［越南Circle K市佔率三成幾，其實係港資］

1. 舊年在明報都寫過兩次越南，越南正行國運（http://bit.ly/39mFQsH），憧憬金源越南Circle K轉盈（http://bit.ly/2vBZH8r）．今年再下一城。

2. 是咁的，早排嘅越南trip，其實係應金源米業（677）邀請。金源米業，就固然係金象米袋鼠米嗰間，但我就唔去落田考察（除咗泰國米亦有越南米），而係去睇越南嘅Circle K

3. 去過河內或胡志明市，就一定會見到Circle K，因為係當地最大間，market share三成幾，而且拋離第二位超過一個開。反而你搵七仔就幾難，胡志明市好似有少量，河內好似冇。但問越南朋友，都甚少知道越南Circle K係港資嘅

4. 基本資料，睇舊嗰兩篇文已有。簡單嚟講，中美交惡，越南似乎係真正大贏家。而吹咗咁多個「下一個中國」，真係越南最似樣。因為夠窮，而人口又夠多。越南當然係好窮，你去胡志明市河內未必覺，但大城市之外，你見啲友搏命去偷渡。窮得嚟仲要多人，你先可以做到製造業大國。你見而家搬廠唔少都揀越南，唔只係睇成本，仲要你有咁多廉價勞動力先得架。柬埔寨緬甸窮過越南添，但邊有咁多人？

5. 當然仲有一大優勢，就係年輕。真係周街都係後生嘅越南妹（同仔），便利台都係後生仔女，顧客固然係，店員亦都係，同香港就好唔同了

6. 便利店業務大家都知點玩，但越南同香港仲有樣幾唔同。越南啲Circle K好大，幾千尺都有，幾層。兼具埋星巴克，同埋餐廳嘅功能。真的，好多時啲Ｏ靚仔在嗰度當自修室咁，做功課，吹水，涼冷氣。因為租平先負擔得起呢啲玩法。咁你話，其實坐成日買杯嘢飲，唔賺得幾多。公司就真係睇長線啲，好似麥當勞咁，細細個洗佢腦（呢句我話嘅），大大個有錢自然忠實。

7. 餐廳方面都差不多，固然唔會賣咩好複雜嘅嘢。但其實剛好食正大城市啲中產堀起。啲白領，坐街邊又嫌太cheap太熱，但食餐廳又太貴未食得起，坐Circle K有冷氣有得坐係比較中間嘅選擇。

8. 好啦，講數字。其實而家金源米業，嚟自越南嘅收入，已經超過香港，即係Circle K業務，收入已經多過香港。賺錢未？仲未，但正係呢下嘢先最有爆發力。公司有講，其實最新一期業績，Circle K已經EBITDA positive，下一步就真係有盈利了。正路地，就梗係諗分拆出嚟。正如當年我睇嘅理文（746）都係先有化工然後又再分拆手袋咁
9. 另外，你睇中期報告（http://bit.ly/2TuWM9m），第一句就講Circle K，之後先係米。仲要封面都變埋越南了，邊樣係重點，十分清楚啦。

10. 股價早排炒咗上嚟，好似話因為有人當肺炎受惠股。我同主席林先生吹開水，佢一笑置之，話大佬，你食得幾多包呀米呀？佢話對公司冇乜著數，頂多係啲錢早咗少少到，其實係預支埋之後嘅需求。

11. 今日（星期三）又升咗上嚟，原因唔知，我唔會自大到話因為我在明報有寫。你問我就…..有機會咪等回下先買咯，隻嘢差不多52週高位嚟的！但其實舊年寫過啦！

12. 呀仲有，其實主席差不多日日在買的。唔使內幕，公開資料。（http://bit.ly/3arQgap）。唔係好多，但半年間，都0.9%買到1.5%了。

13. 睇明報全文嘅，呢度（http://bit.ly/2Tomgqh）。當然下面亦都有原

————————————————————————————————
小弟上星期往越南出差，先到北方河內，再到南方的胡志明市。越南朋友告知，即使是戰爭結束多年後，北方人和南方人還是有不同的身分認同。不一定是敵意，但總之是不一樣，就連吃湯河（pho）喝咖啡也不一樣。小弟笑說，就像日本關東關西，處理鰻魚、天婦羅也不一樣？朋友說分別遠超於此，總之外國人就不會明白，但越南人也不會要求外國人明白。

來自南方的朋友不忘提醒，越南的新肺炎疫症集中在北方，南方的個案也是北方傳來。河內機場酒店員工當然有戴口罩，但市內則不算太多人戴口罩，去到胡志明市就更少。

香港朋友奇怪小弟仍敢到越南？答案是：明顯地越南比香港安全。暫時16宗確診，全數痊癒，死亡宗數是零。明明越南是貧窮國家之一（人均GDP全球排名130，和安哥拉以及巴布亞新幾內亞相若），為何「痊癒率」如此高？小弟去年的文章有提供答案：越南是相當年輕的國家，而暫時極少年輕人因疫症而死。

眾多「下一個中國」 越南最像樣

去年3月，小弟寫過〈越南正行國運 留意當地股市〉，今次再到越南，感覺更加正面。眾多「下一個中國」，越南最像樣，似有機會跑出。中美交惡令越南左右逢源（雖然特朗普也曾炮轟越南），最近的疫症也當然令企業三思，似乎不應將所有供應鏈放在中國。但說來容易，實行則不是如此簡單。馬來西亞和泰國人工已太高，柬埔寨緬甸人口不足。勞動力夠便宜人口又夠多的，只有越南，菲律賓及印尼、但當中只有越南有強勁的製造業傳統，相信也和國家政策有關。

舊文提過，越南政府看似反華（至少表面上是），但也暗地視中國為學習對象。中國未富先老，增速只會放慢，越南則有人口紅利，年齡中位數才30歲。當地人消費信心極高，在東亞諸國中名列前矛。而當地接近八成消費仍是經傳統渠道——所謂傳統，是指街市小販攤檔一類，商場超市便利店仍是新興事物。公司的年輕同事未到過越南，想像中越南就和緬甸老撾柬埔寨差不多。此推測不算錯，但越南和其他鄰國有一大不同，就是街上甚少見到簡體字。有云是越南人不太喜歡中國人，也有說是政府樂得製造外敵轉移視線，但數據不說謊。去年外國投資越南名列第一的，是韓國，第三是新加坡。第二呢？不是中國，不是美國，也不是日本，是香港。今次小弟是應香港公司金源米業（0677）邀請，參觀公司業務。金源是老牌公司，金象米袋鼠米等等陪着大家成長，不用多說。但小弟並非落田考察，而公司賣點也不止是白米業務。

去年另一文章也提過金源，題為〈憧憬金源越南Circle K轉盈〉，不解自明。問幾個越南朋友（非金源僱員），都不知道越南的Circle K是港資公司。香港不少朋友更是聞所未聞，但只要去過河內或胡志明市，定必會見到Circle K，因為公司市場佔有率近三成，是當地龍頭，店舖數目近400家（主要在兩大城市），是第二名的兩倍多。

舊文提過細節的不再重覆，大家可以重溫，想說的是「越南Circle K轉盈」已實現大半。此話何解？公司最近中期業績（截至去年9月底）提到，越南Circle K業務雖然仍虧損，但已達至EBITDA（除稅、息、折舊及攤銷前盈利）正數。

市值大折讓 倘分拆業務勢重估

此外，小弟舊文提過，「（金源）來自越南的營業額會超過香港」，此預言在最新中期業績已實現。更重要是公司中期報告，主席報告書中先談Circle K帶動業績，然後才是白米「本業」，公司中期報告封面也變了越南地圖（誰說細節不重要？），未來增長點為何？十分明顯了。

最後談沉悶但重要的數字，金源近期股價相當堅挺，市值約是11億，較帳面值13億仍有折讓。在香港澳門營運Circle K的利亞（0831），帳面值是金源的一半，約6.5億，但市值是金源的一倍有多，27億。當然兩者不能直接相比，市場不同，而且利亞差不多是純零售股，但隨着越南Circle K繼續增長，金源的「零售味」只會更重。倘若一天公司分拆業務獨立上市，定必觸發重估。

下行風險又如何？聞說有人認為金源是近期疫症的受惠股，因為人人搶米，但主席林先生只是一笑置之，認為只是提前消費。近期市况波動，香港經濟則很可能陷入衰退，但留意金源坐擁2.6億淨現金，非但沒有資金壓力，甚至有機會壯大業務。

仙台尋找魯迅 （五千字長文，多圖，慎入）

多圖，睇medium 版啦

1. 篇文原本係想叫做「仙台尋找周樹人」，呼應返「緬甸尋找奧威爾」(http://bit.ly/35VPVue)（本書我就在緬甸買的，水已魚），而且七個字嘅題比較有音樂美。但，首先，我懷疑根本冇人知道「緬甸尋找奧威爾」呢本書（倒係我引過書中關於「惡龍」嘅傳說，好多人轉貼，沈大師都有轉上轉）(http://bit.ly/2LbLCTK) 。另外，我亦擔心，根本冇人知道周樹人就係魯迅。

2. 真人真事，我話去睇魯迅，有人以為係佬訊
(http://bit.ly/2P6IidD )。應該都係我啲廣東話太差。幸好我有急才，話佢知，係呀，咪佬訊張profile pic嗰條友

3. 本文就真係講在仙台尋找魯迅足迹。好似話唔少人，根本連魯迅在仙台留學都唔知，甚至佢在日本留學都有人唔知。又或者唔知，原來日本（人）仲保留咗咁多魯迅嘅東西。

4. 可能係我偏見。但我在網上搵關於在仙台尋找魯迅足迹，出嚟嘅，唔係台灣文，就係大陸文。包括項明生(http://bit.ly/2RcJW0f) 。你話，嘩，項明生都大陸仔？幾時開始玩血統純正論？差矣。你睇佢書就知，佢好多遊歷，都同佢在大陸讀書成長嘅經驗有關，包括佢寫魯迅。因為佢有提過，《藤野先生》一文（出自《朝花夕拾》，陣間再講呢篇文）(http://bit.ly/2RdBNbU) ，係大陸語文課本必讀。我年代香港中學都必讀魯迅，但冇呢篇文，收嘅幾篇文，都冇直接講魯迅去過日本。雖則講佢點解「棄醫從文」時其實個轉捩點就在日本

5. 而陪我在仙台上路嘅，正係香港人天書，閃閃書。嘻，唔係你以為係乜？我覺得呢本書好代表香港精神喎。定你覺得拎本正文社就文青啲？唔知。但肯定嘅係，我唔會拎本Lonely Planet去日本，實在太裝B 。雖則，我其實去緬甸去老撾都係拎本Lonely Planet。諗諗下應該去台灣韓國日本都拎，扮下ABC呃蝦條都好

6. 而當然 ，在仙台閃閃書入面，關於魯迅嘅東西，係零。一個字都冇提過。not a single fucking word．啱丫，你睇人封面寫乜先？食玩買終極天書嘛。魯迅食得的？你睇閃閃書想搵魯迅 ，不如買龍虎豹搵（而其實啲鹹故文學水平幾高，肯定高過閃閃書，實不相瞞都對我寫作有啲影響）。

7. Anyway，我去仙台，主要都係食同玩（朋友可證，我同囡囡，都係唔買嘢的）。食，咪食牛舌。咁玩，咪玩魯迅。本人住在仙台站附近，去片。

8. 香港一般人，對魯迅應該唔太陌生，特別係我年代嗰啲，會考仲有指定課文之類，中六七做讀書報告亦都必睇。許欽文本《吶喊分析》，等於米高佐敦嘅Bryon Russell ，或者柏金嘅達比薩斯。就係多得考試局要做《吶喊》先有人買佢本嘢。而本人當然不屑買呢啲書，我成份嘢都係自己寫，好似寫咗成萬字。你睇我其實自細已經係咁：離群，扮撚晒嘢，同埋口水多過茶。

9. 無論如何，《孔乙己》《狂人日記》《阿Q正傳》呢啲，稱得上深入民心。《一件小事》《風箏》我年代初中亦有讀。仲有呢十年人氣急升嘅「血鰻頭」，亦係出自魯迅（你以為係長毛發明的？）．而根本冇乜人留意，其實篇文（《藥》），係話「你班友戇撚鳩」，民智未開，革乜撚嘢命。

10. 仲有，「 你永遠無法叫醒裝睡的人」都可以半歸功於佢。而家但凡你講外國點點點，會有人話「臭蟲」，出處亦係魯迅。當然仲有吾友 利世民 (http://bit.ly/35Xtkxk) 最鍾意嘅一句：可憐之人必有可恨之處。同樣係多得魯迅發揚光大。

11. 張學友同林嘉欣（wow，初出道扮學生妹嘅林嘉欣）套《男人四十》(http://bit.ly/37SDbGN) ，我睇咗幾次。一開場就有張學友教中文，教完孟子，就預告下堂教魯迅。同學大呼out，張學友強調魯迅好in，「係第一代去東京留學兼掃貨嘅型仔」「佢住喺神田，坐山手線由Shibuya坐十個站就到啦」。我地Fact check一下，的確係十個站，岸西啲劇本係認真嘅。

12. 但魯迅在東京讀嘅，類似係foundation course 或者預備班。原本佢應該係去東京帝國大學讀採礦冶金，但佢選擇讀醫，去仙台。原因未有定論，有講話因為佢老豆被庸醫（中醫啦）所害，佢自己棚牙又一路都唔好，加上佢覺得西醫係日本維新好重要嘅部份。至於點解去仙台？佢自己有提過睇唔過眼東京啲留學生玩吃玩樂，正係在《藤野先生》入面講，所以佢選擇去冇中國留學生嘅地方（我懷疑亦因為東京大學讀醫好難入）

13. 魯迅當年讀嘅係仙台醫學專門學校，後來（都成百年前）併入東北大學。由仙台站行過去15分鐘左右，仙台雖然已經係東北最大城市，但只係100萬人，同香港冇得比，加上天氣好，行15分鐘極之舒服（其實我全日都冇坐過車，基本上半個鐘頭以內嘅我都會行）。

14. 11月尾嘅東北大學，係已經冇乜人嘅。放晒假？又好似唔係。要上堂？或者係。但我只係想講，你同香港嘅大學比下，香港嘅大學就算放假，都係嘈得多。

15. 好快，就搵到魯迅在東北大學嘅像，亦寫明係仙台醫學專門學校遺跡

16. 東北大學史料館，係有專門一個展示室畀魯迅

17. 但自己留意返開館時間 ，另外留意，其實史料館裝修到下年3月。我仲以為冇得睇，其實係臨時搬咗去第度。不難搵，反正個校園本部唔大。

18. 入面就由魯迅離開東京去仙台讀醫開始講 ，講佢因為想遠離留學生而去仙台，當然亦都係引返魯迅《藤野先生》一文。留意成本《朝花夕拾》都係回憶錄（睇書名就知），魯迅寫時已經近50歲，然後未到60就死咗。想講係，魯迅廿幾三十年後回憶前事，或者有選擇性遺忘，有文學加工，或者根本記錯，絶不出奇。畢竟嗰個年代佢未會打卡放上Facebook

19. 當年報紙都有報，魯迅唔只係仙台第一個中國留學生，甚至就係第一個留學生，相信亦因為咁，仙台醫專對佢非常好。報紙亦都有提佢識日文。當然近年唔少憤青考究返，魯迅譯文好似不少錯。亦可以話日本人只係厚道，或者官方話佢識日文佢地咪照講。但相當肯定嘅係，佢嘅日文點都有一定程度。

20. 其實諗下都知，佢冇人冇物，可以在仙台生存，上堂，讀醫，寫筆記，藤野先生會批改。佢有乜可能日文會差？咪撚玩。當然而家你拎出嚟驗屍咁驗挑錯誤就好易的。等於你睇慢鏡覺得「屌，畀著我就右腳控定扭過一個再左腳拉遠柱啦，咁射，仲話球王。」

21. 藤野先生，藤野嚴九郎嘅CV。十分守規矩，寫晒每份工幾錢人工。最後都係40 yen個月，有興趣可以對返當年物價。但魯迅月租都好似要8 yen，考慮到魯迅仲要只係一條友，亦唔會住得好，可見藤野先生唔算好高人工？

22. 《藤野先生》一文嘅初稿。當然只係複製品

23. 魯迅讀醫嘅時間表。有冇留意日日都上「獨逸語」？獨逸就係德意志。讀醫必修德文，因為啲字都係用德文。聞說去到而家都仲係好多醫學字用德文。所以魯迅當然都識啲德文，事實佢未去日本已經識啲。反而英文佢好坦白話自己係唔識的。

24. 成績表，特登放大畀你睇。因為有人以為魯迅成績太差，所以先作個故事出嚟話棄醫從文。後面會講，故事或者有啲創作，但魯迅成績，就肯定唔係好差。正如佢在《藤野先生》入面寫：「同學一百餘人之中，我在中間，不過是沒有落第」。睇返成績表，並無大話，幾十年後佢都冇呃自己。142人魯迅考68，正如佢講，唔係太雞又唔太好。考慮到佢係唯一一個留學生，又唔係細個學日文，又多課外活動，其實相當勁。不過正係佢最尊敬嘅藤野先生嗰科解剖學佢就肥咗。可能因為咁先幾廿年後慚愧寫返文講佢。

25. 不過亦留意，魯迅在畀友人書信中，亦提過在仙台讀醫，悶，死記，又多堂上，阻住佢啲「課外話動」（「校中功課，只求記憶，不須思索，修習未久，腦力頓錮。四年而後，恐如木偶人矣。」第二是課時太多，無暇搞譯述活動：「而今而後，只能修死學問，不能旁及矣，恨事！恨事！」）。可以見到佢並非讀得好開心，亦有點吃力。

26. 另外留意，全部成績示眾，邊有而家咁玻璃心。仲有，魯迅中游，已經係丙。唔係A* 人人first hon量化寬鬆

27. 走堂全部有紀錄。魯迅都有走過，唔知去咗邊。當時就冇人講「大學中學化」「學生唔上堂教嗰啲要檢討下」（不過我估而家醫學院都唔會有人走堂嘅可？）

28. 魯迅嘅transcript，仲有JUPAS personal statement，好求其架咋

29. 呢個就勁咯，唔止係麥高芬(http://bit.ly/33B8T7T) ，直頭係中國文學史嘅轉捩點。傳說中嘅，魯迅睇嘅仙台醫專幻燈片，亦即係村上春樹嘅明治神宮野球場養樂多燕子隊(http://bit.ly/34Jowvo) ，亦都係埃汾嘅......50萬琴行空姐（有機會再解呢個故事）

30. 但Fact check 一下，當年真係有放幻燈片，亦的確有講日俄戰爭，但冇魯迅講嘅行刑中國人。有可能係文學創作，或佢根本記錯咗。

31. 然後大家都知，根據魯迅所講，佢認為救人身體冇用，冇腦的話身體再強都係把托，佢認為成個民族頭腦都病咗，所以棄醫從文。讀咗一年半。臨走藤野先生仲畀咗張相佢，呢啲都在《藤野先生》有提。

32. 但恕我無禮，魯迅點解棄醫從文，仲係一個謎。佢成績唔係太差，但亦唔係好，拎獎學金基本上無望，呢個可能係原因。另外亦講過，佢讀醫讀得唔開心。仲有更奇怪嘅係，魯迅1906年3月退學，同年畀佢老母用「病危」做理由電報召返中國。同年7月佢就順老母意結埋婚。當中似乎係有啲嘢。更特別嘅係，佢結婚冇耐，又再去返日本，去到1909年先返中國教書。魯迅退學後當然冇返仙台，係在東京。到底做乜過乜？冇乜人知。只知章太炎流亡東京，魯迅有佢去屋企聽講。但冇可能係佢生活全部，況且章太炎都去到1908年先去日本，咁之前魯迅在東京做乜？冇人知。可能睇其他史料有，但我暫時唔見。聞說佢仲可以花天酒地，又有日本妹做女傭，仲資助埋細佬周作人在日本讀書。

33. Anyway，呢個「階段教室」（樓梯是也）係意外驚喜。係魯迅當年上課嘅地方。你網上睇嘅資料，包括睇項明生講，都話你知要預約，往往要成個星期甚至搞一個月。

34. 結果我嘅預約，就只係去嗰度寫個名。又，原本想寫University of Warwick，但唔識寫片假名，所以都係寫香港大學算。又，手眼協調差，啲字係咁上下。

35. 平時係鎖埋的，但我去嗰日根本冇人，任你點坐都得。

36. 魯迅和藤野先生。有人話似黃之鋒

37. 離開東北大學，仲有其他魯迅足跡。估下呢間係乜（雖然同魯迅無關）？

38. 其實就係學生嘅餐廳。十分抵食，不過我費事咁缺德去同人爭食，雖則人唔多，亦唔見話一定要學生先食得。

39. 又，當年在愛沙尼亞（仲要唔係Tallinn!) ，我都去學生飯堂食飯，罪過罪過。咩啫，咁完全唔見有其他地方有嘢食嘛，Tartu就係個大學城

40. 繼續，離開東北大學，景色依然靚。行多一陣（睇返我最上嘅地圖，中間冇注解嘅紅點），就會見到一個咁嘅東西

41. 就係魯迅在仙台讀書時，佢住嘅地方。不過而家乜都冇剩，得返呢碌柱。但有冇依稀記到左下角寫乜？係「郭沫若題」。其實之前呢度都只係得呢碌柱，後面有間屋，但係私人住宅，冇開放，而家間屋都冇埋

42. 不過，勁咯，原來起個魯迅紀念廣場。但2021年先完工，又有藉口再去仙台食牛舌。

43. 繼續行多半個鐘（！），就會去到仙台青葉山公園。呢個東西同魯迅無關，但順手講下，係五色沼。有乜特別？係日本花樣滑冰嘅發源地。最初就係德國人在呢度開始教日本人（冬天會結冰啦大佬），之後差不多所有日本嘅花樣滑冰選水，都係師承自仙台嘅呢班初代教練。

44. 而羽生結弦就正係仙台人。

45. 去到公園入面嘅仙台市博物館，一樣有魯迅像

46. 同埋魯迅碑

47. 留意上面寫嘅係日文。又係郭沫若
________________________________________
48. 講仙台遊歷講到呢度，之後係個人感想，唔鍾意可以跳走。

49. 最後講下（有冇人睇到呢度？），4年前，2015年 ，我先第一次去日本。2017年我去咗東京明治神宮野球場。上面講過了，明治神宮野球場係,村上春樹（至少佢係咁講）忽然決定要「寫啲嘢」嘅地方，資深村上春樹迷實知。我去嘅原因，十分明顯啦。然後去到2019年，我去埋仙台，在東北大學，去到魯迅（至少佢自己係咁講），決定棄醫從文嘅地方。兩大我心中嘅文學之神，影響我最大嘅作家，就係呢兩個。

50. 兩個都N咁多人寫過，但我都係要講，魯迅，係一個十分「型」嘅作家。就係村上春樹在《聽風的歌》(http://bit.ly/2DzFOPR) 虛構嘅 戴立克．哈德費爾（好多人以為真有此人，包括我）一樣，係以文章做為戰鬥武器的少數非凡作家之一。

51. 其他人可能都寫得好，但係唔型。錢鍾書都型，但其實老婆楊絳寫文比較「人性」。陶傑都型，但倪匡寫故事蔡瀾寫雜文更好。Oscar Wilde George Orwell都型。冰心就唔型，巴金亦都唔型。聞一多郁達夫型，徐志摩仲型，郭沫若如果死早啲就型，咁長命，搞到去中華人民共和國，就唔型。梁實秋胡適就唔型。白先勇都型，梁啟超唔型。太宰治同三島由紀夫就當然型過村上春樹，但講真村上春樹寫文最好。以上種種，自己慢慢細味下。

52. 簡單嚟講，短命咪型，死於非命就更好，live fast and die young。Heinrich Heine話頭，Sleep is good, death is better; but of course, the best thing would to have never been born at all．但佢除咗呢句嘢外就完全唔夠尼采或叔本華咁型。正如我無法想像「如果家駒未死」會點，請別誤會，我懷住最高嘅敬意講呢句嘢，真歌迷應該會明。

53. 當然總有例外，魯迅唔算太早死，村上春樹成日跑長跑有排都唔死，白先勇八十幾歲都未死，錢鍾書九十歲先死，楊絳百幾歲先死添。

54. 東京（神戶都有）尋找完村上春樹，仙台尋找完魯迅後，似乎下一個，就到白先勇。當然可能返Warwick尋找陶傑簡單啲 （但佢筆下近乎冇提過）。

桃園旅遊 魅力金三角形象商圈｜https://bit.ly/2Kywm4N
-
在緬甸、泰國、老撾三國的交界處，有一片三角形的區域，這片區域從未被標注在任何一張世界地圖上，但它確有著大家耳熟能詳的名字，它就是曾經的最大毒品產銷地——金三角。

上週收到了桃園市經濟發展局特別贊助遊程，來到了位於桃園的“魅力金三角形象商圈”，為什麼叫做金三角形象商圈呢？因為這邊住這一群人，這群人大多數都來自剛剛一開頭提到的“金三角”。

或許還有人對於金三角比較陌生，這邊在文章內也有一些關於當地人的小故事，就一起來看看吧 :)

-

想獲得更多資訊： 魅力金三角
-
INSTAGRAM / https://bit.ly/2Tckpmf
FAECBOOK / https://bit.ly/2RTK9SQ
MY BLOG / http://sai083.pixnet.net/blog
-
http://sai083.pixnet.net/blog/post/350430709

「我簽了約後就出現這疫情，現在勉強有人工，但投資的錢是一分錢也賺不回來。」已屆六旬、滿頭白髮的文先生說，用上最精簡的人手，一個能幹的太太，全力主理廚房所有事，讓他一人專注於樓面、水吧，兩公婆胼手胝足，在這小小車仔麵檔，已捱去一年多。

開心車仔麵
地址：跑馬地奕蔭街38號地下3號舖
電話：5394 7870
營業時間：星期一至日11:30am-9pm


足本訪問： https://bit.ly/3xe9kEC




===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【跑馬地越南菜】老撾金融才俊夥暖男上司開檔 食材自家製 賣清甜牛尾湯粉＋炸春卷＋地道會安薑黃魚(飲食男女) (https://youtu.be/JzRZOGK75dU)
跑馬地53年傳奇法國菜Amigo 金庸親筆題字「我最喜愛西餐廳」前港督彭定康黎明張學友都曾到訪 (飲食男女) (https://youtu.be/q8g34sXEpV8)
Ricky x Billy帶路試跑馬地高級意大利小菜館 至愛紅蝦意粉 Billy由富商落難變名廚：「船到橋頭自然直」｜祥仔飯局(飲食男女 Apple Daily) (https://youtu.be/kpVV7xdHeiI)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#跑馬地美食 #車仔麵推介 #開心車仔麵 #奕蔭街餐廳 #滷水 #車仔餸
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9

雜貨網店｜「獄」火重生 蠔涌爆炸品案 27歲混血被告 網上賣南意芝士火腿 父欣慰：他做得很好 https://bit.ly/3dyZCp7

任香港社會再深明大義，犯罪坐牢留下的案底紀錄足以改寫手足的人生軌迹。27歲的彭艾烈（Rizzy Pennelli）5年前捲入西貢蠔涌亞視舊片廠爆炸品一案，串謀製造炸藥和管有炸藥罪成，判刑3年10個月。當年廿歲出頭的Rizzy其實是一個從英國完成大學課程、拿着飛機工程學位的電腦技術員，連法官也為這有為青年入獄而感到惋惜。Rizzy深明案底紀錄影響日後找工作及晉升，更遑論成為專業人士，鐵窗下努力籌謀，為自僱做好準備，練得健美身材之餘，亦萌生做食品小生意的念頭。

Rizzy Italia
網站：https://bit.ly/3cDRdi6

【《阿飛正傳》港式西餐】68年老店 第三代兩兄弟靠羅宋湯守住爺爺招牌：不做會很可惜
https://bit.ly/3gpO8X6

港式西餐，又作「豉油西餐」，是一種帶有香港特色的西式料理。話說戰前，香港傳統西餐廳以服務英國人或上流社會人士為主，一般華人負擔不起。戰後，部份餐廳開始調整製法，用本地食材和調味料，豉油提味、鬆肉粉醃肉、茄膏煮羅宋湯等等，做出合華人口味、價錢又大眾化的港式西餐。皇后飯店，便是那時代的產物。一盤家庭式生意，至今跨過68年，捱過倒閉，撐過回歸，傳承三代，幾許風雨，仍傲然挺立。要寫這個舊殖民時代的傳奇故事，卻落筆在風雨飄搖時。對於老店，對香港來說，今宵多珍重。

皇后飯店（灣仔分店）
地址：灣仔茂蘿街1-11號1樓
詳情： https://bit.ly/3fwJFOp

【西營盤西餐】西環地標50年西餐 經典即煮森美汁 子女傳承罕見地氈牛柳：爸爸真係好叻！
https://bit.ly/2O4xSeG

臨近海濱的山城，是一抹碧綠糅合湛藍與「石屎森林」的灰，彷彿是一幀浪漫歐陸風景畫。然而，如詩如畫般的地貌，在我土亦可尋得這片美好風光。來到香港島西部，半山區及中上環接壤處，西營盤便是一座山城，見證了香港的發展歷史，展現華洋雜處樣貌的大眾生活區。

森美餐廳
地址：西營盤皇后大道西204-206號
電話：2548 8400
營業時間：11am-11pm
詳情： https://bit.ly/32Qdxib

旅遊達人謝利高峰月入十幾萬 開茶飲店買豪宅 童年平凡但幸福 父親支持做KOL：他是叻仔
https://bit.ly/3naOphW

旺角很多茶飲店，其中一間位於彌敦道的「走杯」，不時有人排隊輪候。店主之一是旅遊達人謝利（Jerry C），他間中也會到舖頭幫手，沖茶、收錢之餘，也會跟客人聊天拍照。他不是甚麼明星，而是一位KOL。在KOL這個用語未流行之前，他於2011年便為某大旅行社擔任旅遊節目主持，周遊列國，行勻大半個地球。這份人人也羨慕的工作，一做便做了六年。許多人以為他是旅行社太子爺，因此這類旅遊體驗機會接踵而來，不過他卻説：「我也想是旅行社太子爺。」

【九龍城越南菜】老撾華僑帶子洪郎 為避共黨漂洋來港賣越南菜35載 父子兵堅守唔炒人：始終大家都有感情
https://bit.ly/3tyeZUo

掌廚多年的洪哥形容老撾的飲食文化無甚麼特色，更遑論遠近馳名的經典菜式，不過，東南亞地區是調味香料的世界，可能由於地處熱帶氣候炎熱，居民喜為食物加上富有刺激性的調味料，佐料的豐富多采是其共性，更是其精髓所在。而且，老撾菜式亦類近泰國，兩者同樣善用青檸汁來帶出海鮮鮮味，亦多用椰奶和鮮黃薑來調味，因此其家族主要都是烹調越南菜和泰國菜，前者多以魚露、醬油、新鮮香草、清新水果和新鮮蔬菜入饌；後者則講究酸、辣、鹹、甜、苦五味互相平衡，常以鹹、酸、辣為主，而帶着一點鮮甜，洪哥分享：「泰國香料同越南香料都係差唔多，嚟嚟去去都係咁樣，泰國菜就比較着重酸味同辣味，不過我哋主要做越南菜比較多，相比泰國菜嚟講，越南菜嘅味道就無咁濃。」

永珍越南菜館
地址：九龍城獅子石道18號新安大廈地下
電話：2382 1051
營業時間：11am-12mn
詳情： https://bit.ly/2xXCNcT

灣仔美食｜64年上海菜館老字號 傳承三代 保留傳統鱔糊滷味檔：生意差都唔放棄
https://bit.ly/2P8HxoG

手藝傳承不易，自己一手調教的徒弟常被高薪挖角或自立門戶，曾德祥顯得很無奈。即使如此，戴德仍舊強調對年輕一代的培養，他寄望子女能夠一直傳承傳統上海菜，免致失傳。戴德自中風復元後，雖然走路有些跛腳，但他以一貫「知足常樂」的心態去應對，這並未影響他堅持每天到店舖巡視，樂在其中，反而賺錢不是重點，「我唔鍾意價錢賣得太貴，我同仔女都係咁諗，唔使賺太多錢，都有需要回饋社會。再多嘅錢亦都帶唔走，人生在世係一種過程，瀟瀟灑灑走一回。」

上海三六九菜館
地址：灣仔柯布連道30-32號地下
電話：25278611，25272343
營業時間：11am-4am


===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#RizzyItalia #走杯 #謝利 #森美餐廳 #永珍越南菜館 #皇后飯店 #上海三六九菜館
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9

舊零食，伴着童年成長，很多藏有獨特的記憶，隨着年月增長，時代淘汰了很多士多，也淘汰了很多舊零食，連記憶都隨着這些舊零食而散碎難尋。趁如今財記仍在，不妨去淘寶，尋回童年舊零食的片片記憶。

財記士多
地址︰石硤尾南山邨平台商場2樓p86號鋪
電話︰從缺
營業時間︰5am-10pm，星期日休息

足本訪問： https://bit.ly/3g4ZG1C




===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【大廚出軌實錄】中環型廚挑戰石硤尾車仔麵 自創老撾風車仔麵街坊受唔受？(飲食男女 Apple Daily) (https://youtu.be/XZJm15vr5H0)
石硤尾美食｜42年麵包店 磚爐焗$16大麥包 日賣最多200個 軟熟有麥香 街坊：食足幾十年 (飲食男女 Apple Daily) (https://youtu.be/ofKfRrRPnfg)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#財記士多 #石硤尾 #南山邨
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9