👰🏻甜蜜倒數102日👱🏻 【有無鍾意啤一啤嘅朋友？揮個手黎睇下👋🏻】 有時真係要留意下餐廳既Facebook 專頁，今次好好彩參加到W.. Burger同Bravo聯合主辦既Tasting Event 總共試左4款手工啤, 夾返唔同味道特性既酒配上4款食物。 ___________________________ 🔹凱撒沙律 \ 燒牛肉沙律 \ 煙三文魚沙律 (三選一) 🔹白騎士比利時小麥白啤酒 White Knight Belgium Wit (Belgian Witbier) . 我揀煙三文魚沙律，配左個日式沙律汁，清清地幾開胃 白騎士聞起黎幾有麥香，飲落口苦味唔重，淡淡地，配埋沙律作為開胃菜相當合適。 而且白騎士呈金黃色，配合煙三文魚沙律，色彩相當豐富。 . 🔹風味雞翼配美國粗薯條 🔹楚歌單一酒花Song of Chu Single Hop(IPA) . 雞翼炸得剛剛好，外面脆脆地，入面重係好有汁，唔會乾爭爭。 . 薯條係好少地方可以食到既粗薯條，呢種薯條同幼薯片最大既分別係餡多好多，薯味十足。 . 楚歌呈深黃色，泡沫持久。好強熱帶水果香味，柚子味突出。雖然好香，但入口明顯較苦，後味有點香氣但還是略苦，而且酒精濃度是較高既7%，岩晒啲飲得之人。 . 🔹煙肉/蘑菇/菠蘿 (三選一) 100g泰式香辣黑毛豬漢堡 🔹020之光 Pride of 020 (IPA) Bravo老板話IPA有個特性，就係同辣好夾，重越辣越夾，所以就同W.. Burger揀左一款微辣既漢堡黎配搭。 IPA 嗰種苦味，新手多數都飲唔慣，但配返個辣漢堡黎食又唔同講法。 . 呢個黑毛豬漢堡塊扒夠晒份量，厚薄又適中，咬感非常之好。 包係脆身，配有爽脆但唔辣既生洋葱，底部放左菜同一啲酸酸地既醬 配搭非常均衡，最犀利係明明個包入面又加左辣醬，又加左酸醬，但都唔會蓋過塊黑毛豬既味道 食完一啖漢堡，口入面味道會好濃厚，會好想飲啖啤酒，呢個時候就係020之光出場既時候啦 . 點解個名叫020? 其實020係廣州長途電話既區碼，020之光就係廣州之光，非常有意思。 聞起黎有明顯既熱帶水果香味，顏色係近似酒瓶既琥珀色，入口有較重啤酒苦味之餘，亦有點微酸。 . 🔹紐約芝士餅 🔹啤咖黃金曼特寧 Pick-up Golden Mandheling (Coffee Porter) 芝士餅就唔多介紹啦，事關平時黎餐廳係無得食既。 但點解今日又會有? 原來飲黑啤最好就係配甜點。呢款黑啤非常特別，佢既咖啡味非常特出，反而酒精感軟弱。 . 顏色偏黑色，燈光下會見到係深粽色，麥香略淡帶點苦，真係以為自己飲緊齋啡，但後味又會走返啲啤酒味出黎，好有趣。 . 食左啖甜甜地既芝士餅再飲，就覺得好似飲緊微糖既淡咖啡，整體比較玩味。 . 📣有興趣試呢幾款手工啤既朋友可以去返W.. Burger 或者 去Bravo IG @bravobrewing留意返！ ________________________________ 💡💡小知識:💡💡 Q：手工啤與一般啤酒的分別? A：兩者雖然都用麥、啤酒花、酵母及水來釀製，但手工啤只用純正大麥小麥，不像普通啤酒為壓低成本而加入粟米，又會講究啤酒花品種及新鮮度，酵母會自家培養，過程中不添加促進劑防腐劑澄清劑等化學原料，務求釀製出獨家味道。 Q：手工啤酒價格較貴? A：手工啤酒每瓶平均五六十元，因為手工啤酒廠大都維持古法製作，用的新鮮材料，釀造時間又比大量生產既啤酒長兩三倍，慢慢發酵，產量稀少，兩者味道有明顯差距。 Q：乜野係IPA A：IPA係一款好有名既手工啤，好似latte咁，一聽就知係咖啡。全寫係India Pale Ale，直譯「印度淡色艾爾啤酒」 IPA的特色在於使用大量的啤酒花，酒花香濃郁並有著較重的苦味，但習慣左個苦味的話，就會注意到層次豐富、濃郁的啤酒花香。 ____________________ Bravo 係2016年喺廣州發跡既品牌，專攻精釀啤酒，已經研發左大約十款手工啤。暫時成功申請到4款黎香港，今晚可以一次過試晒佢! . W.. Burger樺得園曾經做過美食車賣"黯然銷魂漢堡"，一個鐘就賣晒50個包，食物水準相當有保証。 ____________________ W Burger 樺得園 📍九龍城南角道5號地舖 ⏰12:00 - 16:30/18:30 - 23:00 📞23828010 _________________________________ 更多同區美食👉🏻 #chihuo九龍城 更多同類美食 👉🏻#chihuo西餐 _________________________________ #chihuocouple #吃貨#九龍城美食 #foodporn#hkfood#foodstagrm#hkeats#foodshare#delicious#hkfoodlover#foodphotographer#instafood#hkig#foodblogger#hkfoodies#foodies#fotdhkig#delish#vscofood#vscofoodie#love#instagood#photooftheday#相機食先#wburger #樺得園 #手工啤酒 #bravo