【Bruno mars -when I was your man】 在網路上聽到有人把歌詞變成女生主觀角度 像是 I should have bought you flowers 改成 You should have bought me flowers 或 take you to every party 改成 take me to every party 雖然她唱得很好聽 但覺得瞬間從淒美的男孩自白 變成千金女的公主病心路歷程🤣🤣🤣 所以還是原版好了🤢

【 因為米津玄師而想看的日劇《離婚活動》】 _ 一直以來，日劇主題曲都是勾起觀眾追劇回憶的重要載體，只要旋律響起，經典畫面就會從腦海中湧出來。隨便舉些例子：會因為小田和正的《突如其來的愛情故事》（ラブ・ストーリーは突然に）而想起《東京愛的故事》（東京ラブストーリー／1991）；久保田利伸的《LA·LA·LA LOVE SONG》令人記得《悠長假期》（ロングバケーション／1996）；聽見宇多田光的《Can You Keep A Secret?》會記起《律政英雄》（HERO／2001）；如喜歡《不自然死因研究所》（アンナチュラル／2018），聽到米津玄師（Hachi）的《Lemon》，總會起雞皮吧？！ _
《Lemon》是Hachi自2012年出道以來，首次獻唱自己創作的日劇主題曲，之後他再為《逆轉大叔》（ノーサイド・ゲーム／2019）和《機動搜查隊404》（MIU404／2020）創作《馬與鹿》（馬と鹿）和《感電》兩首主題曲，憑其悲悽中見硬朗的獨特聲綫令觀眾留下深刻印象，並在YouTube獲得極好的點擊率。 _ 翻查資料，《Lemon》至今的瀏覽率高達6.8億，《馬與鹿》和《感電》則分別累積1.6億和1.5億，亦直接刺激唱片銷量，《Lemon》經日本Billboard認證，2019年這支單曲的實體碟和數碼收費下載銷量為302萬，既是平成時代最後一首300萬歌曲，更是首次有平成出生的歌手創下這個佳績，而收錄上述三首劇集主題曲的大碟《STRAY SHEEP》於2020年8月初推出，首周銷量高達87.9萬張，日本Billboard數字顯示，僅以4個月便售出超過147萬張（Oricon數字156萬張）。 _ 銷售量和點擊率成績斐然，放諸今天的日本市場，金漆招牌的效應下，只要是Hachi就乜都得，加上他的歌曲搶耳度高，很大程度直接增加追劇的意欲，所以早前知道他第四度為TBS日劇、由北川景子和永山瑛太「W主演」的《離婚活動》（リコカツ）唱作主題曲《Pale Blue》，而且是他罕有創作的情歌，很自然會想開劇，看看此曲和劇集能否融為一體。 _ 「リコカツ」是日文「離婚活動」的縮寫，講述在知名時裝雜誌《marie claire mode》擔任編輯的水口咲（北川景子飾），因為一次雪山上遇險，而傾慕成功拯救自己的航空自衛隊成員緒原紘一（永山瑛太飾），經過幾次約會後決定結婚，惟同居後才發現彼此的生活習慣和性格不合，太太素來自由奔放，打扮入時天天轉款，對婚姻有追求，丈夫則十分古板，事事講求規矩，對品味毫不講究，愛情上超笨拙，新婚未幾已決定要「閃分」。坦白講，劇本設計雖有可堪細味之處（尤指職場關係），北川景子的演技也不俗，但故事結構沒突破，看罷兩集已幾乎估到結局會怎樣，有趣是，我竟然花了數天便看到大結局，緊貼日本進度，每逢片尾才播出的《Pale Blue》，或多或少也有其難以抗拒的威力。 _ 《Pale Blue》是一首無法忘記舊情人的自白曲，全長近五分半鐘，有別於前作的格調，從主歌到副歌，推進節奏緩慢，第一次聽的時候，會因為久久未入戲肉和副歌篇幅甚短而覺得有點奇怪。但聽多幾次之後，就會漸漸給它的愈唱愈見激昂的氣氛吸引，不斷翻煲。其中副歌連唱三次「ずっと」（一直）最搶耳，如打針那樣唱進心坎，帶動情緒起伏，正好配合每集劇情尾聲出現的伏綫。《Pale Blue》MV推出三天後（7/6）已突破500萬點擊，截至周一（21/6）下午5時瀏覽量已累積超過1,930萬，並於33個國家的串流歌曲每天排行榜奪冠，而在香港的KKBOX新曲排行榜，它亦連續五天（10-14/6）封王。 _ 有趣的是，這首歌不只有得聽，更有得飲！日前看到插畫師兼YouTuber「咖喱張」 @garycheung 的靚相，知道位於尖沙嘴金巴利道的KR Café @kr_cafe_hk 近日推出以《Pale Blue》為主題的限時打卡活動！於是親身去了那裏一趟，發現店外落地玻璃貼有插畫師 @dont_we_all_love_dresses 以此曲封面作為靈感的插畫，店內則有另一幅酷似Hachi的插畫，旁邊印上《Pale Blue》開首的歌詞「ずっと 恋をしていた」（一直深陷戀愛），老闆更提供限量插畫貼紙和日本扇贈送顧客。至於主角 ── 限時「Pale Blue」特飲，由大阿蘇牛乳製成的奶泡，綴以藍橙糖漿跟泰象梳打水調製的微甜有氣凍飲，降溫之餘，最最最重要當然是將它放在陽光照射下打卡，配合室內天藍色的裝潢和日系陳設，吸Like指數極高。有興趣的讀者緊記活動會在7月11日結束。 _ 去 @kkbox_hk 聽 J-POP熱！ 歌單：https://KKBOXHK.lnk.to/JpopFever _ 《離婚活動》劇照來源：twitter _ （21062021） _ #游大東 #游大東影視筆記 #PaleBlue #米津玄師 #離婚活動 #リコカツ #北川景子 #永山瑛太 #瑛太 #KRCafe #主題打卡 #KKBOXHK #21062021 #日劇 #TBS

#三五成群圍爐廢噏 - #Zip噏劇場 #6月號 《Green Tea 那 Day》第三回 成人話女人鍾意幻想，其實男人何嘗唔係ff嘅生物，只不過女人係拍緊拖胡思亂想，而男人就係拍拖前進入幻愛mode：幻想點樣拖手，點樣first kiss，點樣親熱，點樣同居，用男人嘅主觀鏡頭出發，腦海自制各類愛情片，當然會加入動作元素。而最神奇係幻愛劇本嘅女主角未必係你喜歡緊或者追緊嘅人，有時可能係陌生人，例如坐你對面食緊飯嘅人，又或者搭巴士坐你隔離唔小心瞓著咗挨咗落你膊頭度嘅人。總之ff無界限，想咋嘛，又唔駛過電檢，唔犯法嘅，而我最近套幻愛女主角就係每次都係我隻杯度畫畫嘅咖啡店員 Daisy。 自從係交友app 成功配對之後，我拎住部電話等佢say hi嘅時候，已經由相識相戀諗到好遠，kerryta 首《心野》歌詞嘅情節幻想曬出嚟！不過我一直等一直等...都係無任何反應...呢個app賣點就係一定要女方先開口，如果無回應就會自動unmatch…而過咗24個鐘之後...我同Daisy嘅網上緣份就斷咗... 究竟係佢對我無興趣？ 定係佢已經無玩？ 定係個户口根本唔係佢呢？ 腦入面閃過無限嘅可能性...但我係唔會有答案...望住unmatch嘅畫面，望咗好耐好耐，電源由100%跌到得10%...然後我做咗一樣好傻嘅舉動... 就係打開IG…輸入D...A...I...S...Y… 人肉搜尋Daisy出嚟... 究竟呢個香港有幾多Daisy？我唔知確實數字，我淨係知道我眼前有至少1千個results。原來同樣係叫Daisy，但外貌品味好唔同。我唔知Daisy 有無開IG，而佢嘅IG係咪都係叫Daisy，只係覺得咁樣搵下搵下，就算唔成功，都叫努力過啊。 但另一個念頭就係明明我知佢係邊度返工，點解唔直接同佢打招呼拎對方聯絡，而要係網絡世界上面大海撈針呢？答案其實好簡單：我無膽囉。同埋網絡世界嘅戀愛就係咁，係對方嘅post 同 story 留言，隔空對話就算衰咗都無咁尷尬嘛...而經過無數嘅post，撳走無數個Daisy之後... 我見到一個職業係咖啡師嘅Daisy出咗一個post，寫住：「感謝樹mami，感謝荼毒室，we are not fine but we will be fine！」 Song : #Serrini 《I’m Fine, Thx!》 #greentea那day #下星期一最終回 #一直想寫廣播劇 #但mixing好差 #所以試呢種 #半自白式方法 #再加入近期發生嘅事 #半紀錄半創作 #挑戰大家耳仔 #港台7天工作鄒 #rthk #dj