晨，立法會外現場發生的事】

不太安穩地斷斷續續睡了四小時，上班前趁還有記憶，寫下昨晚在現場看到的事。

（註：我跟的路線是立法會＞添馬公園＞中環海濱。另外有更多示威者及記者往灣仔方向，該處的情況、觀察，請見另一同事的記者手記：http://bit.ly/2WuCzoy；另外有關記者被警察阻礙採訪的情況，又請見再另一位同事的手記：http://bit.ly/2K7jja3）

1. 衝突在民陣宣布結束遊行後近兩小時，即凌晨 12 點，開始在立法會煲底發生。前線的示威者是什麼人？多數傳媒純粹籠統地歸納為「一群戴口罩的人」，我的觀察是他們雖然戴上口罩，但裝備很不齊全。口罩是外科那種，無甚作用，只為不被辨識容貌，大部分人連眼罩、雨傘都無。在場遇上一個一直參與這類抗爭的朋友，他說，今次衝撃的人，大部分都沒有什麼章法，另一朋友說，「他們似乎都是前幾年未可以留守的小朋友」，甚至聽到有人說，「六四就話唔關我哋事啫……而家再唔做下嘢就慘過死。」

2. 鬼？經過旺角騷亂後，抗爭成本之重，難道不是很清楚了嗎？我會認為他們更像一群絕望到覺得只能用這類抗爭手法的人。未必因為政府深夜聲明內容太仆街，而是長久以來積累堆壓的絕望。

3. 立法會煲底最初發生的事，由於場地光猛，從直播可以看得一清二楚。示威者立法會示威區的鐵馬疊成一堆，然後嘗試推進。人數約為千幾、二千。警察起初人手不足，只有一條 line 站在立法會玻璃前，其後增援。示威者從添馬公園那端衝，警察用胡椒噴霧，空氣全是那種味道，吸入會咳，會流淚。示威者繼續嘗試，搬花槽，架鐵馬。期間有人掟嘢，水樽，但頻率不高。但每次一有人掟嘢，警察就超兇。不停揮警棍。

4. 雙方來來回回了幾分鐘，由於有同事已在做直播，而我的因訊號問題斷了，我先離開示威區。本來想回立法會大樓替同事拿裝備（他在最前線攝影，無頭盔，無口罩，無眼罩，乜都無），但立法會大樓已封，保安說所有人即使有證件，都不得再進入。

5. 未幾速龍小隊到添美道，近迴旋處位置，感覺他們基本上是聾的（聽不到你在說什麼）、盲的（分不到你是記者還是示威者），總之見人就罵，就趕，作勢要打。一群速龍衝入示威區，封了入口。我只能隔著花槽在外面看。很快所有人就被打被趕被噴（有煙）逐出示威區，在立法會道聚集。過千人。

6. 然後是警方不斷增援。防暴警察，圓盾、長盾。場面平靜了一會，有人在做急救，有人盤膝在防暴警察前的地上，打坐。

7. 龍和道示威者搬鐵馬，架成路障。他們基本上沒有組織，起初搬了幾個，架在近示威區的位置，前方說夠了，後方還是不停繼續搬。也不見有任何人發號施令。

8. 防暴警察行動，衝向路障，將示威者打散成兩批。一批沿龍和道、龍匯道往灣仔方向狂奔，我和另一批示威者則被趕向添馬公園，即中環方向。

9. 一入添馬公園，由於燈光昏暗，也因為之前在這裡發生的事（例如暗角七警），你會開始驚。

10. 警方用盾牌築成一條線，繼續推進。最初說法是不能留在添馬公園，見人就喝：走！唔准留喺度！攝記投訴：你有咩權唔俾我留喺度採訪？警察好像聽不見，繼續喝，繼續趕：記者都要走！唔好影！走！

11. 最癲是警察見什麼人都鬧一餐，示威者當然，記者被罵也習慣，但連唔關事的途人，有些本來在海邊閒聊，有些是夜間工作什麼的（到近碼頭位置），全部被喝被兇（「夜喇，仲唔返屋企！」），簡直是慈母般的關懷。

12. 關於警察的觀察。前線總有一兩個穿白衣的，語氣較友善。但盾牌後總有幾個像情緒有問題，過度亢奮，又過分敏感，不停用警棍指著、斥喝其他人，又用警棍敲打燈柱、盾牌，發出聲響，令你不安。

13. 示威者和記者基本上是不停向後退，到某些位置示威者想守住，會高舉雙手，走慢一點，甚至唔郁。試過喊開路。但走慢一點，就被噴椒。這次我的手沾了，輕微灼痛。

14. 雙方也不時吵架。有警察對著高舉雙手的示威者喊：知你手無寸鐵喇！行啦！咁無辜又戴口罩，唔慌好人啦！示威者被挑釁，情緒更激動：醫院個個都戴口罩啦，佢地唔係好人呀？

15. 由添馬公園到中環海濱那段路，事後睇返，其實得四、五百米，但好像走了好遠好遠，時間好慢好慢。作為做緊直播的記者，你想盡量企前一點，但走到某些窄位，而雙方情緒開始激動時，又好怕自己會被噴中。痛是一件事，直播做不下去也是一件事。

16. 途中也得到一些示威者幫手，差點跌之前輕扶一下，問有無事。尤其是一些收窄的路段，警察繼續往前推，示威者那邊的路既窄了，且又有草叢，推過來好危險。

17. 也不覺得示威者對傳媒有任何不滿，怕篤灰什麼。反而他們更覺得有記者在場更安全。

18. 同行的一個外國行家，一路被推，一邊笑說：this is one of the most weird experience in my life。然後，再笑：I am just kidding。問他從何處來？I am Greek。我想，香港的示威者在他眼中應該沒什麼。

19. 過百個示威者本來還有一點鬥志，會大叫開路，會停留一下，但到近摩天輪，被推了數百米後已開始散。去到一個較空曠的地方（摩天輪前空地），警察改變戰術，前線突然向擴散狂奔，衝向個別示威者，其中一人被按在地上制服，我上前影，又被喝：走！唔好影！走！

20. 轉眼已經到中環碼頭，示威者已意興闌珊，從中環方向走得七七八八。差不多只剩下記者。聽到隔離有線記者做 live 時說：暫時唔知警方想將條防線推到去邊。我深有同感，大佬，呢度已經係中環。往碼頭方向全封。我問警察，其實你想我哋去邊，佢話我都唔知。

21. 所有人都被「兇」走了，包括唔關事的平民百姓。其中一個中年漢，想走到碼頭那邊，警察又鬧：暴動呀，返屋企啦！我以為戒了嚴。

22. 走上往中環碼頭的橋，遇上林彥邦（因我話要幾枝水而被警察搜查背囊，話水都係攻撃性武器，另見報道），以及一件好荒誕的事：橋上只有十餘人，全部是有哂記認的記者。但一排長盾警察繼續向前推進清橋，亦即是無啦啦清記者。而且不是「好啦，走喇」式清場，而是一同大叫、好high咁不停向前進，同時狂呼：行快啲！記者們都沒好氣，往IFC商場後退。

23. 警方清完橋，將防線築在橋的入口。有個樣子好無辜的男人，上前問路：我想坐船返屋企，可以點？警察唔理：冇架喇，呢邊唔行得。男人：但我坐三點船喎！（當時是 02:50）

24. 中環這邊完全平靜，待了一會，我走到干諾道中的麥當勞醫肚。一坐下，發現現場好多都似乎是剛才的示威者，他們有的穿白衣，有的穿黑，都脫下了口罩。共通點是，大家都盯著手機螢幕中灣仔告士打道的直播，人人都憂心忡忡的樣子：Where should I go？Where will Hong Kong go?

（最後一點，我其實很缺乏記錄前線衝突的經驗，傘運時未入行，旺角騷亂碰巧不在。所以昨晚其實一路做，一路有點慌張。不過記者工作就是這樣吧，能夠用這個身分記錄現場的零碎，作為日後歷史的初稿，我認為是幸運的。）

這部會以最快速度上架呦~
https://onlyfans.com/monmon_tw

十月可能會跳槽~到FANSLY

這次挑戰日本復古昭和妝容！看了好多當時美女的照片，發現當時好流行無辜八字眉🥺有夠可愛的～

💙💜❤️💚🧡
理膚寶水/B5彈潤修復精華 (B5小藍瓶)
CATRICE/活潤新生粉底精華 (020)
CATRICE/活潤新生持久遮瑕膏(020)
Ben Nye/蜜粉 Neutral Set
1028/精算師持色細眉筆
GA/奢華絲絨訂製唇萃 (213)
💙💜❤️💚🧡

#復古妝容 #仿妝 #メイク

===========================================
🤦🏼‍♀️混合偏乾肌+超會流汗
👁過敏型超黑眼圈+淚溝
👄乾酸梅貢丸唇
===========================================
來IG找我玩👉https://www.instagram.com/mikichen0928/
合作聯絡 👉anny0928love@gmail.com
記得#訂閱頻道 #打開小鈴鐺！喜歡影片可以按讚👍我會很感謝很開心💕

美食美妝玩具旅遊迷妹什麼都可以～有什麼想看的內容都歡迎留言給我🤘





👇曾經跟沛莉合作過的影片，沒看過也可以看看👇

[仿妝] 唱一首歌變身動力火車 Power Station《當》還珠格格主題曲 Cover By 沛莉＆米米
https://youtu.be/Oi7aQwNgeso

20款彩妝雷品吐槽 [網友來敲門03] | Disappointing Beauty Products | 沛莉 Peri
https://youtu.be/kVkXmjNIk4U




非商業合作影片
This video is not sponsored.

啊其實這支影片年初就拍了😂不過沒關係啦！粉嫩嫩妝容一年四季都適合呀😘
然後我的漫畫進度停滯不動了...因為我是書竣派的嗚嗚嗚
有同樣是書竣派的朋友嗎？舉個手手吧🙋‍♀️

💙💜❤️💚🧡
Deesse / 女神彩色日拋隱形眼鏡 (繆斯金)
點胭脂 / 三仙姑點好緣粉撲
EsteeLauder雅詩蘭黛 / 粉保濕訂製粉底精華
CLIO珂莉奧 / 光感無痕遮瑕蜜
KAIBEAUTY / 藝想調色眼彩盤(格拉斯)
KAIBEAUTY / 無重力飛長睫毛膏
Romand / 霧面唇釉(01&03)
💙💜❤️💚🧡

#女神降臨 #LINEWEBTOON #メイク
===========================================
🤦🏼‍♀️混合偏乾肌+超會流汗
👁過敏型超黑眼圈+淚溝
👄乾酸梅貢丸唇
===========================================
來IG找我玩👉https://www.instagram.com/mikichen0928/
合作聯絡 👉anny0928love@gmail.com
記得#訂閱頻道 #打開小鈴鐺！喜歡影片可以按讚👍我會很感謝很開心💕

美食美妝玩具旅遊迷妹什麼都可以～有什麼想看的內容都歡迎留言給我🤘





👇曾經跟沛莉合作過的影片，沒看過也可以看看👇

[仿妝] 唱一首歌變身動力火車 Power Station《當》還珠格格主題曲 Cover By 沛莉＆米米
https://youtu.be/Oi7aQwNgeso

20款彩妝雷品吐槽 [網友來敲門03] | Disappointing Beauty Products | 沛莉 Peri
https://youtu.be/kVkXmjNIk4U




非商業合作影片
This video is not sponsored.