【 體多啲•識多啲 X 運動社會學】 🏆歐國盃，一個搞👤，定一齊搞🫂?

【‘Sports Mega-events’ 大型運動項目】⁣

大型活動有三個主要特質 (Roche, 2000)：⁣
1. Dramatic character 戲劇性特質 🎭
2. Mass popular appeal 吸引大量群眾🏟️
3. International significance 擁有國際重要性🌎

Roche 亦提出，在社會學中，大型活動在現代社會中是多元化 (multidimensional)、 閾限(liminal)、劃時代 (landmark) 的。

—————————

【一齊攪歐國盃🍻】

即使受疫情影響，歐國盃都能夠喺2021年舉辦，相信好多球迷都好興奮有波睇。但大家又知唔知道呢個世界第三大體育盛事，喺60年嚟第一次由11個城市一齊舉辦，參賽隊伍更由16隊增至24隊! UEFA 話採用呢個模式可以將比賽帶得更貼近球迷，所以可以令更多人投入喺 Sporting Mega Event (SME)。

不過，呢個決定亦都可以歸因於運動專業化同商業化，令SMEs 嘅開支同規模加大，從而令國家對SMEs 嘅主辦權嘅興趣減少，SMEs 嘅模式可能亦要因此而轉變。

呢一種舉辦大型體育賽事嘅模式喺前所未見，亦都極巨爭議性。所以全世界都好關注協辦大型體育賽事究竟行唔行得通。

—————————

【協辦歐國盃嘅好處💰】

因為所有賽事都能夠喺現存場館舉行，去中心化嘅舉辦模式能夠減輕單個舉辦城市嘅財政壓力，減低國家財政負擔。國家唔需要動用資金去建造新場館，減少大白象工程嘅出現。一直以來，舉辦SMEs 往往都會引起大量市民不滿，因為市民會認為政府應該解決民生問題，而唔喺用喺舉辦大型賽事。而去中心化嘅舉辦模式就能大大減輕開支，另市民對SMEs 無咁反感。

其次，基於SMEs 規模龐大，所以往往都由國力強勁嘅國家舉辦。協辦就可以令小國都參與到舉辦比賽嘅過程，透過舉辦比賽去展示國家特色。除此之外，國與國之間嘅連繫可以從活動的品牌同官方標誌中顯示，協辦賽事可以建立歐洲人對歐洲嘅身份認同，加強國與國之間嘅連結。

—————————

【協辦歐國盃嘅壞處💣】⁣

首先，比賽氣氛會相應降低。比賽分散舉行會令比球迷入場意欲下降，同時令球員感受不到大型賽事應有氣氛。比利時中場 Kevin De Bruyne 就曾對去中心化嘅舉辦模式進行批評，認為協辦歐國盃令到整件事太過商業化，喺對足球同比賽嘅一種侮辱。

其次，亦會增加交通複雜性。由不同城市協辦歐國盃會增加賽程嘅不確定性，不確定性增加主要歸因於城市與城市間嘅地理距離十分巨大，令到球迷計劃行程時十分困難。而且，歐國盃喺夏季舉行，機票價格上升，從而令球迷開支加大。

===========================⁣=========⁣

💬想體你點諗：唔知大家覺得日後嘅大型運動賽事，諸如奧運同亞運，可唔可由多個一個國家舉辦?

====================================⁣

❤️各位運動人喜歡內容嘅請追蹤、按讚、分享同收藏！

===========================⁣=========⁣

#體多啲識多啲 #歐洲國家盃 #運動社會學 #大型運動項目 #協辦歐國盃 #PEEducation #DSEPE  #文憑試 #補習 #高中體育選修科 #體育人並肩同行

====================================⁣

參考資料📖
Lee Ludvigsen, J. A. (2021). Mega-events, expansion and prospects: Perceptions of Euro 2020 and its 12-country hosting format. Journal of Consumer Culture, 14695405211026045.