新冠肺炎話咁快有一年，在呢幾個月我終於體會到這麼遠那麼近的感覺。

舊年11月昕昕爸爸其中一間工作的學校有老師丈夫確診，繼而個老師中咗，昕昕爸爸決定跟昕昕學校的校長報告，昕昕就自行停課一星期，交咗樽仔驗咗冇事先至返學，果5日昕昕就跟仍在內地的一位同學透過視象形式上堂。

上星期日(10/1)office 同事突然whatsapp通知同層有同事的家人確診，星期二(12/1)那位同事也確診，星期日office 雖然已消毒，但由於同事確診，所以宣佈星期三和星期四休息，由於我跟確診的同事完全零見面，加上我和同部門的同事在隔音房內工作，所以不太擔心，只是星期三早上搵家人代我交樽仔去驗，我自己湊昕昕去學童牙科保健，原來同住大廈或工作地方有人確診都係唔可以入去而需要改期🤦‍♀️🤦‍♀️🤦‍♀️

好在我本身已經計劃帶昕昕去探外公，在吃蛋糕時更甩了第一隻臼齒，去完外公屋順便食雪糕獎勵佢甩牙。星期四網課後去outback午餐。星期四晚已經收到SMS通知檢測結果係陰性😅

星期五高層同事表示確診同事座位最接近的同事驗咗冇事，所以大家可以放心上班，如有擔心可以每星期自行檢測一次。

今日眼見新聞報導疫情又反彈，感覺真係好震撼，我成日以為做足防疫措施就可以減少肺炎的出現，只可惜總有些人冇衛生意識，令肺炎數字反覆，小朋友返實體課程的日子遙遙無期😥

究竟疫情幾時可以完結呢？

#hkblogger #親子blogger #親子日常 #牙科保健 #乳齒脫落 #小學雞 #小二 #COVID19