遲大到嘅完晒實習分享（上）#staycutewardsharing 四月最後兩個星期出咗社康護士實習，嗰兩星期主要去咗一啲好舊嘅公屋單位（樓齡>40年）上門探訪同提供各種護理。例如有啲係上門洗傷口，有啲就可能睇糖尿病控制成點⋯啲case大多數係長者：有獨居嘅，有兩老相依為命嘅，有同仔女同住嘅；有啲長者要獨力肩負照顧身體較弱嘅老伴嘅重擔，有啲就有工人姐姐照顧，都有啲係由同住嘅仔女/孫仔女擔當照顧者嘅角色⋯⋯ 有時見到好多好温馨嘅場面，都會令我覺得「愛呢樣野真係好偉大好靚呀」；但當睇到一啲好悲哀嘅情況，真係有種難以言喻嘅無力感。 仲記得有一日中間有個病人因為有啲突發情況，所以我地留咗喺嗰度特別耐。呢個單位住咗一對公公婆婆，實際年齡我冇睇到file，但目測都七十歲以上。嗰兩星期我地去咗佢地度三次（唔係日日同一個護士上去），主要係幫個婆婆做傷口護理。婆婆有末期肺癌，因為有Pleural effusion （胸腔積液，俗稱肺積水，留言有不專業嘅簡單解釋），佢右邊肋骨下面有條引流管用來定期抽肺水用。姑娘上門主要係洗下條喉仔嘅出口位置，睇下有冇滲，換下紗布咁；另外大髀都有個傷口，要日日上去洗，驚佢發炎。 但呢幾次上門探訪令我比較印象深刻嘅唔係個婆婆，而係個伯伯。 話說婆婆今次出院返屋企，因為肺功能差咗，要開始駁氧氣機聞氧氣，加上精神差咗，活動能力好有限，大部份時間都只係瞓喺木梳化上面。伯伯要肩負照顧婆婆起居飲食嘅重擔，加上要做家務呀清潔屋企呀乜乜乜，言談之間都透露自己好多憂慮同壓力。最深刻係我第一次上去嗰陣，見到伯伯左腳小腿有個傷口，但佢冇用紗布包好，只係用膠紙痴咗個膠匙羹蓋住個傷口。個伯伯可能都知道要俾個傷口抖下氣，所以佢喺個膠匙羹度拮咗好多個窿。雖然有個羮遮住，但都隱約見到傷口邊緣紅紅腫腫咁。問返先知原來伯伯之前淥到隻腳，姑娘上次見到已經好好咁幫佢洗過傷口，蓋返紗布，但伯伯之後都冇特別睇醫生，亦冇好好處理個傷口，只係用返膠匙羹。嗰陣望住伯伯草草處理自己嘅傷口，全神貫注咁睇住姑娘幫婆婆洗傷口，問姑娘好多關於婆婆情況嘅問題，真係感受到佢作為照顧者身上背負緊嘅重量，係重到佢將成副心機擺晒落病重嘅太太身上，連自己都唔係好得閒理。 講返嗰日，我地上到去幫婆婆探熱，額頭探到37.9度，夾個手指發現婆婆血含氧量得88%（已經聞緊3L氧氣）。婆婆個樣抖氣抖得好辛苦，要打側一邊瞓（肺積水嘅常見徵狀）。姑娘見婆婆聞緊氧氣都抖唔到氣，就估都係肺積水嘅問題，但距離下次覆診抽肺水仲有成個幾禮拜，而婆婆嘅情況咁危急需要即時處理，所以姑娘就想說服伯伯即刻call救護車送去急症室。點知伯伯唔肯，佢話婆婆唔想入醫院，又話：「佢上次就係因為入院出返來先搞到宜家咁，本來佢都好地地。」「唔駛去醫院喇，佢一時時架咋，一陣就會冇事架喇⋯」「唔好去醫院啦，我琴晚成晚都冇瞓過覺呀⋯」伯伯不停拒絕，婆婆又話唔要，但睇住佢抖氣愈來愈辛苦，姑娘唯有打俾阿女解釋宜家婆婆嘅情況點解要即刻送院。說服咗好耐，阿女都幫口說服伯伯，最後伯伯先勉強同意。 其實我都好明白點解伯伯咁抗拒送婆婆入院，講真，好多時啲好精靈嘅公公婆婆住得耐病房，都會話「喺呢度冇病都鬱到有病」：喺病房好多時因為安全嘅問題唔可以俾啲行路唔係好叻嘅病人自己落床，加上疫情關係，屋企人想探病都有好多限制。有時啲好精靈嘅住幾日都變咗呆呆地；本身入來已經唔係好精神嘅，就真係會愈瞓愈頹咁⋯ 拿，我唔係話入院係件唔好嘅事，有病痛緊係需要專業嘅治療同護理，只係住院同時難免會影響病人嘅精神同心境。 睇住伯伯話自己前一晚成晚冇瞓，但當救護員上到來送婆婆入院，伯伯都即刻擺低屋企嘅野帶住疲倦嘅身軀跟埋去，中間仲成日諗住屋企有咩未搞掂未做好。我諗起上年我媽半夜好唔舒服，話搭的士去急症室，阿爸就叫我跟埋去。講真，作為阿女我都好擔心，亦都覺得應該陪佢去；但我好記得我嗰日本身來m又唔係幾舒服，十點幾已經諗住瞓覺，點知十一點要出門陪阿媽去急症，仲要知道有排等，嗰下真係好崩潰。心入面覺得我好攰呀，但又會覺得我係應該要陪架喔，唔陪就好似我唔孝順咁⋯最後去到凌晨三點幾阿媽上咗病房，我先攰到嘔白泡地返屋企。所以當我睇到呢個伯伯，我真係好理解佢嘅疲累，都好同情佢嗰種面對婆婆嘅重病無能為力，但又因為背負住責任而唔可以放鬆嘅矛盾同壓力。 待續⋯

好啦我承認，我應該會係個晒B狂魔，希望大家唔好unfollow我😂 #我會盡量克制自己的 #盡量 #俗語有話 情人眼裡出西施 爸媽眼裡可愛B #自己睇自己個B係好靚仔好可愛 #有生過嘅父母先明 Isaac食奶好叻豬，似爸爸食野唔洗人擔心😂亦好訓得似足媽媽，優良傳統呀喂！5磅啦合格架啦，係差條氣唔順囉...仲要聞氧氣，加油仔啦💪🏻 #得啦唔洗講 #Isaac係似屎嫂多D #我開心都黎唔切 #唔似我唔緊要喎 #最緊要靚仔😂

【明周封面故事】小春雞任睇有謀略 黎諾懿趕限期追豬女 黎諾懿 Lokyi Lai 與前港姐 #李潔瑩（Nicole）於一四年結婚，婚後育有一歲多仔仔 #小春雞（#黎峰睿），小春雞的萌爆表情，加上經常做出一些古靈精怪行為，成為網民追捧的小網紅，星味更勝爸爸，難怪令諾懿有點呷醋，直言追蹤他的人根本就是睇仔仔。 原來今個農曆年，是小春雞第一次真正過的新年，因為去年農曆年期間，他因喉喘鳴入院，錯過了首年利市及向長輩拜年的日子，今年諾懿與太太誓要將仔仔打造成唐裝小春雞，向大家拜年。 👪黎諾懿 Lokyi Lai：「以前很多藝人都會收起小朋友，不讓傳媒拍攝，現在科技年代，可以收得多久呢？所以我決定推小春雞出來，等大家睇到唔想睇。」全文：http://bit.ly/2tdLr0J 黎諾懿與太太李潔瑩今年農曆年終於可以帶仔仔小春雞四出拜年。 黎諾懿與前港姐李潔瑩（Nicole）於一四年結婚，婚後育有一歲多仔仔小春雞（黎峰睿），相當可愛，去年因病入院的小春雞錯過農曆年，今年終於可以與家人一起過農曆年，「今年是仔仔第一年正式過農曆年，上年他因為喉喘鳴要住院，這個病是因為病菌攻擊小朋友的喉嚨，令喉嚨突然收縮透不到氣，可能會引致窒息都幾危險。入院期間，因為需要聞氧氣治療，但小朋友又怎會乖乖地去聞，當時我與太太只可以用手夾住他身體，逼他去聞，加上兒子又要抽血，看到都很心痛。」留院期間，諾懿及太太要輪流通宵照顧，體力及精神都累，「簡直變了人乾一樣，當時覺得過不過年其實已沒所謂，最重要可以早日康復。」 病癒後，小春雞活潑生猛，大家經常在諾懿的社交平台見到他的鬼馬行為，而諾懿今年亦訂了一套唐裝衫給他穿著，向長輩拜年，「希望初一可以與媽咪過，初二與岳母過，初三就一如以往入馬場行大運，所以新年前都要小心，仔仔都要乖乖地。」仔仔出世後即成網上紅人，擁有不少追蹤者，令諾懿有點醋意，「現在社交平台追蹤我的人，大部分都不是追蹤我，主要是看他，既然觀眾喜歡看他古靈精怪，我就擺上網給大家睇。以前很多藝人都會收起小朋友，不讓傳媒拍攝，現在科技年代，可以收得多久呢？所以我決定推小春雞出來，等大家睇到唔想睇，傳媒又拍到唔想拍的時候，出街就會比較安全一些，因為大家見多了就沒有神秘感。」 諾懿表示仔仔比較好動，跟他「放電」也令夫妻筋疲力盡，「最難搞就是現在的年紀，因為他比同年紀的BB成熟一點，知道自己需要什麼，會有訴求，而且這個年紀的小朋友需要經常放電，每日都要捉住他是一件很攰的事，現在湊小朋友出街，連吃東西都無味覺，只顧看管他，完全不知自己吃了什麼進肚，總之填飽就算。而且他出世後，我條腰都未好過，長期都受傷，屋企有小朋友都知道，每日抱小朋友上落牀都要彎腰，久而久之真的會勞損，現在連打個呵欠都隨時會弄傷！記得之前很想他快點長大，不想再用手抱，但原來現在識行識走更慘，走來走去，捉都捉不住，都是讓我手抱好了。雖然很累，但都開心，這兩個月我減少了工作陪小朋友，發覺他大得很快，我現在最大希望是他可以有日跟我說：『爸爸我要去廁所！』就代表我不再要換尿片，或者跟我說：『爸爸我想一覺瞓天光！』就代表不用飲夜奶，到時我終於有覺好瞓。」 雖然湊仔辛苦，但二人正努力追個「好」字，「都急呀！反正都攰，不如一次過攰晒算了，雖然條腰搞到硬晒，但都仲搞到，都唔使調理，因為很多人說男人身體愈差，體質就會偏向酸性，生女機會就大，所以根本就不用補身，希望今年可以生個豬女。」諾懿說，本來他一直都想生猴B，怎知等極都等不到好消息，最後生了雞仔小春雞，「我覺得心理壓力會有影響，所以我平常心，時間啱就搞，時間唔啱都無辦法。雖然現在我經常掛在嘴邊都想生多一個女，但如果再生都是仔一樣開心，因為我與太太的原意，是希望他可以有個伴一起成長，我們終有一日會離開，想仔仔將來長大後，有煩惱可以有人分擔，不想仔仔孤單，即使最後都是生仔都無所謂，但就不會再追了。」 黎諾懿香港影迷會 #小春雞 ____________________________ 更多精彩內容，請訂閱 iPad 版明周：http://goo.gl/Ohgkt1 #過肥年 #追豬女 #兩個夠晒數