【龔成問答信箱】（Q22601-Q22620）

Q22601：

龔成老師,剛看完你的書,提及選股市盈率最好於5-20倍之間,但太低反映企業會有什麼問題?例如688如今只有3.7倍市盈率.

龔成老師：

在理論上，低即是平，但你見我定指標在5-20，是一個初步的參考，投資者仍有好多因素要分析，不選5倍以下的原因，是因為「有點過低」，而市場是公平的，當一隻股這樣低，反映佢有幾個可能性：

第一，佢盈利代表性不足。第二，佢之後的盈利有下跌可能，第三，佢的風險較高、或質素較差。

中國海外發展（0688）市盈率低，是因為佢不少盈利都來自物業重估，即是盈利不能反映真正的情況，代表性不足。以長遠來說，這股不是無質素，在發展商來講，不算最強，長遠有平穩增長的能力，前景都可以。

睇翻佢的財務數據，基本上都是正面的，但生意增長力不是好強，見佢過往的生意都只是平穩，而整體都有投資價值的。
可以視這股為平穩型的企業，現價合理。當然中短期可能因樓市一般而股價一般，但長遠，仍是可以的。

------------------------------------------------

Q22602：

阿sir,我見你提到1177，2269又點睇，2269大公司，而且盈利較好？

龔成老師︰

雖然2間同係醫藥企業，但其實2間公司，無論業務和賺錢模式，都係完全不同，不宜直接比較。

中生(1177)已建立一套完整的商業系統，有多個已賺錢的藥品類別。透過營運賺取資金，再開發開藥物去再賺錢。

但由於開發藥物係有風險﹐唔一定成功。如果失敗佢要自行承擔所有相關損失，不過中生(1177)本身已有一定產品收入作後盾。

就算個別研發失敗，造成資金鏈問題的機會唔大。所以，此股擁有的這個營運模式和規模，令到佢持續有盈利增長，係一間唔錯的潛力股企業。

而藥明生物(2269)主要提供有關生物製劑藥物發現、開發與生產服務。

佢涵蓋生物製劑發展過程的所有五個階段，即藥物發現、臨床前開發、早期臨床開發、後期臨床開發及商業化生產。

集團本身唔係賣藥，佢係收錢助人去研發、測試和生產。

其賺錢模式較穏定，加上本身項目又多，可以把失敗風險分散。而且研發成本和風險，有第三方客戶分擔，故因失敗而出現資金鏈問題機會會較少。

此股潛力是有的，因為過往的財務數據的確理想，但現時的估值唔平，這刻投資值博率一般。

不過，這類股好難話現價一定貴，因為佢有好高的增長，只可以話現價唔平，但如果之後有高增長，那就未算太貴。只可以話，如果你真的想投資，小注好了，你要明白業務有不確定性，同時股價會好波動。

------------------------------------------------

Q22603：

龔老師您好～本人今年26歲，留意了您的專頁兩年多的時間，對您的一套投資理念非常認同！未來亦會努力實行以財務自由作目標。

到現時我用了30多萬儲蓄（佔總儲蓄6成）陸陸續續買入了幾隻股票，但可能是經驗不足，有幾隻股票處於負增長階段以及組合有點散，故打算重新部署一下。

持有股票如下：

1. 1928 :29.5買入1200股
2. 66 : 42.5買入1500股
3. 354: 4.06 買入2000股
4. 1211 : 37買入500股

5. 12: 37.5買入1000股
6. 1810: 10買入600股
7. 1830: 2.6買入8000股
8. 2382: 125買入100股

9. 2388: 23.5買入1000股
10. 2013: 13.75買入4000股
11. 788: 1.24買入26000股

想請教一下老師：

1. 現組合太分散了，老師您會建議可賣出那些股票？以便另作較有利的投資。

2. 2013前境如何？可繼續持有、賣出或加注嗎？

3. 海螺水泥及恆基地產那隻更有投資價值？

4. 現仍有大概20萬閒置儲蓄，可如何佈處？

5. 1177中藥6元是否初步進入便宜區間？

問題有點多，希望能得到您的回覆！感謝！

龔成老師︰

我地投資係一個長線計劃，只要你買入股票係有質素，長線都會增長。但中短期難免會有波動，令你出現帳面虧損，但只要佢地本質無受影響﹐照長線持有就可以。

1) 你現有持股，都係有質素和適合你。當中微盟集團（2013）和中國軟件國際(0354)質素係有，但風險性較高，要控制注碼。

由於全部都有質素，不用沽出。但長線計，你要控制組合持股，集中在10隻左右，以便定期審視和管理。

2) 微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這些都是將來發展的大趨勢，從業務潛力上，的確是有的，見佢財務數據的增長都強勁。但在估值上都唔平。

由於佢不確定性高，而你又有一定持貨，故暫時不建議加注。

3) 海螺水泥（0914）有質素，有增長力。

佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。

水泥屬於基礎原材料行業，對建築行業有很高的依賴性，同時亦會與經濟增長速度有較高的相關性，特別與固定資產投資相關。即是說，當中國基建及房產市場不景，水泥行業會比一般行業處較大的不利狀態。

另外，水泥企業在生產過程中，燃料成本佔總生產成本中約佔了超過一半。若能源價格出現較大變動，就會對企業成本造成較大影響。因此，當能源價格出現較大上升時，將引致安徽海螺的成本增加，影響其中毛利。

綜合來講，佢擁有相當規模、生產能力，有一定的質素及賺錢能力，而水泥行業長期將因中國城鎮化以及一帶一路的建設，仍然會增長，但不會像過往般快速，而是進入較平穩的時期，在本質上此企業不差。

現價合理區中間，但要留意盈利有潛在波動。

恒基地產（0012）都有質素，雖然增長力不算好強，但都有平穩增長能力，不差的。

佢始終是香港大型地產發展商之一，雖然賣樓最好賺的年代過去左，但在香港賣樓仍是賺到錢，不錯的。

這股都有質素，單計佢手持農地是全港最多的發展商，就明有一定的價值，當然，農地要發展要好長時間，所以先話這股要好長線。

質素上，其實都好相近。只能說，增長潛力會係海螺水泥（0914）大少少。

4) 由於你已有30萬持貨，這20萬宜暫時儲起，等大市有較明顯回調，才出手。

5) 未算，$6只算係合理區中下部。現價計，都要有較大幅回調，才會到平宜區。

由於中生(1177)係好有質素，好多時都唔會回到平宜區。你無貨，其實現價已可以入首注，之後再慢慢加注就得。

------------------------------------------------

Q22604：

謝謝您之前的幫忙解決問題。我現時有一大難題，不知如何決定，想再次請教您。

因一些家庭原因，我會賣出現有住宅，搬到一個較大單位居住。賣出後連同手上現金有1500萬左右，現有2個方案：

1）勉強可以買入一個800呎單位自住，不過手上就冇多餘現金，不能再製造現金流。而且每月要俾3000元管理費。

2）將1500萬投資，預計有5%收息，將收息嘅錢用來租樓，除交租35,000元外，還有剩錢用來再投資。

因為預期8年後退休，然後在世界各地住一陣時間。所以方案2比較適合我們，因為退休前後改變較少，不用賣入賣出樓宇。

不過方案2要好穩陣，近日見股票起伏大，唔想只投資股票，請問老師有何建議？要求不高，5%已經可以，不過一定要穩陣。

龔成老師︰

首先，你要知道搬到一個較大單位，是一件長時間的事，還是只係未來幾年。到你退休後，較細單位都可以。

如果係後者，你可以先買入一個細單位，最好係適合你地退休後入住。現時先放租，而自住樓就另外找租盤。這樣就可以解決住屋問題之餘，又有錢去做投資。

若是前者，方案2會比較好。雖然方案1，你們可以避免受到長線租金波動的影響，但令你資金盡用，不能作投資增值，始終唔理想。

另外，由於你們退休後，都計劃周遊列國，租屋或者對你們較方便。

只要你明白，租金和投資變幅未必一致，有機會令你租金支出和回報差額收窄，導致退休現金流進一步減少。你覺得可承受這風險，咁就無問題。

假設你用方案2，資金上唔好全部買晒股票，要做一個平衡配置，去分散風險，從而提高你獲得現金流的穏定性。

你可以將這$1500萬，分成5部分。

第一部分投資收息股，你可以建立一個收息股組合，你可考慮港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。

你可以將$1500萬資金，平衡地分配在上述的項目上，對你來說是最好平衡風險，同時有穩定的現金流。

但當然，你現時距離退休尚有好幾年，故不需要咁快將全部資金，放入以上收息資產。你可以先將部份，放係我之前講的平穏增長股，去保持增值。

同時間，開始慢慢用其餘資金，配置上述收息組合，為退休做準備，咁就可以。

但如果你情願穏陣D，收大約5%回報就可以。這樣你直接用資金，配置在上述5個項目，咁就可以。

------------------------------------------------

Q22605：

謝謝龔Sir，其實我只有100股騰訊五萬頭買，因以前從不投資，所以上了你堂後才明白投資重要性，不是炒買，但由於先前看市場消息不夠多功課做不足，

以為五百頭都係合理區，所以不小心早買入了，但一買就大跌所以心理壓力好大,而且買入後一直出的都是中央負面消失，所以分析不到。今天仲大跌得勁，所以

十分恐懼又怕幾年後上不回去那辛苦儲來的錢就好像不見了，所以就更怕好像學習了都錯。剛剛收到你的回覆心情平靜一點否則又高位買貨底位賣出了。

請教一下龔sir如估值減了，它上回5xx不難，但減了不是更便宜，那去返5xx會變貴那市場還願意給回貴價錢？另外想問下如重估值後5xx是否屬於貴或是合理區？

現在這幾天心情反覆不安，所以由你百萬富翁書籍從看，你的書已齊要重看一次了，先前上堂的資料也重看然後發現自己補足價格概念仍很差，但謝謝龔Sir你回覆

龔成老師︰

如果再有政策出台，係有較明顯影響，係重新估值時，有機會令現時合理價，變成平宜。

至於到時會唔會有人，願意用貴價錢去入貨，其實係會有人。特別係大市狂熱時，好多人會不計平貴，盲目追入。

但這都不是重點，重點是我地唔會預測將來走勢，只會用現有客觀資訊，去判斷現時投資決定。

我地睇到騰訊(0700)受中央政策影響，長線風險大左，所以估值都有下調少少，只要不持貨過多，就無問題。

但由於佢長線質素，未受重大影響，所以以你只持有1手投資者而言，只要一直持有就可以。此股依然有增長潛力，長線企業慢慢成長，股價自然會跟隨上升，你唔需要太過擔心。

記住，我地投資要放眼長線。如果你改變唔到個思維，只會一直因為中短期股價波動(但這個情況是必然會出現)，而承受沉重心理壓力。

其實這樣狀態，你係不宜作任何投資。

------------------------------------------------

Q22606：

成哥，以下是我的組合，但情況不是太正面，是否欠缺什麼？

388 @ 230.1 4手 405
1177 @ 7.45 2手
3067 @ 13.21 1 手
9988 @ 236.1 2手

005 @ 70.8 1手 437
576 @ 7.19 2手
788 @ 1.23 1手
941 @ 72.8 1 手
2018 @ 98 2 手

龔成老師︰

你唔好用買入價或帳面賺蝕，作為判斷一隻股票或組合的成敗標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

你現時持股，都係有質素，你照持有就可以。

但你要留意，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你現時港交所(0388)，持股佔組合比重很高，故暫時不要再加注。未來時間，你要透過加大其他股票比重，令佢回復平衡。

------------------------------------------------

Q22607：

成哥，我現有以下股票，請問這幾隻股長遠是向好的嗎？我應該用什麼心態去面對。例如不須理會或平常心？

有以下股票如下：

345維他奶 25.5有10000
1810小米 25.75 有10000
175 吉利 20 有10000
1177中國生物 6.71 有10000

謝謝

龔成老師︰

你現時持有股票，都係有質素和增長力，若你係年青至中年人士，照持有就可以。

近期維他奶(0345)係4隻中下跌較多的一隻，由於之前事件，對佢短期股價一定不利，但長遠，我相信影響又未算核心性，但回勇的路仍長，現時仍要睇事件發展程度，中期的影響，當中仍有未知數，只可以話短期股價上落都大。

長遠來說，佢仍有質素，有品牌、有銷售網絡。

這股可長線的，只要貨不多，可守，但有心理準備中短期弱，要耐心持有。

另外，你上述持股，都好偏重係潛力股類(1810, 0175, 1177)，佢地雖然有增長潛力，同時風險都較高，不宜持有過多。

若你算年青，潛力股最多可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

而且長線計，組合唔好只係得3,4隻股票。你要建立一個多行業，平衡，或適合你年紀的組合。

未來時間，你就要加大翻平穏增長股部份，令組合更平衡。

------------------------------------------------

Q22608：

如每個月供需要幾多錢先可以買入呢隻股

龔sir想問吓有冇啲人係真係以一個普通人玩股票致富,而其實美股同港股邊樣好啲

Sir，本人資金10000$準備開戶口。上次講嘅盈富有留意，但想問吓有冇啲增長速度較快，賺得較多穩陣嘅美股或港股，可能短線投資的！

龔成老師︰

所謂致富，每個人定義都唔同。如果以全球富人排行榜計，巴菲特就係全球最成功，以投資致富的普通人。

而預期未來一段時間，中國和美國會係全球最重要的經濟體系。因此港股和美股，長線都係有投資價值。

以現價計，港股投資值博率，係會比美股高少少。但長線投資價值，2者都係有。

至於增長較快的潛力股係有，但我係唔會做短炒，因為當有有好多不確定性因素，會影響股價，有些因素甚至係與企業本質無關。

只有長線持有，企業質素才會反映在股價當中。就連全球投資最賺錢的巴菲特，都係唔會做短炒，所以你不要持有短炒致富這種想法。

以下是一些適合你的股票，潛力股增長力高，但風險同樣都唔細。以你18歲年紀，長線可佔你組合4-5成。但由於你投資經驗較淺，不宜持有太多，最多2-3成好了。

但由於現時你投資經驗不多，暫時可先月供指數基金。到你有較多資金和經驗，才考慮其他股票。

而現有資金，可現價先入一手盈富。只後再有明顯回調，就再入一手，並長線持有。餘下資金，等大跌市地動用。

------------------------------------------------

Q22609：

我40歲，收入39000， 每月支出費用26000，如果想月供股票作退休收息之用，應該買幾多隻組合。心水2648，3110，6823，2800，各供$1000？定月供三種各供1500

如果再有多啲錢、哪隻可以月供多D

早晨，可以。俾D意見我嗎買哪幾隻月供適合我年紀。另外我應該買哪幾本書學習多啲

龔成老師︰

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

以你40歲年紀，投資著力點，唔應該係收息。而係先用一些有增長力的優質股，去累積一筆財富。到有一定金額時，才將佢地轉換成收息資產，創造稳定現金流，去支援你退休生活。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約4成，視乎你投資經驗多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

書本上，你可以先睇我架《80後百萬富翁》、《財務自由行》和《股票勝經》，都適合初學者。

------------------------------------------------

Q22610：

我睇緊你寫的80後百萬富翁，希望5年能儲到人生的第一個一百萬。我計現金每月儲1萬元，然後月供$2000兩隻股票。

心目中的股票包括小米，比亞廸，騰訊，京東物流等。想問下龔sir 有冇咩意見？

我係年過45的中年婦人，有工作的，月薪$35000左右，要供樓約萬多元。謝謝

龔成老師︰

比亞迪（1211）現價偏貴，最好回到翻D先開始月供，如果你真的好想買，就小小注月供，或考慮月供2845。而京東物流（2618）不確定性都高，唔建議作為月供目標。

而小米(1810)和騰訊(0700)都係可以，但由於佢地係潛力股，有一定風險，以你年紀最多佔組合3-4成好了。

餘下部份，建議用平穏增長股作組合。因此，較理想做法，係在小米(1810)和騰訊(0700)2選1去月供，如果你想2隻潛力股都保留，則每隻各$1000。

之後再加入2隻(各$2000)的平穏增長股，餘下的$4000就儲起，等大跌市才出手入平貨。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

------------------------------------------------

Q22611：

我想問下以我個人為例 我一個人儲到$25000。如果用一半去月供，大約$13000，有冇話一般供幾多隻股票會比較理想？

定係keep住依家果3隻，加大銀碼就可以呢

我心儀係1448 同2382 ，1928 其實係咪應該直接現價買入呢 定做月供會好啲。

我哋想買或租既地區會係大埔，有考慮租或買太和寶雅苑居屋 或者 大埔中心私樓。但比較擔心既係 因為大埔好多樓盤都30年以上

而兩個盤都未做大維修，擔心買左之後 會有一大舊錢要洗 因為維修既錢應該無得預計 （居屋是否都要夾錢維修？ ）

而考慮租買既另一原因係男友 將來有可能排到宿舍 但最快都10年後

真心感謝， 你唔識得我都幫我地咁多 睇你既書同fb 好似做左朋友咁

龔成老師︰

無話供幾多隻才理想，長線計，只要你維持到個組合平衡性，咁就可以。

個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。

另外，你要注意翻，如果供得太多，可能會令你個股月供費用成本好高，影響長線回報。

其實你照每隻供最少$1500左右，應該問題不大。

至於你心儀的股票，福壽園(1448)和金沙(1928)都在合理區，月供和直接分注入貨，都係可以。

而舜宇光學科技（2382）要回D，才算合理區頂，才可以小注入貨。但月供，現時開始都可以。

金額方面，最緊要唔好偏重左任何一隻，咁就無問題。當然，最好加入指數基金就能令組合更加平衡。

居屋和私樓都有要大維修的可能，所以你係買這些樓齡較高物業時，你要了解清楚這大廈的大維修安排。

如果你一心係諗住等宿舍，即係長線無買自住樓的必要。其實現時先租樓，都係可以。

但由於物業都係一種資產，我地成個財富組合，唔可以只係得優質股。所以，你未來累積到較多資金時，可考慮買入收租物業投資，令財富組合更多樣化和平衡。

現時整體租金回報率不高，故不用急於投資物業，可以先以優質股為目標，去提升自己財富。

------------------------------------------------

Q22612：

龔成老師，今日我終於都買了[email protected]

我計算過估值︰
合理PE~16.73-19.63
有代表性eps~2.4
估計疫情後每年10%增長

預期有代表性Eps～2.64
合理區大約$44-$51

如果保守不計eps增長
合理區大約$40-$47

而我的買入價45.9比較以下，計算的價格應該是合理區中或中上，請問小弟的計算對嗎？

想問這輪抗疫措施對0027對中長期有核心影響嗎？

龔成老師︰

銀娛(0027)的長線投資價值無受今次疫情影響。但始終疫情尚未穏定，你預佢長線

你計出的估值，大致都合理，現價大約合理區中下。因此，你買入價係在合理區水平。

你預係大約合理區中下部，此股有質素，可長線持有。

------------------------------------------------

Q22613：

哈囉 我啱啱開始出嚟做野 想開始每個月儲錢作為買樓基金 有睇開你啲盈富月供 但又對呢方面唔識 想你比下意見 長供建行定盈富好

龔成老師︰

策略上，你可以投資「平穏增長股」和「潛力股」，去累積這筆置業資金。你每月5成儲蓄做月供。其餘先儲起，用一邊月供一邊儲蓄的策略。

盈富(2800)和長建(1038)都可以，但前者係58間優質企業的組合，更有效分散風險。如果你不懂選股，可以先全數供盈富。以下係一些適合你的股票，你可以參考下。

選股上，你可以投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

潛力股可選安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。但佢地波動性和風險會較高，你要自己平衡。

由於你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類，或者暫時只供盈富(2800)，都係可以。

到你有一定投資經驗﹐潛力股比重可以相應調高，佔組合約3-5成，視乎你當時投資經驗多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q22614：

龔sir，如果700有機會跌到$400, 我想入1手作長線，那麼在我投資組合裏面「潛力股」的百分比又會再增加。

我日後再入市時，如果集中翻在「平穩增長股」及「收息股」是否可以平衡翻呢？這樣操作是否可以？請指教。謝謝！

龔成老師：

騰訊（0700）在$400，你可買。

你首先要設計好自己的長期「組合%」，如果年輕潛力股比例可較多，年長就收息股比例較多。另外，潛力股風險較高，這點你都要明白

設計好大方向，比例，之後就慢慢作出配置，這刻買入潛力股後，之後買入收息股等，可平衡。

總之，要建立一個「長期」的平衡組合。

------------------------------------------------

Q22615：

龔成老師你好，我同老公係理財方面有較大分歧，所以想請教下你。因為生左小朋友，我哋計劃3年後買樓，預大約買800萬左右既樓，首期預俾2成左右。

但佢呢一年，完全儲唔到錢，將我地的儲蓄計劃搞亂左，佢同我理財概念完全相反。

然後我哋吵大架…想問下我應該點樣去解決呢個僵局？

唔知呢個似感情問題定理財問題多啲，點都好，我以前係覺得係香港買樓係無可能，係你令我知道一步步黎，最終都可以達成目標，令我賺到人生既第一個一百萬，多謝你！

龔成老師︰

出現分歧，係正常事。100種人，就會有100種不同想法，100種不同目標。最重要，我地要"互相"遷就和諒解，才可以一同生活下去。

所以，你們真正背後的問題，有機會不是投資理念上，而是在溝通上。

我建議你地先將自己冷靜下來，之後再找個機會，作理性討論。因為係不理智情況下，只會令你地愈做愈錯。

你地要嘗試令對方明白，自己所想的未來計劃、目標和擔憂。新車已經買左，係一個定局，唔好再浪費心力去諗。

往後的路，依然係可以改變，想一想如何係現有資源，和大家都可接受情況下，繼續向前，才是你們應該做到事。

我明白準備結婚，去成家立室這個階段，係好忙，一定有好多野煩，好多野會不如意。

但這個正是你2口子要上的必修課，你試下放輕個心情，唔好比買樓或者投資問題困死自己。你現在重點，應該係要學習如何2人同步，一齊去走往後的路。

我會建議你地日後，多溝通，定共同目標，例如「如果我地的財富去到XXX水平，就可以買XX當獎勵大家」。

只要係一起走，好多問題都解決得了，加油!

------------------------------------------------

Q22616：

Hello, 想問問少少股市知識

可以這樣假設，只要標指股息率不低於10年期美債孳息率的0.54，美股就有一定吸引力，若然這比率降至0.4或以下，對美股是危險訊號。

觀乎金融海嘯市況最蕭殺時，債息率曾高見4.1厘，而股息率低見1.7厘。

"標指股息率" 係講緊咩同埋邊度搵到?

龔成老師︰

其實可以係其中一個參考，10年期美債孳息率你可以理解為一個無風險利率。而股票股息率，係一個你需要承受一定風險，才可以獲得的回報。

因此，若果你無風險回報，比有風險回報還要高的話，其實係反常，某程度係代表個市大過熱情況。

但我地唔會因為咁樣，就斷言大市已經好危險，純粹只係一個參考訊號。

因為如果企業係賺錢的話，股息會增加，慢慢2者差異又會重回正軌。而且大市熱，唔代表個股係貴，我地一定要獨立分析企業，去得出一個較準備的結論。

------------------------------------------------

Q22617：

龔Sir,我是一個40歲單親母，月入两萬，無資產，每月草一两千（甚至幾百）現只有現金流两萬，請教我可以買D乜？眼看你介绍的，全部都是一手幾萬的，可買不起

龔成老師︰

以你年紀計，投資應以增值為主。但你現時資金不多，我建議你2萬不要動用，用來作生活上應急會較好。

至於每月儲蓄，你都比較少和波動。你要找出一個你覺得每個月都儲到的金額，用佢去做月供指數基金，去累積資產。

你可以去銀行或證券行，開個月供股票戶口，之後每個月定期咁去月供，咁就可以。

同時間，你睇下有無方法開源節流，去提升每月可儲蓄金額，用去月供更多不同股票，令你財富增值能力得以增升。

------------------------------------------------

Q22618：

我想了解下咩係月供股票，因為我岩岩睇到你既po。

我係新手31歲，有2-3萬可用資金！

龔成老師︰

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入某股，假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3年以上，之後持有5年以上。

月供最重要的一點，是「選股」，如果你無選股能力，就投資指數基金。

而財富增值方面，當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時31歲去計，可以投資一些「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

但由於你係新手，我建議先集中係指數基金。餘下資金和另一半儲蓄，我地就等機會，當大市出現較大回調，就加大力度掃貨，然後作長線投資。

------------------------------------------------

Q22619：

龔成老師您好！前两年間中有留意你的專欄，已覚得你的投資概念很好，近来才知道你開了臉書，原来老師那麼年輕，真的是後生可畏！

本人47歲，家庭主婦，與先生大部分在海外生活，没有子女，海外有自置物業(巳供満)，先生还有10年多退休，退休後有年金，

估計可補貼至少—半生活費，他有儲蓄習慣，近来開始投資海外股票市場。

本人因不熟悉海外投資市場，故選擇持續投資港股。幾年前因沒有投資知識將现金集中於收息股，但發觉組合較保守難以増值。

希望老師給予意見如何調動股票以達至最好的增值效果，如賣出那些股票轉其他増值股票。生活負担不重，可承受風險中上。

现金$10萬+保险儲蓄約$20萬

(以下是持有股票的平均買入價)
1)中国銀行(3988) @4.28 /10,000
2)中交建(1800) @10.88/2,000
3)煤氣(03) @14.16/14,000
4)中石油(857) @4.42 /16,000
5)中移動(941) @48/2,000

6)京東健康(6618) @128.5/400
7)招金(1818) @8.0 /2000
8)山東黃金(1787) @13.98/2000
9)鞍鋼(347) @5.12 /4000
10)騰訊(700) @470 /100

老師無私賜教，感激無限！

龔成老師︰

首先，你有一個投資理念很正確，我地永遠只應投資自己了解的股票和市場，這點其實很重要。

以你47歲，都有增值的空間，但選股上會保守少少，主要集中係一些平穏增長型股票。

山東黃金（1787）、招金(1818)、鞍鋼股份（0347）和中石油(0857)都是商品類股票，本身產品無獨特性，價格很受市場影響，故投資價值較中等，不宜持有太多。

中交建(1800)質素只算不過不失，而京東健康(6618) 雖有質素，但不確定性好高，這2隻股票同樣不宜持有太多。

其餘持股，都係有質素，可以長線持有。但煤氣(0003)佔比重太高，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

因此，我建議你沽少少，換至其他優質股，去平衡翻個風險。

現時大市只在合理區，資金不宜盡用。你10萬現金可以先留起，等大跌市才出手。以下是一些適合你的股票，現價合理，你煤氣套現和新資金，都可以以此為投資目標。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。

至於保險，其實你買基本保障就可以。儲蓄保險增長力唔高，不宜投資過多。

以上策略，主要係講你地增值部份。但當你們將正式踏入退休之年，就要進行調整。開始慢慢將手上增長股，換成收息股，透過其派出股息，去支援你退休生活。

------------------------------------------------

Q22620：

老師您好，首先多謝你耐心解答大家問題。想請教投資方法。

本人42歲，月入兩萬幾，有現金90萬，有一層樓值520萬，淨番50萬樓宇按揭就供完。每月可儲6000。

大概持股票市值20萬：包括：

0005匯豐1600股，平均買入價79.9，
1088中國神華500股，平均買入價37.75，
1398工商銀行5000股，平均買入價5.093，
2388中銀香港3000股，平均買入價27.7，
3913合景悠活3000股，平均買入價7.9，
總括黎講共蝕左約9萬。

我投資知識極少，唔識分析股票，“月供股票”都係最近睇你嘅信箱先知有呢樣野。請指教什麼投資股票策略適合我。

另外，我是否應該還清按揭50萬，但現金就得番一半龐身，不過按揭利息唔多，每月千幾蚊。請問我應該點樣善用我現有資源，令自己財務自由，有被動收入，可輕鬆退休？

好同意你話應該長線投資，令財富增長。謝謝指教！

龔成老師︰

首先按揭方面，由於現時市場息口不高，我建議用來投資增值，財富增長效率會較好。

另外，你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你現時持股，都係有質素，可長線持有。但較大問題係你組合中，大部份只係收息股(0005, 1088, 1398)，佢地增長力不高，主要係收下息。

以你年紀都有一定增值需要，未來最好加入一些有增長力股票，去增升翻個財富增值效率。

其次，我發現你好集中係銀行股。記住，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

所以，你暫時唔好再增持銀行股了，到你組合平衡性回復正常，才再考慮。

未來時間，除了90萬現金，你都可以用埋每月儲蓄，去做月供股票，為自己財富增值。

你42歲，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$3000做月供。其餘先儲起，用一邊月供一邊儲蓄的策略。

但由於潛力股有一定風險，你投資知識不高。我建議你先$2000月供指數基金，再$1000供多隻平穏增長股。到你學會更多投資知識和技巧，才好考慮加入潛力股類。

現時大市只是合理區，你現有90萬資金可以先投入20-30萬，用"分注"形式，慢慢買入上述平穏增長股。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

到你累積到一定金額，你就可以將佢地慢慢換成收息資產，透過其產出的現金流，去支持你財務自由後的生活。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q21621-Q21640）

Q21621：

龔Sir, 想請教一下你，我現在持有股票
1801 1000股 89.65入
9992 400股 92入
2125 2000股 10.7入
在這之前我止蝕了1024 300股 300 -> 210

我想全部走曬買入比亞迪股份，咁追會否快D？

謝謝解答

龔成老師：

我地最重要是建立一個長期的「財富組合」，要優質，要平衡，要適合你的年齡與風險承受程度。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你如果集中在比亞迪（1211）就會出現單一風險，加上這股現價貴，這刻買入的值博率唔高。

信達生物（1801）、泡泡瑪特（9992）並不是無質素的，泡泡瑪特由於你在貴的價位買，因此要較耐心先守到，你可以等佢上翻多D，減少少。

至於稻草熊娛樂（2125）本身不差的，但未算好強，雖然有藝人作為主要股東，但不一定對長遠發展有利。同時行業的變化大，不確定性高，未能確定企業好有獨特性。

這股小注投資都可，但又唔太值得佔組合比例太多。

我發現你有3個的核心問題，第一，就是心急，你偏向在貴的價位買入，無耐性去等一個較合理的價，另一個核心因素，就是不懂企業基本的估值，建議你多學習，對你長遠將有好大影響，第三，你無經過嚴緊分析，就好快買入股票，記住，買股票前要做足夠的功課，先可入市。

------------------------------------------------

Q21622：

龔成老師你好, 我是您的讀者, 希望港澳通關後可做您的學生. 有拜讀閣下選股勝經內講述中國電動車的內容,

本來本人對純電動車有一定保留, 因要考慮充電設施是否能真正普及, 所以比較偏向混能車, 近日見比亞廸也推出混能車, 確能填補這方面的需求.

而有關石油方面, 為減少對別國石油的依賴, 本人有設想過中國會否發展生物能源取代石油, 請問閣下對生物能源之類有何看法?

可否跟大家分享一下. 感謝撥冗閣讀本文.

龔成老師︰

我看好比亞迪（1211），主要係佢的電動車部份。在中短期，相信混能車都有一定市場。但長線計，應該會係純電動車為主。

電動車有環保的概念，這點令政府會加以幫助，而市民亦會支持，但其實，電動車真正的價值並非在環保，而是慳錢，用電比起用油平得多，因此只要各種配套都完善，車主沒有理由不選擇電動車。

只要有金錢利益推動，人們的習慣將輕易改變，在70年代的石油問題，完全改變了美國人使用汽車的習慣，由一向追求大汽車的習慣，轉變到鐘情於小排量慳油的日本車，令日本車大舉入侵市場，當其他車廠發覺時已經太遲，最終成就日本車霸主的地位。

雖然將來的油價難以估計，但到經濟好景，各國都大量用油的情況下，石油需求大增，電動車的優勢亦愈來愈明顯。

另外，比亞迪在中國發展電動車，可說是佔盡地利因素，因發展電動車必需要有完善的配套，政府的支持十分重要，另外，若政府肯帶頭使用對推廣很有幫助，現時比亞迪的電動巴士已經行走在中國多地的公路上，由公共交通開始發展，可見政府對電動車是正面及支持的，然而，中國政府在支持電動車背後亦有個重要因素，就是石油。

中國並非產油大國，未來的石油供應難以滿足中國的汽車需求，而發展電動車就成為辦法，同時中國在西藏擁有不少能生產電池的鋰資源，若能用電動車取代傳統燃油車，中國對石油的依賴可減少，對別國的依賴能減少，從整個國家發展的戰略角度分析，中國發展電動車的誘因並不少。

同時，中國是政府主導的國家，要建立配套及支持業界，比資本主義國家更容易（在西方國家，石油業的既得利益者並不希望見到電動車的出現）。

投資中國的企業有一個要點，就是順從中央的方向，這不是指個別一兩個政策，而是一個大方向，因這會對企業的長遠發展有重大的影響。

比亞迪在新能源汽車方面，經過幾年的發展開始有起色，混能車銷情理想，而電動大巴在政府支持下銷量亦理想，而部分歐洲國家亦開始試行比亞迪的電動大巴（這是有利的指標，因歐洲的標準甚高的），雖然只屬起步，但情況不錯。

現時比亞迪的新能源汽車遍佈全球6大洲、多個國家和地區，其中包括美國、德國、 英國、日本等主流汽車強國市場。

所以，我睇好這企業的電動車，但你預不是一兩年就見到收成。

至於中國會否大力發展生物能源，我不排除這個可能性。因為中央政府大方向，係想發展綠色能源，以減少對傳統能源的依賴。

所以生物能源，都有機會成為其中一個發展點。但現時內地，相信依然係光伏和風電，會較為主流。

------------------------------------------------

Q21623：

龔sir 早晨，我睇緊你本80後千萬富翁，講到早日辭職，全力以赴去創富工作。

我情況係我有個興趣，寵物美容，但尼門技術靠一對手，生產力有效，手停口停，所以遲遲都踏吾出步去開始事業。

我可以有咩商業模式靠寵物美容創業，又可以有乘既效果呀？

想睇下你嘅睇法係點

龔成老師︰

寵物市場愈來愈大（因為香港人生育少左，養寵物多左，這是長遠方向）。當然，你要學習多種相關技巧，同時，與寵物相關生意好多。

其實在初期，你未有相關技術和經驗，較難做到「乘」的效果。

但當你有一定技巧，甚至知名度後。你可以從幫人打工，變為發展自己生意。

再慢慢用你經驗，訓練一班技師，為你工作。你的角色，就由一個只有一對手的「生產者」，變成「複製生產者」的人。

到第一間店生意上軌道，你可以將這個成功模式複製，變成多間分店，你就會一步步享受到「乘」的效果。

------------------------------------------------

Q21624：

Hihi 老師請問點睇美股 (已歷史新高), cnooc 883.HK 和 china mobile?

龔成老師︰

美股現價算係合理區頂位置，預期未來一段時間，中國和美國會係全球最重要的經濟體系。因此美股，都有長線投資價值。

如果你想投資美股，但對美股又唔係好認識，你可以先投資係佢的相關ETF。以下2隻股ETF，都係不錯的選擇。

當中，QQQ波動性會較高，要注要風險。

Vanguard標普500指數ETF〈VOO〉，是追蹤標普500指數的ETF。

Invesco QQQ Trust(QQQ) 是追蹤納斯達克100指數。

但由於現價不平，只宜小注，或以月供儲貨都可以。

中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。

雖然佢都有一定的規模及質素，但卻不是最高質素的企業，這是由於佢地的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。現價合理，這類商品企業，都可投資，但就要明白不是最高質的企業。

中移動（0941）有質素的，5G雖然對佢有正面影響，不過，中國政府希望相關費用不會太貴，令資訊流通更好便利，所以，對佢的賺錢能力方面，未必能帶來突破性的增長。

可視佢為收息股，增長力不算強，這股有長線投資價值。現價合理，可分注。

------------------------------------------------

Q21625：

老師，1910最近由過年贏緊2萬幾到而家輸番3千幾，好似變得咁快既

旅遊氣泡出我睇都會好啲，但又一直跌

龔成老師可否指點下

龔成老師︰

新秀麗（1910）本質唔差的，但較受經濟影響。

近期疫情，令市場對其產品需求大幅下降，盈利由2019年賺1.3億，下跌至2020年度虧損12.77億。

就算扣除當中有逾9億的減值虧損，但扣除後都有近4億赤字。

而且，企業近年負債增加得好快，都令佢風險增加左。疫情之前2年，業績盈利都出現下跌，反映佢賺錢減弱，在疫情前已出現。

但這股長期仍是正面的，相信疫情後會轉好。但質素上因負債和賺錢能力減弱，會減左分。

此股投資可以，但若你持資較多，建議減持部份。餘下的部份，可以守。

------------------------------------------------

Q21626：

龔Sir您好！我今年38歲，一家四口，我負責賺錢，月入約$50,000，每月支出$35,000，每月儲蓄約$15,000。手持現金二十萬。

現持有一份儲蓄保單(供十年，年供$40,000，已供五年)；及一份每月派息基金(本金$80,000，每月派$500)。

現並無任何股票投資，近期有意取消派息基金並將$80,000本金買股票。有些問題想請教一下龔Sir，先謝謝您：

1. 如果以$80,000為起步，建議買甚麼股票？1810，3067和2800可以嗎？

2. 708恒大汽車值得買入嗎？

3. 知道龔Sir建議月供股票，但以我所知只有銀行才能月供，而且手續費偏高。如果我能持續地每月以原用作儲蓄的$15,000，透過證券行買入股票，效果是否相近，

對於我這想法龔Sir有何意見？

十分感謝您！

龔成老師︰

1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。

你38歲，應以增值為主，你所講的盈富(2800)、安碩恒生科技(3067)、小米(1810)都係可以。

建議你用「平穏增長股」 + 「潛力股」的組合。現在你每月先用5成儲蓄，即$7500做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

你現時投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

至於餘下的現金(每月儲蓄和8萬)，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

而你本身手持20萬，我建議你作家庭應急資金。因為你家庭收入只是單一來自你本人，風險較高。留有這筆應急錢才投資，會較穏當。

同時間，如果出現大跌市，你都可以動用這筆資金，去掃貨。

2) 恒大汽車（0708）雖然可能有潛力，但風險高，佢資金投入的確強，大力發展新能源車，但這些仍未有賣產品真正的實力，長遠能帶動多少收入，未知。

由於仍有好多未知數，而股價已經大升左好多（比半年前），因此，這刻要自己衡量風險。

可能佢真的有潛力，但連基本的銷售銷售都未有，我地作為投資者，就好難分析，只可以話佢股價會大上大落。

我唔係話佢無投資價值，只係不確定性較高。投資時，必需控制注碼，不能太大注。

3) 其實在證券行和銀行，做月供股票都可以。最重要係比對個月供費用，和方便程度。

因為月供費用太高，會影響到長線回報率。

------------------------------------------------

Q21627：

龔成老師你好, 近日幫家人打理股票戶口, 發現當中有不小質量挺甘的股票, 已及時止損.

留下的有788, 968, 2342 和1701, 其中最讓我擔心的是1701, 因為全冇交易量...

請問現時968 2342 有質素可以守嗎

龔成老師︰

中國鐵塔（0788）和信義光能（0968）係有質素，可以守。但由於佢地都有些波動性，若你家人較年長（即係較近退休之年），就不宜持有太多。

京信通信（2342）同樣有質素，增長力唔會有前2者咁高。你預佢中短期業務仍會較一般，要長期先有收成。

途屹控股（1701）本身質素不佳，如果你有睇佢的業務情況，生意大跌，同時出現虧損。長遠計，你一定要賣出這股，但可以有策略地咁賣出。

佢係中國的出境旅遊產品及服務供應商，如果全球疫情過後，有機會升翻少少，你可以等半年至1年時間。

你見佢升翻D，就要賣出。另外，如果這股現時佔財富組合一定比重，最好現時先減少少，去平衡個風險。

------------------------------------------------

Q21628：

覺得自己持貨太散，有邊啲可以放棄?

5, 11, 3988 , 6886 , 1810,
144 ,175 , 823 , 836 , 1317 ,
1288 , 1516 , 3319 , 1918 , 6055 ,
6969 , 688 , 2013 , 2318 , 288 ,
9988 , 1833

龔成老師︰

你這個組合好雜亂，而且數目太多，長線要慢慢集中翻。

假設你組合總值100萬以上，持股大約10-15隻。若不足100萬，則5-10隻左右，就好了。

持股質素上，未見有重大問題。但要留意，以下3隻。

ＨＴＳＣ華泰證券（6886）波動性大，不宜持有太多。

融創中國（1918）不是完全無質素，但佢負債好高，你要明白背後的風險，同時明白這一定會令股價較波動，自己最好控制注碼。

平安好醫生（1833)有質素，但不確定性高，不宜大注。

以你38歲年紀，應以增值為主，除非你好保守，否則收息股(0005, 0011, 3988, 1288, 0288), 不宜持有太多。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你組合中，有4間是銀行類(0005, 0011, 3988, 1288)，小心有過度集中風險。

因為銀行業營運模式較特別，風險會比一般行業為高，所以你要審視清楚。必需堅守30%這個準則，若能控制20%以內，會更理想。

------------------------------------------------

Q21629：

龔成老師你好，最近有意入市買樓自住，由於係第一次買樓，好驚借唔足按揭、又好驚會俾經紀呃、又驚買著間化妝樓要執手尾，發覺真係有好多野要注意，

同時買樓自住隨時住一世而又好怕做錯決定。而且身邊唔多置業人士俾到意見，所以想請教下老師你

背景：

2人共有160萬(股票+現金)

我28歲：月入15000，有雙糧，花紅最近2年都有

佢34歲：月入18000，冇雙糧，花紅去年有今年冇

由於唔想問雙方父母借錢，粗略計過，我地認為買450萬(未計稅..佣金等雜費) 既樓會比較穩陣,不過呢個銀碼既盤少只又少。

有既會係西斜樓或者裝修差既，樓齡35年以上，係咪應該繼續增大本金先買比較妥當？還是先上車？

仲有，雖然睇樓前可以到銀行查詢初步貸款額，但係實際上銀行職員都只係好初步睇你年薪假設你所有條件符合既情況下計算

但係現實係當簽完臨約俾左細訂先可以到銀行正式做按揭，14日後就要再俾大訂，但係呢刻銀行應該係仲未批出按揭，

一諗到呢步就覺得對買家好冇保障，會怯，怕批唔足貸款額就會連首期都輸埋。。

一諗到呢到就想放棄，就會諗都係等抽居屋算啦。。唔想連首期都輸埋。。

唔知係咪睇得太多撻訂新聞，有啲平時信貸紀錄良好既，準時還卡數，做按揭時先驚覺自己俾人偷取資料去借貸或做擔保而導致按揭貸款唔成或不足，

咁作為買家可以點樣做足功課先呢？去環聯做信貸評級有冇用？

龔成老師︰

其實較多的撻訂個案，都是一手樓的，至於二手樓，只要你做好計算，撻訂風險相對就較少。

如果你入息穩定，其實又不用太過擔心，你可以找大型或信譽良好的地產經紀行，到時問清楚，就較安心。

當然，按揭最終審批，都係睇銀行。所以，我地用架計算方法，都只係一個初步數字，不能作準。

我地唯一可以做，盡量預鬆動些，如果你計過按揭入息測試，自己只係剛剛合格，就唔好博。

你可以先投資在優質股，為自己累積更多本錢才再出手，會較安全。

若果你想同一價錢，但希望物業質素較佳，樓齡較少的話。較有效方法，是改變目標地區，選擇一些較偏遠地區。當然都要從你日常生活便利度，去作個平衡。

至於抽居屋，會係其中一個解決方法，但無人知你幾時會抽到。所以，我地一定要2手準備。邊抽居屋之餘，再作財富增值。

當發現居屋以外的置業機會時，你可以有本錢出手。

------------------------------------------------

Q21630：

你好龔Sir，康宏環球（01019）被聯交所取消該公司上市地位，想請教一下呢種情況會對小股東有咩影響？股票會唔會變成癈紙？謝！

龔成老師：

簡單來說，公司仍會存在，小股東仍是持有股票。

不過，就由原本有得在港交所賣出，變成無上市，無得賣出。

之後只能以私人的模式賣出。我見康環球表示，除牌後，將不會有正式機制協助進行股份買賣。公司現正委聘一個為非上巿公司而設的電子交易平台，為有意出售其股份之股東及有意買入股份之潛在投資者提供對盤服務。

------------------------------------------------

Q21631：

老師,想問下樓市, 見你話香港樓長遠向上 , 潛在的購買力是否會推高樓價?

因為現在就係有尼類人存在... 到幾年後大家都儲到一定既錢就去買樓.... 咁樓就愈推愈貴, 愈儲愈少... 我尼個諗法係咪唔正確呢???

龔成老師：

對，潛在購買力會慢慢推高樓市，但不是大升，而是平穩。

因為多年來的供應不足，而需求大，買不到樓的需求並不會無左，而是「累積」，所以這些需求會慢慢釋放。

就是你所講的當儲到錢，慢慢就會買樓。

------------------------------------------------

Q21632：

龔sir, 你好。3月正式月供 ，麻煩看看有否問題，我看過你的財務自由行，我是可承受中風險級別，月供計劃如下 :

$2000, 700
$2000, 388
$2000, 2382
$1000, 2319
$1000, 981
$2000, 77

Total 10000 per month
Many thanks again

龔成老師︰

中芯國際（0981）本質不過不失，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為好優質的股票，只屬中等。再加上中美問題，令不確性增加左。因為有些舉措，未知會否對集團發展，造成長線影響。

這股不宜供太大注，你保持$1000就得。

進智公共交通（0077）主要業務為於香港經營綠色小巴服務及提供中港兩地之跨境公共巴士服務。

企業本身規模唔大，營業額都唔算高。睇翻佢財務狀況，過去數年盈利都十分波動。加上佢本身負債不輕，都係要扣分的地方。此股質素只是一般，唔適合月供。

我建議你用平穏增長股，去取代這隻股票，否則你個組合波動性會好高。另外，現時大市只在合理區，每月資金唔好盡用。最好留有部份，等大跌市出現時，可以用來掃貨。至於其他股，無問題。

------------------------------------------------

Q21633：

龔成你好，有以下問題想請教你︰

1.我想問下我之前0.5時候入左d縱橫遊 8069，依家有擔心佢會唔會有機會執笠，好唔好放曬佢定繼續持有等旅遊業

2.另外想問1250 北控清潔能源呢隻股票如何，值得持有嗎，定放走較好

3.地產或銀行股 有冇較推薦，組合中已有小米以及3067，有金莎和煤氣，想加入多小小較好和進取的股票

十分感謝

龔成老師︰

1) 縱橫遊控股(8069)以「縱橫遊」品牌於香港從事設計、開發及銷售旅行團、銷售自由行產品、提供旅遊配套產品及服務等。當中，以日本旅行團為主。

此股市值不高，過往營業額都好波動，再加上佢多年來都係虧損，狀況不太理想。

暫時睇唔倒此股有投資價值，建議你沽出較好。

2) 北控清潔能源（1250）主要從事光伏發電站的投資、開發、建設、營運及管理、光伏發電相關業務以及風電相關業務。

佢本質不錯，都有一定潛力。但業務比較波動，而且負債好高，都係風險所在。

若你持股較多，建議沽出部份，換至其他優質股。如果持股只係好少，你可以長線持有。

3) 以你28歲年紀，地產或銀行股方面，可以考慮以下股票。

平穏增長股︰恆基（0012）、中銀（2388）、領展(0823)、希慎(0014)、太古地產(1972)

由於優質地產或銀行股，大多數已有一定規模，增長力唔會好高。

若你想提升組合增長力，可以考慮以下潛力股。但由於佢地風險較高，若你投資經驗較淺，這類股票佔組合3成好了。

相反，你已有一定投資經驗，可以進取少少，提升比重到5成都可以。

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

但你要留意翻，部份潛力股已有輕微過熱情況。只有安碩恒生科技(3067)、ＧＸ中國電車基金（2845）、 阿里（9988）、中生製藥（1177）、福壽園(1448)勉強算在合理區頂部，可分注入貨，其餘要等等。

------------------------------------------------

Q21634：

你好，龔Sir,今年26歲，我係由上年開投資。

想請教下你我以下嘅投資組合有冇需要改善嘅地方，組合如下：

3號 1000股 $12.040
12號1000股 $29.2
66號 500股 $38.850
590號 1000股$17.56
823號400股 $76

1398號3000股$4.540
1928號400股$29.7
2800號500股$27
01044號 500股 $51.2

叧外想問02148，09888，00293 值唔值得去投資？

同埋我個人覺得我現時投資項目好似有啲散，咁策略應該點好？謝謝你！

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時26歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

你現時組合股票，都係優質股。但工行(1398)係收息股，增長力較弱，唔適合你。

另外，以你年紀計，組合有少少保守。建議你加入一些「潛力股」，去提升個組合增長潛力。

你除左直接入貨之外，我都建議你好好利用每月儲下來的閒置資金，進行投資增值。

策略上，你可以投資「平穏增長股」和「潛力股」。你每月5成儲蓄，其餘先儲起，用一邊月供一邊儲蓄的策略。

你現時無太多投資經驗，潛力股這類風險較高的股票，你就不要持有過多，最多維持2-3成好了，可先較集中係平穏增長股類。

到你有一定投資經驗﹐潛力股比重可以相應調高，佔組合約3-5成。

餘下的另一半每月儲蓄，我地就等機會，當大市出現較大回調，就加大力度掃貨，然後作長線投資。

VESYNC（2148）有少少潛力的。佢係美國小家電線上市場的市場參與者。根據報告，在小家電零售商中，佢係美國就通過亞馬遜產生的零售額而言排名第三及通過所有線上渠道產生的零售額而言排名第五。

係美國通過亞馬遜產生的零售額而言，其空氣淨化器於其類別中排名第一，空氣炸鍋於其類別中排名第二。

佢業務主要專注於線上營銷及銷售品牌下的自主設計開發的小家電及智能家居設備。主要通過電子商務交易市場，主要為美國最大的電子商務交易市場亞馬遜銷售其下的產品。

佢的產品主要銷往美國、加拿大、英國、德國、法國、西班牙、意大利及日本等數個國家的用戶。

業務不算差，發展有潛力，但企業規模始終較細，業務未穩定，加上現價略貴。整體都有風險。

這類股，小注投資都可以，但就要明白當中的風險。

百度（9888）有質素，有獨特性，長遠發展不差。

佢係全球最大的中文搜索引擎「百度」的營運商，係內地用家搜尋資訊主要對口，用戶規模突破10億，百度App日活潑用戶超過2億，多個指標都處中國第一。

現時佢坐擁不少資訊和客戶群，就可以利用佢地去發展很多不同業務，可以話係一個好大的優勢。佢收入不差，長遠有發展，但由於本身有相當規模，因此，未必是高速增長型。

百度在規模和質素上，一定係有。但近期科網股波動，風險高左，同時到上市一刻不確定性高左。

現價都唔平，合理區頂，但長線有增長力，小注投資都可。

而國泰（0293），質素只是一般。

其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

過了疫情，生意會好翻D，但長線發展，都唔算係太理想，投資價值只係一般。

------------------------------------------------

Q21635：

同埋好想請教你一樣野，你之前話物業嘅總金額或者首期唔係評價物業平唔貴嘅重點，但好想請教你，有時都要睇吓自己負擔得到個樓價？

即是話如果我搵到一個10,000,000左右嘅樓佢嘅呎價係好抵(就算比較嗰同區最平係佢)，但我都負擔唔起10,000,000嘅樓.

但而家香港現實係如果四百幾萬嘅樓, 用你呢個方式去衡量平貴, 咁佢一定係會好貴, 如果咁嘅話我哋應該點樣揀呀。

有時我都會覺得好矛盾, 我本人33， 月入大約$51000， 其實去到呢一個月薪好似連一棟樓都冇好似唔係好甘心，

依家處於兩難嘅局面，係我究竟應該儲多幾年錢等個首期再多啲然後買再貴啲嘅單位？定係而家唔理佢嘅平貴有四百幾萬嘅兩房細單位

（但係可能已經有三40年樓齡，維修費可能都會好貴嘅私人樓）就買咗先，驚第日通脹再加上銀紙貶值，再加上第二日啲樓越嚟越貴，

再加上驚我儲多幾年錢但係啲樓價嘅升幅仲快過我儲嘅錢。

定抑或我而家一次過買個貴嘅單位780幾萬左右私人豪宅兩房單位，但我諗我會供樓供得好辛苦，仲要搵埋屋企人做擔保人先至可以借到九成按揭。

但係諗落又係呢一種700幾萬嘅單位先比較適合自己長住。如果真係買咗個四百幾萬嘅三40年樓齡舊樓可能自己都唔想喺度住好耐。

(個人又比較喜歡青衣區, 但係區內嘅私樓選擇唔多)

唔知老師你可唔可以俾啲意見幫幫我呀?
謝謝你

龔成老師︰

我意思係，唔好見一間屋入場費細，就覺得係抵。我地要從租金回報率等，去衡量佢價值。

至於置業目標，唔係單從價錢、回報去睇咁簡單。

簡單講，每個人都有自住需要，最終都會買個自住物業。

由於係自住，除了從投資角度考慮(如租金回報率)等，更重要，係可以做到「供得起」這個大原則。

你要找的，不是一定要同區最平，質素最理好單位。而係你要因應自己能力，實際生活需求，去決定買入什麼樣的單位。

這個考量，唔係講眼前而一刻，而係睇長線。你5年、10年、甚至20年的人生計劃，做底要一個點樣架物業，先可以配合到你。

之後，我地再制定一個可行計劃，一步步向你目標DREAM HOUSE推進。

如果你目標單位，唔係太貴，而你又有一定資金。可以買入單位之餘，有一定資金留下，進行投資增值，那計劃可以直接進行。

若你現時資金較少，你可以先用優質股，去累積資金，再去置業。

或者目標單位較貴，你可以先買入較細單位，之後放租。令你可以有一個物業，用以資產追資產方法，減少物業價格波動，對你購入最終目標物業的影響。

另一邊，再用優質股增值，到有一定資金，就細屋換大屋。

你要睇翻自已情況，去決定邊個策略最適合你。你可以睇我本<5年買樓4步曲>，會對以上買樓策略，有較深入解釋。

如果你覺得，最終目標係7XX萬的樓，而現時不論首期和供款，都係尚有一段距離。

我建議你按部就班，先投資優質、再細樓(但質素都唔好太差，要有一定投資價值，因為你要用佢放租和換大屋)，最後才是你DREAM HOUSE，。相信咁安排，會較適合你。

------------------------------------------------

Q21636：

663金山能源，可唔可以幫我諗辦法解套，幫幫忙。

386..中石化$4入...今日已經升咗上去，甘之後繼續持有長渣定係點？

龔成老師︰

金山能源(0663)佢生意好雜，有白銀開採、石油及天然氣、光伏，資產融資、旅遊﹕貿易等等。

佢規模好細，生意額唔多。過去幾年，生意持續虧損，睇唔到有投資價值，建議沽出。

中石化（0386），質素算是不差，但又未到好好，始終這只是商品企業，沒有一些太大的優勢。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

生意近5年只是上上落落，無乜增長力，這是受油價等因素影響，反映佢處於一個被動的狀態。

雖你持有此股目的，係為左收息，你長線持有就可以，但你預佢增長力唔算強。

------------------------------------------------

Q21637：

龔成老師，之前見你推介福壽園，我睇過佢嘅資料，亦都睇好，已經小注入左，靜待收成期。

想問問如果心儀健康股，想問問阿里健康241，京東健康6618，平安好醫生1833，邊隻比較好？另你認為咩價位入算合理區，而咩價位入屬於平呢？

另外，想問必瘦站幾錢入值博率較高？因為由1個幾升到7個幾，最近回落左少少，但都見係高位，暫時唔敢入住

龔成老師︰

福壽園（1448）有質素有發展力，現價在合理區頂，想加注的話，等佢有明顯回調，才再出手。

京東健康(6618)、平安好醫生(1833)和阿里健康(0241)都係有質素和潛力，但問題係佢地是有危有機的類別，雖然業務增長好快，但這刻仍處於燒銀紙的狀態中。

估值上好困難，因為無實質的盈利數據作為基礎，市場只是估估下。

質素和值博率計，平安好醫生(1833)會較為佔優。現時平安好醫生，算係合理區頂，你可以先小注。到有明顯回調，才再加注。

這些企業都可投資，但緊記只宜小注。

必瘦站（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。

業績前計佢$4是合理區頂，業績後股價升左好多，雖然我之前好大機會會調高佢合理價值，不過，現價都有少少貴。

所以，如果無貨，你可考慮回少少，先小注，然後等跌多d先正式分注投資。

------------------------------------------------

Q21638：

你好，龔成老師。我36歲，跟太太月入5萬，有430萬的樓宇貸款，每月供樓後儲蓄約18000，另有現金50多萬。現持有以下股票：

1. 中電 1000股，73蚊買入
2. 香港電訊 4000股，10.96買入
3. 領展 400股，68.85買入

最近開始睇你專頁後，認為你的價值投資法很適合我，所以按你推介小注買入以下股票，之後再加注：

1. 安碩恒生 600股，17.13買入
2. 中生製藥 1000股，8.31買入

我只是投資新手，有以下問題想向你請教：

1. 以上組合潛力股比例是否太少？如果再買入潛力股，航空或物流股可有推介？國泰可以嗎？

2. 香港電訊只是收息股，該賣出再買入更多潛力股嗎？

3. 平穩增長股方面知道你推介港鐵，但請問你又點睇載通（062）呢？

4. 你對於我這個組合有意見可再給我嗎？

謝謝你解答。

龔成老師︰

1) 以上持股，都係有質素。但以你36歲計，應先集中係增值部份。

香港電訊6823)和中電(0002)主要係收息，增長力唔高，不宜持有太多，暫時不要再加注。

由於你係新手，未必對企業估值、點去定平貴太了解。我建議你都利用月供模式，將每月儲蓄投入股票組合，以減低買貴貨風險。

將來投資和月供，建議你用「平穏增長股」 + 「潛力股」的組合，比例大約各一半。現在你每月先用5成儲蓄，即$9000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有50萬資金可多投入10-20萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

至於航空股，中短期都會較弱，而且航空業面對競爭和問題都不少，暫時唔建議投資相關企業。

至於物流業，你可以留意嘉里物流（0636）。這股算不差的，順豐入股後長遠發展更正面。

佢本身由嘉里建設（0683）分拆上市，係亞洲的物流服務供應商，主要從事綜合物流及國際貨運業務，亞洲、澳洲、歐洲及南北美洲的35個國家及地區設有逾400個業務點。

業務以第三方物流服務供應商身份為世界各地的製造商、零售商及其他客戶提供綜合物流服務，包括主要在亞洲提供廣泛的物流服務，如倉儲及增值服務、陸運及配送、退貨管理及各種配套服務。

另外，亦有從事國際貨運：提供的國際貨運服務絕大部份位於亞洲區內以及亞歐大陸之間，涉及空運、海運及跨境陸運服務。

這股長遠都有發展的，不過近年股價上升左唔少，這點要注意風險。現價算是處於合理區頂，以長線投資的角度，有值博率的，可分注。

2) 此股都有質素，但始終增長力較弱。你可以考慮沽部份，換碼至較有增長力的股票，係可以。

3) 港鐵（0066），係一個不錯的選擇。

但載通（0062）質素只屬中等，但不是無質素，持有不應該太多。佢的優質是現金流強，但如果仔細分析佢的財務數據，會見到佢成本增加的速度，大於收入增加的速度，這反映佢無成本轉嫁的能力。

你預這是收息股，股價增長力不強，唔係太適合你。

4) 你成個財富組合，主要係物業部份較大。但初期係正常的，未來你新資金，盡量先投放在優質股類，令成個財富組合，平衡性提高。

因為我地長線係希望建立一個平衡、優質、有增長力組合。所以，唔好太偏重係單一資產，否則個別市場有較大波動，對你成個組合，就會有嚴重性影響。

------------------------------------------------

Q21639：

龔sir 你好,因為前幾年一直幫屋企還緊債務，所以出左黎做野3年基本上冇儲過錢，直到最近已還清，一直冇任何錢做其他野。

如果想一年內儲返60萬可以嗎？人工每月只得20k 希望老師可以幫到我。感激!

應該點樣既投資方法先適合

龔成老師︰

以你現時人工，想透過用優質股增值，去到一年要儲60萬，比較難。

因為你本身可動用資金不多，加上優質股一般年增長，約為10-15%。而且係講一個長線平均數，如果你1年咁短時間，個回報會好波動。

你唔好預期短期內投資優質股，會有倍數級增長。因為投資股票，就等同投資企業。就算再優質，都要比時間佢慢慢成長，唔係一年可以做到的事。

我建議你按部就班，用每月儲蓄，去投資優質股，為財富增值。

由於你現時收入，較難達至目標。故你首先要做，就係增加收入來源。

你可以考慮轉換工作，做一些多勞多得，例如銷售方面工作。或者，你可以加入副業，可增加收入來源。

另外，你都要審視開支，看看有什麼不必要開支存在，盡量去縮減，加大你每月可投資金額。

投資方面，可以選擇一些「平穩增值股」+「潛力股」作投資目標。

------------------------------------------------

Q21640：

阿sir, 你好，本人現在30歲頭，現握大約10隻股票，全都係有質素，但發現股票組合不平衡。現持有水桶1:2:3 比例為 35:40:25。

而另外亦發現股票行業，比較集中資訊科技和電訊，各大約比例為37%和35%，其他則28%。

想問如果現擁有的優質潛力股持有太多要重新調整組合，但某些買入價偏高，應仍為重新調整組合平衡風險，而蝕賣出一些嗎？

另外想問941 應是桶2 還是桶3？

龔成老師︰

唔係太著重個買入價，我地是否持有一隻股票，要睇佢本身質素，買入價只係必理因素。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

而你現時30歲頭，水桶1:2:3佔比，大約為60:40:0。當然，水桶1風險較高，如果你投資經驗較淺，或者想保守少少，可以調低少少個比重。

以你年紀計，組合有少少保守，潛力股稍為不足。而行業上，都出現過度集中性問題。

但由於情況唔係好嚴重，若你持有股票都係優質，唔想沽貨的話。你可以利用新資金﹐慢慢去調整翻個組合比重，令佢平衡性回復正常。

中國移動(0941)，算係水桶3股票。此股有質素的，5G雖然對佢有正面影響，不過，中國政府希望相關費用不會太貴，令資訊流通更好便利，所以，對佢的賺錢能力方面，未必能帶來突破性的增長。

你可視佢為收息股，但增長力不算強，這股有長線投資價值。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

第二回－房事

【2021年香港房事排名位於亞洲倒數第二，平均每月3.7次，一星期不足一次，僅比日本的三次多一點，離婚之夫妻房事數值均低於平均數，擁有一個健康和穩定的性生活是每對夫妻不可為缺的部份。

檢測到過去一年，劉俊文及李倩盈夫妻只進行過六次房事，達到滿足標準的次數為零，危機級別是最高等級，發放特別新手任務。

任務目標：達到一次雙方滿足級別的房事一次
任務獎勵：新手特別禮包
任務時限：一星期
失敗懲罰：婚姻系統將宣告二人失敗，建議離婚處理】

比起系統發放嘅任務，劉俊文更在意嘅係，原來過去一年嘅房事，竟然連一次滿足都無：「李倩盈你都幾好演技喎，唔係系統話我知，我都唔知原來你一直都係唔滿足嘅，即係有幾次你都係扮出黎啦！」

「劉生，我唔滿足你怪我啊？點解你唔檢討下自己？我唔滿足仲要扮滿足去令你有成功感，講我都覺得自己可憐兼偉大啊！你估我做戲唔攰啊？明明唔開心仲要扮到好享受，你次次都問我黎未啊黎未啊，爽唔爽啊，你勁唔勁啊，大佬啊，你依家係做訪問定扑野啊？我要答問題定要享受啊？唔通你問我黎未，問我爽唔爽，我答你有排啊！！唔爽啊！！！你唔勁啊！！！！咁啊？依家好啊，系統幫我講出心底話，我只可以同你講，劉俊文我真係對你無期望好耐喇！」李倩盈將心底說話完全講出，個人係咁震，係激動同舒暢嘅震，呢堆說話佢想講好耐，只係無機會同無勇氣去講出黎。

劉俊文都激動咁講：「你唔舒服唔享受，你講啊，你唔講我點知，你講我咪改，我可以慢慢黎可以跟你意思做嘛！我又未做過女人，點知點先為之舒服，點先為之滿足啊？男人好簡單，射左就係完成，女人無路捉喎，你演技又咁好，呃我之餘呃埋你自己，咁你對於呢件事嘅解決方法咩？」

「其實你知唔知你有咩問題呢？成日都要預約先至做，點解要講明聽晚要搞？有心情都比你搞到無心情啦？呢種事係自然發生，唔係要約嫁！」

「喂小姐，我返工好攰有時又要OT，我知道聽日得閒可以收早，我同你講定你又唔喜歡，然後有時我突然同你講話想要，你又話我變態，話聽日要返工，唔想，咁即係幾時？我係男人黎，我有性需要嫁，你知唔知有時我喺你訓左之後喺你身邊打飛機係幾唔開心，我有老婆都仲要打飛機，連朋友都唔敢講啊，我怕講出黎會比人笑啊！」

「你返工攰又唔比我攰嘅？女人唔係要發洩，係要情調要情趣，你突然間話想要就要，你當我係咩啊？飛機杯啊？」

「講真我真係用飛機杯都好過求你，起碼飛機杯唔會又呢又路，比人拒絕你估開心啊？其實你係唔係有性冷感呢？如果係嘅我都易理解少少。」

「我性冷感？不如話你自己毫無情趣又無耐性，點解你從來都唔檢討下自己，將所有問題都歸咎比其他人呢？」

【經系統評測，劉俊文先生性能力係正常，而李倩盈小姐亦無性冷感問題。】

「嗱，你就性冷感啊！」

「我夠性能力正常！」

【資料上顯示兩位宿主都曾經享受過滿足嘅房事，希望宿主可以搵出原因，達成任務】

「哈，要做唔係問題，但滿唔滿足唔係我可以控制，劉生如果你想完成任務就麻煩你比少少心機檢討下自己。」

「我檢討？好啊，不如按你方法去做，我跟足你要求去做，咁你滿意啦！但麻煩你講得清楚少少，唔好講到模稜兩可！」

「痴線，我可以點講啊？喂，你咁樣入，你加速20％，個拍子要點點點啊？對唔住，我真係講唔到你知點做。」

「用我方法你又唔滿意，但你又講唔出應該點做，我有理由懷疑你係有心為難我！即係你同你學生講做得唔啱，你都要講要點做去改正先啦，你平時係咁教你班學生咩？」

「要我一步一步教你點做，你覺得咁真係會令我覺得開心咩？女人需要嘅係你做左一種我哋需要嘅野，唔通你教住我點同你做，我跟住你做你就會好開心？」

「喂如果你肯，我真係好開心啊，但平時我叫你轉個姿勢你都唔肯，你覺得我開心咩？你頭先聽唔聽到，滿唔滿足係你同我都唔滿足啊！唔係叫射左就滿足，男人都唔係咁簡單就打發到啊！」

「算喇算喇，我唔想同你去爭執落去，唔會講得你明嘅，呢點我呢一年唔清楚咩？完成唔到咪完成唔到，依家你叫我同你上床，我真係會喊住咁做，肯定唔會滿足。」

「你覺得我想講咩？我想解決我哋之間嘅問題，但你明唔明我一路做都發現好似改變唔到咁，你覺得我唔難受咩？」

【系統偵測出爆發臨界點，請兩位宿主暫時分開冷靜，好好思考雙方感受。】

兩人暫時分開，因為佢哋都好清楚再嘈落去無結果，呢種情況發生得太多。

然後兩個分別係自己嘅兄弟，同閨蜜群組裡面求救。

「兄弟們，認真問，到底點做先可以令伴侶得到滿足嘅性愛呢？」

「嘩，咁簡單嘅問題你都問，三點，靚仔，有錢，大揪，就係咁簡單，但劉生你好似無樣中喎。」

「妖，認真啊，我真心求教，麻煩你哋比實際可行嘅方法我好唔好？」

「做乜啊？你俾老婆彈鐘話你唔掂啊？」

「印度神油同偉哥可能幫到你！」

「不如我講白少少，如果解決唔到呢件事，我會同老婆離婚，所以唔該你哋求下你哋唔好玩膠！」

「情況咁嚴峻，我收聲，其實我同老婆都好少行埋，Sor Bro，比唔到咩Advice你，同求解決方法。」

「其實你哋結婚三年，少行埋好合理喎，講真，日見夜見仲邊有咁好心情搞野呢？我都係大時大節應吓節就算……」

「你咁問得，即係你老婆唔滿意，咁佢唔滿意邊部份先？你太細？你太快？你太悶？你唔比多少少背景資料我哋好難幫你分析喎。」

「唔……呢一年我同佢行埋十隻手指數得晒，講真，我都覺得好唔滿足，每次都係同一地點，同一流程，同一時間……」

「呢個問題好明顯，對手悶喇，不如你幻想吓，如果同你做嘅係一個未做過嘅女人，所有問題都唔會係問題。」

「雖然肥仔講嘅係好刻薄，但佢帶出一個好好嘅方向，既然你都知時地人流程都係一樣，咁不如搞下新意思，例如出去Staycation換個地方，玩下角色扮演同玩具，又或者飲吓酒睇吓AV，情趣呢樣野幾時都係咁重要。」

「會唔會係前戲唔夠嘅問題？試吓用按摩油，用完再手口並用，之前我同老婆試過好Work……呃……就係太Work所以又有一件……諗起都有少少後悔，記得戴套啊兄弟！」

「前戲唔單止係接觸嘅，你做好晒家務，買個包包，播吓歌，點吓香薰蠟燭，有Mood自然就會有好心情。」

「兄弟們，其實你哋講嘅有好多我都試過，除左買包包……但買包包先會有滿足嘅性愛會唔會太傷荷包呢？照你哋咁講我一年最多咪扑得兩次……你哋都知我老婆唔太飲酒，佢最憎我睇AV，要佢同我一齊睇咪盞死多兩錢重，唔好話玩玩具，佢連角色扮演都話變態……上次我話扮學生，佢即時話我侮辱佢嘅工作，嬲左我足足兩個星期，唔好玩我啦……」

另一邊廂……

「姐妹們，到底點先可以令男人知道點滿足自己呢？」

「無可能，死左條心佢！」

「咪就係，男人只係識得大力同快，佢哋係唔識分痛到叫同爽到叫嫁！」

「之前你咪話你老公想離婚，今日去簽紙，做乜啊？依家又唔離喇？咁我都安心啲！」

「係喎係喎，你今日離婚，搞掂未？我應該恭喜你定安慰你好？」

「無簽到啊……個衰佬話想同我再試下改，咁我都唔想離婚……咪同佢再努力一吓囉。」

「你決定再努力都好，我哋成班姐妹都會支持你，但點解咁突然唔離婚又想探討點先滿足，係唔係你老公想要分手炮，喂，咁真係又食又拎，你唔好信啊！」

「唔係啊，一言難盡，總之當務之急係我需要知道點先可以有一場雙方都享受嘅性愛，如果搵唔出呢個方法，我就應該會離婚喇……」

「如果用你呢個定義去決定離唔離婚，咁我同我老公都應該離婚啦，個肥仔佢成日大爺咁訓係度，唔好話滿足，我仲要出力啊，諗起我就嬲！」

「班男人最大問題就係佢哋睇左十幾廿年AV，睇到覺得AV入面嘅係真，班女優每次拍都收錢，十萬十萬咁收，梗係落力同開心啦，試下我老公比錢我，我都叫到拆天啊！」

「咪就係，又要護士又要空姐又要學生，睇到壞腦，仲要跟足佢哋流程做，攰過湊仔，我敷吓面膜訓吓仲舒服，我已經無慾無求喇，反正湊仔都夠我攰，上次同佢做做吓個仔醒左，上半場都勉強叫開心，點知我氹完個仔訓之後，見到個死佬都訓埋，個次之後我就嬲到唔肯同佢再搞！」

「你湊仔都好，我同老爺奶奶一齊住，夜晚要偷偷摸摸咁搞，仲要忍住唔好嘈親人，我同老公講要搞就出去酒店搞，但奶奶又話我嘅有屋企唔返，晒錢出去租酒店，我就係唔想同佢同屋先出去住啊！！！！！！」

「認真最開心嘅真係初初相識熱戀個時做，對方做嘅一切都好令人期待，有時氣都未回就突然再戰，唉……真係往事只能回味啊……早排我試過突然錫我老公，佢好驚咁問我發乜神經，咩料啊！」

「姐妹們……我係想尋求解決方法啊，唔係鬥慘大會，Cheer up girls！唔通你嘅唔會覺得咁落去你下半生同下半身都好慘咩？」

再返返去男士們嘅對話……

「嗱，我問左全能嘅Google大神喇，夫妻重燃情趣方法有，Staycation、性玩具、性愛大富翁、轉換場地、改變情調、角色扮演、增加情趣細節，呢個係性治療師比嘅Tips，你參考吓啦！」

「我都睇左有關身體方面嘅方法，每日做深蹲、做運動、唔好打飛機、食含有鋅嘅食物好似生蠔、黑朱古力嘅苯乙胺都對性方面有幫助，至於偉哥呢樣野你就要問醫生喇！我仲搵到清水健嘅壯陽餐單，你參考吓啦！花椰菜、紅蘿蔔、菠菜、小番茄、山藥、秋葵、南瓜、地瓜、水煮蛋、雞里肌肉香腸。有時也會有菇類、芽菜、高麗菜等。他也會隨身攜帶高蛋白低脂肪的雞里肌肉棒、雞里肌肉香腸、高蛋白飲料、蛋白棒，肚子餓時就吃一點來補充能量。」

「事前準備都好重要，沖涼、剃鬚、噴少少香水或者爽身粉、剪指甲、用漱口水、換床單、播音樂、點蠟燭、最好時間係晚餐後兩三小時。」

「咩九淺一深、螞蟻上樹、神之手你都識啦，我就唔重提喇，大家咁耐兄弟，我傳授我最有用嘅一招比你，你好好記住，忍唔住就記得係心入面讀 看看威風的他 雙腿好似摩打 扭波踢波頂瓜瓜 有嘴巴的都讚他 身手最啿誇 小子志可嘉 陣法腳法日練夜練 真功夫冇花假 攻呀攻 快搶攻 射呀射 射它吧 扭得好 踢得鬼馬 可稱霸只有他！至於個Beat你都識啦！」

「嘩……真係唔夠兄弟都唔會教你呢招，劉生下次你見到佢有乜要我幫手嘅即管講，正義只會遲到，從不缺席！」

「我從來都未見過你哋班死仔咁認真，除左死肥仔之外，點都好，多謝你哋，我會盡量做，祝我性福啦！」

「講真，扑野要搞到咁複雜，我真係寧願打飛機算喇……」

「X2」

「我已經打緊了！」

「諗返起當年我講過，結左婚一齊住之後要日做野做，我真係覺得自己好傻好天真……」

再返返去女士們嘅對話……

「咁多年姐妹，呢套睡衣成二千銀我自己都唔捨得買，但為左你嘅下半生，今次我大出血都要喇！」

「我幫你Book左四季今個周末嘅海景套房，個浴缸好大，夠兩個人一齊浸，祝你成功啦，幫到你嘅唔多，加油啊盈！」

「呢排我手頭緊緊哋，但我都送支靚酒比你啦，你唔飲得，比佢飲多少少，唔係醉左訓左就弊傢伙喇！」

「姐妹們……突然要你哋破費真係唔好意思，小妹將來一定報答返你哋，Love you all，有你哋我就算點都唔怕喇！」

「倩盈，其實女人要嘅係愛，有愛就會開心同舒服，我哋幫你嘅只係輔助，如果你同一個唔愛嘅人做，你準備再多都無用，你明啦。」

「係啊，我老公有時突然間講句肉麻情話我已經會好想要，但偏偏呢種事係可遇不可求，祝福你！」

「講得無錯，唔好太刻意，隨其自然啦，越急越慌只會令自己緊張到享受唔到，Relax！」

「今晚等我幫你問吓我老公點先最開心，如果有參考價值嘅我再話你知！」

「唉講起我真係好耐無同老公行埋喇……唔知佢今晚會唔會對我有表示呢？」

「著返套戰衣先啦！」

「我依排肥左好多，都唔知著出黎有冇反效果……」

兩邊嘅討論開始進入閒聊狀態之時，劉俊文同李倩盈都分別收到系統嘅通知。

【叮，恭喜宿主，因為你為對方著想去做準備，獎勵積分100分，希望宿主知道無論方法係好係壞，只係你係為對方著想，希望兩個人有更好嘅未來，就已經值得獎勵！」

劉俊文望住唔知有乜用嘅分數心不在焉，佢忍唔住問：「系統，頭先我班兄弟講嘅野有冇用？係咪我跟住做就會令倩盈得到滿足啊？」

【除咗唱足球小將之外，其他方法都未嘗不可，會有效提升身體、心情、環境等因素，宿主請繼續努力。】

「喂，系統你答非所問喎，即係你覺得唔一定有用啦，咁我可唔可以問你我到底應該點做先會成功？」劉俊文並唔蠢，如果係有用，系統點會講呢種模稜兩可嘅答案。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

劉俊文望一望唔知有乜用嘅200積分，剛剛突而奇來賺返100，依家用返100分去買提示，都只不過係打回原形姐，咁總好過唱足球小將嘅：「系統我決定換錦囊！」

【成功換取錦囊，劉俊文現時積分為100分，錦囊生成中……請稍等……是次提示為，需要】

空氣變得寧靜，劉俊文開始覺得唔對路：「喂，系統你……唔係已經講完喇嘛？需要？需要咩啊？你正奸商，仲姑寒過我課金抽蛋，喂，喂，應下我，你係唔係死左機啊？」

【成功掃描系統，一切正常，請宿主放心，章博士講一半唔講一半嘅作風，係唔同時空都係出晒名，希望宿主明白並非系統玩野，比起閣下兄弟提出嘅意見，本系統覺得更有價值，請宿主盡早參透。】

而李倩盈方面，佢都忍唔住問系統一個問題：「到底我享受唔到，係唔係我嘅問題呢？」

【宿主請勿自責，章博士提過，夫妻之間出現問題從來都唔係一個人責任。】

「唔係一個人責任……咁即係我都有責任啦。」女人嘅直覺好敏銳，抽出系統字句上嘅重點。

【對，就房事方面，兩位宿主均有責任。】

「咁我責任係咩？」李倩盈心急地問。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

「依家我有600分，換一個錦囊係300分……好啦……換啦換啦……」李倩盈無奈地講。

【成功換取錦囊，李倩盈現時積分為300分，錦囊生成中……請稍等……是次提示為，被動。】

「吓？被動係我嘅問題？即係我要主動咁去同佢做先叫好？性格嘅野點改啊，我真係唔鍾意主動咁去奉承佢囉，咁我算乜啊……」李倩盈紅住面咁講，佢一向都係被動地做，亦係好多女人對性嘅方式。

【宿主請自行理解提示，兩性關係在於思考，並非提供做法照做，請宿主努力。】

「我終於知道平時劉俊文聽到我講似有還無提示嘅感受喇……有時唔想就係唔想，你叫我主動我真係會開心咩？到底阿章博士明唔明白女人啊？」李倩盈對於呢種提示下意識就係唔想接受。

【章博士生理上係百分之百男人，對於女人心理係從日積月累理解之中形成經驗，請宿主努力解讀提示，本系統從來都唔會對宿主不利。】

「好喇好喇……咁我可唔可以再買一個提示？我想知道點先可以過到呢關。」李倩盈計計自己分數，仲有300分，再買一次得返150分，都比劉俊文多，係無辦法之下，佢唔想單靠姐妹們嘅分析，因為以佢所知，佢哋嘅房事都唔係太愉快。

【成功換取錦囊，李倩盈現時積分為150分，錦囊生成中……請稍等……是次提示為，最後一次。】

「喂啊！系統你講白少少好唔好啊！咩最後一次，你係指我應該用最後一次同佢做嘅心態去做？定我同佢真係最後一次做啊？」李倩盈開始覺得系統嘅提示聽完仲令人煩惱，有少少後悔買錦囊。

【既然宿主無信心完成任務，即將面臨離婚，咁不如盡情去享受同一個曾經愛過嘅人最後一次嘅性愛，如果呢次係最後一次，你會想同佢點做，呢個問題你需要考慮清楚。】

兩個人終於各自返到屋企，劉俊文只係對李倩盈講左句：「返黎喇？」

然後相對無言，今次嘅任務，對於好多人講係一種秘而不宣嘅問題，減去好多身體上有問題嘅夫妻，好多有能力又有需要嘅係房事上得唔到抒發，最後演變出唔同嘅問題。

床上兩人各自思考，諗得再多，都只不過係自己嘅一廂情願。


【現時劉俊文及李倩盈夫婦的狀況如下：

婚姻等級：新婚夫妻
共同積分：250
劉俊文積分：100
李倩盈積分：150
階段：零
特別新手任務進行中：兩人於一星期內需進行一次雙方都滿足的性愛
成功獎勵：新手特別禮包
失敗懲罰：離婚
劉俊文錦囊提示：需要
李倩盈錦囊提示：被動，最後一次
第一階段任務：尚未發放
第一階段緊急任務：尚未到達開啟條件
積分任務：尚未開啟】

－－－－－－－－－－－－－－－－－－－－－－－－－－－－

下回預告：

有人話，新對手就係最好嘅對手，每個人都喜歡新鮮感，所有第一次都係令人期待，但一次生兩次熟三次大結局，對於一個同你走埋下半世嘅人，新鮮感真係最重要嗎？

有人話搞搞新意思，當你一次用一招，一百零八招用過晒之後，玩具同角色扮演都試過，仲有幾多野對你講係新鮮？

呢個世界有兩類人，第一類係食飯最緊要好食，另一類係食飯好唔好食在於你同邊個食。

人嘅性慾只會隨時間減低，以五十歲更年期為標準，用你呢個月做過嘅次數去做乘法，你人生仲餘下幾多次性愛？

而呢個數字之中，有幾多係你真正享受？有幾多係交差？

如果連愛都未搞清楚，性愛就只餘下性，何來圓滿？

－－－－－－－－－－－－－－－－－－－－－－－－－－－－－

作者的話：

性呢個問題，曾經只係困擾我地無對手同無地方，但可悲既係好多人有地方有對手之後，都仲有問題。

蔣薇已經步入第十個年頭，初初睇我既讀者好多都結婚生仔，或者我地既題材已經唔可以再維持係單戀苦戀暗戀情侶相處既階段。

猶豫好耐都係決定寫呢個敏感既問題，大家成年人，我亦唔當大家小朋友，希望大家可以係性呢個問題上思考，亦希望接下來既睇法會令你地有新體會。

第一回得到接近300like既成績，都算係令我有所鼓舞，希望大家唔好吝嗇Like and Share，當然係你覺得好睇先比啦

如果覺得唔好既，真係懇請大家留言表達

－－－－－－－－－－－－－－－－－－－－－－－－－－－－

第二回有獎問答活動：

題目：對你講，一場令雙方都滿足既性愛係有咩因素？（無正確答案，大家可自由發揮）

禮物：我無乜野多，書最多，可以任揀我五本作品其中一本（不包郵），如果呢個故事都出得成書的話，亦可以選擇期貨

四個答得最好既可以得獎，兩名得獎者由我選擇，另外兩個最多like既都可以得獎，為推動更多人討論，讀者之間回覆得最好既都可以特別得獎，設兩名

－－－－－－－－－－－－－－－－－－－－－－－－－－－－

支持作者可以：

訂購我過往的作品，連結如下
https://bit.ly/3fL9QUH

由於最近比較忙，需要周末先可以處理訂書，希望大家見諒

由 Gameduchy（遊戲公國）開發的機器人 x 美少女手機遊戲 —《機動戰隊》（英文：Iron Saga）繁體中文版即日起雙平台正式上線，開發團隊表示為了慶祝遊戲上線，開放《破邪大星彈劾凰》限時聯動活動。玩家們將能夠操控「大張正已」老師為遊戲特別繪製的「彈劾凰」機體。

官方指出，在《機動戰隊》的世界觀裡，玩家們將扮演指揮官的角色，在各方勢力相互對抗的環境下，同時伴隨著遊戲角色間彼此的互動，體驗著熱血、機甲與靈魂交織而成的原創劇情，並隨著遊戲內章節的推進，逐步融入其中。除目前玩家可以體驗到的劇情外，未來將會持續的更新帶領玩家更深入的探索遊戲世界的發展，同時也將有更多支線內容與聯動企劃。

只要你機甲、機師和配件上去了，你自然就變強了。而機甲、機師和配件又可以拆分成若干個小目標進行變強。某位名人說過扎實的地基決定上層建築，所以在具體攻略之前，先帶大家一一瞭解下他們的基本定義。

●機甲基本參數
耐久:機甲的血條
底盤:機甲的被動技能
武器:武器分為武器屬性:普通，冰(減速)、火(百分百燃燒傷害)、電(麻痹)、光(穿透)、爆(範圍)、酸(減少恢復)武器填裝速度和攻擊力;武器屬性(爆射，連發，單發，主炮，副炮，飛彈，霰彈，黑科技，拳形，劍形)武器屬性對應著配件的強化;
動作:就是最下麵的專屬能力。
一般一個遠程機甲的攻擊方式是:發射a武器(a武器開始填充) ;切換b武器，發射(b武器開始填充) ;切換c武器，發射(c武器開始填充)注意:這個切換是有時間的，開動作(動作進入冷卻)

●機甲品質
機甲品質的一大特點是超A滿地走。3s多如狗。-眼望去全是3s。這很大程度上會對新手起到誤導的作用。下麵我會進行重新評級。
—— UR級：（PY機、氪金機）打開商城。點擊z合金兌換。裏面有一個太陽之翼。點開它。那裏面的機子就是最高級，ur級，這些機子的獲取方法只有四種。第一種是抽卡。第二種是軍需商人兌換。第三種是好友互摸掉碎片。第四種是刷圖。這四種概率都低的發指。我們都管這些叫py機.
—— 再往下是ssr級，ssr級是月神，尼祿，貝利爾，亞瑟王這四只因為太弱被踢出py的機甲，以及太陽徽章的機體，其中太陽徽章的機體又稱為平民機，因為大多數可以通過黑市商店來換取，地圖的爆率大約是py機的三到四倍。
—— 然後就是s和ss，這些就屬於sr級了這裏面ss的格拉是很強的，等到6星開啟帝騎就很不錯了，競技場有翻盤的效果，前期可以給主角開，蒼藍之，星大地之錘也不錯，罪2比罪1強-一些，遊騎兵後面有超改，圖鑒黨可以留一些，其他的.主要的作用就是限制競技場(到75級開啟)還有就是可以作為材料合成ssr。
—— 最後ABC品質的機體，合一起作為r級, 這些機子主要用於過度，不要信評論裏什麼A機強無敵，打爆s機這些話，如果a級無敵了，那要員警幹什麼，前期培養a主要的目的是因為a的資源消耗少，可以更快成型，後面如果有更好的機體需要培養，直接還原就行，培養的材料全部返還。
●機甲星級
—— 機甲的星級直接決定機甲的強度，機甲的屬性分四個方面，武器，底盤，護甲，動作，每增加一.星就是對這四種之一進行強化。 這種強化方法導致機甲的強度成階梯分佈。
五星:一級階梯。
七到八星:二級階梯，在五星基礎上增加了必殺動作和底盤(大多數近戰)或必殺動作和武器(大多數遠程)
十星超改:三級階梯，就是一個機甲的上限了，部分機甲超改會改命,也有超改是恥辱
—— 各個階梯之間的變化是質變，而階梯之中的變化並不大，因為很多機甲的底盤武器和動作是相輔相成的，以蝠翼為例，底盤是飛彈回血，武器是加一組飛彈，動作是把飛彈發射出去。
部分機甲在五星就有較強的水準，例如夢魘，蘭斯洛特等，注意我這說的5星是和其他5星相比。
●機師
—— 機師應該是最容易理解的，因為這個遊戲機師和其他遊戲的人物一樣，有屬性，升級升星提高屬性，給技能點，可以加技能。
—— 技能點殺敵數也可以獲得，刷殺敵可以副官法(刷圖的時候把主力機師的副官換成想.練的機師)、無雙法(刷無雙)、競技場積分換數據三種。
機師的技能一共三種:加傷害的，防禦的(最好的是減最終傷和免控制，然後是回血金身)，控制的。
—— 這裏說一下如何簡單的測評一個機師， 哦，先把那個看臉的拖出去續了。。。好我們繼續，機師每100點屬性加10%攻擊力，那我們就可以根據機師的技能，把其折算為屬性加上去。例如:迪妮莎射擊700+，技能王牌機師全屬性加20%狙擊手加28%，就是400-500的屬性，相當於迪妮莎有1100的射擊，而露露，雖然射擊是800+但是沒有加傷害的技能。不過很多技能看.上去很美好不過實際觸發較低，比如冷血，事實上競技場不可能讓你拖到冷血疊滿，觸發條件極為苛刻。
●配件

配件可能是新手最不重視的，不過配件是變強三要素中最重要的，同時也是最燒資源的，配件可以理解為其他遊戲中的裝備，只有裝備好了，才能變強，很多新手搞了很多高星機甲結果發現圖都推不過去，其實就是配件等級太低的緣故，機甲的地位是沒法靠星級改變的一個高級的白色或藍色配件會遠強於一個低級紫配。
核心:紫色核心是最難取得的，紫色核心中比較好的有:刷新球，傳動，飛彈(競技場主力遠程大多數是飛彈)蜘蛛網(雷澤頓)轉輪。紅蓮(機師瞳限定)雙冷，白色的液壓關節和簡易攻擊這兩個核心是優質的近戰核心。遠程則是根據機甲武器屬性搭配.
子彈:主要用於提升攻擊力，紫配近戰主要是吸血和高周波，這兩個可以在挑戰中刷到，建議前期開局先刷1-2個紫色吸血。遠程的子彈配件要優先於近戰，因為遠程對輸出的要求更高。
輔助:有提升攻擊力的，有提升防禦的，輔助紫色配件又-一個底盤穩定，這個算是近戰通用，因為免控在競技場中的作用是在太大。而遠程則可以帶攻擊輔助
裝甲:記憶金屬改和堅毅是最通用的，堅毅如果給遠程機低級即可，如果近戰機師沒有免疫技能同時輸出很高(例如琳德)可以帶重型裝甲來免疫控制
塗層:塗層和裝甲-一樣決定防禦，傾斜結構是近戰通用的，底穩傾斜可以作為近戰的通用配置，打boss的時候可以上找打塗層，狂戰也是較好的塗層，藍色的白虎紋和帶刺外殼是較為優秀的配件
最後一個是寵物和副官，寵物有兩種，普通寵物可以用寵物魔球獲得，稀有寵物可以用星光徽章兌換，去刷圖的話兩種寵物的爆率為5-10: 1就是你普通寵物刷爆倉了也沒有個稀有寵物