【龔成問答信箱】（Q22161-22180）

Q22161：

老師，我見你話如果該股票是近幾年上市的，當分析該股時，都可睇一睇佢的招股書，但不明點解要再看招股書？
有什麼用？

龔成老師：

我地買股票，就是買企業，你要盡能力了解企業的業務情況，以及財務數據，只要企業是近年上市（例如近3年內），我地都會睇佢的招股書，這樣可以了解企業的發展，以及當中的財務數據情況，就能有效評估企業的質素，以及進行估值。

招股書有好多行業的資料，市場研究報告，行業預期的發展，企業預測數據等，都是好有用的。

------------------------------------------------

Q22162：

龔成老師你好！我留意左你FB已半年多，買左你幾本書，已睇完80後百萬富翁和股票勝經，現在睇梗財務自由行。睇左你既書感覺獲益良多，謝謝。幾時會係澳門開班？（已登記留位）

請教一下老師，我今年36歲，月入4萬，扣除供樓、家用同生活費，每月可儲蓄1萬5千左右，層樓仲有140萬要供，現在現金只有20萬左右，持有股票有：

9988 — 200股@206
1810 — 2000股@21
0270 — 18,000股@11.68
1113 — 3000股@38.65
1177 — 3000股@7.08

1113可以長期持有嗎？270要減持嗎？

上面組合如需重組，希望老師多多指導。

短暫目標係五年儲到200萬，退休時希望達到財務自由。

謝謝老師

龔成老師︰

由於疫情關係，暫時都未可以係澳門開班，當情況許可，我會馬上過澳門開班，到時同事會聯絡你。

你現時持股，都係有質素，全部都可以長線持有。

但任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

粵海(270)明顯太集中，要作出調整。

未來投資策略上，你可以投資「平穏增長股」和「潛力股」。你每月5成儲蓄，即是用$7500做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，資金不宜用盡去入市。你現有20萬資金和每月所儲倒的資金，建議等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你每月投資$15000 + 現有資產60萬(持股和現金)，5年後要增值至200萬，相信係很大機會成事。

至於長線增值，你都係維持這個大方向，咁就可以。

------------------------------------------------

Q22163：

龔老師, 打攪你, 請問1919 中遠海控除淨10送3點樣計算? 除淨前$19.36入左3000股, 應該送900股, 請問到時送的900股系咪除淨後價錢$15?

到時送股到戶口我的成本價點計?吾識計~ 請幫忙解答~

龔成老師︰

我地再精準D咁講，你除淨後每股成本，會下調至$15左右。(而非只係送的900股)

其實佢除淨後，就會按比例，將個股價向下調整。變相你每股買入成本係少左，但你持貨價值係依然不變。

若以佢除淨前$19.36計，除淨後每股就應該係$19.36 X 3000 / (3000+900) = $14.89

當然，實際開市個價未入樣，因為市場還會有其他因素，令股價變動。但單係考慮個10送3，股價就應下調至$14.89。

而你計算每股成本，都應該用$14.89。

------------------------------------------------

Q22164：

老師，您好！我快提早少少退休了，兩個月前第一次買股票。一隻領展，一隻香港寬頻。後者11.4買入, 一直跌去，現在已經跌到8.7了。

請問應該再買溝下，還是等？真的不開心啊！希望你可以盡快指點我。萬分感激啊！

老師，我每天看你的文章，希望好好學投資

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

香港寬頻（1310）主要在香港提供固定電訊網絡服務及國際電訊服務，以及產品銷售。

業務發展不差的，生意與盈利都有增長，不過盈利略有波動。

整體來說，有長線投資價值，收息不差，同時有基本增長力，現價算合理。

由於你將近退休，應以投資收息股為主。透過收息股產出的現金流，去支援你退休後的生活開支。

你現時持有的領展(0823)和香港寬頻（1310）都適合你，你目標主要係收息，所以股價波動，你係唔洗理。除非佢長線質素出左問題，否則你一直持有就可以。

以下係其他優質收息股，供你參考，現價都在合理區，可分注入市。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

------------------------------------------------

Q22165：

我人工每月可以存20000、想問下有什麼基金或股票可以有15%一年、月供20000

龔成老師︰

你可以選擇一些「平穩增值股」+「潛力股」作投資目標，比例你預大約各一半。

以現時大市合理區狀況，你可以每月先用一半儲蓄(即$10000)去做月供，另一半就先儲起架策略，餘下現金就是等大跌市時出手。

恆指當中有不少平穩增長股，至於潛力股，可考慮：安碩恒生科技（3067）、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814），但就要明白波動性比上述會高左，同時風險大左，你要自己平衡。

但你要明白，「潛力股」係有一定波動性，會有一定風險。你以上配置，拉長線平均計，每年大約有10-15%回報，相信可以達至你目標。

------------------------------------------------

Q22166：

龔成老師，我$31.65已入了345，買貴左，而家仲出左事，如佢有機會升多2元，我想轉去買322，請問322ok嗎？這個做法好嗎？

龔成老師︰

我地持有一間企業，主要係睇佢有無質素。而當佢出問題時，你要分析到底係中短期，還是長遠對集團有影響，才好下投資決定。

維他奶(0345)只是短期不利，但長遠，我相信影響又未算核心性，不過好睇事情的發展，要睇管理層，以及事件發酵程度，仍有未知數。

只可以話短期股價上落都大。

至於，康師傅控股（0322）其實本質不差，有品牌及規模，但內地的市場競爭都激烈。

這企業的長遠投資價值仍在，但在市場競爭較大的前提下，相信盈利會有點波動。可以理解為平穩增值股，因此估值不會太高。

現價算是合理區中上部，分注投資，長線，都可以。

若你持有維他奶(0345)，佔組合比重不高，你照持有，再觀察事態發展，係可以。但若持貨較多，你可以考慮換少少去康師傅控股（0322）或其他優質股，去平衡個風險，都係無問題。

------------------------------------------------

Q22167：

龔sir你好呀，有野想請教你。我今年40歲，月入20K，如可儲7-10k左右。

員工合作社已儲大約有20萬，利息3厘(每月儲$5000)，銀行大約有10萬，利息5.5厘、現金約10萬

現供每年約5萬保險 (醫療大約佔40%, 儲蓄大約佔60% (50歲可收回約70萬))

以前只係用最保本方法增值，但回報都未如願。剛喺Facebook 接觸老師約半年，現持有以下組合，由上年12月開始買股票

目標想年回報有8-10%！可唔可以比少少意見。

請教你應該點配置好，想有好既財富增長效果

持有股票:

1177 1000 $7.69
1345 15000 $1.09
3067 800 $17.24
6618 150 $119.98
6823 3000 $10.28
2845 50 $153.25

謝謝老師~

龔成老師︰

以你40歲年紀，依然係有財富增長需要。你現時銀行5.5息存款，勉強可以。但合作社3%儲蓄，實在太少。建議將這部份資金，用來月供優質股會較好。

"保險"只係理財中防守部份，買足夠保障就可以，增值可以留比優質資產(如優質股、物業等)去做。

你現時持有股票，都有質素，可長線持有。

但當中的中國先鋒醫藥(1345)質素都一般，盈利和股價都十分波動，最多只宜小注。建議你沽少少，換至其他優質股較好。

未來增值策略上，若你想做到長線平均有8-10%回報，你可以投資「平穏增長股」和「潛力股」。你每月5成儲蓄，即是用$5000做月供。其餘先儲起，用一邊月供一邊儲蓄的策略。

你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

到你有一定投資經驗﹐潛力股比重可以相應調高，佔組合約3-5成，視乎你當時投資經驗多寡和了解這些股票程度而定。

現時大市只是合理區，你現有10萬和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q22168：

本人34歲，已婚，有2個小朋友，我月入8萬，太太6萬，現金約100萬。

有一層樓收租（17000租金，差銀行400萬，現值800萬），有一層自住（差銀行400萬，現值800萬）。

小朋友開始長大，想換港島3房有工人房，睇過樓心水要2200-2500萬，好不好賣2間換1間？

每月可存6萬，點樣可以快d增值到足夠首期呢？另外要問下你點睇中人壽及華潤水泥。唔該你如果有空請回覆。thanks

龔成老師︰

財富增值方面，你可以用「平穏增長股」 + 「潛力股」作組合，去創造一個增值平台，去累積這筆首期。

現在你每月先用5成儲蓄，即$30000做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

華潤水泥控股(1313)有質素，用來增值係可以，但波動性較大，不宜持有太多。

而中國人壽(2628)都有質素，但近年增長弱左，質素只算係中等，同樣不建議太大注。2隻股票都在合理區，可以分注入貨。

而置業方面，由於你本身已有一定房貸，如果你要買你目標2500萬的自住房，基本上你係較大機會，要沽出現有2個物業，再盡用資金才可以做到。(你心水物業，因為過千萬，故只能做50%按揭)

除非你有好實際需要，否則我唔係太建議你咁做。因為你會資金盡用，令你成個財富組合偏向物業類，而且仲係單一間物業，其實唔係咁理想。

你可以考慮一些樓價無咁貴的3房單位，再用細屋換屋的策略。

目標係希望不用集中在單一物業之餘，又可以每月空出較多資金，用來投入優質股增值。相信這樣配置，你個財富組合平衡性會較高，長線對你較有利。

------------------------------------------------

Q22169：

龔sir,你好。如果我只可以每月用5000供股，想儲20年後退休，退休後我想有每月股息20000，請問有可能嗎

龔成老師︰

如果你希望退休後，每月有2萬蚊現金流，以股息率6%計，你需要本金400萬。

我假設投資回報有10%（連股息再投資），你每月投資$5000，20年後大約會增值至340萬，故很大機會達至你的財務目標。

策略上，你可以用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$2500做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股，例如恆指成份股當中有不少，亦可考慮、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

但由於你月供可用金額不多，我建議先集中指數基金，以免個股月供成本過高。到你可以加大月供金額，才加入其他股票會較好。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22170：

Sir, 我係第31期畢業生

想問下1024 快手前景如何，持貨平均價$300. 而家應唔應該放左佢入番d 平穩股如領展，地鐵？

Thx

龔成老師︰

快手（1024）係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展。

現價雖然無之前咁貴，但仍未平，可稱為合理區頂。但短期股仍會十分波動。但佢係有投資價值，雖然你買貴左，但若持資不多的話，可以守。

若持貨較多，你可以沽少少，換成領展(0823)和港鐵(0066)這類水桶2股票，去平衡風險。

------------------------------------------------

Q22171:

你好龔老師，我想問我從來沒有買股票，我每月可供股10000至15000，現在38歲，老公40歲，之前每月供保險現金30萬，長遠供那幾隻股票好？謝謝

保險係赤霞珠

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你38歲，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$5000-7500做月供。其餘先儲起，用一邊月供一邊儲蓄的策略。

由於你投資知識不高，因此可較集中在平穩增長類股，至於潛力股，只宜小小注(不多於2成)。最好是你先提高投資知識，等到你有一定知識和經驗，才慢慢增加潛力股比例(大約4成)。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

你個保險計劃，我無研究過。

其實"保險"你可以好簡單咁理解，佢主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

若你份保險，已經供了一段時間，你可以照持有。但唔好再加大儲蓄保障金額，咁就可以。

------------------------------------------------

Q22172：

老師你好，我係你澳門既讀者，我目前睇左你兩本書，《80後百萬富翁》及《股票勝經》 睇完想上你既堂學深入少少，請問你何時來澳門開課/會不會打算開網課之類？

另外比較推薦我之後看甚麼書，想學習更多評估企業是否優質的能力，謝謝你

雖然自己買入都是大公司，但由於本人評估企業價值能力弱，大大減低自己長期持有的信心。

（目前持有阿里爸爸、小米、藍月亮、東京健康、農夫山泉）平均每隻目前都跌了15-20%。

謝謝老師

龔成老師︰

我同天窗出版社，合作開辦左一個網上課程，題目是關於「資產配置」的，即是講述各種資產與投資工具的特性、投資價值、在財富組合中的角色，至於股票內容就唔算多。你有興趣可睇睇：

http://bit.ly/3pP252j

課程按「人生階段」、「財富累積」、「資產特徵」設計，更有給年輕人、已婚人士、退休人士的精明理財建議。

完成課程後，你會學到：

✓財富系統概念，不再被炒差價的框框束縛；
✓股票、基金、債券、的士牌等資產的運用和買賣技巧；
✓懂得分辨資產質素和平貴，在最合適的時機買賣；
✓如何以最低的價錢，買到最具升值潛力的物業
✓致富3部曲，如何從當下這刻開始啟動！

至於股票班，由於內容太重要，只有實體班，唔會開網上課程。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

澳門班，我會等疫情穏定，可以通關後，就馬上過澳間再開翻。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

如果你睇完《80後百萬富翁》及《股票勝經》，都有一定掌握。你可以再睇埋《選股勝經》和《年報勝經》，這2本書，會再仔細少少，去教你點去初部分析一間企業。

睇完這2本再去上堂，對你課堂上掌握，會有一定幫助。當然，就算你睇唔明都唔緊要，上堂會再由淺入深，去解釋一次。但有個底，就會吸收得快D。

另外，我地持有一隻股票與否的重心，係企業質素、前景，不要過度被買入價影響。買入價只是一個心理因素，如果企業核心因素未被影響，我地係唔需要理會。

你現時持股，都係有質素，適合你長線持有。

------------------------------------------------

Q22173：

你好，龔成老師！最近想了解一下投資，想買你的書學習一下，請問你會建議先看哪一本書先？

另外，我媽咪有20萬叫我學習下幫佢買股票，但係我唔知點樣去選擇買咩股，請問老師你有什麼建議？

謝謝！

龔成老師︰

你可以先睇我架《80後百萬富翁》、《財務自由行》和《股票勝經》，都適合初學者。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

若你媽媽距離退休，都只有10年左時間，其實已要開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。

現時的$20萬，暫時只能動用$10萬，因為大市唔算平，你要分注投資，同時留下一半資金。長線投資。

平穩增值股，例如指數基金、金沙（1928）、長建（1038）、中銀（2388）、港鐵（0066）、恆基（0012）、粵海（0270）、領展(0823)。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

但若果你媽媽已經好接近退休之年，甚至已退休，我地就應集中係「收息股」，重點係創造現金流，去支援佢退休生活開支。

------------------------------------------------

Q22174：

老師你好 新手一名 完全冇任何知識 想問下第一步應該開始學咩？新手想買股票建議資金幾多？

你邊本書比較岩新手從最基本學起 謝謝

龔成老師︰

作為投資新手，你要做三樣野。

第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

《80後百萬富翁》、《財務自由行》和《股票勝經》適合初階者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供指數基金。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，指數基金是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供基金，當你過幾個月，有知識及少少經驗後，就可以利用你手上的資金，其中一部分，去投資股票。

------------------------------------------------

Q22175：

龔成SIR，我今年29歲，我與家人持有下列股票，我有一些股票分配的問題想請問你，

我手上有﹔
2手京東9618@$330
1手騰訊700@$560
2手匯豐005@$51

我亦由上年開始每月供股﹔
銀河娛樂0027@$65 - 每月 $1500
中國生物製藥物1177@$7.8 - 每月 $1500
盈富基金2800@$28.5 - 每月 $1000

我知道購買京東的現價格太高，但我上年購買時都已經打算長期持有。

如果下半年時想再購買騰訊或是小米，是否會持有太多新經濟股？

如果持有太多新經濟股，是否應該買傳統經濟股呢？例如﹔領展，港鐵等等？

好多謝你花咁多時間去解答問題！

龔成老師︰

以你年紀計，應以增值為主。你現時持有和月供的股票，都係有質素，就算買貴左，都係有得守，你照長線持有就可以。

但匯豐(0005)只係收息股，增長力一般。若係你家中長輩持有，都可以。但若是你本人持有，就未必太適合。

月供方面，我建議用指數基金做主力，個組合平衡性會較好。

騰訊(0700)和小米(1810)都適合，現價在合理區中上至頂位。但若你加入這2隻股票，會有太集中係科技股的問題。

而且，這類股票雖然有增長潛力，同時風險都較高，不宜持有過多。

你想投資這類股票，唔係唔得。但同時間，你都要買入一些平穏增長股部份，去令組合保持平衡。

現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q22176：

你好，龔老師 拜讀完股票勝經，增加對股票認知，令自己對股票有基礎概念，多謝老師。已買你另一本著作＜80後 百萬富翁＞

同報左你股票班，繼續學習，增加智識，希望可以達到財務自由。

本人37歲，已供完樓，有大慨20萬流動資金，月入21000，每月可以儲蓄10000蚊，已開始用5000蚊月供股票，留5000蚊作現金儲備買貨。

月供股票我選擇，盈富+港鐵+中電+領展+中銀香港+金沙+小米+港交所+騰訊+安碩A50，盈富月供佔其中2份。以上供股會否太散？

如現在小注買入騰訊，小米，金沙是否合適？謝謝龔老師

龔成老師︰

你所選的股票，係適合你年紀，資金配置比例都正確。

但的確係有點散，因為你月供總金額唔多。若你同時供咁多隻，變相個股月供成本會高左。

最好你用指數基金做主力，月供$2000， 再供多3隻各$1000，咁會較好。

騰訊(0700)和金沙(1928)算係合理區中上部，而小米(1810)就在合理頂至略貴。若你無貨，而價開始分注入資係可以。股票班見!

------------------------------------------------

Q22177：

你好,老師, 我想問下現有自住物業供緊, 近排搵緊心水車位100-130萬車位收租, 你認為加按是1個好途徑嗎? 謝謝你!

龔成老師︰

現時仍處低息期，加按是沒有問題的。

關鍵是加按後，是否能將資金買入其他資產，創造更高的回報，由於加按是要支付利息的，所以新資產產生的利息回報一定要比加按的利率高，這樣才值得做。

近年「車位」價格近年雖然已回落不少，但整體上，只係合理區頂部。相對優質股，佢投資值博率會較低，建議你先用股票增值，會較好。

投資車位與否，你就要自行衡量。

若決定投資，只要加按後，負債比重不會過多，咁就可以。假設你30歲，總負債最多可位總資產9成。但若50歲，比例就要下調至5成，會較穏當。

同時，你要明白將來加息，會令你息差回報收窄，有機會影響你回報效果，你要明白這風險。

------------------------------------------------

Q22178：

你好，龔Sir，我已經30歲，投資左5-6年都係蝕多，已經有10萬投資左係美團，現在開始每月可以$6000投資，

請問每個月$3000月供盈富，$3000月供3067可以嗎？謝謝

龔成老師︰

如果你過去5-6年，每次投資多數都是「輸」，即係你存在一些核心性問題。譬如一些錯誤的投資觀念。

記住，正確和正常的完全不同的事，多人採用，並不代表係正確的方法。

首先﹐股票是企業﹐你要分析企業的本質去投資股票。買股票也不是「賺差價」，而是享受企業成長以及產生的股息。

往後，你只要以「長線投資優質股」，作為投資目標。我好有信心，你會結束過往一直虧損的狀況。

以你現時30歲計，你這個月供策略係可以。

緊記月供係一個長線計劃，月供最少維持3年，並持有這些股票5年以上，才會有較理想效果。而中間可能會有股價波動，但你不用理，一直供就可以。因為月供本身，已有平均價格波動的作用。

當然，可以的話，最好一直持有。因為，優質股持有時間越長，財富增值效果就會越理想。

現時大市只在合理區，每月資金唔好盡用。最好留有部份，等大跌市出現時，可以用來掃貨。

至於美團(3690)有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可大跌。

只可以話，潛力是有的，現價唔算平，之前明顯貴，之後回翻好少少，大約合理區頂。此股可持有，就不能太大注。

若佢佔你組合不多，可以守。但若佔你合較大比重，你要沽出部份，去平衡風險。

------------------------------------------------

Q22179：

老師 如果有時間 可唔可以分折一下美股RIDE Lordstown motors corp 謝謝你 請問合理價位係幾錢？Thanks

龔成老師︰

Lordstown Motors Corp (RIDE)是一家汽車公司。該公司從事設計和製造電動汽車。其卡車產品主要係輕型卡車，專注於商業車隊市場。

其旗艦車 Lordstown Endurance是一款電動皮卡車，是一種利用了四個裝有集成軟件的輪轂電機。

我初步睇過佢資料，產品都有佢價值。但由於現時都尚未有正式盈利，而到底幾時會有，無人肯定到。

此股有一定不確定性，唔係唔投資得。但我地投資時，必須要控制注碼，去平衡不確定性，所帶來的風險。

------------------------------------------------

Q22180：

成哥!! 你好!! 想問8032呢隻股!!我睇佢ROE同PEG都好強!! 前2-3年是蝕錢宜家有盈利!!所以基本面是算不錯嗎??

我感覺他會成為倍升股!!?? 對嗎?

龔成老師︰

非凡中國（8032）主要從事體育人才管理及賽事／項目製作及管理、提供體育諮詢服務；以及物業與社區發展。

過往業務都有發展，不過增長力不強，同時有點波動。而盈利上落都大。

你見佢2019和2020年盈利大升，係由於出售於一間聯營公司之部分權益所致。實際上，業務方面增長，唔算明顯。

整體而言，未見企業有好強的獨特性，增長力唔算強。整體質素一般般，現價偏貴。最好等有大幅下跌，才入貨，而且只宜小小注。

我地分析一間企業時，唔好單憑指標或數據，就覺得佢好左。當佢近年和過去幾年盈利，出現明顯變動。我地就要小心分析，找出當中原因。

是企業賺錢能力提升、市場有所改變、定係其他因素。如果係一些長線利好企業本身因素，我地估值可以提升。

但若只係一次性因素，我地就唔應該用這些原因，去作估值和投資決定。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

#阿端吃新竹 #阿端吃正餐 #阿端大推 .
📍很牛炭燒牛排
📍新竹縣竹北市勝利十一路91號
🈺️11:00-15:30 17:00-20:00
-
很牛真的有夠牛！回訪了幾次一直都很喜歡💕
不論是肉的品質、店家服務或是食物口味都很優秀
排餐價位399起，還有自助吧可以取用
自助吧有濃湯、羅宋湯、柳橙汁和冰淇淋，非常豐盛尤其大推羅宋湯
肉品部分選用頂級的prime美國安格斯牛肉
經過45天濕式熟成淬鍊獨特的鮮嫩口感
再用高溫炭火燻烤，征服各位的味蕾啊～
▪️安格斯肋眼牛排
330克的牛肉，我覺得就很足夠了🤣
一次可以品嘗到肋眼心的紮實口感和老饕肉的軟嫩口感
喜歡比較軟一點肉的可以選擇這個！好吃❤️
▪️安格斯肋眼心沙朗
這份足足有600克啊！整個很大份量～
使用肩胛肉，帶筋吃起來比較有嚼勁
喜歡嚼肉口感的各位選這個準沒錯
▪️黃金炸蝦
一份五大隻，有別於一般炸蝦，蝦子外頭有裹一層魚漿再沾上炸粉
吃起來特別有口感我覺得很好吃，很推薦
▪️啤酒洋蔥圈
每次來必點的副餐就是這個洋蔥圈啦♡
熱熱的上桌，炸皮酥脆，裏面是真的洋蔥不是洋蔥泥
▪️熔岩蝦球
店員推薦的熱門品項，切開直接爆出起司
濃郁起司整個好滿足啊！
.
想吃排餐的，這家可以收藏，也有便當系列可以外帶～
真的是家阿端很喜歡的一間店呢
.

#新竹 #新竹美食 #新竹食記 #新竹午餐 #新竹晚餐 #新竹美食系列 #foodphotography #hsinchufood #hsinchufoodie #popyummy #foody吃貨 #竹北美食 #竹北牛排 #竹北餐廳 #新竹餐廳 #桃園美食 #台北美食 #台中美食 #小巨蛋美食 #很牛炭燒牛排 #美國牛肉 #usbeef #新竹外帶

【龔成問答信箱】（Q21701-Q21720）

Q21701：

你好，龔老師，我是你的學生，我想通過比較同行PE來預測#1448福壽園的合理P/E範圍。

#922 安賢園，#1448福壽園，#6966中國萬桐園最近5年P/E範圍分別為2-47， 25-31， 9-22。

#6966中國萬桐園成交量少，2020年度平均成交量93萬，有76日更是0成交量，收入捨棄2019年有一個客戶貢獻2400萬的收入的因素（因為2020年已經不再有這個收入），

其收入維持穩定不變，i.e. 無增長，但其5年內P/E範圍可達9-22， 是否代表市場對這股票過於樂觀，高估其價值，

成交量少另我擔心這股票是否可以賣出或者其P/E是否可參考。

對比#922 安賢園，其收入每年都有上升，但P/E每年下降，甚至只有3倍P/E， 遠遠低於#6966中國萬桐園和#1448福壽園，請問是否代表市場對這股票過於悲觀，相較之下為何有這麼低P/E.

以上，個人簡單分析似乎都得不出可靠的P/E 範圍，請老師指教本人分析是否有誤， 對於#1448福壽園的合理P/E範圍，是否只能參考其自己的歷史P/E範圍，行業內P/E 無法參考？感謝賜教。

龔成老師︰

我地係計算行業PE在參考時，數據除了要係集中在同業，更重要係一些質素相近，甚至盈利規模等等，都接近的企業。

中國萬桐園(6966)和安賢園(0922)規模好細，品牌優勢、市佔都明顯不及龍頭企業福壽園(1448)，作比較價值不高。

因此，你可以集中翻用集團歷史市盈率去做參考。2014-21年中間4年市盈率，大約為27.5 - 30倍。

但由於近年中國政府，對行業有不少新指引，主要方向都係控制價值，避免殯儀業相關產品和服務，出現定價過高情況。相信未來，殯儀業盈利會回到較合理水平。

因此，個市盈率都要打折，你預大約15 - 20倍（當然，這數有主觀成份）。

至於每股盈利，我地可以用較近的5年平均數，再加這5年的年均增長率(約16%)去做參考，大約係HKD$0.374。

你預合理價格，大約係HKD5.6 - 7.5。

雖然增長力弱左，但由於佢本身係行業龍頭，有一定質素。而且行業市佔好分散，令佢有很大潛在發展空間，故依然係一隻相當有潛力的股票。

現價在合理區頂，無貨可小注。

------------------------------------------------

Q21702：

多謝你，你好有heart. 股票班最後一堂基礎班，聽你分享聽到眼濕濕，不過我同意，沒有捷徑，只有努力。

一兩年前，我未上你基礎班前開始睇你的本書和Facebook（未睇其他幾本），睇你解答學生或任何人的問題，解答得清楚唔馬虎，開始買月供股，每個月供一萬蚊，再一份full time 一份part time teaching教三日書，一星期做六日，過程是辛苦但有回報。

上年我終於儲夠錢去加拿大讀書，有幸在下個月走之前能完成你的基礎課程。感謝。

我下一個目標是五年後在加拿大買樓，我會帶埋啲note 去認真再溫習。多謝。安好！

龔成老師：

太好了，你都完成了「儲夠錢去加拿大讀書」的目標，之後就要完成加拿大買樓目標。

我相信每個人都有佢想做的事，可惜一般人會面對現實而放棄，但我唔會，我都希望你能堅持。

希望你過左加拿大，都會保持研究股票，應用課程所學，加油！期待你好快同我讀完成買樓目標！

------------------------------------------------

Q21703：

老師您好，早前買入了1833 平安好醫生 $94.25 @500股，怎知買入後一直跌不停，每天都先升後回，連跌十多天，是否需要訂立止蝕位？

每天看著其他股（例如阿里健康京東健康都是升的），很想賣掉，但一賣掉又立即蝕錢，現在我是否應該不理會股價，待他慢慢回升？

我本來看好平安好醫生的前景，但每天看到股價不斷下跌，有點氣餒及害怕自己判斷錯誤

龔成老師：

有時同一行業，由於企業的發展不同，股價表現都會不同，而我地最重要是集中該企業的分析。

平安好醫生（1833）長遠有發展力。只要你持貨不過多，可持有。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區頂，但好波動。

------------------------------------------------

Q21704：

阿sir,再問下你，你認為做地產經紀算唔算係創富嘅一樣野？同埋想問如果真係做得起，又算唔算係一個專家嘅項目？

睇左大半本千萬富翁，我應該試下先？

講返少少我背景，我30歲，得毅進證書，本來一心諗住讀完去考政府工，但睇完本千萬富翁就覺得係咪應該試下做銷售？

我現金同股票大約有2m,股票約1.1m，近來亦發現左一個直銷嘅機會（岩岩開始左半個月），雖然初期回報唔高，不過相信做幾年都有一定可觀回報（因為可以靠下線去幫賺佣金，令自己有一個銷售團隊）

其實有嘅儲備夠我捱到起碼幾年嘅時間，只不過我好怕做左地產會冇收入（唔知成交易唔易，同埋搵客可能好耐先有一位肯成交）

雖然我支出唔算大（大約每月8000-10000），不過都係有少少擔心入不敷支

龔成老師：

正如《80後千萬富翁》所講，地產類晨創富的其中一個方法，而當中不少職業，如地產經紀，都是可以突破的職業，你可以考慮下。

至於是否發展成專家，可以的，但要求你的條件更高，不是不可，但起碼要成為一個專業的地產經紀先。

你要有心理準備，的確有可能有一段時收入不高，但如果你的決心大，我會鼓勵一試。當然，你可以先儲多少少錢，等你較安心，之後先入行。

你30歲是黃金年齡，但就睇你決心有多大！

------------------------------------------------

Q21705：

本人31歲，因患有情緒病導致未能長時間工作，只能半職，每月6000蚊，我想請教……

1）31歲先學理財及投資會否太遲？

2）可以有咩理財嘅方法？

3）如果每個月只能拎出1000-1500蚊，可以點樣投資？
感謝龔成老師

龔成老師：

1）有心唔怕遲，你現時仍是好年青的時期，是累積財富的黃金期，絕對可以開始。

2）我不清楚的情緒病的因素，但我怕投資市場上落大，你會有較大的心理壓力，因此，如果投資股票，就要好好想清楚是否適合自己，如果自己較怕風險，就不要強行投資股票。

3）你可以投資一些較低風險的產品，例如銀行的月供計劃，買一些低風險類別（當然回報未必高）。

如果你能承受風險，就考慮每月供$1000盈富（2800）。

同時，你要留到一定的現金。

理財要一步步，不要急，從基本的儲蓄著手。

------------------------------------------------

Q21706：

老師你好，請問1686新意網你有咩看法？

另外再想請教2138醫思健康，有潛力嗎？

龔成老師：

新意網集團（1686）主要提供數據中心、設施管理、網上應用及增值服務，系統之安裝及保養服務。

行業長遠發展正面，佢已經做到全港最大，加上行業的需求不斷增長，對佢長遠都有正面影響。佢過往生意與盈利保持增長，財務數據正面。

這股有投資價值，不過現價就唔算平，大約在合理區頂至略貴。如投資，小注分注都可。如本身有貨，可長線。

香港醫思醫療集團（2138）主要以ＤＲ　ＲＥＢＯＲＮ品牌提供醫學美容服務。企業都有質素的。

（１）醫療服務：包括整形外科手術、微整形療程及由集團醫生操作的能量儀器療程及一般診症服務，以及牙科（ＯＮＥ　ＤＥＮＴＡＬ及ＯＮＥ　ＤＥＮＴＡＬ　ＰＬＵＳ品牌）、中醫及眼科服務。

（２）準醫療服務：包括由已接受培訓的治療師操作的能量儀器療程，該等治療師已完成集團醫生主導的內部
強制性培訓。

（３）傳統美容服務：包括面部護理、按摩以及其他無創療程。

（４）護膚及美容產品：主要為集團的自家品牌寶特曼娜及瑞研雅。

業務發展不差，長遠有增長力，不過業務中短期會有少少波動。現價合理區頂至略貴。

------------------------------------------------

Q21707：

老師請問我這九隻股票能夠長期月供?
2、823、3、6、1038、6823、66、11、2800

剛剛供了兩個月，從朋友口中得知老師的Facebook，所以想請教一下，每隻每月供10,000，目標10年一千萬作收利息退休用

希望老師能指點指點，小弟只期望效果係保本及收利息，方法可行嗎？

龔成老師︰

首先你要明白，若你目標係保本及收利息，定期存款會較合適。

因為，就算再優質和保守的股票，都會有價格波動，只是個波動會較少，唔會完全無，唔會去到保本的地步。

若你可以承受少少價格波動風險，你可以用收息股，去作為月供目標。

你現時月供股票，都係有質素。你每月可以儲$90,000，基本上，就算沒有增長，10年後都能累積到1000萬。

你組合當中領展(0823)、盈富(2800)、煤氣(0003)、港鐵(0066)息率唔算高，但有基本增長力，所以波動性會有少少比純收息股為高。

若你不想承受這程度風險，你可以將這4隻平穏增長股，轉為其他收息股。

以下是一些較優質收息股，佢地主要係收息，波動性唔會好高。但因為始終係股票，價格波動點都會有，你可以從中選擇。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

------------------------------------------------

Q21708：

你好老師 我係最近follow你既讀者 想請教下你有關投資既問題。

本人呢十年一直係外國 所以現時只係通過某cfd平台買賣港股同美股。

本人收入同財產如下

28歲 工作收入： 20000港幣/月左右

副業： 3400 港幣/月左右

有一層唔需要供既樓正在出租： 租金收入 扣曬所以開支大約有4500港幣/月左右 （樓可以賣 而家大約值190-200萬hkd）

每月必要開支： 供自住樓連水電上網 大約21000/月左右

老婆現時收入 17000/月左右

但老婆仲有三個月左右就生，所以之後會無咩收入 或者轉做全職家庭主婦

現金流而家有35萬左右

最近幾個月先開始有做小小投資, 所以唔係好多錢入左股票, 而且比較雜

大約如下

美股
Tesla - 3000usd @ 601
Berkshire hathaway 1000usd @ 286
Baidu - 640usd @ 270
Apple - 500 usd @ 134.5
Microsoft - 500 usd @258.7

港股
9988 - 1150usd @ 213.99
700 - 985usd @ 635.5
00388 - 一手 @ 460 （屋企人代買）
0968 - 一手 @ 14.5 （屋企人代買）

目標：

1. 如你所見 如果老婆唔做野既話 基本上會頂得好辛苦 因此想睇下有咩投資組合可以減輕小小之後既經濟壓力

2. 希望投資平穩有儲錢功能既股票 主要係抗通漲又可以跑贏小小就好（我個平台買唔到2800， 唔知咩原因⋯)

3. 有睇開 比亞迪 但係一直都好高唔夠膽買 最近好似回落左d 想請問一下你認為大約幾錢左右入手會比較合理？

4. 有睇過d高息股 例如中電, 領展, 中銀 同 中移動. 當中得中移動個股價有所回落。 呢幾間值唔值得月供長渣？

5. 700, 9988 係想當潛力股咁買 但買完都係一直咁跌 而家呢個價位應該再入手嗎？

6. 間樓係可以賣 因為而家計落回報率唔夠3% 好似好雞肋咁 如果真係賣左有190-200萬現金 你會建議點樣去投資好？

7. 其實美股同港股既玩法會唔會有好大差別？ 我而家投資左一陣就覺得美股上落差比港股大同密, 但除此之外 我唔太清楚有咩分別

可能一次過問得太多問題， 唔好意思。 唔該曬老師。

龔成老師︰

1) 以你28歲，我一般建議先做好增值部份。之後，到累積到有一定財富，才慢慢換成提供現金流的收息資產。

但由於你預計將來一段長時間，家庭開支壓力會唔細，希望透過投資去加大每月現金流，作為幫補。

因此我建議你新資金，集中投資一些「平穏增長股」 。佢地增長力唔係最高，但都會有平穏增長，而且會有一定派息，可以幫補你生活上支出。

但你唔好預好多，大約3-4%股息率左右。但相信這個方法，較可以平衡你增值需要，和家庭支出壓力。

2) 上述平穏增長股，已可以做到你要效果，若你買不到盈富(2800)，你可以買其他幾隻。只要平衡咁買，唔好太集中個別1,2隻，咁就可以了。

3) 比亞迪(1211)若要直接買，你預$120才算合理區頂，才可小注。若你係月供，現價開始係無問題。

但這隻是潛力股，派息好少，而且你預要持有一段較長時間，去讓等它自然增值。以你狀況，未必適宜持有太多。

4) 這幾隻都可以，但中電(0002)和中移動(0941)係純收息股，佢派息普遍會比平穏增長股多，但增長力好弱，係佢缺點。

而領展(0823)和中銀(2388)，就係有上面講的平穏增長股。

這4隻你都可以投資，現價都合理，可以分注。你要自己從「現金流」和「增值」2者間，作出一個平衡。

5) 首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔洗理。

這2隻股票，依然係有質素。阿里(9988)算係合理區中上，而騰訊（0700）則是合理區頂，由於你有貨在手，建議有明顯回調，才再加注。

同埋，你預這2隻股票較波動。佢地增長潛力強，但派息係極少，甚至係無。以你現時情況，不建議持有太多。

6) 以香港物業回報來計，接近3%算係可接受的回報率(若你物業在海外，則作別論)。由於出售物業，都有一定成本。

物業本身是一種資產，同優質股一樣，都具有增值能力。而且佢能提供穏定現金流，對減輕你生活開支壓力，都有幫助。

記住，我地財富增值組合，除了講質素外，都講平衡性，唔可以偏晒係股票類。若你物業係有質素，其實持有係無問題。

若你最終覺得，都係沽出物業較好。這筆資金，你都可以用來投資「平穏增長股」。

當然，你唔一定要100%去投資落「平穏增長股」。

若你想增值能力高少少﹐你可以加入一些「潛力股」。相反，你希望創造多一點現金流，去減低生活開支壓力，則可以加一些「收息股」在組合內。

潛力股︰比亞迪(1211)、中生(1177)、福壽園(1448)、安碩恒生科技(3067)、港交所(0388)、阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

現時大市只是合理區，200萬資金可以先投入一半，用"分注"形式，慢慢買貨。餘下一半就等大市出現一定程度的下跌，才大力度掃貨，然後長線投資。

另外，由於你就快有小朋友出世，預期有一定額外洗費。加上你太太短期內不能工作，你要先預留半年左右開支，作為應急之用，才開始投資計劃，會較為穏當。

7) 其實投資港股定美股，個重點都係睇企業質素。若有質素，我地再從佢平貴，組合平衡性、是否適合自己投資策略等，去定買入計劃﹐咁就可以了。

------------------------------------------------

Q21709：

你好 最近4.53買左隻1571 13000股 系做汽車內飾既本身覺得隻股手頭有大約5年訂單 而且還多左tesla 蔚來 同小鵬汽車既訂單

埋e加好多汽車，電動車既既第一季季報出左出貨量都仲系增加緊，買果陣市盈率得11倍左右。但得四離多利息，

本身預佢疫情過後，會隨住電動車既增長而增長。同資本開資慢慢減少派息都越來越多，未來一兩年內有豐厚既收益，

但e加大跌到3.96我開始懷疑我買貴左好多，請問我仲keep 唔keep得過？

龔成老師︰

當我地進行企業分析時，要睇一些長期因素，中短期情況不要太過著重，要睇核心。同時在估值上，市盈率低過10倍不一定平，每間企業都有佢自己合理的市盈率，如果企業本身獨特性唔夠強，就未必值得高市盈率。

信邦控股 (1571)業務主要係為中國供應載客車輛的汽車內飾電鍍零件。

業務上，佢都算有投資價值。但睇翻佢過去1,2年表現，未見好突出，唔算好受惠於新能車發展。

初步睇佢都有投資價值，但只是中等。現價算合理區頂位，你投資此股，但若持貨太多，建議沽部份，去平衡風險較好。

------------------------------------------------

Q21710：

老師你好，本人42歲, 月入$25000現金約50萬, 持有以下股票︰

0012 - 1000 @27.90
6823 – 1000 @10
0003 – 1000 @11.5
0002 - 500 @70.5
0016 – 500 @99.95

1833 – 200 @80.7
2382 – 300 @193.4
9988 – 200 @244.5
3067 – 600 @17.7

1928 – 1200 @37
1810 – 2000 @23.7
388 - 200 @469.7
6993 - 2000 @11.92

另月供盈富$2500現大約有1850股及領展 $1500, 約360股

請問以上組合可以嗎? 不同股票會否持有太多，如想加貨應該加那一隻。我收入不多有機會做到財務自由嗎? 有何策略?

謝謝解答

龔成老師︰

其實每個人財務自由定義都不同，你睇翻你自己目標。

但相同地方是，大家都要透過財富增值，先去累積一筆資金。到有一定金額，就換成收息資產去創造現金流，去達成這個財務自由目標。

我們運用的方法，就是「先增值，後現金流」，其實你這刻年齡未大，應該著重財富的增值，到了一定的年齡及擁有一定財富後，才將持有的財富，配置到現金流類別，利用現金流去達到財務自由。當你的被動收入，大過基本支出時，就稱為財富自由。

你現時持有股票，都係有質素，都適合你。

但比重上，有少少偏重左係潛力股(1833, 2382, 9988, 3067, 1810, 0388)，令組合風險偏高。

但由於佢地都有質素，而且唔好高左好多。你只要新資金，集中翻係平穏增長股，令潛力股比重慢慢回落至4成，就可以。

現時大市只在合理區，你月供部份無問題、照做就可以。但最好每月除了月供外，都有一定資金可以儲蓄。

而這些儲蓄，就連同50萬一齊等大跌市機會，才出手掃貨，並長線持有。

------------------------------------------------

Q21711：

龔 sir, 近來開始睇你的FB及書，了解更多理財知識，獲益良多，現請教怎樣步處退休安排。本人预期下年退休， 有物業自住及資產如下:

現金: 約300萬

股票:
煤氣 17,000 股
中銀香港 2,000 股
港鐵 1,000 股
海爾智家 1,400 股

請問怎樣安排可達至每月有現金流$12,000 - $15,000?

可否月供收息股加少許潛力股，如 3067?

感激萬分

龔成老師︰

如果你希望退休後，每月有1.5萬蚊現金流，以股息率6%計，你需要本金300萬。

因此，你現時資金，基本上數字已足夠達至退休目標。

由於你退休所需資金己經存在，其實你已可以為你退休組合，開始進行配置。

至於你現時持有的股票，基本上都有質素，而煤氣（0003）、港鐵（0066）、中銀（2388），雖然未算完全的收息股類股，但風險不高，都可留在退休組合。

另外，你可以將這$300萬，分成5部分。

第一部分投資收息股，你可以建立一個收息股組合，你可考慮港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

至於現有持股和你提議的安碩恒生科技(3067)，雖然有質素，但由於佢地作用主要係增值。而作為退休人士的你，增值已經不太重要，重點反而係創造穏定現金流。

所以，你可以開始慢慢將現有持股，換碼至收息股中，去增大你組合產出現金流的能力。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。

你可以將$300萬資金，平衡地分配在上述的項目上，對你來說是最好平衡風險，同時有穩定的現金流。

------------------------------------------------

Q21712：

Hello. 睇完你的選股勝經及股票勝經後. 發現自己有幾隻股票 係因為人性因數而買入而非理性分析.

例如美團3690 係240 有一手. 後來經估值後 PE合理區間為 $132 - $240 左右. DCF 方法為 $167 - 213. 對於重新檢視後發現 因為買入在昂貴區,

我地應該點樣應對? 我明白買賣在於企業本身的質素. 但考慮整體組合, 我應該持有定出售，去張資金放入另外有經分析過又合理區下的股票?

龔成老師︰

我地投資一隻股票前，必需先做好分析和估值，之後出手，才算正確方法。

但由於你已買入，我地就應審視翻，這隻股票有無質素，去決定是否持有。因為已買入，所以重點已經係睇質素，買貴左，定平左，而一刻唔會係我地持有與否的理由。

若分析後，發現此股係有質素。我地就要了解，佢是否適合我地成個財富配置。

以美團(3690)為例，佢係潛力股類，但不確定性較高。若你係退休人士，就不適合持有，有質素都要沽。

若你係年青人，這股適合。但佢佔你組合比重好高，我地就要沽少少，去平衡個風險。

美團本身係有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，之前明顯貴，之後回翻好少少，大約合理區頂至略貴。

你持有此股係可以，但此股暫時不宜太大注。

------------------------------------------------

Q21713：

老師，我男朋友之前入左4手中國碳中和(1372)，在5.5買入，你覺得這股票有前景嗎，長線持有可以嗎？謝謝你

另外，我都睇好新能源股，老師對於大唐新能源01798有咩看法？可以分注吸納長線持有嗎？

龔成老師︰

中國碳中和(1372)主要在香港從事土木工程項目、樓宇建造和保養；以及開發、生產及銷售汽車發動機。

企業規模唔算好大，股價、營業額和盈利都十分波動。過去有多年出現虧損，加上過去幾年，核數師都比出「無保留意見 (修定報告)」

雖然唔一定有問題，但我地對這類股票，就要保守少少。

整體而言，此股投資價值不高，你勉強可以好小注持有。但長線計，換至其他優質股較好。

大唐新能源（1798）主要在中國專注於風電項目的開發、管理及營運。

佢要從事風電等新能源的開發、投資、建設與管理，低碳技術的研發、應用與推廣，新能源相關設備的研製、銷售、檢測與維修等，與新能源業務相關的培訓、諮詢服務，以及房屋出租。

過往的業務發展不差，長遠都有投資價值，不過規模較細。現價合理區中上部，可分注，但唔建議投資太大注。

------------------------------------------------

Q21714：

Sir：這些年來不斷看老師的書和 Facebook post，使我的理財和投資知識增長不少。

今次想請老師你看看我的投資組合，給予我一些意見。

我現年27歲，全職+freelance月入為$3萬至$3.5萬，扣除開支每月可儲約$2萬元。

目標在5年後Full Pay買入市值$300萬以下的村屋單位自住，並於40歲前財務自由過半退休生活。

現時手持$20萬現金和總值約$40萬股票，組合如下：

2 中電 117 @$74.89
5 匯豐 835 @$43.83
66 港鐵 257 @$42.10
1810 小米 1000@$26.54
2800 盈富 363 @$27.19
9988 阿里 1036@$250.36
ARKK 27@USD$140.46
TSM 34@USD$125.93
PYPL 10@USD$253.40

中電、匯豐、港鐵和盈富月供$2000，阿里就$3000。

因為尚算年輕，所以股票組合側重於增長股。最近科技股回調不少，雖然有時會因而感到憂慮，但憂慮過後明白波動只是一時，應該把目光放遠。

比較擔心的是ARKK，高位買入太多了，現正盤算是否應全數賣出轉做現金，然後等待時機買入VOO，還是在低位時再加貨？

老師認為我的組合還有其他地方需要作出調整嗎？

另外，我正考慮購買儲蓄保險/年金，希望40歲後有固定收入/一筆錢用作日常開支，你認為儲蓄保險還是年金會比較適合我？

老師對我的40歲前財務自由計劃還有其他意見嗎？
Thanks!

龔成老師︰

不論是置業，還是你財務自由目標，都尚有一定時間，係而一刻我地應先做去增值部份，累積一筆財富，為這2個目標作準備。

你現時持股和月供選股，都係有質素。但中電(0002)和匯控(0005)主要係收息，增長力唔高，不宜持有太多。

而儲蓄保險和年金，這類產品，都不太適合用於財富增值。

以你現時27歲去計，可以投資「平穏增長股」和「潛力股」。你每月5成儲蓄，即是用$10000做月供。其餘先儲起，用一邊月供一邊儲蓄的策略。

選股上，除了盈富(2800)和港鐵（0066）這類平穏增長股，你都可以投資同是平穏增長股的VVO、金沙（1928）、恆基（0012）、平安(2318)、中銀（2388）、煤氣(0003)、長建(1038)、粵海(0270)、領展(0823)。

潛力股可選安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

餘下的另一半儲蓄和$20萬現金，我地就等機會，當大市出現較大回調，就加大力度掃貨，然後作長線投資。

至於ARKK，係有質素。但你預佢股價較波動，係潛力股類，要控制整體注碼。但現貨唔洗沽，長線持有就可以。

我假設投資回報有10%（連股息再投資），你每月投資$20000 + 現有資產60萬(現金和持股)，5年後大約會增值至240萬。

但我唔建議你用FULL PAY去買屋，因為現時係低息環境。若你有一定投資知識，應用借貨模式買入物業，以便留下較多資金去做增值。

假設你動用一半資金去置業，之後再用同一方法去增值至40歲，大約可累積到500萬。

再將佢換成6%收息資產，每月大約可以創造2.5萬現金流。

你可以用我以上預算作為參考，因應自己情況和目標，再作調整，去提高達成你目標的可能性。

------------------------------------------------

Q21715：

老師你好，本人持股2318，貨量唔多，長線看好，但睇返新聞先知有華夏事件，我在87蚊買的，適宜在81蚊多買一注嗎？

另外亦有939，有20000股，在2018年買入，一直跌，買入價7.8左右，宜繼續買入，定收住息先？

手上有中國人壽20000股，16.3買入，長線看好這公司嗎？

龔成老師︰

華夏幸福(600340)公司出現流動性緊張，平安(2318)為其第二大股東，在此公司投資額約為540億。

以平安資產規模計，算唔上一個大投資，而且集團最終損失，都不是以這個投資額作準。

因此，這個問題唔算係好嚴重。反而要留意，將來會不會陸續出現同類問題。如有，就反映平安係投資決策上，可能有不足之處，那就有需要扣分。

暫時睇平安質素依然存在，你可長線持有。但再加注，最好相隔10-15%，所以建議等人回多少少先。

建行(0939)有質素，但主要係收下息。若你目標係收息的話，不用理股價波動，照持有就可以。

中國人壽（2628）並不是無質素，不過增長力唔強。同埋企業的賺錢能力不及過往年代。

相信這股唔會再大跌，但要佢大升都不易，長線持有價值都算有，但暫時唔好對股價有太大期望。

若你持貨不多，係可以。相反你持貨佔組合較多，建議沽出部份，換至其他優質股﹐去平衡風險。

------------------------------------------------

Q21716：

老師，我又來請教你了，因為我多了月供的預算，以及媽媽聽我說願意把自己只懂得放在銀行的其中10萬儲蓄嘗試給我幫她投資，

為了保險起見，還是想問問你的意見~另外我也看了你的財務自由行，80後百萬富翁，五年買樓四部曲，50優質潛力股等書！

現在排緊預約你的股票勝經呢在100多名後哈哈。

我今年剛滿27歲，打算幾年後結婚置業，現在月供緊：

2800盈富1000
0027銀娛1000
3067 安碩恆生科技1000

另外有兩手3067和一手小米

1. 過多一段時間，我供完自己讀書後，每個月會再多出7000可投資，總共每月可投資金額1萬。因為老師你說要預留些資金，所以打算每月儲蓄4000，投資6000

（還是可以再多些？因為我今年才開始投資股票，起步較晚）。

請問以下6000的投資方案哪個較好？是方案一分散投資，或方案一集中etf投資，因為手續費的問題，或者老師你可以建議我怎樣調整我的投資方案嗎？

我還年輕，可承受風險較高，那麼舊經濟股和新經濟股可一半一半嗎？甚至新經濟股比例可再更高？因為想五年內可買細價樓投資。

方案一:
2800盈富2000
0027銀娛1000
3067 安碩恆生科技1000
1810小米1000/或港交所好？
1177中生1000

方案二：
2800 盈富2000
0027 銀娛 1000
3067 安碩恆生科技 3000


2. 另外，我媽媽（佢年齡唔算大，相信仍可財富增值），佢願意拿儲蓄其中10萬給我嘗試投資，不過她說虧了我就要賠給她成本，贏了就算我的哈哈。

她比較保守，我打算買收息股，現在幫她買了一手0548深高速@8.020，剩餘84000左右，打算會繼續買收息股如港燈、香港電訊、工行、置富等老師你說過的收息股。

那麼，我媽媽是否應該將其中一半投資平穩增長股如盈富、領展、港鐵等呢？還是收息股比較穩當，因為我不能虧了她本金哈哈。若賺了我還是會分她一半的。

謝謝老師你的無私分享，問題比較長，希望不要介意，繼續向你學習！

龔成老師︰

1) 你現時月供$6000，儲蓄$4000，根據大市平貴水平而言，已經係可以，唔建議再調高每月供款。

你現在還很年青，操之過急，反而會對你不利。只要用對方法，長線持有這些優質股，自然會有不錯回報。

其實方案1和2都適合你，選擇重點會係月供成本和你對這些股票的認識。

若你係特別睇好小米(1810)、港交所(0388)和中生(1177)，你可用方案1。

小米(1810)、港交所(0388)都係好優質，你可以視乎個人喜好和認知程度，去做決定。

如果你想月供成本少D，或者你唔係咁熟這些潛力股，又或者想分散D個風險，方案2會較合適。

2) 至於你母親，雖然以佢年紀計，的確好似你所講，係有一定增值需要。

但由於佢個人比較保守，風險承受能力不高。我建議你照她意願，集中係收息股，會比較適合。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

但緊記，係你創建收息組合時，唔好太集中係個別企業和行業，以免有過度集中性風險。

------------------------------------------------

Q21717：

老師想請教下你，3883及2233、799邊隻較有質素？現價邊隻較抵買？

龔成老師︰

其實3隻股票，性質好唔同。我建議你除了價格值博率外，都要因應自己風險承受能力，去選股。

中國奧園（3883）主要於中國從事物業發展及物業投資業務，近年增長快速，這是受中國樓市保持向好的情況帶動，加上佢利用大量負債運作，當好景時，佢就會好好賺。

但佢的負債有點多，有危有機，好景時好好賺，但逆景時，就幾大件事。

所以，這類股不是無前景，現價合理，但此股風險較高，唔建議大注。

西部水泥（2233）主要在中國陝西省從事水泥生產，以「堯柏」及「堯柏水泥」商標銷售，主要用於建設高速公路、橋樑、鐵路及道路等基建項目以及住宅樓宇。

業務不過不失，雖然都有d質素，但不算好強，產品價格自主能力不高，賺錢能力不算強。

比較吸引的是現價唔貴，但長遠對佢增長就唔好有太大期望，可以視為收息股。這類股唔建議太大注投資。

IGG（0799）業務上都有質素的，但卻是有風險的類別。

雖然佢財務數據不差，但業務本質的不確定性大，軟件及遊戲都是變他較大的行業，這種不確定性可以令企業好勁或好弱，因此你要明白這點。

佢股價上落大是正常的，如果你投資要明白這點，就算長遠企業價值向上，都要明白股價波動。這股不是無質素，現價算合理。但由於有風險，因此唔建議大注。

------------------------------------------------

Q21718：

龔sir，可否分析一下現在經濟狀況，是否偏向滯帳。

現在由於（1）疫情，資源生產受影響，（2）另加上多國量寬政治，引致資源價格大升，不只是大升，是創歷史新高。

但另一方面，經濟重啟亦受各地疫情影響，經濟停滯不前。通脹升溫，而經濟沒跟上，引致滯脹危機風險，現在是否很高。

以往，很少出現滯脹，但印象中，有一次，是所有資產價格會下跌包括股票，物業，債券。。。那時是現金為王。

可否聽聽龔sir你的看法。

龔成老師︰

各國係疫情期間，加大印銀紙速度，令市場預期通漲會進一步升溫。引至滯脹機會，係存在。

但我地係制定投資策略時，應集中在企業層面去作考慮。而唔係估會否出現滯脹，或者出現後，成個大市會點走向。

我地做架事，其實應該係偏向被動，而唔係去預估將來。只要市場出現變化，令價格調者至有利位置，我地就可以有策略地出手。

當然，宏觀經濟唔係完全唔理，但只會佔較少比重。較要留意，這類宏觀因素變化，會唔會影響到企業長線發展，咁就可以。

------------------------------------------------

Q21719：

龔sir你好，睇完思維篇之後，有幾題問題想請教老師

（1） 書中提及過辭職，我想問當時你同上司講辭職原因係咩？

（2） 書中提及進攻型思維，前提係都要有基本防守，我股票組合大約$30萬，當中大部分都係水桶2，想問咁算唔算防守？

（3）本身月供緊1177，2800，788，066，下個月將788變成供1211(如果唔貴的話)，算唔算增加進攻？可行嗎？

（4） 如果我強項及興趣在於股票/理財/投資/數學，應否全面集中提升這些技能既實力，還是都要發展其他技能？

（5）小弟幾鐘意數學，但數學能力其實可唔可以幫助理財/投資？

謝謝龔sir指導

龔成老師︰

1) 同佢講我想尋找其他發展，首先想休息下，之後再轉其他工作。（但其實，當時我已經寫緊書，已經建立了出面的副業，但無同上師講）。

2) 你現時26歲，係財富增值的黃金時期。而且你年輕，風險承受能力，理應較高。

水桶2，係要有，但大約佔組合一半好了。因為水桶2有增長力，但唔算最高，主要係幫你穏中求勝。

其餘部份，應投入水桶1股票，去做進攻。但我唔係要你盲力地加大比重，因為始終水桶1要求投資知識較多，風險也較大。

如果你經驗較淺，可以先小注，大約佔組合3成左右。此期間，你要努力學習，去提升自己投資知識水平。到你有一定知識和經驗，你可以投資到約5成比重。

3) 要睇你供款比例，水桶1(1177, 1211, 0788)和水桶2(2800, 0066)，應大約各佔一半，當然你視乎投資能力，去再作調整。

4) 我建議你先集中係自己強項，但唔代表其他唔理。就好似我自己，投資商業/股票較強，所以會先集中這部份。

但同時間，我都會學習其他地方，令擴闊自己知識之餘，都看看其他地方，有無發展機會。

5) 坦白講，係有D幫助，但唔會好大。除非係會計方面，個幫助就會較直接。

------------------------------------------------

Q21720：

龔成老師，近期股市調整令股票資產-30% 心理上有壓力，本人持有 9988，3690，1810，175，6690，2400

請問以上是否有質素的股票？是否應該長期持有？現在應唔應該溝貨？感謝

龔成老師︰

你持有股票都係有質素，可以長線持有。你要明白，就算優質股都會有波動，唔好太受個買入價影響判斷，要從企業質素去諗，到底隻股票值唔值得長線持有。

但我發現，你持有的股票，都是近半年較熱門的類別，反映你在選股時，只跟著市場較多人投資、近期較多人談論的類別去選股，而這類股（近期熱門類），一般都已經炒起左，因此一般都貴。

如果你日後都以這方法投資，往後仍是好易買貴貨的情況出現。

但好彩的是，上述持股，不少都有質素的。

另外，我想你留意，以下幾個問題。

首先，你組合中除了海爾智家(6690)，全部都係潛力股。佢地雖然有增長潛力，同時風險都較高，不宜持有過多。

特別係心動公司(2400)、美團(3690)這類不確定性高的公司，投資時不可以佔組合太高比重。

就算你現時好年青，風險承受力較高，潛力股都最多都只可以佔約5成，餘下應投資平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。

對於你想再加注，我就唔建議。

因為本身你組合已經風險偏高，就算再平，暫時都唔建議加注在這些潛力股。到你組合開始大，個比例回復正常，你才考慮是否加注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

農曆新年將至，講求大吉大利，不少人買年桔應節。除了少部分有機農夫栽種有機四季桔外，市面上大部份四季桔、朱砂桔、柑桔等，都早已移師在內地種植。「現在本地栽種年桔的，只有三四個農夫。我是其中最大型，也是種得最多的一位，在本地我只種龍膽桔。」強記花園老闆李永強自信地說。
強哥可說是本地農業的奇葩。八十年代初，當許多本地農夫陸續退休或北上耕作時，仍是中學生的他已決定投身農業。「明知自己不是讀書材料，倒不如看清自己的興趣。我小學已喜歡種花，加上八十年代鮮花很吃香；香港政府發展農地，本地年花年桔一定有市場。」目標明確，就勇往直前。租農地種年花，又着手研究年桔的品種和方法。
「年桔以四季桔產量最多和大眾化，但它需要人手去扎實，有些生意人不喜歡綁手綁腳。相對來說，龍膽桔比較珍貴，一盆10吋的四季桔三百多元有交易，同樣大小的龍膽桔就要八百多元。」強哥解釋，所以他寧可專注於龍膽桔，要栽種龍膽桔，有特定的方法，動輒用上三年。第一年需要栽種檸檬樹，一年後待它長大，就取龍膽桔的枝做嫁接，待它開花結果又一年，所以有收成是第三年的事。
強哥也不例外，1983年第一次栽種龍膽桔，1985年正待收成時，「豈料就遇上重大挫折。」強哥回憶道。「當年正好碰上厄爾尼諾年，農曆年12月連續下了兩星期雨，桔怕雨水，連續下三天雨就像笑口棗爆開。」當時他種了二三百盆十吋大的，「以當年的技術，每盆可種出五十顆。眼看它們一顆顆爛掉，我沒有灰心，不停去上海街找防水膠紙，但當時最闊的都只得兩咪(英里)。」買回來後，他就冒雨做出雨傘來為龍膽桔擋雨。結果，當其他人的龍膽桔被雨水催殘到每棵只剩三四顆時，他每盆仍有十來個倖存。「很幸運，全數都以正價給掃光。」
自此他在業界漸露頭角，奠定了事業的基礎。或許因此，強哥對龍膽桔投入百分之二百的心血。「第一年出品就給我遇上惡劣的天氣，反而啟發了我，如果要在這行業發展，就要想辦法防範雨水侵害。」經幾努力，他發現原來以色列廠商會製作大型的防水膠布，當中可加入拉力料。他聯想到強韌的米袋，就以此再三與廠商商討，度身訂造。發展至今，再利用水喉通、槽鐵來去固定膠紙。
除了防患未然，平日照料亦無微不至。「作為一個農夫，開工不見太陽，收工時見月亮。」強哥笑說。單是淋水，所用的水，淋水次數和方法亦有講究。「這兒用全天然的大帽山水，大帽山正正有花崗岩石，令水流含有大量微量元素，得天獨厚。」日常除了澆水灌溉泥土和根部外，在盛夏亦要在晚上為葉面保濕。「因為用了膠膜作雨水棚，晚上的霧氣下不來，日落後就要再向葉子和果實澆水。」原理就跟女士敷sleeping mask一樣。灌溉時，用感覺用眼睛控制水量，「適當時候就要立即收手，所以必須用人手灌溉，以這兒3,000盆桔計，大約花近一小時。」
至於所用的農藥和肥料，因應十多年前出現的紅火蟻事件而作出改變。「五分一的客人都問我，強哥，你這些年桔可以食用嗎？令我反思是否應該作出改變。」自此他用有機肥料，農藥方面盡量用植物農藥。「植物農藥即是可以用於人身上的藥物，我可以在你面前摘一個來吃。」他在家亦醃好龍膽桔，下麥芽糖沖泡來喝。「我以良心做事，不需要欺瞞。」
做好農夫，除了平日作出努力，面對颱風時，更要一夫當關守護龍膽桔。「以颱風山竹為例，在林村這兒形成像鑊形單車場般的旋風。」強哥難忘當年嚴陣以待，為防觸電或給雜物擊倒，半夜穿雨衣、水靴、頭盔不停去巡視。「要搬好年桔，倒地的要迅速扶起，因為一倒地15分鐘內那盆桔就會受細菌感染。」結果他足足走了12小時共四萬步，兩隻腳趾公都脫甲。「以前曾有同行給一些鋅鐵斬中額頭，縫了二十多針。這警惕了我，要對家庭負責任，不要令他們擔心，所以必須做足安全措施，才去拯救我的心血。」
環顧桔場，五萬多呎的地方內，是三千多盆茁壯成長的龍膽桔。這些都是強哥的心血，出身優秀。「要看一棵龍膽桔好不好，有數點要留意。」強哥教路：
1、 有新的枝葉長出，如果本身不強壯，就長不出來。
2、 最好帶青色，代表它年輕力壯，仍未達最成熟的時候，待買回去在室內才漸轉金黃。
3、 葉子呈輕微的弧度，少於10度；如果葉子向上捲起的幅度大，就代表缺水或不健康。
4、 輕力握一下，桔子宜硬實硬手；如果按下去腍巴巴而無回彈，即欠缺生命力。
回顧過去，強哥種桔種出自己一片天，秘訣只得一個，「做甚麼也好，最重要是專注。」強哥看着飽滿的龍膽桔堅定地說。

強記花園
地址：大埔林村麻布尾村村口
電話：9386 5946
營業時間：6am-12mn

採訪：關廣恩 攝影：陳木

#本地農夫 #賀年 #新年 #年桔 #有機

更多土炮好片：
柴灣40年古法叉燒 新桂香燒臘
https://youtu.be/zx_wqdZJEbQ

旺角中式老餅家 鎮店之寶雞仔餅
https://youtu.be/dIxQeKU_ROw

水滾茶靚 港式點心 歎一盅兩件
https://youtu.be/eK8bjW4RIvE

==============================
土炮好片，馬上訂閱YouTube： http://bit.ly/2H7BpYW
==============================
如有各區好人好事、小店情味故事、本地攝影作品、社區有趣大小事等等，歡迎Inbox土炮報料，有機會在專頁上刊登！

足本食譜： https://bit.ly/30n0l6v


還記得20多年前，姪女秀雯曾借了公司在大嶼山的度假屋給我，邀請了麥家多人去度周末。度假屋很大，除了有多間房間夠10多人住，還有大花園。花園面積約一萬呎，有一個足夠10幾人用的燒烤爐。三日兩夜的食物由我來安排，大家很喜歡燒烤，於是預備足夠食材做兩次BBQ。買了豬肉做叉燒和豬扒、排骨做燒排骨、大蝦、鱈魚、腸仔、金針菇等，尤其是牛仔骨，買了許多，用韓國方式來醃製。當年用來醃牛仔骨的有生抽、糖、味醂、韓國梨汁和麻油，兄弟子姪們都很喜歡。

多年後的今天再買美國牛仔骨，將醃牛仔骨的方法改良，因為多年前看過廚師用洋葱、紅蘿蔔、芹菜、生抽及水來醃鯧魚件做煙燻鯧魚。用幾款蔬果加水磨成醬汁，隔渣，加入味醂、醬油、生抽和照燒汁等一起醃過夜，用平底鑊煎香兩面，再加入醃肉的醬汁煮一會兒，又有另一番味道。


美國雪藏牛仔骨：Mini Store，灣仔灣仔道39號，電話：2575 7616。

材料（2人分量）：
1.雪藏美國牛仔骨 400克，1公分厚
2.椰菜 半個，300克
3.白芝麻 2茶匙
4.紹酒 2茶匙
5.芥花籽油 3湯匙
6.生粉 1湯匙

醃牛仔骨材料：
1.葱白 4條，拍扁
2.蒜頭 2粒，切片
3.中國芫荽 2棵，只用梗及根，拍扁
4.紅蘿蔔 50克
5.大蒜 50克
6.韓國南水梨 1/4個
7.冰水 3/8量杯
8.日本味醂 40克
9.日本照燒汁 60克
10.大孖頭抽 15克
11.紹酒 1湯匙
12.喜馬拉雅山粉紅岩鹽 1/4茶匙
13.黃糖 1茶匙


做法：
1.牛仔骨融雪，融雪後沖洗，然後用毛巾索乾，每件1開2。
2.紅蘿蔔、大蒜及梨切大件，中國芫荽切4公分長，用打磨機，加入紅蘿蔔、大蒜、梨、冰水。高速打磨蔬果30秒至成醬汁，將蔬果汁倒過一個隔篩，盡量壓出所有汁。
3.牛仔骨放入鹽、糖、味醂、日本照燒汁、豉油、紹酒，攪勻。放入蔬果汁，攪勻。
4.放入葱、蒜頭，攪勻。牛仔骨放入雪櫃最少8小時，隔夜更好。
5.用日本刨將椰菜刨成幼絲，浸冰水，放入雪櫃直至用前的15分鐘才拿出。
6.上菜前15分鐘從雪櫃拿出椰菜絲，倒走冰水，用沙律去水盆將椰菜裏面的水飛出。
7.拿出牛仔骨，醬汁留半份來煮牛仔骨。牛仔骨兩面撒上少許生粉。
8.在一細平底鑊放入沖淨的白芝麻，小火炒白芝麻至金黃便立即拿出。
9.平底鑊放入3湯匙油，油熱時轉大火，放入牛仔骨，每一面煎1分15秒。灒酒一茶匙，倒去油，放入半份醃牛仔骨的醬汁，中火煮汁至差不多收乾，約20秒。
10.上碟，撒上芝麻，旁邊放上半份椰菜絲。
========================================
? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

相關影片:
【筲箕灣東大街】魚蛋河名店對決！名廚食評人實試 王林記魚蛋有水準 安利切腩似湯渣(飲食男女) (https://youtu.be/vYjGxQtbgxU)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【中環燒臘】78年燒臘老舖 十年前月蝕幾十萬瀕執笠 孫女上場改革延續三代 (飲食男女)(https://youtu.be/qN8b7v3pjrM)
【告別街舖】有人鬧＄100紅豆沙搵笨 有人排足個半鐘 車仔麵店老闆娘：「終於輪到我揀客！」（果籽）(https://youtu.be/ZRxuvymM7j4)
【窮茫青年2/4】五人迫爆300呎公屋 低薪青年嘆香港閹割夢想：「搬去劏房為有喊的角落」（果籽）(https://youtu.be/WOQdpMG11Z8)
【「猛鬼戲院」金茂坪】情侶放火自殺？睇戲有怪聲？金茂坪荒廢30年重建 觀塘友：鬼故源於山泥傾瀉（果籽）(https://youtu.be/nu03OL8jXzM)

#飲食男女 #StayHome #WithMe #跟我一樣 #宅在家 #大師姐食譜 #食譜

耶利哥是世界上最古老的城市，至少已有八千年之久。它的遺址在約旦河谷，在海平面以下，離今日以色列和約旦交界處不遠，在艾倫比橋的西邊，緊扼以色列人進入應許之地的門戶。耶利哥在《舊約‧聖經》佔很重要的地位，它是若蘇厄過約旦河後，第一個佔領之城。在《新約‧聖經》有關慈善的撒瑪利亞人的故事，《路加福音》( 10:25 -37)就是以此作為題材：「有一個人從耶路撒冷下來，到耶利哥去，遭遇了強盜…」此外，相傳耶穌在耶利哥的一個山上接受魔鬼的試探，所以亦有試探山(Mount Tempt)之稱。由於考古學者一度找不到這個古城的遺址，十九世紀的學者甚至懷疑《聖經》提及耶利哥故事的真實性。十九世紀以後，考古學家不斷湧來，探尋這座古城遺址。1867-70年間，歐洲人沃倫率先在耶路撒冷及其周圍地區展開調查發掘工作，但一無所獲。二十世紀初，德國的沙林教授(Prof Ernst Sellin)和屈申格教授(Prof Karl Watzinger) 揭開了耶利哥城的發掘序幕。他們發掘出耶利哥城的裡外兩面城牆，相隔10-12尺，內牆有12尺厚，外牆則有6尺厚和25-30尺高。由於當時學者還未熟悉銅器時代的防禦設計，兩個考古學家不能確定整個防禦工事的運作。直至二十世紀中葉，耶利哥古城被兩位考古學者，英國的加斯唐(Prof John Garstang)和凱揚女士(Kathleen M Kenyon)，分別率領一支考古隊繼續發掘此一古城，揭示出從新石器時代直至《聖經‧約書亞記》第六章所描述的毀城時代為止的完整序列。原來耶利哥城比五千年前在幼發拉底河與底格裡斯河之間的閃族(Sumeria)城還早四千年！ 從耶利哥遺址豐富的文化層來看，可以推想過去在這裡曾怎樣的地方。最古老的耶利哥，是在前陶新石器文化層，這一層發現有直徑五米左右的圓形豎穴居室，和厚二米、高四米的石砌城牆。到陶新石器時代，繁盛一時的耶利哥城在耶穌前七千三百年左右突然沒落。在耶穌前四千五百年左右，這裡又重現人類活動的蹤影。居民已會製作陶器。到古青銅時代，即耶穌前三千年的青銅時代，這裡開始形成一座城市，居民用乾土砌的城牆，在地震和外敵的攻擊下，屢廢屢興，最終被阿摩利人的一把火燒掉。
廣義上的死海古卷，包括在死海沿岸陸續發現的古洞中所發掘出的文卷。狹義上的死海古卷，則就是我們通常所指的，在死海西北沿岸，昆蘭地區的一條乾涸的河岸旁十一個古洞中所發現的古卷。從1947年開始，有近四萬個書卷或書卷的碎片被找到。這些書卷大都儲存在瓦罐中，大部份是以希伯來文寫在羊皮上的，少數用亞蘭文（阿拉米語）寫成。據估計，古卷的成書時間約在西元前1到2世紀期間（從耶穌之前一百七十年到耶穌之前五十八年），古卷經過了兩千年後，大部分都已變成碎片，只有少數的書卷比較完整地保留下來。又經過專家們大約五十多年的努力，近五百卷書卷部分或全部的復原，其中保存最完整的是《以賽亞書》。從古卷的內容中，大部份學者認為其原收藏者，是當時附近昆蘭社區（Khirbet Qumran）的隱士派的猶太人。西元70年，如日中天的羅馬帝國佔領了耶路撒冷，放火燒毀了猶太的聖殿。在這種背景下，當時住在附近昆蘭社區的隱士派的猶太人，可能由於攜帶不便，或為了避免珍貴書卷的毀壞或遺失，將他們一大部分珍貴的藏書，收藏入洞穴，以便保留。
馬薩大Masada是猶太人的聖地，世界遺產之一。位於猶地亞沙漠與死海穀底交界處的一座岩石山頂，北距En Gedi約25公里。其東側懸崖高約450米，從山頂直下死海之濱；西側懸崖高約100米。山頂平整，呈便菱形，南北長約600米，東西寬約300米，周圍城牆長約1400米。通向馬薩達的自然道路都極為險峻，最主要的是東側的「蛇行路」（Snake Path）。西元72年，羅馬人調動了15000名士兵將這裡團團圍住。雖然馬薩達堡壘上只有區區1000多人，而且還有很多婦女兒童，但他們堡壘準備充分，山裡不缺吃喝，只要羅馬士兵攻上來，就會有巨石扔下來將人砸成肉泥。羅馬人毫無進展，圍困了孤城一年。次年，羅馬人想到了新的方法，驅趕成千上萬名猶太奴隸打造雲梯，通過巨型的雲梯直接登上城牆。馬薩達的勇士們面對同胞時猶豫了，他們不忍心用石頭砸自己人，眼看著雲梯一天天建成。當雲梯最後建成，馬薩達上的猶太人已經知道大勢已去。儘管如此，在頭像和死亡面前，他們選擇了後者。以下這段話是公元73年4月15日，反抗軍首領愛力阿沙爾說的一段話：“勇敢忠誠的朋友們！我們是最先起來反抗羅馬的猶太人，也是堅持到最後一刻的人。感謝上帝給了我們這個機會，當我們從容就義時，我們是自由人！為了讓我們的妻子不受蹂躪而死，讓我們的孩子不做奴隸，我們要把所有財物連同整個城堡一起燒毀。不過一樣東西要除外——那就是我們的糧食。它將告訴敵人，我們選擇死亡不是由於缺糧，而是自始至終，我們寧願為自由而死，不願做奴隸而生！” 因為猶太教裡不允許自殺。如果自殺，這個人上不了天堂，只能下地獄。於是，他們選擇了抽籤的方式。最後的960人，抽出了10個人，他們每個人負責殺死其他的人。人們在地上躺成一排，抽中簽的人要一個個殺死他們，殺完之後還要檢查是否真的殺死，沒有殺死還會補刀。餘下的10個人再進行抽籤，抽出最後一個人，然後再殺死其他9個人。當只剩下他自己後，他檢查是否所有人都死了，然後放火燒了宮殿，最後選擇自殺，他是那個“下地獄”的人。殺死敵人並不可怕，但是殺死身邊的戰友、老婆和孩子，是何等的勇氣。據說，最後僅有兩個大人和五個小孩躲在一處蓄水池裡得以倖免，也因此得知了羅馬破城前發生的故事。