【香港學校音樂節】
👏🏼👏🏼兩個寶寶，順利完成 #香港校際音樂節🎹 #鋼琴獨奏
妹妹剛剛升上小一，第一次參加校際音樂節🎵
第一次面對百幾位觀眾，在台上演奏鋼琴🎹

在台上面對咁多家長、學生、評判，媽媽也替您們心跳💓
“I love it...I love on the stage, I love the spotlight...so easy, interesting”
還好，沒有嚇怕您哋，其實只係媽媽驚，佢哋都唔驚😂
比賽一定有壓力，但還是很好的學習丶經驗丶成長❤️

有朋友對我說：
「我個仔同我都唔鍾意上台，好怕上台，呢d唔啱我哋，唔鍾意表演丶比賽...」
「試過上台之前驚到喊，比賽完又喊，我哋唔會再參加比賽啦，我怕傷害到佢弱小的心靈...」
「都唔駛面試丶考學校啦，做乜仲要參加比賽攞獎丶攞證書呀...」

#我想說的其實是
參加興趣班、表演、比賽，從來不是為一張證書丶不是為面試、不是為考學校！
上台、表演、比賽... 緊張、好驚... 好正常😖
面對大場面，小朋友驚，好正常，大人都會驚啦😫
因為驚，因為怕孩子驚到喊，而不敢再讓孩子去表演、比賽...？
係咪最好嘅做法呢？真的為了孩子好？
還是剝奪了孩子嘗試、經驗、學習的機會呢？
我唔得，你唔得，唔代表孩子唔🉐️，要相信孩子有無限潛能

#給幼兒階段和初小的爸爸媽媽們
大人驚、怕、逃避...不敢面對、不去...這個是你的選擇...
或者，在你往後的人生不再需要面對群眾演講、表達、比賽...
但孩子日後還有很多要面對群眾的機會....先不說表演、比賽、做司儀，在工作崗位報告...
知道嗎？在小學、中學、大學的課堂上有數不盡的討論、報告、演說...
現在學期尾的評核，不再只是背背、記記、寫寫...的筆試
同學們都要在台前present其所學，這份演說報告，就如同筆試一樣重要

#哪有天生見慣大場面㗎
以前，我都會覺得小朋友的故事比賽、朗誦比賽、天才表演，小朋友沒有興趣，就不去也罷😂
孩子大了，我才覺醒原來這些看似無聊、只為證書、不是我們玩的、無意義的表演和比賽，其實每一次都是學習和經驗累積的好機會....

哥哥是學校的英文辯論隊，感恩學校給他機會嘗試、學習...
他本來就是一個內斂的怕醜仔，何以他可以在台上能言善辯呢...
我想起他小學一年級時，學校要每位同學上台參加天才表演，我們又沒有什麼才能，可以表演什麼喎？
小朋友笑説上台表演「放屁」，我話好吖，咁你去啦😆乜你可以隨時放屁咩🤣然後，他用手掌丶胳肋底等發出聲響放屁😆😆
我當時覺得你唔知醜🤣你好嘢😆但他回來說同學丶老師睇得好開心，他引到其他人笑聲連連，他也很開心😆很自豪

然後我想，讀書叻唔叻唔緊要，有冇才能表演唔重要，天才表演原來可以咁玩㗎，怪不得你學校出了李克勤、張智霖、梁繼章這些演藝事業的專才...
感恩學校丶老師真的給孩子很多機會，還記得哥哥初小時，有機會和同學們與 李克勤 Hacken Lee在紅館合唱，高年級同學的中西樂團也有機會和師兄克勤演奏，很難🉐️難忘的經驗

說得太遠了，還是這句
#哪有天生的天才 #沒有一朝一夕 #只有年年月月日日的累積
珍惜每次上台表演、比賽的機會，每一次都是戰戰兢兢、失敗、成功的學習機會和經驗累積的好時光

#見慣大場面 相信不會是天生，或有冇咩本事，而是真真正正年年月月日日的累積❤️勇氣、敢嘗試、努力練習、不怕失敗、再接再厲、想辦法改善、一次比一次有經驗有信心....

下次，我想分享一下過程中媽媽如何心理輔導、精神教練、陪伴孩子們表演、出賽，陪他們經歷丶面對丶克服表演和出賽時的緊張❤️

#媽媽辛苦只有媽媽知

😳😳巴黎hea住遊😳😳

⭐️⭐️第四日⭐️⭐️第五日⭐️⭐️第六日⭐️⭐️

⭐️第四日：聖心堂+愛牆

早餐:超市一歐牛角包🍞🍞

話說第四日行程係比較緊張😂😂因為要去聖心堂😂😂

個個都話附近治安差，又有扼錢黨同手繩黨😂所以當日我地都特別小心

係聖心堂上樓梯ge時候就見到手繩黨啦😂不過我地雙手插係胳肋底兼快快行😂😂無人綁我地繩

當日天氣一般般😂😂我地好快參觀完

愛牆係聖心堂附近😳我地影左幾張相就走😂

午餐:BISTROT BEAUBOURG(龐畢度美術館附近)

餐廳唔算特別大，味道正常無咩驚喜😂不過我亂點左個烤雞配薯條先7.9😳好抵食

地址:25 rue Quincampoix, 75004 Paris

之後我地就係附近行下👯👯

途中經過我最愛ge雪糕店Grom😳😳😍😍即刻買一杯😍😍開心果味係我至愛😍😍其實佢係意大利雪糕😂😂

之後去左Cafe Verlet買咖啡豆（羅浮宮附近）😳有人會介紹唔同咖啡豆，唔會太貴😂對咖啡無研究😂純粹買俾人😂☕️☕️

佢有得坐底食野😂😂不過我地就無食

晚餐：Pho 14 (越南河粉)

食左幾日西餐😍😍終於食下亞洲野

一碗大約8,9歐😳😳湯底好味，我飲左好多😂😂整體味道唔錯😳😳有一碟香料豆芽果d俾你加

佢個紅豆冰同糖水都好味又足料😍😍

我地6點幾去到都已經好多人😳😳不過翻桌率好高😳😳

地址：25 rue Quincampoix, 75004 Paris

⭐️第五日：巴黎鐵塔+聖母院+莎士比亞書店

早餐:超市一歐牛角包🍞🍞

一起身就岀發去鐵搭😳😳

去到要過安檢，排隊唔會好耐，唔需要門票（過左安檢，入左去鐵塔底下，如果要上塔再先買飛），不過超級大風😂😂吹到我地死死下😂😂要著多件衫先好去💨💨💨💨💨

午餐：Le Jules Verne （係鐵塔上面）

話說呢間餐廳我地提前成個月訂，餐廳米芝蓮一星而且諗住一路睇風景一路食飯😳😳而且唔洗再另外排隊同買飛上鐵塔，餐廳有獨立電梯

有dress code所以我地當日都著到似返個人😂不過我見有d人都著得好hea😂

三道菜set lunch 105歐😳😳味道係好食ge
，但係唔覺得驚為天人😂😂

首先會送餐前小食😳😳

頭盤揀左鵝肝醬😳😳我覺得配鵝肝醬ge包好好味😂😂鵝肝醬都好味，不過食曬成份有d膩

主菜揀左羊肉😳😳肉質係比較扎實果鍾，味道都唔錯

甜品我揀左梳乎里😂😂超大一個😂😂我完全食唔曬😂😂好浪費

之後再會送小蛋糕同朱古力😂😂我地又係食唔曬😂😂真係好Q飽

再開多左支水每人110歐，無加一😳😳

食完之後佢會問你洗唔洗去外面睇風景😂😂更係要啦大哥😂😂睇完風景返餐廳坐返專屬電梯落地😳😳唔洗排隊😳😳

送上官網俾大家參考：

https://www.lejulesverne-paris.com/en

之後再係附近景下相就去聖母院，好多人，排隊入去參觀條龍好長不過行得好快😳😳

莎士比亞書店都好近就又影下裝B相😳😳本身想食埋中東包不過真係飽到食唔落😂😂

晚餐:Chez PAPA

呢間餐廳係連鎖ge😳😳不過服務好好，侍應會同你推薦或者解釋d餸😳😳而且味道都唔錯，一份主菜大約11,12歐

食飽飽之後去左睇夜晚ge巴黎鐵塔😳😳又係幾靚ge😳😳

呢晚係唯一一晚天黑都仲係街😂😂4月尾9點幾先天黑😂😂我地一般都返左酒店😂😂

⭐️第六日 凡爾賽宮

早餐:終於係早餐店食早餐,就係酒店附近隨便一間😂😂食左個批加杯咖啡，5,6歐😳😳其實都幾好味😂😂坐室外又有種休閒ge感覺

今日就係去凡爾賽宮，之前都擔心擺工會唔會交通唔方便，去到車站發現有好多班車(RER C)，所以無咩影響😳😳

岀左車站跟住人潮行15分鐘左右就到😳😳
宮外排隊ge人好多，買飛同排隊ge地方分開😳😳可以一人排隊一人去買飛，排隊入去大約用左半個鐘

入到去有免費ge導覽耳機攞，不過無廣東話😂
凡爾賽宮入面有好多展品，不過我地咁無文化都係走馬看花😂😂

係凡爾賽宮返巴黎市區ge時候係月台根本分唔清d車ge路線😂我地求其上寫住Paris ge車😂😂😂好彩都返到😂😂😂

午餐/下午茶:三文治係車上食，下午先食ge三文治我都唔知係午餐定下午茶啦😂😂🌯🌮🌯

返到市區之後我地就去超市作最後衝刺，睇下有咩野食手信買🍾🍩🍪🎂🍘🍧🍛🍔🍤🍕

晚餐：Au Pied de Fouet

呢間餐廳細細，家庭式，我地7點左右到無咩人，不過一陣就full曬😳😳巴黎最後一晚都係用油封鴨來結束🍖🍖🍖

一份主菜11，12蚊左右😳😳不過餐廳選擇比較少😳😳味道正常，甜品藍莓批好味😍😍有密麻麻ge藍莓😍😍

入面ge員工都好親切，笑容滿面有個姨姨係咁同我地傾計😳😳我地就用破爛ge英文溝通👯

餐廳ge牆上面貼左好多唔同地方ge紙幣，不過無澳門幣😳😳😳😳我地就俾左一張10蚊佢地貼😳😳😳😳

地址：45 rue de babylone 75007 Paris

巴黎最後一晚😳😳都係hea住過😳😳

近來有些人說, 學校以後用普通話教中文.
這是一個影響甚鉅的建議, 作為中文老師, 我便留上了心, 看看他/她們有何說法.

他/她們認為, 如此可減少用俚語.
所謂俚語, 是指民間非正式且較口語的詞句.
可能有人覺得說話及文章中, 夾雜這些東西很不雅吧.
但是, 廣東話的俚語, 不少卻很有典故.
例如, ‘傾偈’, 源自佛家，「偈」為「偈陀」意思, 是佛經中的用詞，帶訓誨作用。故有’傾佛偈’等語，用在日常談話中，抽去「佛」字，就產生現在常掛口邊的「傾偈」。
不雅嗎? 雅哉.
甚至, 在白話文中, 引用俚語反而更傳神, 也不見得有什麼問題.
例如, 文匯報便曾以 '頂硬上成大狀, 袁國強憶那些年' 為題, 訪問司長.
‘頂硬上’一詞, 不但有歷史意義, 更是今日不少香港人賴以活下去的心聲.

然而, 無論怎樣說, 有些人總是堅持要扼殺廣東話, 然後推行普通話教學.
但是, 普通話的基礎, 是北京話.
北京話中, 不是也有俚語及俗語嗎?
例如, 有一個’牛’字, 北京俚語常用, 解作非常厲害的意思.
文章常有: ‘你小子，別牛!’
人民日報便有一篇評論, 題目是 '最牛站台' 背後的意識缺位.
如果真的用普通話教學, 請問又焉能避免用這些俚語及俗語?
我不明白, 何以有些以廣東話為母語的人, 反會覺廣東話俚語不雅, 卻覺得其他方言的俚語便沒有問題.
說俗一點, 人家放屁時, 我會覺得好鬼臭, 總想快快遠離;
但若是自己放屁, 卻不覺得如何臭…..
可是, 有些人, 總嫌自己的屁臭;
卻拚命去索人家的屁, 認為奇香無比!

又有人認為, 一定要給學生一個語境, 語文才學得好.
語境, 即在其生活環境中, 盡量在讀寫聽說方面都用該語言.
因此, 用普通話上中文堂, 便是締造良好的語境云云.
對此, 我也有保留.
通常, 中小學每天的共有7至8節課, 中文不外佔一兩節課, 有時甚至沒有堂
即使強推中文堂以普通話授課, 充其量也只佔八分之一至二的一天總上課的時間.
只八分之一或二在校時間用普通話, 何謂良好的語境?
以前殖民地時代, 有些英文學校, 除中文堂外, 其他科都是以英語授課.
每天, 八堂中有六至七堂都是用英語教授, 這才是真正的良好語境.
那時候, 中文學校者有之, 英文學校者有之, 各行其是, 家長各取所需.
因此, 學生中文學得好, 英文也學得好.
其實, 學校中的校長及老師, 幹了這麼多年了, 他/她們才真正懂得如何教好學生, 根本不用政府或教育局指手劃腳, 胡亂指揮!
偏偏在上位者, 不懂民情, 動輒指引.
前天兩文三語, 今天國民教育, 明天普教中文!
肉食者鄙.
苦了學生, 也苦了老師!

更有人說, 詩詞文學作品要用普通話讀才對, 才押韻.
因此, 教中文, 要用普通話.
其實, 剛剛相反, 用廣東話誦讀中國文學作品, 才正確.
廣東話源自宋代的官方語言, 其正宗<廣韻>系統即是現在的廣東話！
中國語文中優秀的詩詞都有入聲, 廣東話有入聲, 普通話卻沒有.
因此, 朗讀中國文學, 莫善於用廣東話讀.
這是先天留給我們的優勢, 應好好珍惜!
但有人卻視自己的母語為仇敵, 務必除之而後快, 真的令人不可思議!

最後, 有人說, 中國人, 要學好普通話!
是的, 既然官方語言是普通話, 為方便溝通, 也應該學好.
可是, 畢竟只是官方嘛, 私底下照樣說好母語難道不可以嗎?
我是潮州人, 有時我和媽媽談話, 便用潮州話.
說得親熱, 聽得也愜意.
同樣道理, 大部分香港人的母語是廣東話.
用最熟悉的母語, 和人溝通更易, 學習自也事半功倍.
我經常接觸學生, 他/她們的性情我也算清楚.
若上堂時老師以英文或普通話授課, 學生聽不明白, 為怕樣衰, 大多不了了之, 得過且過, 絕不會舉手發問的.
反之, 用廣東話教, 聽到什麼不明的, 也都不會舉手, 但為了攞彩, 會直截在座位串老師:
‘你講咩呀? 唔明呀!’
教育目的, 就是希望學生吸收;
有最簡單易明的母語不用, 反而用其他語言,
不是很不智嗎?

我們是中國人, 但我們也是香港人.
用廣東話溝通, 天經地義.
在上位的高官呀, 你們也是喝廣東話的奶水長大的, 你們有感恩之情嗎?
口口聲聲說普通話教育語境好, 你們的仔女為何不送進內地讀書留學?
日常生活中, 情急時你會直接說:
‘Oh No, 格肋底今日好痕!’
還是說:
‘糟~糕~, 是日胳肢窩嚴重痕癢不適!’
其實, 普通話和廣東話教中文, 兩者都可以並存.
便由得辦學團體, 老師, 家長及學生去選擇吧.
好的東西, 不用HARD SELL,
人也會趨之若鶩去學好.