【 《冲天救兵》爺爺Carl配音演員逝世 - 回顧戲中爺爺經典對白致敬！ 】 如果要大家揀一套最鍾意嘅Pixar動畫，相信唔少人都會揀《Toy Story》；但如果提到一套你睇親都喊到豬頭嘅Pixar動畫，咁可能有一半人都會揀《冲天救兵》，小編仲記得當年喺戲院睇，套戲頭嗰15分鐘，已經用爺爺Carl同婆婆Ellie由後生拍拖到一齊變老嘅回憶，搞到小編男人老狗，喺當年仲係曖昧對象嘅女朋友面前流晒馬尿（咁真係好感動啊嘛！） . 而有個遺憾嘅消息就係，喺電影中為爺爺配音嘅資深演員Ed Asner，經屋企人喺Twitter上證實，已經於近日離開咗我哋，終年91歲。Pixar亦都有發文悼念，形容演員Edward就好似現實中嘅Carl爺爺咁，外表cool cool地，但就係一個非常有愛心、善良嘅人。雖然Edward已經好似電影中嘅Carl爺爺咁，真正搭住佢間氣球屋抵達仙境瀑布，同佢愛嘅人重聚。但連日黎依然有好多網民湧到佢嘅Twitter留言表達不捨，亦不乏影迷retweet返《冲天救兵》嘅一啲電影橋段悼念佢。今日就等小編都趁呢個機會，同大家一齊回顧一下戲中經典對白，重新帶你認識愛情嘅模樣。 . 「幸福可以很簡單，當你想吃的時候有得吃，想被愛的時候有人來愛你」 爺爺Carl喺妻子Ellie過身之後一直都好後悔，覺得自己無兌現到後生嘅承諾，帶佢去睇仙境瀑布。有時現實就係咁，好似你plan咗帶另一半去旅行，最後因為公司臨時有事要改期，點知一改就變得遙遙無期。因為咁，爺爺每次睇親Ellie生前嘅日記，睇到「Stuff I'm going to do」，就無勇氣睇埋落去... 直到有次爺爺終於鼓起勇氣揭開下一頁，先發覺原來之後幾頁貼滿嘅，都係自己同老婆咁耐以黎嘅生活合照，而最後一張就係佢哋成頭白髮，一齊坐喺梳化微笑嘅合照。原來婆婆Ellie所謂「想做嘅事」，會令佢覺得幸福嘅事，只係簡簡單單，同爺爺一齊生活，一齊變老。幸福可以係追求，亦都可以係珍惜而家擁有嘅。 最後婆婆仲喺下面寫咗行細字「Thanks for the adventure, now go have a new one!」我同你嘅冒險結束咗，但我希望你可以繼續一趟無我嘅新旅程！ . 「 過去的眼淚，總是會讓人想笑；但過去的笑容，有時卻讓人流淚 」 翻睇你腦海入面嘅舊相簿，你估係開心嘅回憶令人眼濕濕多啲，定唔開心嘅回憶令人想喊多啲？小朋友應該會答唔開心嘅，但大人應該9成都會答開心嘅。因為到你真係大個仔，過去嘅唔開心睇返可以係好小事，但當過去嘅一啲開心已經追唔返，先真正令你意識到，原來無嘢係永遠，唔開心嘅嘢如是，開心嘅嘢如是。好似肥仔小童軍同爺爺分開以前同爸爸相處嘅點滴，講下講下就笑唔出；又好似爺爺睇返同婆婆嘅舊相簿，笑下笑下就眼濕濕... 有人話成世人最大嘅課題，就係學識點去失去。好在係，我哋喺失去嘅同時，仍然可以期待未來更好嘅回憶～ . 最後希望爺爺嘅演員Ed Asner一路好走，亦都多謝爺爺同Pixar帶畀我哋咁多回憶同感動～好幾次入戲院睇Pixar，啲大人仲多過啲小朋友，笑就笑得細聲過人，但喊又喊得大聲過人，一到啲喊位，開紙巾聲就此起彼落（咁當然小編都有份啦）... 或者有時大人入戲院睇卡通片，都係想揾返一啲畀歲月沖淡晒嘅簡單同善良。 . #好多人以為幸福係要同另一半做啲咩大單嘢 #但其實幸福都可以係拖下手仔 #一齊變老 #黎緊冲天救兵仲會有外傳動畫 #將會係演員Edward最後一次為爺爺獻聲 #大家記得唔好錯過 #情侶 #愛 #愛情 #語錄 #拍拖 #香港 #電影 #pixar #沖天救兵 #金句 #影評 #卡通 #動畫 . 睇咗笑完就算？不如科勞埋我哋啦！ 即Follow @hkstylecouple 收聽更多港式愛情趣事、一齊學識點樣愛❤️ 歡迎DM投稿戀愛趣事/愛情煩惱，我哋等緊你㗎😙！

看完醫生報個平安可愛🤍 沒什麼小毛病 都是老狗老化該有的大毛病 今天因爲吃完藥還是喘不停 所以打了點滴氧氣 檢查了一番 還拔了兩顆小牙🙈 然後快快樂樂的回家 路上小嚕還尿了一屁股濕濕 (打了點滴小膀胱憋不住😆) 小嚕報告完畢...睡午覺去~

#bfmurmur1157 我目前仲未同任何人講過呢段經歷，只有父母知道，原諒我咁大個人都唔識處理自己啲情緒。呢篇野有啲長，不喜勿入。 本人男 我係雙性戀，有一個老婆，啱啱結婚一周年，仔仔宜家九個月零三日，我愛佢地，好愛好愛，但係我唔知道點解，我好似永遠都放唔低陪我走過三年中, 大學生活既佢。 中四識佢，我地三科electives都一樣，所以好快做左好朋友。佢係一個好陽光, 好自來熟既男仔，隨便同邊個都可以傾到計，差唔多成級都係佢d frd。大概係遇到佢我先知道我竟然都鐘意男仔，有過一個女朋友既我點會諗到我係一個gay？意識到呢個事實既我，憋屈左好耐，不過我真係好好彩，鐘意既人同樣鐘意你係幾咁幸運既事，特別係對gay黎講。 追佢其實好辛苦，特別係唔知對方係咪gay既情況下，過程太過艱辛，不作過多描述。總言之，我地成功係F6既時候係埋一齊左，令我驚訝既係，平時女同學所講“man到爆炸“既佢，其實連烏蠅同天蛾都會驚。 year two既時候我父母知道左，佢地唔支持同性戀，其實可以話係恐同，啊媽喊住叫我地分手，啊爸二十年黎第一次打我，將我趕出左屋企。佢係半夜whatsapp我話佢都講左俾父母聽，一樣係反對，只不過結果係我冇得翻屋企，而佢冇得出門口。 同父母鬥爭左一年，我負擔唔到學費，我俾唔起hall錢，我好無用，我連捍衛自己愛情既力量都冇，我就係一個垃圾, loser, 廢柴，最令我擡唔起頭既係，佢心痛我又要打工又要翻學，主動同我提出分手，而我，再俾唔到自己掙紮既理由。我咁耐以黎第一次見到佢喊，而且係因為我而喊。 之後繼續翻學，為左要對得起佢，我咩都冇理，就只係狂讀書，中學都算話有妹妹仔gup我打波既我，變左一個麻甩佬。努力冇辜負我，成功first hon畢業，宜家係一間不大不小既公司做緊野，也算是不過不失。 老婆係相親相翻黎既，原本只係想應酬啊媽，結果發現都傾得埋，因為雙方父母都希望快d結婚，所以拍左一年就結左婚。果段時間已經俾工作麻木左，我知我好賤，我當時都唔知自己究竟鐘唔鐘意女方，我只可以肯定，我可以盡好一個老公既責任，甚至係一個爸爸既責任。 結婚果日佢黎左做伴郎，我請佢黎既，到宜家我都後悔呢個決定，果時我聽講佢已經有左新對象，而我都以為自己放低左，其實唔係。我見到佢著住西裝入黎教堂果下，我呆左，以前眉清目秀既佢多左小小鬚根，成熟左，但係笑起黎都係好似只哈士奇咁，憨憨居居。佢同我講，“Hi ！好耐冇見。“佢把聲冇變過，但係語氣有啲生疏，我諗翻起我第一日見佢果陣，一樣幹凈既白裇衫，一樣梳唔整齊既頭發，好多野都相似，但又好似唔一樣。 佢好似過得好好，一樣咁自來熟，同我老婆傾左好耐計，係咁爆我中學啲樣衰事，老婆笑到眼淚都要滴出黎，而佢自然得好似我地呢段感情從來冇發生過一樣，我應該覺得開心定唔開心？婚禮開始，我企係牧師隔離等緊老婆行過黎既時候，佢係我隔離，細細聲咁同我講， “我地終於一齊步入婚姻殿堂啦。“原來佢仲記得，我話等我地畢左業之後去外國結婚，養只狗，養條金魚，但係就唔好要細路仔，佢想要有二人世界。 到今日為止，老婆都成日攞我幫佢帶戒指既時候流馬尿呢件事黎笑我，每次佢笑既時候，仔仔係隔離都會笑到騎騎聲，唔知佢係咪都識聽呢？ 我冇諗過要去搵佢，我已經足夠幸福，我唔想做背叛我老婆既事，我想做一個好老公好爸爸，我可以向啊爸學習點樣做老公，但係我永遠都唔會向佢學習做爸爸。我可以努力供樓，等老左唔使憂。我可以間中帶下妻, 子去旅行，唔想仔仔同我一樣18歲都冇出過香港。如果可以，我仲想忘記……唉，都係算啦。 打完咁多字，我好似已經諗通左，俾佢活起回憶入面，又何嘗唔係一件好事？或者有一日，我會有勇氣同老婆講翻呢段青春歲月，等仔仔大左，再同佢揾日黎一段男人老狗既深夜麻甩對話。 -- #hkig #couple #murmur