♥️ #相機食在旺角 🍾 《$1食海膽三文魚子吞拿魚蓉手卷😍😍😍》 旺角新開嘅鮨店藤𝘚𝘶𝘴𝘩𝘪 𝘛é𝘯𝘨 @sushiteng_hk ，店內全部都係吧枱，可以睇到師傅手勢😉不過店內只有大概10個座位，而且不設預訂，要食嘅話有機會要等一陣😌當日我6:30𝘱𝘮到都要等位，可見小店人氣十足 🔥 💕藤 & 𝓣𝓮𝓷𝓰 ($328) 超靚嘅壽司set🤩 擺咗八貫壽司，一款御料理，吸物及兩款甜品！野菜豆乳湯用上北海道豆乳、野菜同洋蔥熬成，入口鮮甜充滿奶香，好飲😋 壽司係師傅發辦，舍利飯用上赤醋，捏得緊緻唔鬆散，入口又唔會太實🍣 8款壽司入面主要係魚類，有淡身魚、有魚味比較濃郁嘅，亦有油份比較豐盈嘅，仲有火炙系列，對鍾意食魚嘅我來講係大滿足😇 拖羅油份豐腴，柔軟無筋；火炙金目鯛肉質彈性有嚼勁；火炙左口魚邊逼出油香，入口即溶；深海池魚魚味濃郁，口感細緻；唯一係海膽有少許出水情況，雖然用上日本海膽，但鮮甜度一般🤨熟食有慢煮八爪魚，八爪魚慢煮後肉質軟腍而不韌🐙 兩款甜品都賣相吸引，櫻花水玄餅晶瑩滑溜，加入食用櫻花，配以黑糖，精緻又香甜🌸 熊仔餅配紅豆蓉超級可愛，不過熊仔餅就比較淋唔夠脆，有改善空間🐻 除咗Set之外，亦有壽司及丼飯散點🥰 ♦️三文魚子軍艦（$38@） ♦️活赤貝壽司（$48@） ♦️火炙銀鱈魚壽司（$48@） ♦️自製玉子燒（$28/2件） ♦️明太子雞翼（$28/2件） ♦️火炙魚生丼（$78） 活赤貝好新鮮，肉質爽彈，鮮味十足😚 火炙銀鱈魚好肥美，火炙後帶豐潤魚油香🐟 玉子燒雖然比較細件，但甜甜地帶蛋香，都值得一試🍳 火炙魚生丼好抵食，有火炙三文魚兩切、火炙左口魚邊兩切、北海道帶子兩切及油甘魚兩切，刺身擺滿一碗，用料高質😆 重點來了🎏 我哋嗰日去咁啱做緊$1優惠，只要消費滿$80，加$1就可以加配吞拿魚蓉三文魚籽海膽壽司😱我哋點咗2份😂 雖然只係$1，但用料絕無將貨就價，師傅一樣係落足料！三重鮮味，正😉 整體食物質素唔錯，性價比頗高，店員服務都有禮周到，不時主動斟茶🍵 當晚師傅馬不停蹄，未有同食客太多交流，但如果可略為介紹食材名稱及講解食壽司嘅先後次序就更好啦😗 . . . . . #hk #hkdaily #hkfoodie #美食 #hkfoodie #food #hkfood #hkig#sharefood #foodiehk #香港小店 #手機食先 #cafehopping #打卡餐廳 #日式料理 #香港美食 #omakase #japanesefood #香港打卡 #hkcouples #sushi #japanesefood #晚餐 #日本菜 #sushilovers #油麻地美食 #旺角美食 #廚師發辦 #壽司 #慶祝