雖然這篇股票術語香港鄉民發文沒有被收入到精華區：在股票術語香港這個話題中，我們另外找到其它相關的精選爆讚文章
在 股票術語香港產品中有26篇Facebook貼文，粉絲數超過29萬的網紅壹週刊，也在其Facebook貼文中提到， // 當上市公司把別人的股票當聖誕禮物咁互相交換，我畀個空氣你，你畀支水槍我，我們一齊抬高市場價值，那債務便可默默的種下，要做交易及賣殼時，搬資產則十分方便。// 全文：https://s.nextmag.hk/e/IR6ApQVvgeb ----------------------------...
同時也有1部Youtube影片，追蹤數超過14萬的網紅RagaFinance財經台，也在其Youtube影片中提到，www.RagaFinance.com RagaFinance Facebook: https://www.facebook.com/ragafin/ 《Calvin直播室》眾籌計劃 ? http://patreon.com/calvinchoy ◎◎◎訂閱 ◎◎◎▶Ragazine : ht...
股票術語香港 在 BusinessFocus | 商業、投資、創科平台 Instagram 的最讚貼文
2021-06-03 11:38:53
【@businessfocus.io】加密貨幣市場的瘋狂，日前比特幣再度彈起，重回近40000美元水平。這裡四處都是尋找利潤和刺激的投機者。人人都在尋找下一隻千倍幣，期望一鋪番身。今天將會引述彭博新聞一篇報導分享一群加密貨幣散戶希望投身初創加密貨幣發達的故事。初創加密貨幣發行量集中以及成交量低，不同...
-
股票術語香港 在 RagaFinance財經台 Youtube 的最讚貼文
2020-03-07 22:00:11www.RagaFinance.com
RagaFinance Facebook:
https://www.facebook.com/ragafin/
《Calvin直播室》眾籌計劃 ?
http://patreon.com/calvinchoy
◎◎◎訂閱 ◎◎◎▶Ragazine : https://www.youtube.com/channel/UC5DWcqCjBne2-wRnrjxkuHQ ▶Raga Finance: https://www.youtube.com/c/RagazineFinanceVideo▶Giggs.hk: https://www.youtube.com/channel/UCVZTkv6LM-_xWUM9t-jS5JA
※※※想知道我們每天的動向※※※ ▶Web http://www.ragazine.com.hk/▶
Web http://www.ragafinance.com/
▶
Web http://www.giggs.hk
▶
FB (Ragazine) : https://www.facebook.com/www.ragazine.com.hk/
▶
FB (Raga Finance) : https://www.facebook.com/ragafin/
▶
FB (Giggs,hk) : https://www.facebook.com/www.giggs.hk
▶
IG ( https://www.instagram.com/ragazinehk/
◆◆◆工商聯絡◆◆◆ ▶
E-MAIL : ragazine@ragazine.com.hk
#文錦期權譜 #文錦輝 #文錦道![post-title]()
股票術語香港 在 壹週刊 Facebook 的最佳貼文
// 當上市公司把別人的股票當聖誕禮物咁互相交換，我畀個空氣你，你畀支水槍我，我們一齊抬高市場價值，那債務便可默默的種下，要做交易及賣殼時，搬資產則十分方便。//
全文：https://s.nextmag.hk/e/IR6ApQVvgeb
-----------------------------
💪#和你撐壹仔計劃 每月$300起
https://s.nextmag.hk/e/qvtlf3GXn7
📣 #號召有心人 請香港人睇壹週刊
https://s.nextmag.hk/e/3DCMTtOQr6
-----------------------------
🦠武漢肺炎專頁🦠
緊貼防疫資訊！與你遠離瘟疫 睇清官謊！
https://s.nextmag.hk/e/F2Kry67L03
-----------------------------
🇬🇧英國移民、升學、就業、買樓生活資訊
加入走佬去英國 － BNO 5+1 移民資訊研究所：https://bit.ly/2D9QsjG
-----------------------------
#財經 #壹週刊 #刁佬 #種債
股票術語香港 在 君子馬蘭頭 - Ivan Li 李聲揚 Facebook 的最佳貼文
［恒指執位嘅嘢］好耐冇寫文。話時話，月頭啦，又可以訂Patreon．
TLDR：恒指執位有乜好炒？答案係：冇乜好炒。順帶話埋你聽點解話香港成交低。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月中開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
1. 其實開始整已經估到係無聊嘢，但反正都整完，唔爭在公諸同好。平時呢啲粗重嘢就馬仔（公司啲尊尼亞，唔係馬浚偉）做啦。
2. 恒指國指科指執位喎，哦。但今次十分平淡。固然海底撈打邊爐打到入恒指都夠痴線，但正所謂中國十九幾萬萬同胞，一人打一餐都不得了啦（況且外國都有）。之前我鳩up話遲下 打邊爐股可以成為 餐飲股下面嘅 sub sector，應該真係可以成真，到時可以有火鍋分析員（我以前做過月餅分析員，仲有海南雞飯分析員，同埋賀歲片分析員）（＊）
3. 至於農夫山泉鍾睒睒一度有錢過畢菲特，更加係夠巴閉。而我一路以為叫鍾炎炎或者鍾啖啖。原來讀 閃閃！（普通話就shan shan）
4. 但除此以外，真係冇乜好討論。恒指公司仲要將個乜乜諮詣嘅結果放到今日先玩，更加冇乜嘢好講（又，會唔會有人又話加多幾隻恒指成份股變咗「唔矜貴」「自貶身家」？日經225隻添，標普500隻添，Nasdaq Composite 2500隻添）
5. 原本仲可以講下啲執位，雖然近年我發現只係比啲分析員有功課交下。理論上咪計下有幾多資金出入，然後同個平時成交相比睇下，睇下邊隻異動。但例如上次隻信和83踢走嗰時，咁你知信和明明平時靜過烏蠅（我講隻股票，唔係個商場），但到真係執位嗰日，根本冇見到要質低股價，想低吸都唔得。當時見到係好大成交呀，但全部都盤後對晒，我估盈富一早同啲其他基金講掂數吧？
6. 咁依書直說，照玩一次。首先哥林E，新貴同踢走嘅，睇下佔個指數幾多，官方有畀埋你啦。然後哥林F，睇返有幾多錢追縱每隻指數咯。恒指咪主要盈富基金，但仲有其他被動基金嘅，外國都有嘅。咁總共咪1700億。好多咩？完全唔多，陣間解。國指就仲少，杜魯福啲friend，400億，科指？150億，仍需努力。
7. 計完，E乖F咪有G．知道有幾多資金要追或沽隻嘢咯。咁你再睇埋H，平時有幾多成交（我用咗上星期五）。G/H咪有I，總共啲買賣盤等於平時成交幾多倍。好多倍嘅咪追到/沽到氣咳咯
8. 結果？絶大多數都係1日貨仔都唔夠，見2思遷嘅都冇。呵欠。嗰時信和啲沽盤等於平時9日成交呀（但最後都冇郁到股價）。所以做完真係把托過烏蘭巴托
9. 不過仲可以講兩樣嘢，第一，我係用咗星期五嘅成交。咁不幸/有幸地，星期五係成交好大嘅一個小股災日。咁用返30日甚至90日平均，應該會好好多。點解我唔用？因為，冇在手咯。在家嘛。咁可以返公司再整嘅（仲未Last Day！仲有十日！十日過危情十日！）．但我估分別唔會極大咯，大約普嘩打返，你星期五 3000億成交，咪平時嘅兩三倍？我當你呢堆嘢都係兩三倍，咁哥林I都只係由一日半日，變做兩三日
10. 第二，盈富基金其實完全唔大，應該話，追蹤恒指嘅被動基金，根本唔多。夾埋先220億美金左右。「咁你同我比梗係好多錢」「同我比李嘉誠李嘉欣李家鼎李家超李家仁都好多錢，OK？」。但，你估下有幾多錢追縱美股標普指數？係50000億美金。咁當然美股市值大過港，但，邊有爭咁多倍？220億同50000億比喎，200倍喎
11. 其實睇你點計，但粗略計，紐交所堆嘢，市值23萬億。香港大約4萬億（美金啦），6倍左右咯。你計埋Nasdaq 咪32萬億，8倍。
12. 但仲有一樣嘢，你睇美股成交（紐＋Nasdaq），都係香港15倍咁滯。明顯香港成交係偏少啲，even adjusted for size。術語講就係個換手率低，velocity低。
13. 或者再相比下，你見香港股市同上海差不多大（係呀，定你以為自己好巴閉？），但上海成交係香港三倍。唔止，細過香港股市嘅深圳，成交係香港四倍咁滯。固然有啲產品唔同，冇完全可比性，但比你見到個成交係細的。
14. 點解？除咗因為有唔少股票根本阿公渣住唔會trade，當然就係，印花稅啦。
15. 不過話說回頭，以上呢啲數我只係睇維基百科。2019年，咁近幾個月香港係炒旺咗好多嘅。至少2019年話香港同倫敦日均成交差不多，但今年香港已經係倫敦3-4倍。都幾誇張。但印花稅當然有影響啦，雖然倫敦都有印花稅（唔係你以為邊個發明？）
（＊）我知你問有冇叫雞分析員。一早有啦，肥龍骨精強嘛。咁認真，我仲玩過「KFC全球試爆」，都食過廿幾個國家，比較偏門咪柬埔寨同保加利亞。北韓古巴當然冇，而可惜我去緬甸嗰時都末有KFC。而經過我食咁多地方，講真的，香港必然係最差。尾二應該係韓國。尾三可能大陸或台灣。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
股票術語香港 在 君子馬蘭頭 - Ivan Li 李聲揚 Facebook 的精選貼文
［NetFlix市值一度大過迪士尼，但而家迪士尼拉返開50%，鹿死誰手？］都係半廣告文，但你就咁睇呢篇都學到嘢。唔呃你。當然永冇可能睇一篇文學晒，要不停咁漏嘅。訂嘢啦。（https://bityl.co/4Y0h）
1. Patreon嘅承諾係一個三篇，後期變到一個星期六篇文。但只要有課題我又有時間，仲會有號外。例如呢篇。講迪士尼同 NetFlix（https://bityl.co/5183）
2. 告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）
3. 照舊，畀一個月月費，解鎖晒以前百幾篇文。我知今日12月30號，你訂完月費，1月1 號又再扣。你可以有兩個選擇：第一，訂年費，下次再扣錢係2022年1月1日，你睇足12個月，仲有85折。第二，訂月費，然後下個月PM我回水。咁當然係你下個月仲訂先有啦。
4. 迪士尼係我舊年年尾白紙黑字嘅年度推介，出面啲Seminar都有。剛剛又創新高，但成件事十分唔正常，十分神奇。用睇波嘅術語講，戰果正路，過程唔正路—但亦話畀你知：你要相信企業，而唔係做阿波羅新聞日日估會唔會打仗會唔會政變。
5. 我同事可以作證，舊年寫完迪士尼，我已經有啲保留。因為嗰時啲理由不離係講2019年十大票房佢拎咗七套，套套10億美金。但，喂，反映晒啦。又一教訓：人人都知嘅嘢，對股價係冇乜用嘅。
6. 咁然後，爆疫情，就瀨嘢啦。九成幾公司都大插，迪士尼更加食到應：仲戲院？實情係三重打擊：主題樂園唔開，戲院唔開， ESPN冇波播。死得。公司錄得史上最大季度虧損。但又一教訓：股票睇將來嘛。唔通你又死咬住，公司蝕到仆街呀執笠呀你仆街財演仲叫人買？結果呢？
7. 講返，另一邊箱，迪士尼嘅死敵之一，NetFlix．幾年前我係唔多睇好間公司嘅，當然係睇錯（有幾閒？次次中咩。但我冇叫你去沽空。況且我唔使扑中最勁嘅股票，我跟大市都已經夠）。固然好多人用，呢個人人都知，但當時我質疑嘅係估值，同埋公司點樣無限燒錢，仲有上客已經見頂。同埋技術門檻唔夠高，大公司（主要係迪士尼）可以照抄你，而好多內容係在人地度。
8. 但，疫情幫咗NetFlix三重：首先上咗好多之前唔上嘅客，例如我。另外，低息亦都令NetFlix負債冇人擔心。三來，迪士尼自顧不暇。所以你見NetFlix在疫情中，股價不停創新高。
9. 到有一刻，NetFlix市值甚至大過迪士尼！夠晒劃時代嘅 moment．等於Amazon當年市值超越Walmart，Tesla超越Toyota
10. 但，結果Walmart 有冇死到？冇喎，仲係美國十大市值企業。同樣地，以上種種好多人都知，打後嘅發展先再有趣嘛。
11. 打後半年，你見迪士尼股價低位升一個開。NetFlix就原地踏步。迪士尼市值拉返開，而家高NetFlix 50%左右。
12. 點解會咁？NetFlix方面，出完季度業績，無以為繼了。評論講得好：而家都仲未上NetFlix嘅人，應該係公司永遠拎唔到嘅客（但有例外：我就係12月去台北之前先加入的，但唔好中二病，唔好當自己係常態）
13. 迪士尼方面，個串流平台做得好好，上客極快。特別係迪士尼早排在投資者日公佈啲上客數字後，一日股價就升15%。See？平台固然重要，但你睇嘅係內容。而邊樣先係 scarcity ？有時表面都未必咁易睇到。但而家見到，串流平台嘅技術門檻，冇你想像中咁高。
14. 明顯地迪士尼已經站穩陣腳，呢個大戰去到第二回合。NetFlix憑超強嘅執行力，同埋獨特嘅企業文化，偷襲眾多荷里活公司成功。已經佔咗不少城池，唔會咁易畀人打返落嚟。但同樣地，迪士尼呢啲公司，唔係香港啲媒體咁莫財兼安逸，坐定定畀你劏咩。人地要同股東負責的。企穩陣腳就反擊架啦
15. 之後會點？我大膽估計，鬥而不破。有啲平台好有排他性，NetWork Effect大，例如 Facebook（說好了的MeWe呢？）。但串流平台唔係。我睇嘅係戲，唔係平台，原理同call 的士 叫外賣一樣。我理得你係UBER定熊貓，邊間平我叫邊間，反正我最後係坐車同埋食餐廳。
16. 串流似乎都係咁。之前貼過篇文，Netflix didn’t disrupt Hollywood, Hollywood disrupted Netflix。十分堪玩味。好似蒙古人滿州人入主中原，最後被人同化一樣。
17. 我認為係咁的，幾間公司共存，Netflix咪變到好似傳統荷里活公司咁，一樣自己開戲，要博拎奧斯卡。荷里活又一樣搞串流，你改變我我又改變你。最後大家都差不多。
18. 正如Amazon變成美國第二／三大市值企業，但並冇殺死Walmart，Walmart都仲係美國大十大市值，死嘅係啲中小企。同樣地，Netflix唔會殺死迪士尼，迪士尼亦唔會殺死Netflix — 但細間啲嘅公司，就等賣等執笠啦。拿，舊年我已經寫（https://bityl.co/5188），MGM Lionsgate之類，等賣盤啦。當時當然唔知疫情，但而家就傳MGM要賣盤了，啲占士邦片值錢。但似乎在呢個轉型中被淘汰
19. 講到尾，都係執行力，相信企業。人地CEO拎咁高人工，有原因。你啲廢柴網友梗係覺得人地開會坐冷氣房冇嘢做，唔識拍戲唔識寫code唔識落石屎，但人地就係可以幫股東賺錢，講完。公司係邊個嘅呢？係股東，唔係你啲網友。
20. 你見一個巨浪打嚟，迪士尼一樣可以扭轉乾坤，呢啲咪值錢咯。換著第間咪可能只係講，「冇計呀大勢所趨被時代淘汰了」。就係逆境見真章嘛。
21. 咁當然，不方便嘅真相係，做大事，最緊要都係，銀紙，銀紙，同埋銀紙。點解Amazon 殺唔死 Walmart，NetFlix殺唔死迪士尼？主要都係因為 Walmart同迪士尼十分有錢，冇錢你點請到勁嘅CEO？仲有CEO下面班團隊？做義工？
22. 拿，呢篇導讀長過正文呀，抵支持啦。
23. 正文？我用唔同角度再講一次，仲有圖，仲有以前啲文。睇多次冇蝕底。下篇我就講埋點解阿里巴巴見底。一舊水唔係白收你。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已900人訂！（https://bityl.co/4Y0h）