【 2018年舊文重推／Locker本來唔係叫Locker？】 _ MIRROR成員呂爵安（Edan）的第一首單飛廣東歌《E先生連環不幸事件》周三（27／1）在各大音樂串流平台上架後，獲得不俗迴響，獲得多個點播排名第一，而由Sheng Wong與Maggie Leung聯合執導的MV，亦迅即成為YouTube瀏覽熱門，首播後不足兩天，至今（29／1）下午5時半已累積近25萬點擊率，走勢凌厲，連帶MV裏的劇情和演員亦成為網民和Edan粉絲的討論焦點，fb專頁「我睇咗啲乜嘢」更順勢推出MV「走女版」，笑到反艇。 MV呼應「連環錯愛，有誰夠我不幸？」這句由填詞人黃偉文刻在旋律上的主題鋪展劇情── 我愛你你愛他他愛我，三個人都愛別人，偏偏沒有兩情相悅，剩下三顆受傷的心，相當慘情。呂爵安暗戀譚旻萱，譚旻萱只對林家熙有感覺，但去到最後天台示愛一幕，眼利的網民留意到，林家熙暗暗喜歡的其實是好兄弟呂爵安，他哭，並非因為遭人兜頭淋水，而是他明白，就算自己有多愛呂爵安，也不會開花結果，角色頗有發揮，很多幕都感受到林家熙的用心。 林家熙，這個名字你未必知道他是誰，但如果講「試當真」裏「Locker周圍都係」的那個男生呢？有印象吧！他是新晉演員，現時跟 @tsztungtonywu 胡子彤、 @siuhinng 吳肇軒、 @kevinstarkchu 朱鑑然等都是「Triple S Artiste Management」的旗下藝人。大概因為ViuTV劇集《地產仔》與 @kakisham 飾演「文英武傑」，以及「試當真」的短片，Locker都會令人覺得他走搞笑路綫，但我知道，他一直都渴望可以獲得更多演正劇的機會。在書架上翻開2018年在《100毛》（第247期）撰寫他的專訪稿，才記起他為何當初想入行，又驚覺，原來他本來不是叫Locker！ _ （此乃短版，足本版可以在MeWe或facebook專頁閱讀） _ ＃＃＃＃＃＃＃ _ 林家熙，原本有個洋名叫Matthew，後來參演陳志發 @stevefat 執導的《點五步》（2016），在戲中飾演沙燕隊成員之一「Locker豪」，由於呢個名易讀易記，台前幕後叫慣叫熟，所以後來當他決定入行做演員後，便以Locker取代Matthew「行走江湖」。過去一年，先後演出三套劇集，包括港台電視《獅子山下2017 ─ 當獅子山遇上陽明山》、ViuTV《VR驅魔人》以及網劇《蝕日風暴》。 _ Q：你幾時決定入做演員？係咪拍完《點五步》之後？ _ L：係，拍完套戲之後，去咗澳洲玩3、4個月，本來諗住返來香港考消防員，其實之前考過一次，Pass咗體能，但筆試肥咗，所以返來香港之後就諗，應該考多次消防員，定入行呢？都未諗定，之後就連續兩三個月幫《點五步》宣傳，上映期間又要出去謝票，覺得謝票嘅感覺好正，企喺度，觀眾會拍手掌，呢個感覺好好，身邊嘅朋友岑珈其就話，你做呢行，OK呀，你都啱呀，咪試下囉，於是就決定入行。 _ Q：咁你平日有冇睇咩電視劇？平日點樣鑽研演技？ _ L：電視劇我睇Netflix多，剛睇完《Stranger Things 2》，又睇一套叫《Atypical》，講自閉症，我覺得男主角Keir Gilchrist好勁，首先佢唔係自閉，但佢畀我嘅感覺係，佢每一下小動作，諗嘢時啲皺眉呢，都好真，我望咗好耐，我不斷重覆咁樣睇實佢嘅演出。 _ 至於鑽研演技，我真係冇受過專業演戲訓練，其實初初接觸拍學生作品嘅時候，已經發現演技原來有好多方式去演，我有諗過去上堂，但費用太貴，Afford唔起，惟有睇多啲戲、睇多啲書，我自己唔係好習慣睇書，因為吸收得慢，但都要迫自己睇，每日拍嘢都要帶本書出去，喺屋企都要睇，近來睇咗兩本，《演員的挑戰》、《表演技術與表演教程》，前者講修養，後者係講點樣理解劇本同分析角色。 _ （29012021） _ #游大東 #游大東影視筆記 #林家熙 #呂爵安 #譚旻萱 #e先生連環不幸事件 #黃偉文 #廣東歌 #試當真 #locker周圍都係 #locker #點五步 #musicvideo #29012021 @triplesartistemanagement @maggieslays_ @shengwong_ @ahfa0908 @429tkm @ronnie816 @edanlui_fansclub @bertlui_fanspage @edanlui.info @edanlui.memories @stupidmusichk @what7iwatch @angelo_egg