🏥 這個course照顧一位罹患GPS的阿姨 歷經多日終於脫離呼吸器 但幾天後病情劇降 又重新放回氣管內管 阿姨被插管後一直哭 她寫字表示”我是不是回不了家了” 護士鈴緊握完全不敢鬆手更不敢睡著 醫療有極限 知道自己無法幫阿姨太多 只能多給予身心靈關懷 很多事無法預期 尤其是疾病 從現在開始孝順家人還來的及 行動吧 - 古巴斯捷氏症候群(Goodpasture'ssyndrome，GPS) 罕見的免疫疾病，症狀與肺炎相似，會導致肺出血及腎小球腎炎，主要攻擊腎臟和肺。 全身乏力、消瘦、疲勞、畏寒、發燒等症狀也很常見。通常包括咳血、胸痛、咳嗽，及呼吸困難。腎臟的症狀通常包括血尿、蛋白尿、四肢或面部的水腫、尿毒症以及高血壓。 治療的主要方法是血漿分離置換法(Plasmapheresis)。 幾乎所有患此病的人最終會因後期的腎衰竭或肺出血而死亡。 #加護病房 #大夜人生

【過份緊張】 黃翊 Wong Yik 太太陳存正在囝囝小二時確診患上焦慮抑鬱症，後來更引發腎小球腎炎，當時晚晚失眠，精神狀態極差，吸收不到營養，水腫高峰期達160磅，經常見暈要call 白車。詳文：sundaykiss.com/?p=220278 為兒子重踏舞台 黃翊 ：爸爸是歌手 「我對唱歌一向仲有團小小嘅火，從來都冇熄到。」闊別樂壇20多年的歌手 黃翊 ，早前亮相於TVB 節目《流行經典50強》一鳴驚人，獻唱首本名曲〈最愛的你〉獲網民瘋狂share，紛紛關注 黃翊 多年來的去向。 因為堅守愛情， 黃翊 於90年代初被唱片公司雪藏，當時 黃翊 仍希望靠自己繼續唱，轉到過很多唱片公司自薦，但無人問津，加上長江後浪推前浪，漸漸被人遺忘，出show 價跌至毫無尊嚴，得到前亞視藝人太太陳存正的鼓勵下，把心一橫轉型，轉到市集賣T 恤，之後幫三家姐在大埔街市打理大牌檔，一做十多年。有了穩定的事業， 黃翊 與陳存正組織家庭， 誕下可愛兒子黃睿（Wesley），一家三口紮根大埔，幸福過活。直到近日獲邀復出唱歌得到各方支持，對他來說，最重要是在囝囝面前以歌手身份踏上舞台，令他為爸爸感到驕傲。 黃翊 自言無退出過，只是無人找他工作，他才發展其他事業，十多年後終獲TVB邀請，加上妻兒的鼓勵下決定重踏舞台， 黃翊 形容自己像一把 弓。「我已經將把弓拉好咗，係等發射嗰下，我一綵排就知自己狀態同聲線幾好，好期待快啲踏上舞台唱歌，完全冇怯場、冇腳軟。」 囝囝返學校唱〈最愛的你〉 近日 黃翊 人氣旺盛，吸引不少樂迷前來大牌檔幫襯，黃翊謙稱最近生意「好咗少少」，十多年來他一直堅守大牌檔，逢星期一至日晚市都會坐鎮樓面，絕少放假。「始終自己生意，要親力親為。節目出街後多咗好多人嚟睇我，睇下我呢個黃翊喺舖頭會擺甫士吖？還是真係做嘢！好多人嚟到會同我傾下偈，影下相，我都好開心嘅。」黃翊更經常親自接訂座電話，想聽聽黃翊把聲，打去訂位有機會聽到！ 淡出樂壇後， 黃翊 專心打理大牌檔及照顧妻兒，不再現身幕前唱歌，在家中亦只做一個「浴室歌手」，絕少在妻兒面前唱歌，更從沒有對囝囝提及以前的「威水史」，直至近日才驚悉爸爸曾是一名歌手，興奮到返學校與同學分享。 黃翊 起初仍未能打開心理關口，婉拒了節目編審的邀請，但對方多次游說，加上妻兒鼓勵，終於打動他復出開金口，他坦言最希望在囝囝面前重踏舞台。「佢冇睇過我正式上台唱歌，又覺得爹哋係流嘅，我要證明畀佢睇爹哋係得嘅！同埋佢讀國際學校，唔係好識中文歌，淨係識Justin Bieber嗰啲，依家佢都覺得〈最愛的你〉好聽，有次仲哼起〈最愛的你〉，同學問佢哼緊咩歌，我聽到真係好開心。」 對唱歌仲有團火 黃翊 坦言少唱歌只因沒有工作需要，其實內心一團火從沒有熄滅。「我心裏一向仲有團小小嘅火，從來都冇熄到，我聽到鍾意嘅歌會記低，通常都有少少難度，例如有啲位比較高音，但我唔會喺老婆阿仔面前唱嘈住晒，我會沖涼嗰陣入去嗌下，試下自己個音到唔到。」 太太存存證實老公無講大話，十多年都無聽到老公唱自己的歌，直到《流行經典50強》才第一次聽到。 黃翊 笑言不單止老婆阿仔，連廿多歲的外甥仔都無聽過。「佢哋一向覺得舅父流流哋，直到今次我先認真地喺電視機面前唱歌，佢哋終於覺得原來舅父有啲料到，都好啦！」 繼《流行經典50強》反應熱烈後，獲邀做續集《流行經典50年》的首集嘉賓，再唱多幾首飲歌。如果得到樂迷支持，他會積極考慮開show，再續未圓的夢。「經過今次有人搵番我出嚟唱歌，我團火變大咗，只要開心、舒服、好玩，我會繼續唱好歌俾大家聽。」 黃翊 透露正考慮舉辦小型音樂會，以歌會友，但條件是不能太辛苦之餘，又不能求其唱幾首。「我希望做到好聽、好睇、開心，所以我要諗清諗楚。」 囝囝吹色士風有功架 黃翊 笑言他們一家三口是名副其實的音樂「細」家，太太陳存正是1992年「十九區歌王之王爭霸戰」亞軍而入行，Wesley 的歌唱天份亦遺傳了父母，黃翊讚揚道：「佢聲音、音準、拍子全部都做得唔錯，所以我最近俾佢學多啲音樂嘅嘢。」最近Wesley 主動學習吹色士風，貪其好聽又夠型，「有次喺爸爸朋友嘅party 上聽到人玩saxophone，覺得好聽好型，所以我想試下。」 崇尚自由學習 訪問當日Wesley 滿口英文，但有努力用中文表達自己，而且「鬼仔」口音不多，明顯有下過工夫。正就讀國際學校的Wesley在學校講英文，返家與父母溝通則中英夾雜， 黃翊 與存存正努力與囝囝多講中文，雙語齊俱。 黃翊 兩夫婦坦言不喜歡香港傳統教學方式，對小朋友太辛苦，返足全日學回家仍要面對七八樣功課，他們希望囝囝從輕鬆環境下自由學習，絕不強迫，故選擇供他讀國際學校，寧願自己工作辛苦，都希望囝囝讀得開心。「國際學校嘅學費真係好貴，我要勤力啲，做多啲嘢去供佢讀書。我唔想個仔放學返嚟冇得relax，要即刻做功課做到夜晚10點，冇晒生活。」 讀國際學校亦有利Wesley 將來海外升學，因媽媽持美國護照，Wesley 亦於美國出世，將來或有機會返美國讀書，所以黃翊希望他能說得一口流利英語，「唔想佢去到美國畀人笑。」不過如果囝囝在香港讀得好，又想留低，當然不會捨得讓他離開 太太抗焦慮抑鬱 眼見囝囝健康快樂成長， 黃翊 與存存已心感滿足，一家人簡單生活就是最好。 ●撰文：Ling