對唔住，今日又係港豬路線的 #飲飲食食最開心 ... 呢排其實我心情好好（其實你有邊一日心情唔好？）工作順心，薪唔高但假多糧準免OT，上司寵我寵到不得了，每天返工都好減壓和治癒；老朋友繼續有聯絡之餘亦識到新朋友，醫生先生再次調回我公司附近，我這次得好好感謝他上次辣手回春醫好我的眼瘡；家庭也十分穩定，世上沒什麼比起回到家裡，無論在外面闖了什麼禍，總能得到一個大大的擁抱更好。我還是過著那種無憂無慮的日子，能被大家愛護的感覺，真的太幸福了。

好啦～ 廢話少講，今日鏡頭一轉，我地黎到英國的海邊小鎮Whitstable，呢個小鎮我一年黎四次，大概人品太差，每次黎到都雷暴，今次終於見到萬里晴空。

一年黎幾次為乜？當然是海鮮啦！Whitstable 有一間法式小店主打海鮮，係必須要等開門先有機會有位，非常幸運地，排第一的我們竟然拿到全日唯一一張walkin 檯，我跟後面的朋友說：不要氣餒，這是我第四次來排才成功 — 你輸得不冤枉啦～

前菜點了帶子，主菜分別是青口汁配龍蝦和威靈頓牛排。

味道如何？帶子用煙肉包著煎，一脆一軟、一咸一鮮，當然不得了。龍蝦嘛... 我在未開店時，睇住廚師從對面魚店捧著一箱龍蝦回鋪頭，你話新唔新鮮？令人驚訝的，其實是威靈頓牛排，非常嫩滑，這算是我吃過最精采的威靈頓牛排了，難怪它的叫價比龍蝦還貴，沒辦法，就是一道功夫菜。

至於麵包，很油，但超乎想像的好吃，外脆內軟，口感彈牙，抹上濃厚的鮮牛油，幸福到不得了。

食飯期間，來了幾個年輕人，望著門外的餐牌用廣東話在討論價錢。我一面開著龍蝦鉗，漫不經心地搭話：呢間係貴啲，但真係好食，不過未必有位，你們問問店員碰運氣吧！

佢地嚇親，大概沒想到會遇上香港人吧？當然，我猜他們不知道我是人妻先生，不然應該會拎拖鞋追我九條街黎打— 仲搵你個死八婆唔到？！

我呢... 真係好多口，無論好同唔好，都管不著嘴巴，忍不住不說的。

吃飽了，又繼續到處走，這間生果店是我每次都會來朝聖的地方。生果靚之餘仲要鮮甜多汁，今次睇中佢啲青提，手指公咁大粒，有眼睇都知係靚貨，廢話少講，即買！

之後沿路又繼續「望下山望下海Macau旅行」，沿路見到有檔生蠔，嘿... 十月又開始踏入蠔季，怎能不吃蠔？但由於午餐食得好飽，做人唔好死撐個胃，要人家生蠔白白犧牲，所以我只點了一隻本地生蠔，這些本地蠔和一年四季都有的養殖石蠔不同，以礦物質味著稱，我吃完半小時，嘴裡還是有著淡淡的礦物味道，回甘的鮮甜一直徘徊不散。可惜我不喝酒，不然它用來配白酒還真的沒話說，港幣三十五蚊一隻，比普通石蠔貴了三倍，也是物有所值。

行完一日，回到家裡，拿出昨天在批發市場買到的「杏仁奶」，放到微波爐叮熱，加一匙西班牙蜂蜜，驅寒暖胃，再睡個午覺，又是美滿的一天了。

#港豬是怎樣煉成的
#呢隻杏仁奶真心推介
#杏霜咁款
#飲牛奶會肚瀉的朋友諗諗佢
#比牛奶更高鈣哦
#我準備更年期骨質疏鬆嘛
#說不定還能二次發育長高
#加蜜糖飲完再午睡
#堅好訓
#二次發肉的機會更高
#又矮又肥
#批發價十蚊一公升
#超抵買